影片
更多
2017-10-03
919 瀏覽
一般做節食飯，我同屋企人都鍾意提早唔會正日食，一嚟要就屋企人時間，二嚟我哋鍾意出街食，如果唔提早食就要食套餐，舊年試過遲咗少少，接近正日食就中伏了!今年揀咗花都廣場新開嘅茶樓，屋企人8點落去等位等咗3個字，但媽咪話其實係有枱但未有人手執枱。茶樓裝修都唔錯，有一排排仿水晶燈飾，成個場光線充足，座位闊落。好怕有d茶樓黑媽媽，d枱細又放到密麻麻。下面兩張相係我哋食到人哋走晒嘅時候影架，哈哈哈!菜式選擇都幾多，有好多孖寶推介，每晚亦有特價海鮮，價錢可以接受，份量都幾大，算係抵食!l睇返openrice，5月到而家只係短短幾個月都已經換過menu，都幾識做生意，keep住有新嘢先吸引到客架嘛!海南文昌雞唔知係咪正宗，隻雞係似文昌雞嘅偏瘦唔肥，不過好似唔太熱，唔知係咪凍食?配咗d醬油，白醋同青檸，味道都ok!鐵板客家煎釀豆腐哥哥由細到大都鍾意食豆腐，所以佢一見到呢個餸就心心眼！呢個餸係大陸好普遍，因為我係大陸做嘢間唔中會出去食飯都有叫，香港嘅價錢真係有d貴要成舊水，好彩佢收貴都比咁大件豆腐你。豆腐都夠滑溜，但豆味唔算濃，有d比個汁蓋過，姪女竟然鍾意食上面嘅蔥花!瑤柱海味雜菜煲份量又係好大都幾足料，
今年揀咗花都廣場新開嘅茶樓，屋企人8點落去等位等咗3個字，但媽咪話其實係有枱但未有人手執枱。
茶樓裝修都唔錯，有一排排仿水晶燈飾，成個場光線充足，座位闊落。好怕有d茶樓黑媽媽，d枱細又放到密麻麻。
下面兩張相係我哋食到人哋走晒嘅時候影架，哈哈哈!
菜式選擇都幾多，有好多孖寶推介，每晚亦有特價海鮮，價錢可以接受，份量都幾大，算係抵食!l睇返openrice，5月到而家只係短短幾個月都已經換過menu，都幾識做生意，keep住有新嘢先吸引到客架嘛!
海南文昌雞唔知係咪正宗，隻雞係似文昌雞嘅偏瘦唔肥，不過好似唔太熱，唔知係咪凍食?配咗d醬油，白醋同青檸，味道都ok!
37 瀏覽
0 讚好
0 留言
鐵板客家煎釀豆腐
哥哥由細到大都鍾意食豆腐，所以佢一見到呢個餸就心心眼！呢個餸係大陸好普遍，
因為我係大陸做嘢間唔中會出去食飯都有叫，香港嘅價錢真係有d貴要成舊水，好彩佢收貴都比咁大件豆腐你。豆腐都夠滑溜，但豆味唔算濃，有d比個汁蓋過，姪女竟然鍾意食上面嘅蔥花!
35 瀏覽
0 讚好
0 留言
份量又係好大都幾足料，不過我成晚掛住拆蟹，冇乜點食過!屋企人話唔錯成鍋清咗!
25 瀏覽
0 讚好
0 留言
呢個真係不得了! 蟹唔算太大隻但非常新鮮，因為係肉蟹所以啖啖肉，連d蟹腳都有肉!一碟兩隻蟹食極都仲有，加上蟹糕係軟糕唔係橙色硬堀堀果種，係我蟹妹至愛!除咗蟹被我食晒之外，連d配料薑片同蔥一樣超好味，清晒!
26 瀏覽
0 讚好
0 留言
呢個係星期二晚嘅特價海鮮，88蚊有10隻海中蝦，超抵食!可以揀茄汁或者豉油皇，外殼煎得香脆沾滿豉油，平時d蝦通常係我剝完比姪仔食，今次佢搶住要自己剝，我教佢要lam埋個蝦殻d豉油先叫perfect!雖然係急凍蝦，但蝦肉厚身彈牙，不過始終都係入唔到味，差少少。
26 瀏覽
0 讚好
0 留言
成個鐵鍋滾住咁上枱，keep住熱辣辣!花菇大大粒炆得超入味，鵝掌個個都話炆得超腍，係我食果隻唔係，可能我拆完蟹先食所以凍咗。
25 瀏覽
0 讚好
0 留言
呢個甜品係送嘅，一個茶位送一件。桂花糕係姪女至愛，食完一件又一件。個人認為呢種用魚膠粉整嘅桂花桂係好食d嘅，入口QQ彈彈，陣陣桂花香味撲鼻，甜度適中。
29 瀏覽
0 讚好
0 留言
題外話/補充資料：
總括嚟講，價錢係比同區茶樓稍貴少少，但有返咁上下份量，茶樓又識做送甜品，算係唔錯，可以encore!
(以上食評乃用戶個人意見 , 並不代表OpenRice之觀點。)
張貼
