秋山和食屋 (已結業)

經朋友推介, 決定一試。一入到去, 好大陣煙味令到有少少扣分。食物見人影相好似好大份, 好正咁, 真實原來好細碟, 對於好細食的朋友會好好, 但如果想大滿足就真係滿足唔到。味道都唔錯, 特別係燒鰻魚。火灸三文魚壽司都好肥美。個人好想支持小店, 希望分量會多D, 繼續加油。

超愛佢地嘅雞肝，咪以為紅紅地係生 係燒到剛好 熟得黎又保持到內面嫩滑融化雞皮要燒到脆身又唔乾柴，保持到雞油香同皮嘅彈性 絕對考驗師傅嘅耐性同經驗仲有佢地嘅牛利同五花腩，痴線咁好食，真係牛有牛so味 豬有豬香味架，厚身好口感最令我食過回味，就係佢地嘅牡丹蝦壽司，見住師傅用好溫柔而熟練嘅手勢清洗加去殻，蝦身用黎做手握壽司 蝦膏拎黎做火炙軍艦 一d都唔浪費呢個2食真心回味呀仲有佢地嘅酒盗芝士 無野好講，同榴連一樣 食嘅會好中意 唔食嘅 講到幾好都唔食 而呢間 芝士非常香濃 勝價比高呀唯一是high ball 威士忌太淡，可能佢懷疑我唔夠秤啦😂😂😂

差唔多一年前喺度食過dinner，印象唔錯，今次，三個人嚟試下lunch秋山和食屋。『什錦壽司』$188『赤貝帶子飯』$118『燒玉子』$38『清酒煮蜆』$58⋯⋯整體體驗唔錯：壽司10件同赤貝帶子，刺身新鮮，特別係赤貝帶子飯都幾抵食；清酒煮蜆，蜆肉鮮嫩，湯底清新，仲有海苔味；燒玉子就比較普通。好味指數：🌕🌕🌕🌕🌑回味指數：🌕🌕🌕🌕🌑。📍 秋山和食屋 (太子)太子西洋菜北街328號地舖。【小編的話】➡️有打電話留位，安排坐喺最入面張枱，一個party一個zone，幾舒服。 #良心小店 #香港小店 #hkshop #良心食店 #hkfoodie #hkblogger #香港人美食地圖 #太子美食 #princeedwardfood

日式居酒屋小店主打定食,串燒為主刺身丼定食, 刺身一款係醬油漬過一款係刺身原汁原味套餐跟湯同小食 甜品 甜品係一件蜜瓜,小菜係醃青瓜幾瓜口醬油漬過既刺物味道更濃帶點咸香,口感一樣咁嫩同肥美無醃漬過就食到鮮甜魚肉味另外串燒都係有水準,2串雞皮 厚牛舌,豚肉牛舌厚身黑椒鹽燒,口感爽脆肉味濃豚肉串燒肥嫩肉美油脂夠多甘香味美雞皮就係食佢脆脆口感一絲油分都無消費$300太子西洋菜北街328號地舖

想食日本野，見OpenRice 這店評語不錯，便訂了來此試試。環境ok，正常小店，服務也可。可惜點了佢的刺身拼盤，個八爪魚咬極都咬不到的、有些魚生鯹到我食吾落要不顧儀態地吐番出嚟（但本身我愛食及食開海鮮及貝類，都算幾食得腥腥哋的食物）！估計因不夠新鮮！或者因佢d魚生無搵冰佈住送上枱。叫了個海膽但也麻麻！幸好本身諗住叫隻赤貝食但無叫到😣還好的是佢的熟食不錯，佢個生蛋牛肉飯、燒雞翼也幾好味。總括而言，這間店的熟食不錯，生食魚生類我就絕不會再試的。🤔

喺太子行緊，突然之間好想食魚生飯，又想好食，但又要係黃店，所以就揀咗呢一間隱世居酒屋，試吓佢哋嘅魚生飯！一入到去嘅間隔就覺得好似日本嘅居酒屋，但正因為咁樣，啲位都有啲集，坐得唔係話特別舒服。周圍亦都有貼滿文宣，可以見到真係良心小店。我同朋友每人嗌左一個定食，後餐時間大約15分鐘，係比較耐。三色魚生飯 $98三色魚生飯就係至三種唔同嘅魚生，每一日嘅餘生都唔同。而我今次食嘅三款魚生，包括係青魚，吞拿魚同埋我唔記得咗係咩魚😂三款魚都非常之厚肉，肉質鮮嫩！即係一片，每一款都係晶瑩剔透！我認為最好食嘅係青魚，但係吞拿魚就有少少腥。是我最鍾意嘅位係，啲飯除咗用咗日本米之外，仲有紫菜做topping! 除咗飯之外，亦都有湯同埋小菜，麵豉湯非常好飲，唔會太鹹，小菜係醃蘿蔔，由於我本身唔鍾意食葉蘿蔔，所以不予置評。總括而言，我覺得質素不錯，但同時價錢都偏貴，整體叫做不過不失啦，質素配得上價錢。

一直都想試下呢間既鰻魚飯, 係OPENRICE睇相就知唔係個D加熱就食得既淋淋爛爛鰻魚開門早幾分鐘去到一陣已經有人黎排隊, 店員仲問有冇BOOK台, 睇黎呢間舖平時都好多人黎食咁因為一開門就黎所以WALK IN都冇問題, 不過就要坐吧台見鰻魚飯晚市$108, 午餐做$98包埋定食所以特登揀午市黎試, 仲叫左個滑蛋真蠔定食, 上面寫住需時開門都係頭1-2張台落單, 咁諗住要等20-25分鐘左右啦, 如是者等左半個鐘店員見我地乜都未有就比住個前菜我地先前菜有牛蒡, 牛舌碎同麵豉湯, 都幾好食等左45分鐘之後個鰻魚飯($98)終於黎一開蓋就見到鰻魚燒得好靚, 表面有少少焦脆, 食落質感有彈性同少少膠質, 唔係加熱即食一夾就爛個D黎, 係香港搵到高質素少少既鰻魚飯都唔係容易唯一美中不足既係鰻魚背面可能燒得OVER左少少, 食到有輕微苦味再過多陣個滑蛋真蠔飯($118)都黎埋, 入面有好多蔥, 洋蔥同紫菜, 有4大隻蠔蠔本身炸過但唔係吉列個種效果, 輕輕炸過表層好煙韌, 蠔有蠔既鮮味, 咬落唔水仲要幾大隻, 成個質感幾特別仲叫左個牛舌($38)呢個價錢得一串真係有D貴, 但呢串野成件事好高質素,

經朋友介紹知道呢間係一間高質嘅日式和食屋之前晚市就想試，可惜由於鋪面座位有限未有訂位嘅都比較難食到今次特登趁午市再去一試，咁好彩又有位————————————————————🔸蒲燒鰻魚飯($108)鰻魚分量充足，醬汁調味唔會太重質感入口即溶好正👍🏻推介程度:4⭐️———————————————————🔸和牛蛋飯($128)知道呢款飯係必點食品所以抱着期待嘅心情等待可惜嚟到有啲失望和牛切片超薄，比肉乾更薄，亦只係得幾塊味道不錯但份量同價錢不成正比推介程度:3⭐️———————————————————💛秋山和食屋 (太子)💛太子西洋菜北街328號地舖

聽到日本要流輻射落大海就即刻去食個魚生飯同佢道別😭緊係要揀間高評價既！搵到呢間小台～有好多午市套餐套餐有小食同湯我就叫左帶子海膽飯 $168+10%好新鮮好食啲海膽係鮮甜味！無怪味帶子都好大粒好好味😭食完更加不捨魚生🥲🥲

今晚我家老闆請客，邀請我到這間居酒屋拍拍拖，怎料我們被安排坐Bar 枱位對正師傅。食品超出我們所Expected, Signature: 超脆青瓜(蟹籽沙津）, 超甜 海膽帶子飯，驚喜推介: 日本長芋 (即生淮山) 和燒日本豆腐，保守推介: 燒雞泡魚干、燒雞軟骨。 Anw，菜式細細碟，食材新鮮，煮食温度和技巧都高質！ 意想不到，師博同客人有高度交流，分享個人學師和尊業職業操守，有禮和窩心程度以為去左轉日本，會回頭支持！😋👍🏻

突然想食日本嘢，搵搵下搵到呢間係太子嘅日式居酒屋！ 見太多數都係好評😁，即刻打去book 位，順便約埋朋友第二日一齊喺lunch time 試下，食最抵嘅lunch 定食！ 最正嘅係佢星期六日都有定食set，超抵！ 👍🏻👍🏻鋪頭入面唔係好大， 位置唔多， 得1張四人枱，3張兩人枱同幾個Bar 枱位。如果係人多嘅飯局未必啱😩， 人少少傾下計就perfect🤗! 中午時間去食，可以食定食或者散叫都得！ 我同另外2個朋友就叫咗2個定食再加散叫！ 全部食物質素都極高，好好味！什錦壽司魚生全部好新鮮，飯嘅比例都好啱，一口一件😍 帆立貝海膽飯帆立貝同海膽都好鮮味，食到停唔到磯燒鮑魚好彈牙，煮得好入味，正清酒煮蜆極力推介！蜆肥美，清酒湯好鮮甜，我飲晒個湯🤣🤣🤣其他串燒同小食就係正常水準，唔係超級出色🙂💛💛💛整體來講，非常值得一試！ 呢個質素黎講，二百幾蚊一位絕對算係抵食！仲要係正太子站附近！不過小店人手不足，要比啲耐性店員，佢哋都忙到冇停手！ 💛💛💛

能夠屹立喺旺角警署附近嘅黃店都值得尊敬今日又喺太子搵食突然好想好想食日本嘢雖然疫情期間食魚生好似有啲冒險所以更加要搵有質素嘅居酒屋咁先至食得安心本身接電話嘅小妹妹就已經好親切好helpful入到小店座位不多名副其實居酒屋格局一個L字嘅吧枱 可以見到師傅整食材師傅心情應該幾好一直冇停過吹水可能咁啱有班熟客坐佢面前亦都因為咁我份壽司拼盤等咗好耐不過小妹妹笑容真係太好(隔住口罩都見到)亦都非常有禮貌所以亦都冇覺得唔高興只係真係好很肚餓除咗吧枱 仲有幾張二人枱同一張四人枱雖然店面細細但係整體感覺都幾溫暖同舒服食物方面真係好高質由餐前小食到松葉蟹飯同刺身拼盤到炸豆腐同串燒都有板有眼真心值得推介個價錢唔係平但係對得住佢嘅質素所以我都會再去❤️

呢個星期六特登嚟到太子想試下呢間食日本野嘅黃店舖仔細細 星期六午市當然就爆滿啦不過我哋都預先book咗位呢個係招牌嘅和牛玉子飯d和牛好薄…味道係好食 但真係太薄…好鍾意佢蛋漿包住曬每粒飯嘅感覺但個和牛就薄到好扣分都係份量太少嘅帶子海膽飯帶子得個三粒 海膽得少少而啲海膽又有藥水味不過帶子真係新鮮同埋好食嘅但係分量咁少 真係食得好唔夠喉個炸豆腐都幾好食真係外脆內嫩好彩有嗌呢個小食可以用嚟送下飯如果唔係真係齋啃飯佢d餸完全唔夠食

店舖細細，試過wall-in，但要等四十五分鐘。因為好想食，所以一於訂定枱。和牛蛋飯本來怕冇汁，會唔會好乾食個飯。但原來有蛋同燒和牛嘅汁，撈埋飯，好好味。燒和牛，生熟程度啱啱好，一啲都唔韌，咬落去連帶啲燒汁，真係好好味。帶子海膽飯友人食嘅。刺身好新鮮。炸豆腐即炸，分開一半嘅時候係出哂煙。佢炸漿部分好薄，唔會有啲好厚而肥膩嘅感覺。配埋佢嘅醬汁，好夾，而且唔會係得個鹹味。雞泡魚干同樣燒得啱啱好，軟硬適中，唔使‘點’醬都已經好好味。高質、地點方便、價錢適中，要再幫襯呀。

今次試呢間黃店居酒屋 交通極方便但門面唔太起眼 入面座位唔多但都幾舒服 門口已經擺左啲文宣係到俾人吞拿魚壽司好肥美 色澤鮮艷而擺落口係好肥美🤪左口魚邊壽司表面輕輕灸燒過 食落去有啲脂肪留係口腔 好肥美好好食٩(๑❛ᴗ❛๑)۶刺身好鮮甜 一入去同朋友已經俾帆立貝吸引左 食落真係好鮮美蔥吞拿魚腩卷係見到隔離枱叫 價錢都冇睇就叫埋 都幾好食既不過覺得價錢有啲貴同唔夠足料🤔浦燒鰻魚飯燒得啱啱好 配埋個汁好甘香 睇佢細細碗但其實幾足料好飽肚😆芝麻雞翼好食 入味得黎皮脆肉嫩🍖串燒都係正常發揮 火喉啱啱好又唔會太重孜鹽味🍢芝士年糕真係麻麻地 皮太厚而芝士餡個味怪怪地🧀其實除左少貴之外呢間野質素都唔錯 有日本野fans可以一戰( *´꒳`*)੭⁾⁾