禪

營業中

休息中

ZEN by Tera充滿日式風情，主打和洋風日式美食。門面的紅彤彤紙燈籠，和木系主調，帶點點禪意，是朋友相聚的好去處。餐點除了多款精緻丼飯，還有名物刨冰，令人充滿幸福感! 日式照燒雞扒白咖喱烏冬 (108)烏冬帶嚼勁，掛滿濃厚日式咖喱，表面的白忌廉是柔滑的薯蓉，拌勻後醬汁醇厚，香而不辣，十分誘人。雞扒煎至金黃外脆，肉汁豐沛，烏冬吸收了咖喱的香氣，內有牛肉、香甜洋蔥絲，滑順的口感，讓人陶醉。 吉列大蝦配鰻魚半件丼飯 (148)脆卜卜的吉列大蝦，入口彈牙，燒鰻魚香噴噴，醬汁甘甜，大口咬下，鰻魚皮脆內軟滑，惹味之餘，細緻吸引。飯粒吸收鰻魚汁的甜香，令人回味。 楊枝甘露刨冰 (108)金黃色的刨冰十分巨型，疊成小山丘，加上椰漿及柚子鋪面，令人心心眼。先吃一口刨冰，口感輕盈柔滑，充滿芒果的蜜甜，啖啖柚子果肉、椰果及煙韌丸子，酸甜交雜，夏日的清涼感，讓人一口接一口。

見到依間新餐廳排行榜排第一，當然急不及待去試試啦。餐廳環境簡約日系色調，地方唔大，是晚坐滿食客，要等位，好生意到呢。美食日式風味，最吸引係這裡的刨冰，口味有多款選擇，選擇困難症又發作了。叫左抹茶刨冰，實在太出色，食完好有幸福感。晚餐二人前 $428前菜沙律沙律菜新鮮，配上柚子醋，甜酸開胃。明太子玉子燒玉子厚身口感鬆軟，味道香甜，配明太子醬的鹹香美味。吉列大蝦白咖喱烏冬大蝦四隻吉列香脆，炸粉唔厚，蝦肉彈牙，配日式蛋黃醬美味。而烏冬用上日本稻庭烏冬，口感軟滑彈牙，面層白色鮮忌廉混合薯泥，撈勻咖哩汁，惹味香甜好好味，又唔會好膩，讚！明太子蟹肉意粉意粉煙韌彈牙，明太子忌廉醬汁濃稠，意粉好掛汁，仲有絲絲蟹肉，食落啖啖滿足。百香果梳打 和 荔枝梳打梳打帶來清爽口感，甜度適中，正常發揮。抹茶刨冰 +$78賣相靚仔相當大碗，望見心心眼起。刨冰口感綿密細緻，入口即溶，抹茶醬汁濃稠，啖啖抹茶甘香，抹茶控必愛。仲有芝士奶蓋、紅豆和白玉丸子加持下，成就了今晚的ＭＶＰ，超鍾意。

🌟抹茶刨冰放工獎勵吓自己食個刨冰先🍧☺️睇中咗呢個抹茶刨冰上面嘅小丸子🍡🤣好鍾意佢煙煙韌韌有咬口♥︎中間仲有兩三粒小丸子加紅豆ꕤꕤꕤ唔會太甜，亦都唔會有綠茶苦澀嘅味道ッ🌟南蠻炸雞•鰻魚半件鰻魚𝓊𝓃ℯ𝓍𝓅ℯ𝒸𝓉ℯ𝒹𝓁𝓎 大件同有肉地｡^‿^｡炸雞都唔錯👍🏻🌟日式照燒雞扒白咖喱烏冬最鍾意就係食呢度嘅白咖喱烏冬，勁𝒞𝓇ℯ𝒶𝓂𝓎嘅甜咖喱配上煙煙韌韌嘅烏冬，令人食完再想返去食🤭🌟紫薯鮮奶紫薯味重而香，飲完仲暖笠笠♥︎♡♥︎叫每樣嘢嘅時候，職員都叫我哋等20分鐘，但其實好快嚟到👍🏻一個鐘唔駛就食完番屋企💨💨（*不是試食活動）🔖@zen_by_tera 📍禪 (沙田)沙田沙田正街18-19號新城市廣場一期1樓109號舖

呢間餐廳係沙田近期新開既餐廳，自己一直都想試，但無論午餐時間定係晚餐時間都好多人等，一直未有機會試。直到今日早左放工，6點就去到餐廳，竟然有位，就入去試下。打開餐牌，款款都好想試，小食、主食、飲品同甜品。最後試左佢既飲品、主食同甜品，食物出品唔錯，性錢唔貴，值得推介既餐廳。日本抺茶紅豆鮮奶（套餐加$12）起初都擔心飲完呢杯奶蓋會好飽，食唔到其它野，但飲落完唔會令你覺得「漏」，而且濃濃的茶味，唔會太甜日式豚肉見見蛋井 $118蛋味濃，撈埋個飯一齊食，增加了豚肉的層次白咖喱野菜烏冬 $138必試必試佢既白咖喱烏冬，因為我同朋友仔都唔係大食，怕食太多肉，食唔到甜品，所以就選左佢既野菜白咖喱烏冬，諗住野菜唔會有咩驚喜，但也是驚喜滿滿的，菜同烏冬分開上，可以自己選擇撈唔撈咖喱汁，而每款野菜食落都好新鮮鮮甜，有驚喜。抺茶紅豆窩夫$118呢個都係好好味，窩夫鬆脆，唔會食舊麵包咁。抺茶醬汁香濃，配上紅豆好夾，而且忌廉軟滑，隨自己喜愛加上合適份量。

餐廳位於新城市廣場一期, 禪是寺ᴛᴇʀᴀ旗下品牌, 是一間新開的日本菜, 環境帶日系簡約風, 顏色是採用木系設計與及大地色, 令人感覺溫暖舒適, 主打白咖啡烏冬及特式刨冰✨我們點了美國安格斯牛肉丼飯🐮 牛肉配料份量多, 安格斯牛肉肉質軟腍, 配上鹹香橘黃色的蛋黃, 均勻攪拌後米飯充分沾上滿滿醬汁, 非常開胃照燒雞扒白咖喱烏冬🍜 雞腿肉啖啖肉份量十足, 鹹鹹甜甜的醬汁, 人氣招牌白咖喱烏冬, 用上馬鈴薯泥及新鮮奶油冷打混合, 醇厚的咖哩更加入味、烏冬更香滑, 味道更有層次甜品抹茶刨冰🍧 賣相非常吸引, 抹茶味道濃郁, 口感綿密, 上層是芝士奶蓋, 內有紅豆及白玉, 入口茶香滿溢, 抹茶控的朋友不要錯過, 必食推介😍飲品葡萄梳打🍇 甜度適中、帶酸酸甜甜, 十分清爽日式抹茶鮮奶🍵 抹茶味較濃, 香順細滑、香而不澀, 味道不錯這間ᴄᴀғᴇ是寵物友善餐廳, 毛小孩都可以舒舒服服陪主人享用美食, 餐廳店員服務態度親切有禮, 非常細心, 對毛小孩亦很有愛心, 非常推介的一間ᴄᴀғᴇ💕

同男朋友喺呢度堂食咗個晚餐 味道令人相當失望見佢新開同埋評價幾好所以先想試下完全被人over rated.無叫到佢最出名嘅白咖喱我地叫咗一個南蠻炸雞併鰻魚丼、安格斯牛肉月見飯個南蠻炸雞啲粉厚到阿媽都唔認得都唔知係食炸粉定食雞雞肉又無咩雞味 鰻魚好鹹好普通至於個安格斯牛肉月見飯懷疑係漏咗單 等咗半個鐘都未出餐終於等到個餐點知啲牛肉得個鹹字 一啲肉味都無肉質又好老 如果唔係因為佢薄切我諗我呑唔到.環境擠迫、食物質素差、出餐時間耐但係食物價錢唔平真心唔會再嚟

今天與朋友相約在沙田，又想吃日本菜，於是到一間位於商場主打日式和洋風菜式的餐廳「Zen by Tera」品嚐是日午餐❗餐廳座位寬敞舒適，裝修精美，以日式木系為主調，店員殷離有禮。我們一行二人惠顧了2個午市套餐：吉列豬鞍白咖喱烏冬 $178這道吉列豬鞍白咖喱烏冬的烏冬的口感滑順，搭配濃郁的白咖喱醬汁，香氣四溢。吉列豬鞍外脆內嫩，增添了層次感。自家製番茄烏冬 $88這道自家製番茄烏冬清新爽口，番茄醬汁酸甜適中。烏冬的彈性恰到好處，與番茄的鮮香相互交融。美國牛小排 $48美國牛小排肉質鮮嫩，油花分佈均勻，烤制得恰到好處。每一口都可以感受到肉汁的豐富，搭配簡單的調味。Cappuccino 泡沫咖啡 跟餐Cappuccino泡沫細膩，咖啡香氣濃郁，搭配微微的奶香，讓人心情愉悅。迷你開心果紅燊窩夫 +$48這道迷你開心果紅燊窩夫外酥內軟，開心果的香脆口感與鬆餅的柔軟形成了美妙的對比，而且手搭配紅燊的甜蜜。

🗝️ 法國藍帶廚師主理日式餐廳💰人均 $150`✦ˑ ִֶ 𓂃⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹之前同朋友去食過大圍圍方嘅Zen by tera，一間禪系裝修嘅日式餐廳，環境優美、恬靜。由法國藍帶廚師主理🇫🇷，食物質素有保證。近日沙田都開咗間分店，喺附近返工嘅我當然要帶同事去試吓啦同大圍分店唔同，大圍分店主打嘅係疏乎厘pancake，而呢度主打嘅係日式刨冰同埋白咖喱烏冬～🕊️吉列大蝦白咖喱烏冬 $122白咖喱烏冬喺呢度嘅主打， lunch set都有得揀，呢個價錢包含前菜飲品同埋主食，都幾抵㗎。原來白咖喱即係薯蓉撈咖喱，配合烏冬都幾飽肚㗎。四隻炸蝦都非常大隻同埋好鮮脆🕊️五花豚肉月見蛋丼 $118好好味嘅五花豚肉配上月見蛋，香甜嘅照燒汁混合蛋漿送飯非常之開胃，份量唔會太多啱晒細食嘅我🕊️南蠻炸雞丼 $124香脆嘅南蠻炸雞點mayonnaise 真係最佳配搭，肉質都非常鮮嫩🕊️百香果梳打 +$6、凍朱古力 +$4飲品又好睇又好飲，lunch set已經包咗$42以下嘅嘢飲，特別嘅飲品只需要補差價🍧迷你抹茶刨冰 +$48抹茶刨冰冰非常有驚喜，果然係呢度主打嘅甜品，推介大家必叫抹茶

🇯🇵之前食過TERA, 知道沙田新城市廣場開左新分店，位置係city super 樓下，主打日式白咖喱烏冬、刨冰，裝修延續TERA日系裝修，簡潔舒適假日都有下午茶套餐，性價比更高，我地叫左兩個下午茶餐，隨餐附味噌湯/$42以下餐飲。🍜照燒雞扒白咖喱烏冬 $88餐廳主打白咖喱烏冬當然要試試！看起來白色嘅烏冬，其實烏冬面層嘅慕絲係薯泥鮮忌廉，薯泥加入新鮮鮮忌廉，比一般薯蓉更細滑。薯泥底下係日式咖喱和稻座烏冬，將烏冬跟上面的薯泥和咖喱混在一起進食，咖喱香味濃郁，薯泥令烏冬口感更有層次，整個配搭新鮮又絕配！照燒雞扒面塗上濃香照燒汁，雞扒嫩滑。☕️豆腐花咖啡 +$6咖啡內真係有一大塊滑嫩嘅豆腐花，豆花香配上咖啡，味道不錯🍧抹茶刨冰 $108刨冰用上日本十大名水白川水源，配搭極上抹茶醬。刨冰頂層加上芝士奶蓋和白玉，內層有綿綿嘅紅豆同煙韌嘅白玉。刨冰口感綿密，甜度天然唔係糖漿死甜感覺，最近天氣仲係咁炎熱食真係好爽好舒服🍵日式抹茶鮮奶 +$10漸變嘅抹茶鮮奶好靚，對比抹茶刨冰，抹茶味如果可以更香濃就更好🧇白桃伯爵茶窩夫 $108窩夫口感鬆軟，伯爵茶奶蓋香濃，加上清甜白桃，味道不怕甜甜膩。特別喜歡伴碟的c

見沙田新開咗間日式和風fusion餐廳，各大平台嘅評論普遍都非常正面，就滿懷期待特登去試下😀點知希望愈大失望愈大，感覺一般🥺份量亦都適合非常輕食既朋友😉🍜日式燒雞扒忌廉咖喱烏冬 $108 （😺😺😺)個忌廉咖喱雖然幾濃郁，但烏冬質感太厚，撈埋食反而覺得似食緊麵粉，有少少蓋過咗個咖喱味🥺份量亦都較精緻，幾啖就食完😗個雞扒就普普通通，用咗燒烤汁同黑椒調味，係成個菜裡面唯一可取😀🍚美國安格斯牛肉月見蛋 $138 (😺😺)望落賣相唔錯，討論度亦都最高。但食落啲牛肉冇汁又冇牛香，淡而無味，口感似煮至乾身嘅牛肉片，肉質唔靚，份量都較少😗不過值得讚既係熱度十足😀值得一提既係見到好多人叫刨冰，賣相望落好IGable☺️遲下想再翻炒嘅話，試完再話比大家知係點🫶🏻服務：😸😸😸😸環境：😸😸😸回頭：😸😸打卡指數：😸😸😸整體評分：😸😸😸價：～$130/per person📍 禪 (沙田)沙田沙田正街18-19號新城市廣場一期1樓109號舖

沙田新城市廣場又開新餐廳啦，集合日式風味和創新的菜式，吸引了眾多食客，我便是其中一位了。芝士年糕外層微脆，內裡則是Q彈的年糕，再有濃郁的芝士在其中，口感層次分明，令人滿足。明太子玉子燒玉子燒的柔滑與明太子的鹹香完美結合，口感濃厚鮮味，讓人一口接一口，回味無窮。南蠻炸雞白咖喱烏冬炸雞外脆內嫩，搭配奶香濃郁的白咖喱醬，烏冬吸收了咖喱的精華，口感滑順，讓人感受到傳統日式的體驗。提拉米蘇刨冰刨冰細膩，入口即化，融入了提拉米蘇風味，甜而不膩，帶來清新的口感，內裡還有布朗尼同咖啡啫喱，令口感更有層次，啖啖濃郁甜美，讓人感受到夏日的涼爽與甜蜜。

好耐無入沙田好多食肆又轉咗見到一間日式cafe 個烏冬咁特別就入去試下我地叫左白咖哩烏冬配雞同豬鞍白咖哩係一個以日式咖哩配上上面一層白忌廉薯蓉撈烏冬味道都唔錯，烏冬都彈口唯獨是二款配菜就麻麻咖啡都幾好飲

伏1: 職員入單混亂伏2: 出菜超慢伏3: 個$538 2人餐差唔多個個item要另外加錢伏4: 味道超麻完全唔值呢個價整體感覺超差無下次埋單已即時同負責人反映佢亦無奈接受事實

禪餐廳以其獨特的日式裝修在沙田新開張，菜式吸引了不少食客。這裡的烏冬、意大利粉、冰🧊品和窩夫都值得一試📍禪 (沙田)沙田沙田正街18-19號新城市廣場一期1樓109號舖烏冬的口感滑順，加埋咖哩同忌廉湯底濃郁，讓整碗湯麵充滿了層次感，每一口都大滿足仲有意大粉 配埋新蝦 ，好彈牙又飽肚窩夫外脆內軟，搭配新鮮水果和香滑的奶油，每一口都帶來幸福的滋味，讓人忍不住想再來一份。冰品好靚可惜黎m下次試見到唔小人都叫黎試，個樣都好日式 在香港好少見到有

早幾日行開 #沙田新城市廣場 ，見到新開咗間日式餐廳 《 Zen by TERA 》，正值中午時分，好多人排隊。餐廳主打日式白咖哩、丼飯、刨冰等仲增添咗日式白咖喱烏冬、刨冰等，決定入去食個lunch 😋😋。而佢地餐廳係由法國藍帶廚師主理👍🏻，見到佢哋嘅午市套餐都好抵食，可以自由配搭定食💗。LUNCH SET《大盛自配定食》1️⃣）🍚岩手縣珍珠米 $68+🥩美國安格斯牛肉 $38+🐖頂級豚五花 $32岩手縣既珍珠米每粒都係晶凝通透，口感一流👍🏻，而安格斯牛肉牛味香濃，肉質鮮嫩，每一塊都煮到恰到好處👍🏻，好好味😋。而豚五花都冇令我失望，肉質爽口，味道一流🧡2️⃣）🍜白咖喱烏冬 $88+🍗南蠻炸雞3件 $24烏冬超級彈牙，再配埋佢地獨有既白咖喱汁，而白咖哩係由細滑既薯蓉同日式咖喱組成，口感一流，味道好creamy 😋。炸雞香脆嫩滑，超級鬆脆💗🥗沙律 酸酸甜甜沙律菜，非常開胃☺️🍨抹茶刨冰抹茶味道超香濃，再配埋紅豆、白玉丸子作餡料，味道超級清新好味，又唔會好甜，超級推薦👍🏻👍🏻🧇白桃伯爵茶窩夫窩夫非常香脆可口，配埋我最鍾意嘅伯爵茶醬汁，再加埋白桃肉，個味道超級新鮮，好好味😋🧋飲品：荔枝梳打—清爽解渴荔枝