秘密花園燒烤場

營業中

休息中

一星期前預訂咗海鮮燒烤套餐，當日去的時候發覺地方有啲入，但係用Google map一搵就搵到(有免費泊車👍🏻)。我哋兩個今日慶祝結婚紀念日，呢度環境同氣氛都好好，好適合慶祝。海鮮好新鮮，老闆娘話佢哋會即日搵人去攞，所以咁新鮮。最好嘅係，呢度可以幫我地雪蛋糕同免我哋切餅費👍🏻會再嚟幫襯。

暑假約咗朋友去西貢玩，係碼頭搵嘢食，結果係openrice度見到呢間燒烤場啲相都幾吸引下，就打去訂位。夏天都驚幾熱，唔知係唔係呢排落雨，感覺又OK喎，同埋可能周圍有好多樹陰，環境佈置唔錯，地方又乾淨，所以感覺都幾舒服。食物方面品種夠多，如果海鮮餐咁嘅價錢算係超值，因為海鮮好新鮮又有水準，仲要走嗰陣時有人幫我地call埋車，好好服務👍🏽

已經第二次黎秘密花園，佈置又唔同左，keep住有新鮮感。好啱同朋友開party.食物保持水準， 海鲜供應又多又新鮮，海蝦手掌咁大隻👍。老闆娘又熱情好客。今次好驚喜呀，見到愛回家既子仁，同一班朋友愛玩，真人高大又靚仔。

今日游完船河，朋友建議去燒嘢食就search到呢一間。分開兩架的士入，雖然地點有啲入，但係只係＄50左右。平時唔寫食評嘅我，都忍唔住要讚下呢間燒烤場，因為食物同環境質素都超乎想像👍🏻 老闆好好人，佢話平時要預訂，但係今日我哋一話想要海鮮，佢就二話不說叫人去攞。海鮮真係好好味，呢個價錢真係超值。尤其是啲海蝦，非常生猛，扇貝又超甜。環境好靚，平時啲餐廳如果食埋個環境真係唔止咁嘅價錢😅 仲要好乾淨。我見今日得我地"包場"，所以替佢哋抱不平！大家真係要支持下啲良心餐廳💪🏽

原本一行八人訂咗四個海鮮餐，四個普通餐，但係友人到達後見到海鮮好新鮮同埋好大隻，所以碰碰運氣，睇吓改唔改到多四份海鮮餐（因為原來佢哋話海鮮餐要兩日前訂）😅結果好彩當日仲有海鮮餐供應😌 特別推介佢哋嘅牛油扇貝，好鮮甜同埋啖啖肉再帶少少牛油香加上香脆的蒜粒，層次感一流👍🏻 Oishi leh~ 其他海鮮都好新鮮，仼食款式我就最鍾意佢哋嘅麵包同豬頸肉。好彩我有一個朋友係燒烤專家，佢將d厚切麵包燒得啱啱好，外脆內軟。同埋豬頸肉，呢個燒烤場醃得好好味。全靠"燒烤專家"，因為我燒燶左幾塊麵包haha😅😅😅唔好嘅就係，呢度有d入，但好彩我哋有揸車，呢度好適合揸車人士👍🏻尤其是我最唔鍾意好多人的地方，呢度每台都有獨立帳篷私隱度夠高，絕對會再嚟過!

友人介紹這家在西貢的燒烤場，說水準不錯而且價格相宜，昨天興起就訂位在今天來燒個痛快。燒烤套餐有兩款選擇(及後不知道是否會更變)，這次試了海鮮BBQ套餐，每位剛好300。包括一大堆整齊排好上碟的大蝦，特大的牛油扇貝，及各種不同的海鮮，全部都很滿意。先說食物味道除了雞翼之外，其他都很不錯，他們所謂的秘製牛仔骨也相當美味，不過就是雞翼醃的味道不太夠很淡口。至於環境方面，由於是郊區關係，比較安靜，而且地方很乾淨，幾乎每枱都能擁有獨立垃圾筒。就是行過去比較遠，不過有私家車就另當別論。整體來說都滿意，服務態度超好當我朋友直接指出雞翼味道淡，服務員立即幫我們轉達，因為她們的態度完完全全想令人再來光顧一次，不過希望他們的可以保持得到這種水準。最後重申 牛仔骨真的不錯，而且都希望食物品種可以增加雞腎。

我在1月1日去這家燒烤場，但燒烤場沒有爆滿的情況。 價錢方面也與小欖那些燒烤場也不是差很多，在食物方面已賺回。食物大概有牛仔骨，茄子，蕃薯，牛油麵包等等。牛仔骨不像普通燒烤場的味道，有肉汁，不咸，味道剛好。每塊麵包均塗上牛油而且不是生命麵包。 地方方面，十分適合帶寵物前往，而且燒烤爐的距離很寬敞，有足夠空間給寵物自由行走， 因此位置比較偏遠，所以環境方面扣了分。 氣氛方面不斷有音樂播放，而且燒烤場內的椅子很漂亮，也有帳篷等佈置，帳篷內的燈飾也是偏向外國，有種置身在外國的感覺。 服務方面，可能人數較少，所以他們拿食物到我們的桌子，也有水果送給我們。

聖誕節呢個普天同慶既節日點少得我地成班8大1小 大舉齊慶祝，我地上網見到呢度環境幾令又好有氣氛就選擇左book呢度 咁呢度不愧叫鑽石秘密花園，都幾難搵到尼，的確夠哂秘密，等我係度比個貼士大家 於彩虹乘坐1A小巴往西貢，在匡湖居對面下車轉入蠔涌路。蠔涌路路口有間金喜茶廳，招牌好顯眼咖!一路沿住蠔涌路直行經過柏濤軒再向前行，見到個分叉路口既左手邊就會有成豐片場既大名牌，向住個個方向行入去就到咖喇! 全程大約行15-20分鐘左右。如果大家心諗哇行好耐姐 可以選擇搭新界專綫小巴2號線去到總站近蠔涌村入口再直行，就可以行小一半路程z，但要注意服務時間只係05:30-20:15。當然最方便緊係揸車入去啦!行左咁耐，終於都尼到就已經有人係門口度迎接我地! 出面黑媽媽，一入到去真係好大對比!園林內光線柔和，一直走入去見到有營火堆點起火把，為呢個漆黑既晚上燃起一點既暖意。置園中有個大大既Screen播放住音樂濃，仲有個好令既鞦韆任玩任影相，成個環境都充滿住濃厚既浪漫氣氛 場地好大好寬敞，今晚都有4-5班人燒緊，仲帶埋佢地既寵物尼挽。我地既座位上面仲有盞好令既水晶燈咖 哈哈忍唔住又影左幾張相喇