秘密花園燒烤場

營業中

休息中

第二次去這地方，比起上一次，服務質素差很多！！永遠不會再去，四小任食，本來Book 咗4點等到五點先開爐應該係9完,到8點有位長髮服務員話只可以到8點因為book時係4點，態度十分差，重話「8點半要走！坐都唔得唔可以再留係度！」問題係根本冇爆場，點解唔係計到9點？食物方面任食燒蕃薯沒有錫紙包，問服務員攞嗰時話「要買㗎喎！」乾燒蕃薯！就算連四小時任食所提供的炭也不夠，需要另外付錢買，食物種類又太少，而且地方偏遠，第一次去時有call車服務，今次沒有提供這服務，而且的士司機都唔知點去!不會再去！

完全吾會再好去！！訂左位, 去到不是太多人但都要等超過半個小時自開爐！！吾系話"限時4小時"!?！剩系叫我地"等等等"⋯一陣有人開。D 用品全部好似配給, 燒烤义(好環保要等佢洗好), 牛油(用試食D杯仔比一細舊), 錫紙(一張張比), 蜜糖(用D啫喱杯比三分一),⋯我哋一行7人，每人$300的餐呀, 加埋$2100蚊，其實都係會有期望啦。但所有牛扒, 猪扒, 雞翼都只有一種味道, 海鮮又要三催四請先到, 好無瘾。而且地方比較遠, 連的士都行錯, 所以無下次。

朋友喜歡BBQ，最近試新地方，想不到有驚喜。地點比較偏遠，就在成豐片場附近，真係好秘密😜😜😜。西貢碼頭搭綠的＄60。建議在匡湖居搭，會比較平。場內亦有免費車位提供。我們共12個人，叫左海鮮餐，$300一位。海鮮新鮮又好味，肉類也有不是一般燒烤場的雪藏貨色，非常入味，推薦豬頸頸肉同牛仔骨肉類可追加，員工服務很好，唔夠立即加給我們。場內環境很舒適，適合小朋友及有狗隻人士。不過比較多蚊，要作好準備，建議自備蚊香。

與十多位友人結識三數年，記憶中未曾試過齊人一聚，及至朋友回港相約 一約就訂下一整天，一行人柴娃娃去燒烤場，趕在難得的冷天過下癮 還記得中小學時代去燒烤要預早一日傾定食材用料，每人帶少少都身水身汗 這次友人拿定主意在Secret Garden預訂燒烤套餐，大家可以兩手空空，輕輕鬆鬆 Secret Garden與我們記憶中的任食燒烤場截然不同，格局裝潢與度假村室外花園無異 不是近百人十幾枱坐到逼一逼圍爐燒的侷促，店方更安排一個類似廂房的範圍 讓我們可以自成一角，一邊是用餐長桌，一邊是梳化，而這貌似咖啡桌的竟是燒烤炭爐 甫踏入燒烤場，在友人示意下，一盤盤精美食材及各式汽水飲品隨即端上，並開火透爐 基本BBQ套餐每位$200，任食肉類如香茅豬扒、蒜蓉雞扒、黑椒牛扒及泰式豬頸肉 而墨魚丸及貢丸等丸類，牛油包與各式蔬菜亦無限量供應 不過我們選擇的海鮮BBQ套餐只是$300一位，但已經包括基本套餐的任食項目 另有非任食的海鮮拼盤，包括鮮鮑魚、牛油扇貝、大蝦、貴妃蚌、蜆及鮮魷魚，跟人頭計量 任食部分亦增添秘製牛仔骨、秋刀魚、芝士丸及海膽丸等多個款式，其實加$100好抵 限時四小時，官網上列有

朋友book咗12月31號，海鮮BBQ，首先大家一定要有車先可以到達，蠔涌揸車入去都要10分鐘，車場任泊，門口有人收錢，當日每位收＄385，講明有海鮮，我哋book咗8至12點嗰轉，有朋友早到，都係要等到八點先可以開餐，食物自取，海鮮就要分配，每人包一罐飲品，其實出得去燒嘢食都預咗食物會好咸，所以都冇咩可以投訴，唯一係嗰啲海鮮，我哋食到10:30，三催四請先至送到，當然你亦都唔好有期望，海鮮冇海鮮味是正常的事吧！傳說中的龍蝦，沒有奉上，唔知係我哋嗰餐係咪唔包

同朋友一行8人去左秘密花園BBQ 呢度有兩個set 分別係海鮮餐 $300 同普通餐$198價錢合理 物有所值普通餐就所有肉類丸類任食海鮮餐就肉類任食 再多固定數量海鮮今日我地ge 海鮮有 元貝 大龍蝦 生蝦（仲識跳) 䱽魚 蜆 同秋刀魚龍蝦： 超大隻 勁厚肉 個鉗拆出黎大過手指公蜆：好重海水味 元貝 ： 好大隻 同鮮甜另外不得不贊 場主每盤食物都擺得好靚先拎出黎 完全滿足相機食先ge 精神 而且場內環境優美 有用空酒樽做成的聖誕樹 環保美觀又特別 帳蓬同千秋都係影相位改善地方： 1.蔬菜種類較少 只有金菇 蕃薯 粟米 茄子 冬菇 椒 2. 場內超多蚊 (一定要帶蚊怕水)3. 沒有車到 需call 的 or uber

Family day ，全家黎左呢度BBQ 一入到黎有小小似去左樹林咁，周圍都有好多樹，但係就唔係好多蚊。叫左海鮮餐，一黎到佢會random咁上啲食物俾你，如果唔夠可以叫佢加！啲海鮮都幾新鮮，唯獨美中不足嘅係啲蜆太細同埋啲蝦放上網度燒有小小痴殼。不過隻扇貝真係要讚一讚，佢上面加左牛油，燒完啲牛油滲哂落好，好香不得不提，雞排都係我覺得好正嘅其中之一！一塊雞扒多哂厚，最放便就係佢有個網，可以就咁放啲野上去燒。燒完塊雞扒皮勁脆又厚肉，真係好正！佢仲有條魚，條魚就咁放上網燒就得！燒完都幾香，冇食塊皮冇乜鹹味，不過條魚好新鮮好有魚油味！總括黎講呢度環景都幾舒服，地方又大又可以帶狗，而且食物都唔差

好多時候去燒烤場都會好多人而且收費上都好大分別，不過食物就麻麻。但今次黎過秘密花園後，環境清幽，地方大。食物方面，海鮮新鮮，而且食物種類多，加上食物質素好好，扒類好入味。絕對值得推介

第一次同朋友黎呢度慶祝生日，雖然地方比較遍入小小。但環境及氣氛很好。今次點的是$300/1位的海鮮套餐。好多款吾同既食物。海鮮新鮮👍🏻野食醃得夠入味👍🏻服務也很好很細心。下次一定會再黎

- 食物質素唔錯幾好味，重點全部都唔係醃到梅曬個種，1 d 鬆肉粉味都冇👍🏿- 麵包（唔係普通方包），豬頸肉，雞扒，廚師腸，芝士腸（唔係普通個種），黑椒牛仔骨...好好味👍🏿😋仲有不定期供應既海鮮，龍蝦，蜆，帶子都新鮮好味‼️- 我即日打去book都有盡量幫我安排- 入座前都有講清楚價錢，開爐費，清楚先入座- 我得3個人想開一把大風扇都冇托手肘，仲要原來要拉勁長電線先整到，搞到我都唔係幾好意思🙈😅🙏🏻- 負責人同員工都好好服務，知道我地係第一次去都時不時問我地d野食各樣o唔ok之類，走既時候都有代call的士🚕- 環境舒適，完全唔迫，好適合一家大細👨‍👩‍👧‍👦👨‍👩‍👧‍👦- 位置略嫌偏僻，最好在坑口mtr轉的士- 下次一定會再去，希望質素keep到啦😋😄

預訂要入數都合理，但套餐內容隨意縮水，只包一罐汽水，開爐突然加價沒有事先說明。感覺不是明碼實價。去到海鮮餐沒有網上寫的鮑魚,象拔蚌和黃立倉，縮水變了半隻小龍蝦。環境大但音樂嘈吵還有很多巨型蚊咬到皮膚好痕。椅子上前顧客食物垃圾都未有清理好感覺不衛生。不少狗走來走去所以怕狗人士不適合。食物種類足夠但咸了點。結賬時才知道開爐費由網上寫的50元加到100元，事先說明是OK的，燒完突然加價感覺不良好似是在當水魚。套餐未計開爐費300元只包汽水一罐，再加要10元，如果店家事先提醒可以自己準備，始終不是人人愛飲汽水。明明燒得好熟回家後還肚子不舒服...下次不會再光顧。

這裡的環境很漂亮，很舒服，好像去了外國一樣。雖然有一點入，但有free parking，ok好，唔洗煩等位或俾停車場費。入到去個場好涼爽，啲枱枱凳凳都好乾淨。朋友幫我們安排了海鮮餐，而且我們也帶了白酒配yummy yummy 一定會再去跟朋友把酒聊天👍

本身住喺西貢，路程10分鐘就到，好方便。因為嫌麻煩所以唔想係屋企bbq，所以選擇咗呢度。呢度係朋友介紹左幾次今次就去試吓 - 意外發現驚喜！連我呢個西貢人都覺得呢度啲海鮮好好食，好新鮮，最重要嘅係唔使自己處理（洗海鮮）夠哂方便，燒一燒就食得👍🏻 原汁原味除了海鮮，牛油麵包都好好味，好鬆軟👍🏻我平時好少寫食評，因為呢度真係好靚同食物質素好好，影相呃like一流👍🏻

Very chill and pretty place and it feels like a second home with good music great vibes. Definitely an awesome spot! You can enjoy singing karaoke while doing bbq, cozy environment with high quality of food! The staffs there are super nice they react to your requirements quickly, its really a secret garden for the busy HK ppl living in the city! Absolutely visiting again and will highly recommend friends to go there! It is undoubtedly one of the best choice for partying and gatherings if you're

It's my first time to visit this place😋The best bbq ever in Hong Kong! Valuable price with good service (better than the hotel's) tbh. Such a good match with seafood and white wine. Bravo! nom nom... Had a good time with my friends and they enjoyed so much as well. Recommendation: take taxi to visit