秋香 (康景花園)

營業中

休息中

餐廳：秋香 (屯門)地址：屯門青善街38號康景花園地下26-27號舖「別人笑我太瘋癲我笑他人看不穿」，一聽到餐廳嘅名——秋香 @toautumn88 ，加埋呢句香港人好熟悉嘅名句，就知道老闆一定喺一個好鍾意周星馳嘅人🤣，入到餐廳有種Cafe and Restaurant嘅感覺，當中仲用咗唔少金色同木系傢俬佈置去裝修成間餐廳，有一種休閒得嚟帶有啲堂皇嘅感覺✨康景花園呢間第一分店開咗5-6年，而2021年尾就喺黃金海岸開咗第二分店。秋香喺一間fusion菜餐廳，主打日式同港式料理，而比較馳名嘅緊喺佢哋嘅煲仔飯、串燒、辣酒煮蜆同粟米沙律等等啦🤤中午行去千島湖之前過咗嚟食Lunch，佢哋午市有「Chill住食套餐」，有12款由$78-$238不等嘅定食/飯餐，而每個Set都包埋前菜(味付芝麻八爪魚🐙)、味噌湯同汽水🥤，亦可以選擇加$15叫佢哋嘅特飲🍹，散叫串燒、炸物同酒類飲品仲有八折優惠🎉✝️鹽燒白鱔煲仔飯 $238平時出面居酒屋食白鱔要接近五十幾六十蚊一舊，呢度一個煲仔飯有成大4舊，燒烤過後輕輕用鹽去醃製🔥，皮脆肉爽嫩，一啖咬落去有兩種口感層次✌️，白鱔鮮香惹味，配埋日本直送白米、醬油、蝦米、香

講起串燒屯門不得不提就係呢間秋香😍😍地方唔算大🏢但係裝潢都幾特別🥇可以打卡之餘仲可以食好西秘制😍牛舌蘑菇🍚煲仔飯呢到最出名除左串燒之外就係煲仔飯,呢個牛舌煲仔飯既牛舌同串燒既牛舌應該係一樣,所以又可以同時食到串燒既味道,煲仔飯最好食就係個飯焦,呢度既焦唔算特別多,但係脆口又香,值得一試雞皮🍗呢個雞皮脆口非常,仲以為自己食緊薯片咁,價錢亦都唔貴日本炸豆腐串🥓豆腐串勁嫩滑,炸完之後外層係脆脆的,但入面係超嫩滑,成個口感又脆又嫩勁正燒雞翼🐤我鐘意食一客有4隻既雞全翼,勁鐘意食雞翼既朋友一定要黎食,係蜜糖燒雞翼以上嘅內容都係我自己親手打㗎。絕對冇用人哋啲相

-秋香 🍂作為大西北牛牛 都一定有聽過秋香自從有次同朋友黎呢度聚會過之後就一直對佢地既煲仔飯念念不忘正值天寒地凍 就黎食個熱辣辣煲仔飯🍚薄燒日本豚肉煲仔飯 （$158）每一次都會嗌呢一個黎食！因為佢個薄燒豬肉真係燒得好出色豬肉份量多 油脂燒得勁香 又惹味入面有洋蔥 香菇 非常入味 重點係有飯焦💓🍚蟹肉蟹膏煲仔飯（$198）如果你係好中意食蟹膏蟹肉既話呢個絕對滿足到你 多到食唔完😆每一啖都會有滿滿既蟹膏蟹肉 好鮮甜同樣地都係有飯焦 所以都係好惹味的🍹凍自家蜜棧檸檬西柚蜜（+$15）呢個其實都幾養生又潤喉 微酸微甜 飲落幾舒服~🍹香橙乳酸青檸梳打（+$15）呢個就比較開胃 呢3樣既組合都幾夾岩晒食完煲仔飯可以解膩~午市套餐仲有包味噌湯同漬物 滿足呢~

位置比較偏僻，所以到今晚先下定決心試下呢間屯門特色餐廳好似去咗泰國渡假feel嘅裝修室內既裝修同擺設都頗具風格，似乎都係星爺既粉絲開設既，放有佢既金句"別人笑我太瘋癲我笑他人看不穿"既牌匾但坐位略嫌迫挾白鱔煲仔飯上到枱未有聞到好香既煲仔飯味。先試個鱔皮，鱔皮係香脆到好似薯片咁，口感一流。有4大舊鱔魚，食落好肥美，啖啖肉，口感鮮嫩，有啖啖既鱔香。煲仔飯都唔會燒到好硬，都有甘香既飯焦，唔錯。但呢煲我又唔覺值成$238 既價錢,仲要另加一。燒帆立貝$68 +燒菠蘿$30帆立貝個汁唔夠香，味道一般鍾意燒菠蘿燒到外面香脆，內裡仍舊juicy, 係正凍茉莉薄荷蘋果蜜$58飲落香甜嘅蘋果蜜帶有茉莉花香氣，最後口裡留有薄荷既香味，好鍾意呢種口感間野價錢略貴，加埋一呢餐$433講真，唔值咁貴，仲要地方咁隔涉

🌟#有兩分店🌟今次係＃康景分店🌟＃中日fusion居酒屋聽聞已久 想食好耐啦！同朋友專程去食佢個鹽燒白膳煲仔飯🙈🙈裝潢好有唐伯虎點秋香feel🤪午後黎到原來仲有lunch set!Lunch set包前菜 味噌湯 ＆ soft drink!如果想飲 signature drink, +$15❣️螺肉微辣有咬口❣️味噌湯 夠熱好味呀🌼鹽燒白鱔煲仔飯 ＄238-4大舊肥美白膳有骨 好厚肉-經過鹽燒 每舊白膳都有金黃色脆邊😍- 咬落去啖啖juicy!🌼麻辣創意雞堡仔飯 $148-雞肉量好多 仲好滑 冇雪味-麻辣但唔太辣反而豐富左成個煲仔飯的味道❣️其實煲仔飯最正係個飯焦 😋😋加埋唔同煲仔飯用唔同醬料調味 仲正！🌼蜜餞檸檬西柚-唔會太甜-有檸檬同西柚唔會有澀味仲好清新😆🌼茉莉薄荷蘋果蜜-啖啖蘋果肉 有薄荷葉嘅香味🫢

🥃依頭原來有好多正野食😍呢間居酒屋睇落好eye catching❤️🍲而且餐廳既野食都好有特色🍶主要竟然係食煲仔飯同串燒🍢📝鹽燒白鱔煲仔飯依個真係必試🤪白鱔大大舊又脆卜卜加埋個煲仔飯既醬汁好夾而且好大煲👍🏼建議2-3 人share📝串燒叫左幾款串物🍢最欣賞就係個牛舌芯好大舊又多肉🍶👀另外雞翼同豚肉串都幾正📝飲品黎明來到mocktail 冇酒精🍹🍸好fresh 可以一試👀餐廳既裝修好特別🍶同朋友飲下野都幾chill

細個成日去置樂食咖哩，今日同朋友又臨，見到呢間＜秋香＞有燒烤、炸物之餘仲有煲仔飯tim,咁新穎既配塔，點都要試下極上二人前（$698）先付前菜味噌蒜頭漬大蜆味噌湯味噌湯麵豉味幾濃郁，加上大蜆既鮮甜味，飲完成個人暖笠笠炸物粟米芝士波脆卜卜既外皮入面包住流心芝士，食既時候要小心焫親咀唐揚雞件炸得外脆內嫩，仲保留到肉汁吉列炸蝦炸蝦大大隻但蝦肉唔會過熟，可以點埋蛋黃醬一齊食，更加惹味。串燒盛有牛粒、雞肉、日本厚切黑豚、雞脾菇、秋葵同菠蘿。調味偏向日式既照燒汁，味道甜甜地，唔會覺得膩。終極主食鹽燒白鱔煲仔飯(+$40)成晚最期待既主角，白鱔好厚身而且彈牙，外皮燒到脆卜卜，飯亦都夠乾身，加埋特製既豉油，香味十足。生蠔燒到半生熟，冇左平時滑潺潺既口感，但仲保持到鮮甜，魚子醬既咸香加埋威士忌既酒香令味道提升到另一個層次精選甜品今日既甜品係豆腐雪糕+朱古力brownie，冰凍既雪糕同岩岩出爐既brownie同時入口，冰火交融既感覺真係好正。

屯門超值二人套餐 – 秋香星期五早放約左朋友去屯門食飯，呢間位於屯門既秋香係日本餐廳，佢地有個極上二人前套餐，都幾多野食，有前菜、燒蠔、炸物、串燒同煲仔飯✨先付前菜: 日式漬物、大蜆味噌湯蜆肉爽彈鮮甜，味噌湯唔會過鹹，作為前菜夠哂暖胃😍😍✨秋香推介: 威士忌燒蠔蠔肉燒到剛剛好，店員送上燒蠔個陣噴少少威士忌，上面加埋矜貴既魚籽醬，更覺惹味🦪✨炸物: 唐揚雞件、脆米芝士波、吉列炸蠔佢個脆米芝士波好好食，做到拉絲既效果，炸雞亦保持嫩滑多汁，高質💯💯串燒拼盤: 和牛粒、雞肉、厚切日本黑豚、雞髀菇、秋葵、菠蘿佢地既串燒都好出色，和牛粒燒到剛剛好夠juicy，日本黑豚肉好爽口✨主食: 鹽燒白鱔煲仔飯呢排天氣凍左咁多最正當然係食返個熱辣辣既煲仔飯啦，推介大家試下佢地既鹽燒白鱔煲仔飯，白鱔好大件而且啖啖肉，外脆內軟，煲仔飯都好出色仲要有埋飯焦，果然係餐廳既招牌菜😚😚😚✨牛舌芯 ($58)另外再加左幾款串燒，牛舌芯只需用少少鹽調味已經好好食，而且食落有嚼勁😎豆腐雪糕同朱古力布朗尼，雪糕既豆味好香，布朗尼都有香濃既朱古力味，一冷一熱感覺好特別😋⚜️秋香 (康景花園)⚜️📍 屯門青善街38號康景花園地下26-2

呢間叫得秋香既非常有唐伯虎既裝潢同味道, 好岩黎打卡同食野白鱔煲仔飯呢個真係重點推介, 亦都係呢間餐廳的招牌菜色, 煲仔飯既選擇都幾多, 而白鱔可以話係當中既皇者超多白鱔!! 而且飯亦都非常之有質素, 底下有不少既飯焦香味同焦飯既口感, 都係煲仔飯既一大特式白鱔係超有油香味同埋係極為嫩滑, 一客仲有4舊, 份量對我來說是很足夠, 而且質素夠哂高!!吉列炸蝦呢度既炸蝦係用日式既方式來炸, 所以脆皮非常, 而蝦肉都好香口, 整個質素不錯雞腎幾香口, 留意到呢度串燒既特式就係會用不同既燒法來製作, 所以食物既種類其實都幾多, 又有港式又有日式又有串燒店既特式厚切日本黑豚香口非常, 厚厚的一塊放入口極滿足!!

呢間位於屯門既串燒店，住係附近既街坊一定認識入面既裝修好古色古香，玩味十足，打卡一流野食既選擇都算多，而且種類都幾廣泛今日點左既係吉列炸蠔，一客有2隻，非常香脆，係即點即炸既關係，特別好食，因為佢既蠔質素同炸既時間控制都做得不錯！牛舌一客有4片，極為香口而且唔會太un，厚厚的但卻也燒得很透徹，整個香味同口感都是很高質燒菠蘿甜甜的菠蘿燒完後會有一點焦香味道，正是燒菠蘿最香口同有口感的感覺原條茄子辣辣的味道但又不會覺得太過辣，茄子肉燒得很惹味

今日難得同朋友食飯，黎左秋香呢間中日fusion 菜！二人套餐二人套餐前菜都幾豐富，有刺身蟹肉、火炙三文魚、鮑魚、生蠔同埋甜蛋，款式雜錦可以試多幾樣嘢，唔錯唔錯。燒物燒到金黃色賣相非常吸引，燒完既菠蘿d汁流曬出黎，酸酸甜甜非常開胃。另外有少少炸物點綴下，同樣係熱辣辣脆卜卜。最後主角係白鱔流心蛋煲仔飯，白鱔d香味煲到出哂黎，非常誘人，肉質彈牙厚身，流心蛋撈埋香噴噴既醬油飯一齊食，超級滿足。兩個女仔黎食呢個二人套餐係超級滿足！ 值得推薦

拾貳月的第一天寒意濃濃，諗起食煲仔飯可以保暖，本身就諗住自己煮，不過見到材料同埋製作方法太過繁複，所以就選擇去店舖食🫶🏻-成日都聽到唔同嘅人介紹呢一間煲仔飯餐廳，今次我自己就揀咗一個煲仔飯，兩款款小食同埋一杯嘢飲，埋單差唔多$400，兩個人食都完全夠飽， 雖然價位屬於中上水平，不過食完之後就覺得物超所值🥰--鹽燒白鱔煲仔飯-呢個真係極力推薦！平時去街市買鱔價錢都比較貴，甚至自己都唔係好識處理，呢間嘅白鱔撲鼻而來，已經充滿着鮮香，食落去係都幾厚實，啖啖都係肉，冇乜魚骨，所以都唔使太擔心會哽親，再加上食落去都唔會太鹹，保留海鮮原有嘅鮮味，粒粒飯都充滿着海鮮嘅精華，仲有飯焦龍龍脆脆的，呢個幾有surprise～-牛舌-我自己就係牛舌嘅忠實粉絲🥩食落去唔會特別油膩，反而又薄爽口，口感超級正 有少少牛肉嘅鮮甜!! 黎明來到🌔橙汁梳打嘅感覺🤏🏻仲有塊新鮮嘅橙，Fresh~

呢間特色fusion居酒屋「秋香」有煲仔飯食、串燒、炸物同多款特色料理，剛好最近天氣涼兩地，食煲仔飯就啱晒！招牌鹽燒白鱔煲仔飯係必食推介，每日新鮮買白鱔返嚟自己燒，所以數量有限。白鱔底部燒到香脆，魚肉仲係好嫩滑，加咗燒汁同蛋，仲有飯焦添，味道真心唔錯😍另外，燒蠔都好大隻，上枱時會噴上威士忌，即時聞到酒香🤣小食一定要試脆米芝士波，其他地方都未見過，外面真係好脆，包住軟心芝士😍好好食！個蜆煲都好足料🥰串燒就不過不失啦🍢甜品不時都會轉款式，上次黎食過黑糖番薯，今次轉咗做Brownie🍫落咗啲果仁，都好有口感😋🔸威士忌燒蠔 兩隻$108🔸脆米芝士波$68🔸牛舌芯$58🔸松露墨魚棒$46🔸酒八方煮大蜆$168🔸鹽燒白鱔煲仔飯$238🔸秋香甜品$68📍#秋香 (#屯門美食)屯門青善街38號康景花園地下26-27號舖

見好多人介紹屯門呢間煲仔飯，好似好出名，就過嚟呢邊試吓！有兩間分店一間喺黃金海岸，一間係康景花園，我哋就去咗康景花園呢間分店，比較近市中心。餐廳嘅佈置好有特色，有啲書法嘅字句、燈都好有格調！呢個就係鹽燒白鱔煲仔飯，啲白鱔真係燒得幾好，煲仔飯落咗啲日式燒汁煲成，所以唔始終食煲仔飯咁要落豉油。加咗隻蛋更加有日式風味燒牛舌芯都好好食呢個係威士忌燒生蠔，威士忌係上枱之後店員再係我哋面前噴落去，所以都會聞到幾香嘅酒味。呢度都有酒吧位置，叫咗杯mocktail，酸酸甜甜，比較重橙味。脆米芝士波，好好食！！芝士味濃度適中，不會太濟。

聽到好多朋友都推介呢間隱世日式Fusion小店秋香，一於就去試一下😉 餐廳外面已經好有feel，復古風嘅裝修，店内牆上掛有周星馳電影〈唐伯虎點秋香〉嘅經典對白 「別人笑我太瘋癲我笑他人看不穿」字句，玩味十足，而且燈光都好relax，特別欣賞水吧上面啲酒瓶吊飾，好靚😍餐廳主要供應串燒、招牌煲仔飯，每日都有供應午市套餐，堂食套餐包括：前菜、味噌湯、soft drinks (可樂/薑啤/檸檬梳打/炭酸水/橙汁)，初頭見佢個價位都唔平，但睇落去你就知係物超所值👍🏻首先有綠色嘅海藻，酸甜開胃，再配有紫菜味噌湯🥣味道不錯，唔係求其開粉嘅味精湯，之後就到最期待嘅主菜。1️⃣ 鹽燒白鱔煲仔飯🍲 $238呢度嘅招牌菜之一！每日限定供應，所以最好就訂枱時都叫職員留定一個，即叫即燒，上枱個時仲熱辣辣🔥4大舊白鱔爽口彈牙，非常肥美肉嫩，皮燒得好香脆，每啖魚肉都充滿魚油脂香，另外，煲仔飯最重要梗係飯焦！圍住煲底都有，佢用左珍珠米，所以飯焦口感都特別煙靭，而且米飯吸滿白鱔啲魚油，配埋蔥花同少量櫻花蝦乾，無得頂💯2️⃣ 麻辣創意雞煲仔飯 $148煲仔飯的賣相就已經好吸晴，飯面舖上一層以辣椒及蔥花蓋著的雞肉🐤中間仲有個生雞蛋