影片
港鐵鰂魚涌站 A 出口, 步行約7分鐘
繼續閱讀
電話號碼
46375450
營業時間
今日營業
全日休息
星期一至六
12:00 - 22:00
星期日
全日休息
以上資料只供參考, 請與餐廳確認詳情
服務精奇 明明book左位 有4人枱吉都要坐吧枱 張4人枱到走都係無人坐既 之後個廚清潔爐頭 剷到個爐d炭屎彈到落我件羽絨 sorry都無聲0表示 本身60分鐘交枱已經少 食左40分鐘仲同我地講我地無book枱 出邊有客你地食快少少 仲摧賣單 我地話book左 餐廳話咁你5分鐘後交唔交到枱 交唔到我就叫出邊唔好等 真係世界級服務 講到我地逼佢趕客咁 問題係我未食完 野飲上左一分鐘都無 人頭二百幾蚊食到茶餐廳咁叫我交枱 呢家件羽絨仲要有跡清唔到要去乾洗 真係貼錢買難受
繼續閱讀
朋友介紹這間日本餐廳🍢食晚餐，今餐試佢哋嘅Omakase，廚師👨🍳好用心燒，用咗3個小時用餐，好彩我不趕時間及不肚餓姐特別介紹：Beef Tartare🥩羊扒🐑雞翼🐔燒鰻魚🐟
繼續閱讀
有次經過、名字好特別、秋吉兩個字、見到晚餐套餐好豐富、價錢亦ok , 所以聖誕一班朋友book位去試。雖然不太大、目測廿個位、但好大個bar枱、裝修好有日本餐廳feel, 傾計食飯好地方、好好坐。食物方面、好多串燒選擇, 雞皮餃子、燒白鱔、羊架、雞pat pat 好正、西冷牛、雞翼, 燒銀杏、燒鰻魚亦好好食，下次要再食、好好味餐廳環境好，不同其他串燒店好嘈，這裡好清靜，又有日本歌聽、伙記服務好，好有心介紹、廚師用心料，仲有戶外地方、好方便食煙😍
繼續閱讀
今日黎到位於鰂魚涌既串燒店。店舖裝潢走日式木系風格，有L型吧枱位置及二人、四人座位，仲有戶外位置。餐牌～✨Yakitori Omakase き鳥おまかせ $698🔸前菜盛合Assorted Appetizer前菜係蟹籽沙律，青瓜絲清爽，配上蟹籽，非常開胃～🔸焦糖雞肝醬多士Chicken Liver Pate Toast多士鬆軟香脆，上面有濃郁嘅雞肝醬同埋脆脆嘅焦糖，味道配搭勁夾。🔸野菜天婦羅盛合Assorted vegetables Tempura Platter野菜天婦羅有三款，分別係關東煮蘿蔔、粟米芯及日本青椒仔，最特別嘅係關東煮蘿蔔，外面香脆，咬落去蘿蔔仲有汁，香甜好食。🔥燒物Grilled Dish 燒物有成12款，包括惹味好咬既雞軟骨；平時喺出面好少見到，口感特別嘅雞掌心；嫩滑多汁既汁燒大蔥雞腿肉串；非常香甜嘅牛油燒白肉粟米；比較少見嘅豬第一刀；夠曬香口既汁燒雞頸肉串；第一次試既雞豪；勁好味，又係出面比較少見嘅醬油漬拖羅蓉提燈；爽彈好咬既雞心；油脂豐富又彈牙既鹽燒牛脷心；配上日本雞蛋嘅免治雞肉棒以及香脆多汁嘅雞翼，真係每一款燒物都惹味好食，非常滿足🥰🔸秋吉鰻魚飯Signature Eel Rice 鰻魚厚身多肉，配上撈埋鰻魚汁嘅飯，真係可以成兜清晒～🔸極濃雞湯烏冬Rich Chicken Soup With Udon雞湯味道超濃郁，撈埋烏冬一齊食又係勁正！🔸甜品Dessert 最後甜品仲有雪糕糯米糍～
繼續閱讀
這間位於鰂魚涌的餐廳，鄰近太古坊商業區，主打日本精品串燒，採用精選肉食及海鮮，炮製出別具風味的地道日本串燒料理。餐廳分室內吧檯及戶外桌椅，食客可選擇安坐室內享受與師傅互動，或在戶外空間感受微風同時享受美食。Yakitori Omakase き鳥おまかせ $698招牌的廚師發辦菜單，一次過可以品嚐到十款由廚師發辦的串燒外，更包含前菜、雞肝醬多士、天婦羅、鰻魚飯、雞湯烏冬及甜品，內容豐富且高水準，滿足食客對日本串燒的口味。前莱盛含Assorted Appetizer お菜盛り合わせ先來蟹籽沙律，清新開胃，打開味蕾。焦糖雞肝醬多士Chicken Liver Pate Toast レバーペーストトースト天婦羅賣相別緻，香脆的多士塗滿了甘香的雞肝醬，味道濃郁獨特，沒有內臟腥味。野菜天婦羅盛含Assorted vegetables Tempura Platter野菜気ぷら盛り合わせ野菜天婦羅有日本青椒仔、粟米芯及關東煮蘿蔔，最驚喜可說是關東煮蘿蔔天婦羅，又甜又多汁，食完好想再食。燒物Grilled Dish 燒物師傅今日預備了雞軟骨、免治雞肉棒、汁燒大蔥雞腿肉、汁燒雞頸肉串、雞翼、牛油燒白粟米、鹽燒牛脷心，還有稀少部位的雞蠔、醬油漬拖羅蓉提燈、雞心、雞掌心及豬第一刀，各款串燒都各有特式，調味合宜，火喉控制精準，保留肉汁，相當高質，令人津津樂道。秋吉鰻魚飯Signature Eel Rice 秋吉うなぎご舗鰻魚經正宗傳統蒲燒慢火烤製，醬汁香甜，魚皮脆卜卜，肉質細緻無骨。極濃雞湯烏冬Rich Chicken Soup With Udon溫熱營養的雞湯，質感濃稠，加上彈牙烏冬，暖心暖胃。甜品Dessert デザー雪糕糯米糍
繼續閱讀