秋山和食屋 (已結業)

想搵間比較有特色既日本料理店～可以回味似日本居酒屋既格調～於是巧合係網上搵到呢間食店，我與朋友共四個人預先book定位，座位都坐得幾舒服～食物質素比得上日本居酒屋！魚生、壽司都好新鮮又好味，呢間隱世小店係值得一試！我地都會再幫襯

還未跟你飲過冰 零度天氣看風景...還未去到日本，唯有去一下位於太子既和食屋，小店面積不大，但確有日本居酒屋的風味。食物種類的而且唔算多，但勝在食品及飲品質素搭夠。是晚點了的食物印象深刻是燒雞心，鰻魚飯，芝士年糕，還有點了的梅酒及清酒，詳細不在此描述，看圖予文，等待大家去試試看。值得一提店雖只有十五座位，是晚坐滿人都不算太嘈雜，樓面職員收拾很勤快，最怕和杯盤狼藉沒人收拾的情況。很有人情味的和式小店，輕輕鬆鬆過了一個happy Friday, 特別愛杯中物的朋友要去試下枝雪影！

今日約咗舊同事一齊吃晚飯聚舊，揀咗依間日式居酒屋。太子幾就腳，位置都幾近地鐵站。我哋四個女仔叫咗兩個飯、一份壽司拼盤、一啲小食開心share。壽司同魚生飯嘅刺身都非常新鮮、又厚肉，正！鰻魚飯塊鰻魚都燒得好惹味、都係啖啖肉架！仲嗌咗幾份串燒：雞皮、雞肉、雞腎、牛舌。小食叫咗雞絲海蜇、雞泡魚乾、芝士年糕。仲叫咗一支梅酒！酸甜酸甜好易入口，值得推介！小食份量唔多，但係好味嘅，佐酒一流！店入面牆上貼咗唔少文宣，小店座位唔多，記得要book枱！

今日同女朋友一齊去食日本菜 當然係越黃越好啦 💛太子呢間小店一直都係我哋心目之選，就同大家分享我地食咗啲咩啦。每人食咗一個飯， 蒲燒鰻魚飯幾好食熱辣辣又香甜嘅鰻魚 ，永遠都係我愛魚油甘香嘅選擇 。女朋友食滑蛋雞即係親子丼 ，永遠都係咁滑嘟嘟。我哋每日都食咗一個串燒。 我食燒三文魚 ，香脆表面 ，內裏多汁 。女朋友食燒牛舌 ，火喉啱啱好，內裏嫩滑無渣。 我哋每人仲食咗一件蛋糕 ，每人飲咗一杯梅酒 ，埋單都只需要380蚊 性價比實在係超高💛飲飽食醉最為滿足，大家多多多支持逆境自強嘅香港小店呀

呢條街我真係唔係特登黎平時都唔會行，上OpenRice見到呢間餐廳好似幾好食，就專登嚟試吓。因為朋友好鍾意食鰻魚飯既關係，就試吓呢度嘅鰻魚飯。呢個鰻魚飯係好細個嘅，但係鰻魚份量一啲都唔少，仲好肥美添。不過我就嫌啲鰻魚太鹹，如果冇咁多醬應該會好食啲芝麻雞翼就冇得難食得去邊，好味仲叫咗啲蟹肉壽司、左口魚裙邊壽司同埋三文魚壽司。我覺得最好食嘅係左口魚裙邊，燒得好好味，啲蟹肉我就覺得有啲乾啦，唔知係咪擺得太耐呢

每星期專登坐車出去幫襯下啲良心小店，今次搵左呢間。三人行叫了三個定食：窩蛋和牛飯定食、赤貝帶子飯定食、燒汁鰻魚飯定食個湯唔咸，味道剛剛好，入面算幾多餸。窩蛋和牛飯的和牛好淋，味道好好。赤貝新鮮，老闆話即叫即開，只是赤貝切得比較幼，如果可以大塊一點咬口會好好多。最後要講個鰻魚，好正，個汁好好味，而且份量都多，唔怪之得咁多人推介。三個定食啲飯都好味，不過飯的份量比較少，可能想你叫多啲小食呱希望多啲人幫襯，始終小店經營困難。我會再去

平日中午時段，大約13:00到，店鋪大約可以容納10幾人，我同朋友兩個人，walk in 有位，可能平日，有三成滿到。午飯時間有午餐😀，一人一個set,我點了三文魚生飯🐟，想提下呢度所提供嘅wasabi 係生鮮磨嘅，無辣、有少少攻鼻🤔，而麵豉湯好好味，同一般開嘅唔同，我好喜歡💕魚生好生鮮😊。朋友就點咗雞肉親子飯，佢話幾好😋。店內裝修好似日式居酒屋咁，好特別🥰，但最重要係店主好有❤️ 店內放了有香港人特色嘅海報💛 謝謝店主，好人一世平安💛

今日無意中路過，發現太子這小店，聽店內職員推介，試試鰻魚飯，果然是鮮味的鰻魚，加上花椒粉，配上蔬菜味的miso soup, 店內服務態度好好，大家一起支持好味小店！

讚1. 氣氛好，老闆豪爽，未有酒牌，但老闆娘即送一支啤酒比顧客，仲講明唔夠可以再送2. 氣氛好，一家大小經營，幾有小店既感覺3. 雞翼燒得幾有水準，皮脆但肉唔會過老彈1. 食物有進步空間，刺身實在唔太合格，邊緣位切得不整齊，入口時，魚肉已經無左彈性，雖然唔算貴，但都可以再做好啲2. 烏冬既湯底照計係用鰹魚黎煮？但呢度就太甜啦，可能係新開張，未控制好？比啲時間再觀察下，氣氛係唔錯既，但味道的確唔太可以，要好好進步

今日和朋友在太子附近搵嘢食，見到呢間新開嘅居酒屋，就即管入去試試，整間舖以居酒屋格局仲有吧檯位可以和師傅傾談飲酒嗰種，就好似好地道嘅日式居酒屋感覺 ☺我們揀咗吧檯位置坐( 因為可以見到個靚仔壽司師傅🤭)，先點一啲前菜頂住先，揀咗幾款有芝麻雞翼，雞絲海蜇，龍蝦沙律，芝麻雞翼好好食很香口，肉好嫩有雞味😋 之後再點壽司🍣，吞拿魚腩，蟹膏，海膽，海鰻，松葉蟹肉壽司，值得一讚吞拿魚腩肥美新鮮👍海膽蟹膏也很鮮美😋 之後我哋覺得爭啲未夠飽再點多個稻庭烏冬🍥🍲，因為係熱湯上嘅關係烏冬較為淋身， 我個人覺得凍食口感會更配合，烏冬跟左個麵豉湯， 驚喜位就係呢度😀平常我喝的麵豉湯都係超鹹嘅，通常我都唔會飲或者試一兩啖就放低，但係今次呢個麵豉湯一啲都冇呢個情況，仲反而多了一份清新嘅感覺，細問阿靚仔師傅原來佢哋話日本家庭通常都係用蔬菜做湯底出嚟會冇咁鹹，亦健康啲，所以佢哋都想用番地道日本家庭口味畀大家， 竟然成餐飯最普通嘅菜式先係最驚喜位👍👍👍我諗我都會再帶朋友嚟呢度食，因為就腳而且中檔價錢但有高質素食物，在同區較少有，約朋友喺附近飲嘢之前可以喺度食餐飯先👍😋❤

居酒屋🏮食物質素😋🤩❤️推介食物：芝麻雞亦🤤蟹膏壽司🤤特別是自家製麵豉湯😱❤️大愛服務一流👍 年青人主理👨🏼‍🍳態度親切好客👍一定會再來光顧🍱

同朋友+小朋友lunch, 佢帶路去一間位於太子新開嘅日本料理. 開張只有幾日, 佢已經食過兩次. 店內面積唔算好大, 有張L型吧枱(高櫈) 同三張正常四方枱. 午餐係價錢由HKD68至HKD158嘅定食menu, 有齊剌身, 海鮮, 熟食揀. >秋山定食menu, 每款定食都跟麵鼓湯, 前菜, 漬物.發現太子新開好味日本料理>和牛蛋飯 (HKD98)蛋黃流心嘅太陽蛋拌珍珠米好好味, 煎得半熟嘅和牛輕輕一咬就啱食, 食材十分高質. 個人認為厚切嘅presentation會更吸引. 飯量可算是重量級, 多到食唔哂.>稻庭烏冬 (熱) (HKD78)有凍有熱揀嘅稻庭烏冬非常適合小朋友食. 見到個fd夾去佢仔個碗一段時間啲烏冬並無變糊👍🏻. >好味青瓜