秀吉 (已結業)

跟學校團去了藝術館, 欣賞了一大堆畫作和藝術品後, 雙腳累得快要罷工本來想到星光大道的freshness burger吃漢堡, 咦..............倒閉了= ="快快到sogo的food count, 看到了這家的燒餅, 興趣甚大, 價錢算是各店中比較便宜就試一試吧。蛋奄列+燒餅套餐:蛋奄列內有炒麵, 是一般炒麵, 不過挺有家的感覺(嘻)　　　　　　　　　　 燒餅有蛋黃, 章魚等等, 我覺得像是章魚小丸子的餅型版,　　　　　　　　　　 同樣是口感有點糊的, 很濃的醬汁, 不過小丸子很大粒,　　　　　　　　　　 也太熱, 不方便進食, 燒餅我挺喜歡~配了茶~ 吃飽後喝口茶, 濃濃的醬汁味在口中慢慢沖走, 有點休閒的感覺呢(呵呵)

想填下個肚見秀吉擺出黎D相幾吸引我見佢又唔叫貴!就決定食個燒餅套餐B如果係食燒餅套餐A即係燒餅+炒麵 就$22 不同之處就係果隻蛋!燒餅 + 奄列炒麵 $24嘩同張真係唔係好同............包得好核突........亂黎!D麵飛晒出黎!影響食慾-0-個奄列果個蛋皮薄到呢.......又唔滑喎!完全對個炒麵起唔到D咩作用依2蚊我比得唔甘心-0-個炒麵佢一路炒就加左D甜豉油果D反而我覺得可以接受個麵!到燒餅啦!個燒餅好多粉-0-攪到我愈食愈滯!好在有番D椰菜粒係入面先好少少面頭個SAUCE咸左少少!D木魚絲好硬!唔識郁既........

豬豬女友食了關東煮仍餘勢未了, 叫多個薯餅先.!叫個南瓜味啦!行到埋去落柯打, 個牌話係7蚊, 但阿姐話因為今期係用北海道的瓜, 所以要8蚊, 咁都得?咁又唔改個牌? 佢嗡晒啦. 加快減慢, 油站咩....係即炸的.一上, 好熱, 勁油.皮脆但少許燶.內的南瓜係甜的, 估佢唔倒.但真的太油了... 個紙袋素油素到成個都透晒明...

趕著要看戲，就來吃個 quick dinner。要了燒餅+炒麵套餐，再加個吉士大判燒。行到店面，一女職員背著大家忙著，另一男職員就在整燒餅，我叫了幾聲都沒有人有時間理我。等了成分鐘那男職員才過來收錢，還要是完全木口木面。之後等了一會就有得食，看一看，怎麼沒有大判燒呢? 向男職員示意，他完全沒有反應﹗要再重覆兩次﹗他才拿了個大判燒給我。燒餅很不錯，個汁又惹味，但個炒麵就普通，麵質太實，奄列又無蛋味。至於套餐送的湯就如水一般，不喝也罷。最後是大判燒，一咬下去，怎麼是紅豆? 餅身都夠軟，其實 ok，不過我不喜歡吃紅豆﹗總之是很失望的一餐。

8/10(三) 1:45pm早上到上環客串後,趁有較多的空檔,獨個兒從容不迫用約半句鐘的時間到新港"大食代"午膳.巡視一眾食店後,敲定了"秀吉".點了套餐B:燒餅併奄列炒麵$28及加$4的紅豆大判燒.燒餅併奄列炒麵--燒餅確是富嚼頭,唯燒餅以粉居多;隱約嚐到椰菜絲及章魚粒;其惹味燒汁令燒餅生色不少!而奄列內的炒麵不夠乾身,還好麵質尚彈牙,洋蔥椰菜不甚了了;最觸礁乃其木魚湯,淡茶色的木魚湯跟白開水同樣乏味.紅豆大判燒--手拿大判燒,富餘溫,滿墜手的;輕按一下,餅身略帶彈性,也具硬度.繼而送口,蛋香不明顯;而紅豆蓉亦過甜,把豆香蓋過了,幸而豆質尚軟綿起沙.相比起尖東SOGO店,此店小勝一仗!

尖沙咀 SOGO 的 food court 比較細, 大多攤擋都是售賣日式食物為主, 當然亦有越南菜和pizza作選擇。秀吉在中間位置, 目光自然地投射過去, 其實跟西田的無異, 有大判燒、炸薯餅(眼見只剩下兩件)、燒餅、燒墨魚丸、奄列炒麵等等。大判燒外表可愛, 一排的放在烤模上, 七元一個, 就試試看吧。是夜買了兩種口味各一。吉士大判燒、紅豆大判燒：放在紙袋裡, 只感覺到一點點的微暖, 按一按, 質感好硬, 未放入口已經不是味兒了。果然, 皮好韌, 通了風, 外不脆內不軟至於餡料方面, 份量不足而且是凍的 custard 餡更杰了一舊, 口感實在差勁, 奶和蛋味亦不足。相比之下, 紅豆餡略勝一籌, 起碼入得口, 紅豆夠粉, 甜度都ok, 不過冷冰冰的同樣扣分。吃罷也擺了一個喊臉。外表夠吸引, 事實上味道卻不成正比沒下次了。

和親愛的去看萬世歌王因為時間很趕但又有點肚餓所以決定去鄰近的sogo food court買了一客的日式燒餅和炒麵, $22不太貴味道普通得很, 不過間唔中就想食過左口癮, 吃飽再趕上路去

去到food court，左揀右揀，最後揀了秀吉。要了$22 ge 燒餅炒面餐。有一個大燒餅同一pat 炒面。炒面味道不錯，炒得不算油不算膩，有椰菜同onion。還一些碎碎濕濕的豬肉片。燒餅大就係大，除咗食到有菜之外，就完全食唔出有咩料。有點像吃粉漿...餅上的燒汁酸酸甜甜咸咸，很惹味。整體味道一般，無驚喜，以後都係揀第二間好D~

每次去到sogo既foodcount望住d銅鑼燒都好想食~可能因為兒時百伯伴既叮噹餅機回憶吧!前幾日冇乜食到lunch,又去左行尖咀sogo,咪同antie一齊食少少野low~本來想食燒餅+炒麵套餐~望落去d相好吸引架~但係當見到係現成貨就唔想食喇~~揀左隔離一間食定食既小店,要左個日式炒烏東$22.再o係秀吉前面d座低~諗住等佢整新鮮既銅鑼燒~終於等到喇~要了一個紅豆,一個吉士.拎上手先知道紅豆o個個係剛整起的,而吉士o個個係擺o係爐上面興住的.問呀姐:乜呢個唔熱既?有冇新鮮架?呀姐就話都係新鮮架~幫你叮番熱囉~就一手1拎去叮20secs.我呆左陣~算啦~佢咁熱心~同antie一齊share兩款~先食紅豆~唔差~幾軟熟~紅豆有d甜,仍可接受,可能只因為剛整起.再食吉士~d麵粉已經硬左~唔知道係因為叮過龍,定唔新鮮呢?不過都係唔好食架喇~過甜....唉~真失望~唔知仲有邊度可以食到好味既銅鑼燒呢~?

欣賞它的牛肉並不是用肥牛,而且好入味,燒汁亦好味.

27/6(五) 8:30pm尾站--秀吉.雙眼只著眼於餐牌上,遐想著燒餅拼奄列炒麵這配搭應該不賴,再者價錢合理,$22,看似吃得過!開聲柯打後才如夢初醒;洞悉是現成貨,用微波爐翻叮,水準一葉知秋!燒餅甚厚身,一咬滿口皆粉,夾雜著尚富咬口的椰菜粒,與及新鮮活潑的木魚也是其加分位.至於奄列粗嚡得很,味道淡薄,平平無奇的醬料未能讓其起死回生!包裹的炒麵亦不見得彈牙,放涼了更見膩感!吃現成貨,何不到超市呢?真笨...真笨...

呢度既foodcourt算幾好環境，人唔多，乾淨企理。同一日試左秀吉、HANDY PIZZA同避風塘周記，三間之中唔推介唯一呢間，唔熱係好主要原因，唔知熱會唔會好食Ｄ。見佢整好晒擺ｏ係度已經覺得唔及其他食肆，食落一般。點知呢頭買完過HANDY PIZZA買多件PIZZA之後就發覺秀吉同一個揀緊既男人話「買一送一」==當時係晚上八點幾...又唔係搭正…> <

最近要加班,放工自己一個人於是試試這裡的foodcourt, 頗不錯,起碼很乾淨呢! 我最怕到那些很骯髒的食肆呢! 試了一麻辣關東煮,全部都係魚肉呢!當然是用不同的烹調方法啦!食多了也不怕胖呢!

除了食周記, 仲食埋秀吉.套餐C: 6分, 燒餅+ 炒麵+ 八爪魚丸, 一早整定, 一手俾錢, 一手交貨. 歷時十秒. 快過麥記年前的一分鐘承諾.燒餅普通, 大油益味. 炒麵仲油, 八爪魚丸較好. 但三樣都係唔夠熱.整體味道一般, 填肚還可.

食左咖喱薯餅及牛肉薯餅，＄７一個。牛肉薯餅好食，但係微暖既，所以扣分。點解唔推出咖喱牛肉薯餅既？我覺得會比淨牛肉ｏｒ淨咖喱吸引。認同下面兩位食家所講，好油呀！我覺得ａｐｍ果間好ｄ。