福滿庭酒家 (已搬遷) 新店位置

今日全家10人， 諗住搵間茶樓一家人飲茶，終是就腳去左呢間。攞完飛等左半個鐘左右，門口侍應叫左我張飛，於是我地入。入到去上枱客剛埋完單準備走， 忽然有2個大媽坐左落黎， 之後我同佢講張枱我地，叫佢出去攞飛。佢竟然講張枱未埋單，佢繼續食，但事實係上枱已經埋左單所以叫我入去。之後兩個大媽（香港口音）面皮超厚咁講，埋左單一定要走既咩？之後賴死唔走， 最後部長叫我出去等下張， 基於一家有老有幼， 同部長投訴完再等， 等到下一張入去坐時，再見到頭先果2個大媽全程5人霸張大枱繼續嘆茶。明顯就係熟客唔駛排隊， 任佢坐。另： 食物也很麻麻。 無下次幫親

其實今日一早去拜祖先。拜完就去飲茶，雖然好普通，但其實我地屋企已經好幾年冇一齊飲茶。事關家母對外面嘅嘢食要求好好好好高，好多時候佢係拒絕外岀食飯的。不過今日都係是但就腳食福滿庭。就比大家參考一下。🍴即拉牛肉腸💬 腸粉好嫩，應該係真即拉嘅。而牛肉係牛肉球嘅牛肉。不過牛肉味就不重。普通正常水平整體/意見:🌟🌟🌟🍴米皇拉腸粉💬 其實係齋腸粉，家母身體抱恙，所以成碟都係佢嘅咁濟，因為太清淡了。不過幾有米味。整體/意見:🌟🌟🌟🍴紅油抄手💬 不是紅油抄手的味道。就是雲吞加辣XO 醬。整體/意見:🌟🌟🌟💬 其他叫嘅都係酒樓會點嘅嘢食，整體黎講味道算不上中上，就是那種普普通通的，我諗啲人食嘅都唔係嘢食，係一齊聚下嘅長氣吹長水姐。不過不得不提，佢個灌湯餃真係好難食，料冇都算，死咸加螢光蟹柳... ...真係幾難食... 真的不了。仲有叉燒腸啲叉燒好好好唔新鮮。可能係假期，等入座好耐，等嘢食更耐。可能太耐冇等嘢食等得咁耐，所以真係等得幾辛苦.....不過飲茶係咁架啦/....\最重要嘅都係一家人一齊食嘛。最後成餐茶，家母只吃了齋腸粉，然後對其他嘢食非常不屑。好難服侍。

本人早4天前訂位(9位)2月9日晚上7:30家人團年.  到9號, 家人早在6:50等, 酒樓知客說下一張是我們的.  我們繼續等, 是有很多人出來的, 但都未到我們.  我們等到大約8:00, 明明有一張10人枱.  知客竟然給了他們的熟客!  於是我們與知客理論: 為什麼先給熟客?  之前又話下一張是我們, 熟客出聲就給熟客?  知客答這張是16人枱, 我們看那可坐到16人!  最後我們離開去了.

平安夜慶祝完，第二朝當然要陪下屋企人啦，訓到大約十一點，一家人落街食飲茶，呢間酒樓平時都有食開，大約等左半個鐘先有位，今次真係要推介下佢地既粉果，係我食咁耐粉果最皮薄既一次，直頭可以見到裏面既馅料，食落去都非常足料,底讚!，雖然等位所等左成半個鐘，但都算物有所值，仲有佢地有個炸兩，都真係幾好食，同埋樓面既股務都算係唔錯，咁忙都仲會記得幫我地加水，有機會既話都會試下晚市，睇下keep唔唔到飲茶既水準，

飯菜ok, 地方企理衛生，價錢算公道。點解要嘈？有熟客就嘈？黎食個夜晚飯，諗住有餐安好茶飯。點知由樓面、部長、廚房、經理，圍埋一齊同個客傾計，買手袋買野，講張poster 後生唔後生。客嘈，無辦法，但點解自己做員工都要帶頭大聲傾計？高聲大笑？講野無罪，傾計有理。唔係旺場時間傾下 social 下好正常。但唔好由人地坐低果刻傾到上兩個菜不停車輪轉咁喺隔離張台講，都算。仲要喉嚨裝喇叭，大叫大笑買手袋。可唔可以尊重下其他食客。嘈到要人鬧至肯散。其他客都係人。

間野超旺等左好耐先有位真是等到頸都長埋都係叫果d 例牌點心棉花雞: 正正常常叉燒酥 : 大件又香脆鹹菜豬肚 : 偏咸豬肚少菜苗餃 : 正正常常腐皮卷 : 香脆鹹水角 : 正正常常

一般做節食飯，我同屋企人都鍾意提早唔會正日食，一嚟要就屋企人時間，二嚟我哋鍾意出街食，如果唔提早食就要食套餐，舊年試過遲咗少少，接近正日食就中伏了!今年揀咗花都廣場新開嘅茶樓，屋企人8點落去等位等咗3個字，但媽咪話其實係有枱但未有人手執枱。茶樓裝修都唔錯，有一排排仿水晶燈飾，成個場光線充足，座位闊落。好怕有d茶樓黑媽媽，d枱細又放到密麻麻。下面兩張相係我哋食到人哋走晒嘅時候影架，哈哈哈!菜式選擇都幾多，有好多孖寶推介，每晚亦有特價海鮮，價錢可以接受，份量都幾大，算係抵食!l睇返openrice，5月到而家只係短短幾個月都已經換過menu，都幾識做生意，keep住有新嘢先吸引到客架嘛!海南文昌雞唔知係咪正宗，隻雞係似文昌雞嘅偏瘦唔肥，不過好似唔太熱，唔知係咪凍食?配咗d醬油，白醋同青檸，味道都ok!鐵板客家煎釀豆腐哥哥由細到大都鍾意食豆腐，所以佢一見到呢個餸就心心眼！呢個餸係大陸好普遍，因為我係大陸做嘢間唔中會出去食飯都有叫，香港嘅價錢真係有d貴要成舊水，好彩佢收貴都比咁大件豆腐你。豆腐都夠滑溜，但豆味唔算濃，有d比個汁蓋過，姪女竟然鍾意食上面嘅蔥花!瑤柱海味雜菜煲份量又係好大都幾足料，

每年來和合石掃墓, 通常都會同太座家的兄長家庭一齊午餐飲茶而最就近的屋苑亦沒什麼大酒樓可供選擇, 不是A就是B! 再唔係就係附近快餐店, 而呢個位置嘅酒樓都食咗幾年了, 而新派中小型海鮮酒樓通常兩至三年都轉一次名,唔知老闆有無轉到? 但其實賣嘅嘢沒有改變, 價位一般改名後漲價10%都似係正常啩, 服務一般改善不了, 唔變差都已經係好好了, 而今年到來已經是新名字新裝修, 這店門口要排隊輪侯都是預咗的了, 當日等了二十分鐘左右吧, 這裡的酒樓週末生意比市區的好做, 因為附近全是住宅區, 而大部份家庭週日飲茶亦好普遍, 僧多粥少嘅情況下這些位處偏遠的酒樓都可以其門如市, “服務”在這種酒樓係奢侈品, 所以談不上什麼服務質素了, 內部空間亦相當有限因為排枱排得很密, 點心質素一般, 沒有什麼是印象深刻的, 炒粉麵飯反而有點鑊氣個賣相見得下人嘅酒樓炒粉麵飯樣, 味道亦似返D樣, 總體屬於無選擇之下才會來的食肆之一, 但自已盡可能就不來了

第一次去時，接代員優先給位予友人及熟客。第二次去時，3個大人加1個嬰兒，接代員表示若不欲搭枱，需收的4位茶價。兩次態度皆極為惡劣！無理的對代，無理的收費。若非是屋苑內的獨家酒家，絕不會再光顧。

和屋企人到粉嶺見到酒樓裝修清雅，入內一試，果然有水準，點心現場製造，夠新鮮，味道好，蝦餃超水準，叉燒酥很鬆化，春卷很有特色，價錢大眾化，值得推介。燒味現場製作，燒鵝好好味，還有特價燒乳鴿。午餐很多人要等位，大約等了二十分鐘，絕對值得過了一星期又心思思和家人去是晚餐，酒樓門口擠滿人，經樓面介紹我們叫了幾個特色小菜，出品超乎想像的好夠鑊氣，用料新鮮，菜色有心思，味道很好。我叫了一條魚，價錢大眾化，煮得很好，肉質鮮美。兩次嘅體驗都十分滿足，家庭朋友聚會十分推介。

今日搵在一間酒樓食晚飯同屋企人聚一聚，呢間酒樓位於係花都入面，附近都係住宅多，因為地方唔係好大，所以我地都訂定枱，我地18:30到，去到個時已經Full 在一半，到在1900全場爆滿😦有好多套餐可以配搭，有小菜亦有海鮮👍🏻👍🏻酸酸甜甜又惹味，唔會太咸....d肉都好林，好味！乳豬好脆，仲要有雞脾添...lucky!!有濃烈黑椒味，但唔會好辣...

閑日同屋企人去飲茶，近近地諗住落屋企附近，咁啱華明大裝修，就落呢間啦去到十分鐘內有位，入到去客好滿，明顯請唔夠人，個個staff都好忙。坐低都未舖好台，等多陣先有呀叔黎舖台開茶。因為被安排左坐房仔冇乜人經過，見佢地忙就出房落點心紙，誰不知被呀叔躁底🌝態度真係差左啲食物黎講不過不失，屋苑酒樓水準算係咁。小籠包最好食，好多湯，但皮好薄好易穿腸粉就真心唔推薦，啲皮好厚粉，擺多兩擺唔好食乳鴿係幾抵，不過冇肉，算係咁啦