禮頓麵包快餐店 (已結業)

今朝好肚餓,所以去咗買包包食呀~呢間嘢朝朝都排晒長龍呀~今日就嚟排下啦~原本想食新鮮出爐既包~ 但係見到丹麥條就好想食~所以買咗嚟做早攴呀~呢度既包真係好好味呀~ 又軟喎~ yummy yummy～下次要試下佢吔新鮮做既蛋牛治先～　

大老細在這間公司做了30年,今朝請食早餐,回到公司同事己幫我取了吞拿魚包和熱奶茶.由於早上太飽,麵包留待下午才吃,下午吃時包還是很軟熟的.吞拿魚再配上蛋白,唔會似沙律醬咁油,小小的包入面的餡料出奇地多,小小一個包作為下午茶吃剛好呢??奶茶幾滑好有茶味,也沒有苦澀味,更不會淡而無味,這杯奶茶用來提醒真的不俗呢

包怪又出動!一向討厭法包的我, 抱著好奇的心情, 買一個硬豬包!!雖不是剛出爐,但依然暖手!咬下去,crust不像法包般厚,包面薄而脆,非常好! 包底卻un (可能是涼了的結果)整體很不錯, 如果遇上剛出爐更好!期待~

本來幾日前去左禮頓試左佢的椰撻($4)，不過又細個，又唔係啱啱出爐，所以都唔熱，感覺一般一般~~不過今日又要去cwb返工，由5點做到11點，所以點都要買返個包做宵夜頂頂肚~~4點半去禮頓買定雞尾包($3)，正常size，拎落都幾墜手，唔似甜麥麥果個咁輕飄飄~~直到11點放工，終於可以食野啦！囉返個包出o黎，冇點走樣，叮返熱佢，好香丫！好多同事都話聞到好香，連走廊果d都聞到食落都算幾多料，唔似甜麥麥果個食落似食緊空氣咁~~其實又唔係真係話非常好味，不過o係cwb都賣返正常的價錢，仲要d包都有一定質素，都真係算非常唔錯ga la！但衰左佢冇牌寫住有咩包同埋幾錢，有的就只係一盤盤的親鮮麵包，要問d職員先知有咩包同幾錢(有時會遮住左見唔到d包)，不過佢地都會好有禮貌咁答你ge

『沙翁』並不是主人與奴隸獸鍾情的食物。但當天途經此麵包店時，兩人同時被餅櫃內的糖圈（沙翁，HK$4.0）吸引著。砂糖均勻地分佈在包的表面，閃著銀光，金黃色的包身亦散發著誘人的光彩，『齋』看已經覺得好好味。買了一件來試試。包身非常軟熟，口感煙韌，味道確是好好，已經很久沒有遇見如此有水準的沙翁喇！

曾經有過一陣子--- 每朝早在此外賣一杯香濃奶茶，再任意挑選一款新鮮出爐之麵包，確實為當時枯燥的生活，平添生氣。嚴寒的冬天裏，獨個兒啖著暖烘烘的包點，雖然因擺放於膠袋內致扭曲變形，它們仍是香甜、可口。剛在鄰鋪吃了碗差勁之麵食，路過此店正好給我「消消氣」。鍾愛的餐肉包及雞批均已售罄，退而求次雞尾包也是不錯的選擇。並不算太新鮮，但饀料仍份量十足，甜但不過火，並沒加進太多發酵粉，咬下去欠缺人家一般的鬆化，惟口感更佳。就站着三兩下吃光，抹抹咀巴，才滿足地離去…

時代廣場轉角,車水馬龍,卻有間街坊風格的包店。舖面一半L形櫃賣包,另一半吉位,讓外賣的人客等候食物。未嘗外賣,先評包點。蛋糕仔:招牌之一,五點後多數售罄。正常size,六蚊十五粒。相當甜,又肥。所以一吃停不了口。蔥油:整個包下的都是蔥油。滿口生香。慘白的肥肉火腿粒,棄之不惜。菠蘿紅豆:正常酥皮,熱辣出爐豈有不好味之理。餡料少有地不太甜。猛火之下,仍有粒粒紅豆。墨西哥雞尾:鬆化的外皮,流動的香濃椰汁餡,咬下即一天一地。唯有小心翼翼,實在不忍浪費如斯美味。曲奇、紙包蛋、卷蛋:普通。蛋撻:見同事不是出爐也連吃兩個,應有水準。曾在附近做sales個多月,目擊全部麵包加價一蚊,午飯和tea break照樣幫襯。再貴,也不及東海堂。

我幫襯開禮頓道果間，以前在銅鑼灣返工日日都專登行遠少少黎呢道買早餐，為的就是麵包師傅從廚房取出一盤盤的熱辣辣的新鮮麵包。我的至愛就是腿蛋飽，配埋香濃奶茶，是我每日開工前必食的。依家轉左工，依然十分懷念這種早晨的美味呢！ps: 早上的食物應是最好的，因為之後weekend下午去d野都唔係好新鮮了。

聽人講佢好用好多油黎整包, 所以好肥。食過感覺都係gei, 有d膩, 但係真係幾好食。不過我推薦gei係方包。佢gei方包一磅7蚊, 白包軟綿綿, 好香包味, 面包表皮係脆gei(我買果時係下午4點幾, 應該唔係出爐時間)! 平日方包一磅8塊, 你可以叫佢開6或者4, 一磅4塊gei厚多士好好食!

$8 1個餐旦包...幾好~不過又唔係特別勁好食但皆因附近冇乜包店，所以不失為一個好選擇~

我之前一向在這樓上返工,我同d同事好多時都叫你度0既腿蛋包($8)做早餐(唔係腿蛋治喎),佢地係即刻整俾你架. d蛋好滑好厚,個包甜甜地,同火腿,蛋加埋就好襯好味,但就多油左d. 蛋糕仔都幾好食. 另外我個同事話鴛鴦都好飲,不過我無試過,但就覺得d奶茶唔好飲,太多奶.

前日一早出銅鑼灣做field survey，雖然o向屋企食左牛扒三文治同黑芝麻包，行過Matheson Street，忍唔住買個新鮮出爐食下... 我都係覺得呢種老式地道鋪頭o既包吸引過行過冇幾遠o既東x堂之流o既得個樣麵包~~ 呢度都好多人等全買包，買左隻雞尾包，一咬落去，雞凹包都可以係鬆軟ga wor~~ 裡面o既椰絲餡係半溶o既，流出黎咁滯，唔太甜，食完真係想再食多個!!