私房蔡 (已結業)

見好耐無食小炒，所以今日黎呢間試下！聽聞呢間出名食煲仔飯，但好似晚市先有；中午就主打小炒蒸飯。午餐包湯同野飲，$50-$60一個set都可以😄今日order左個枝竹豆腐魚腩煲，成個煲仔上，幾有誠意；新鮮熱辣辣上檯，仲有吱吱聲，證明剛煮完上桌👍🏼目測完全睇唔到魚腩，俾枝竹豆腐黃芽白遮住晒，用筷子「了」幾下先見到一舊魚，再「了」先有另一舊，total得四舊，感覺有d少。整體味道唔錯，唔會太咸，枝竹吸左醬汁味，正！但主角魚腩就好一般，炸粉太厚，肉太少。埋單時，竟然平左$10，原先$58，折左$48。聽同事講好入坐所以有平！