私房蔡 (已結業)

那天落大雨，諗住係公司附近求其搞掂，未試過私房蔡咪諗住試下囉，環境ok ge 符合私房菜的外表啦點知.....侍應態度差劣，叫左廿分鐘都無人落單，又無人回應，即刻拉隊走人！

很喜歡自己一個人周圍逛逛到邊吃到邊這次來到天后的私房菜蔡 吃頓午餐現在午餐做特價煲仔小菜仔要45蚊已包飲品中湯和煲仔菜 以現在物價騰飛的香港這個價錢可以吃到高質的小菜實不容易所以今次一定要寫一篇食評稱讚一下這間有心的私房蔡當日我點了支竹魚腩煲 煲仔上菜是還在冒煙 起泡 十分夠鑊氣 這一間還有另一個好處就是白飯可以任添 支竹非常入味吃得出前廚師的工架魚腩雖然是雪藏 炸得通透 在這個煲仔入面和醬汁溶入得非常出色吃完這一餐之後非常滿足 期待下次再光臨

見好耐無食小炒，所以今日黎呢間試下！聽聞呢間出名食煲仔飯，但好似晚市先有；中午就主打小炒蒸飯。午餐包湯同野飲，$50-$60一個set都可以😄今日order左個枝竹豆腐魚腩煲，成個煲仔上，幾有誠意；新鮮熱辣辣上檯，仲有吱吱聲，證明剛煮完上桌👍🏼目測完全睇唔到魚腩，俾枝竹豆腐黃芽白遮住晒，用筷子「了」幾下先見到一舊魚，再「了」先有另一舊，total得四舊，感覺有d少。整體味道唔錯，唔會太咸，枝竹吸左醬汁味，正！但主角魚腩就好一般，炸粉太厚，肉太少。埋單時，竟然平左$10，原先$58，折左$48。聽同事講好入坐所以有平！

天后一帶有好多小餐廳，今日同個日本同事食飯，佢話好耐冇食本地菜，所以要食呢間。老實講都唔係咩私房菜，午餐黎講係普通茶餐廳menu（晚餐未食過唔知）但勝在真係有碗正湯飲下 😋我估一定唔會冇味精，不過都幾清同幾甜。我最愛枝竹豆腐火腩飯😂 個豆腐好好味☺️ 菜都好林。雖然相中見唔到好多腩肉，但其實個底有好多！😋魚香茄子，係魚碎來的。汁好多，岩晒撈飯，但我就prefer佢多餸少汁😜 不過$51飲埋凍飲埋單ok la!小

私房蔡的煲仔套餐很好吃，很有特色，尤其是咖哩煲和大馬站煲，以前落單的時候姐姐會提醒咖哩會比較辣，的確是辣，但這個辣辣得過癮，我也愛叫咖哩吉列豬扒飯，豬扒炸得好好，配搭沙律醬和咖哩汁好好味！隔左一段時間無食，最近再試發現餐廳的班底都不同了，用餐體驗也跟以前有分別，首先必須有耐性等叫餐，待應都是特別有個性，態度令人感到不舒服，叫完以後還要等大半個鐘先有得食，雖然食物質素還好，但整體體驗還是失望及難受。

I have been coming to Choi's Kitchen for few years now... whether i bring a small group or large group,  it is never disappointing.  Chef Choi and his family run a family-style, HK specialty restaurant which gives their customers a warm and cozy feeling inside.  They pride themselves in serving the freshest seafood and made-to-order dishes.  One of the things I was most impressed with is that they do not serve certain dishes if they felt the ingredients are not good enough.  An example is their

我是第一次光顧這家店，但非常失望！早前幾天已訂下14人的檯，一心給我的韓國朋友介紹一下香港的煲仔飯風味，訂台時老闆不知有多熱情，還再三保證不會令我失望。當天到了，第一個給我們的名菜是 “黑口黑面”， 態度實在令人反感！點了菜，她說煲仔飯要等一個到個半鐘，還說有很多外賣要做，要吃煲仔飯就要等！沒法，誰叫我訂檯時沒有詳細問清楚。小菜來了一個，吃完，等起碼20分鐘，再來另一個，吃完後，再等20分鐘，再來另一個。。。。！說到味道份量等等，我相信隨便一家茶餐廳的套餐都給他們的好，煲仔飯的水準，也不是食評中說的那樣，反正，我這個不會弄菜的人在家里弄煲仔飯相信也給她們的好食。一煲要百多元的煲仔飯，但得到的是這樣的水準和服務態度，非常失望！以後不敢恭維。

為咗煲仔飯可以去到幾盡, 本身6點去到諗住入去食占早飯, 點知老闆娘話煲仔飯師傅今晚要遲D先返~叫我地7:30PM再嚟啦, 咁為有行吓街先再去啦~ 再去既時候已經開始人多, 但師傅仲未到餓到肚扁晒，叫住隻乳鴿嚟食吓先，佢好似返咗非洲咁，但好咗佢又好多肉汁唔會乾晒，仲叫埋佢招牌咕嚕肉，同之前一樣咁好味，味道夠又唔會冇味！重頭戲就係白鱔煲仔飯加條潤腸，雖然要等，但真係值得，老闆娘提醒我地唔好將豉油倒落去咁樣會令到d飯焦唔好食。鱔夠脆口，又夠肥美，潤腸都好香但過淋，冬菇吸晒d精華，仲要浸透晒，飯焦真係好靚冇燶底

今日又去左私房蔡食lunch，最鐘意佢地既例湯，今日係西洋菜南北杏豬骨湯，每次佢地既湯都好足料，冇味精，岩哂d唔係成日有湯水飲既打工仔！同事叫左排骨蒸飯share一齊食，一大堆菜芯蓋住好多排骨，好足料好抵食。排骨好淋好入味，加埋d鼓油撈飯真係一流。我就叫左鮮茄斑腩飯，茶餐廳有鑊氣質素，d斑腩唔會得嚿粉，有魚肉，炸到好脆，配埋酸酸地既蕃茄好開胃，撈飯一流。餐廳一般中菜廳mix大排擋格局，伙記態度一般，但食物真係好好味，又有老火湯，性價比又高，十分推介！

之前睇飲x男女介紹過。响附近做完野去試。抱著雜誌介紹唔會雷得去邊，一試無妨。去到泊車要泊兩條街街尾。不知道係咪星期五?因為話好方便d客得登駕車入去食。星期五夜晚諗著一定多人又雜誌介紹過，可能要等，吖又唔洗。得二張枱有人。諗著早但已經八點多。我同fd兩個人淨係叫咗煲仔飯，報導介紹過的生炒骨同乳鴿。個伙計係女仔嚟超串好無禮貌:好不悅的眼光。仲行𨍭半同其他伙計講xx三樣餸就唔入嚟食啦。有d不過可能好食。d伙計服務差先講煲仔飯少飲焦同超乾水同d飯唔軟熟雞唔嫩。同廟街比差天共地冬菇亭仲好過佢囉。到招牌生炒骨⋯⋯汁濕濕地唔結身又唔脆口屋邨洒樓水凖。到乳鴿係超級乾好乾。我同我d同事傾我地有個foodie group chat 個個話中伏。中環來佬乳鴿都係收八十幾咋ma。賭王仔，阿王都去幫襯。唉，雜誌的介紹依家越嚟越公關技術。我唔會再去亦share俾人知。依間野就算食物質素其次，服務態度真係好差咁樣serve 人。唔怪知得無客

想講我都去幫襯過。過來人也是受害者。 我看不過眼，這是我們一家的意見。我本身是住在天后的。那時我們一家是訂食圑年飯訂咗條魚係石斑。間店係一早準備好去到有得食。我們上菜的時候也是像樓主一樣貨不對版上的也是杉斑。問左佢幾句，個服務生黑面好無禮貌。但一家大細又有一把年紀的爺爺在一起再加上新年流流因此沒有跟他們嘈。收的價錢同原先立好的菜單有出入仲貴好多。坦白説，這間店不是做街坊生意。好多街坊都知是朋友搭朋友介紹同做旅遊生意。就是好似樓主一樣的博人追究不了就不了了之。利申，我幫襯原因是因為爺爺行動不便。收這樣的價，受氣不如去銅鑼灣食還好。有一間都是叫私房菜。還價廉物美

這兩天都拜會過一些以前跟朋友們去過的餐廳。通常去到一個地方，就會想起一些朋友。但這個地方，我係更掛住佢食物的美味多於那些豬朋狗友😂Lunch set，連例湯都勁足料，最靚嗰舊有肉和軟骨的豬骨都俾咗我，呢個set lunch價錢雖然唔算平，但當飲佢個老火菜乾湯都值回票價。黑椒牛柳粒意粉，意粉煮得剛剛好，很爽，炒牛柳粒的手勢亦一流，小小蒜茸小小黑椒小小洋蔥，炒出來好香。原來佢仲可以幫客人煮任何菜式，只要你開聲……「私房蔡」原本位於大坑，但這兩年它搬到天后，係呢區少數我十分欣賞的餐廳，大家要搵好嘢食就要黎呢度。

我有個親戚話依間野好食帶我同我老公去食。(我移左民老公係澳洲人)本來我親戚一早凈係訂咗半隻雞同普通海魚同一個咭嚦肉同乳鴿。都都未坐定，個待應就係咁sell都未問未睇得切話俾我老公知商量就幫人落訂。咁我見同普通小菜都唔會貴得邊。個親戚又食過。點知普通海魚變左海杉斑(我當時唔為意條魚有幾斤幾貴)雞半隻又同我加多半隻。我已經覺得好唔對路。食個條魚蒸過頭肉同唔新鮮(佢仲話即日買)雞完全末熟有血。我老公鐘意食咭嚦肉。。仲話生招牌！？d汁濕唔脆口個涼瓜湯好似隔夜買唔哂翻叮。如果唔係個長輩係到一早就出聲，d野食重衰過街邊小炒。埋單七樣食物（魚，雞，涼瓜湯，鴿，咭嚕肉，生菜，煲仔飯同啤酒)成2600港元，福臨門都唔會咁貴！仲要四個人食好食就話低我好肉赤，個親戚有要面。我懷疑佢一早就知d野麻麻。詭我地去show off 詭飯食

I felt like having some Chinese food, but offering homestyle type dishes instead of anything fancy and I came across this on OpenRice. When I first walked in, the staff was super friendly, warm and attentive. It reminded me of going to a friend's house, just with lots of tables, large and small. They were very attentive. One of their famous dishes was their sweet and sour pork and they didn't disappoint. It was a bit chilly when we went, so it was the perfect time to have claypot rice. We had th

今日中午飯，叫咗時菜牛肉炒麵， 點知嚟咗餸飯， 跟住我話叫咗炒麵唔係飯，男侍應話我淨係講時菜牛肉， 無講炒麵， 係你心裡諗住 炒麵，不過冇講出口，我話有講係你聽唔到， 佢死都話我冇講， 而家炒咗出嚟，死都唔肯同我換😤，我同事見咁嘅環境，即話同我換轉，因佢食炒米粉，又知我唔想食飯，所以我以後一定唔會再去，咁嘅服務態度邊有人忍得到😤😤