秘密花園 (已結業)

近排我心情唔好、壓力好大,透過一位朋友的介紹,我第一次親臨呢間餐廳,同黃太傾心事。黃太帶我入VIP房,耐心聆聽我的煩惱,並加以幫我分析問題,令我從多角度思考問題,她亦安慰我、開解我成個過程佢唔會批評我,令我覺得佢好善解人意,同佢傾完計後,我心情頓時好返好多傾咗一個鐘頭後,我就出房食下午茶,個黑松露海鮮炒飯好正,除咗有蜆肉同埋蝦仁外,仲有好多黑松露係上面甜品仲有藍梅芝士蛋糕和tiramisu呀! 雖然食物係免費,但製作非常用心,一d都唔求其,抵讚! 黃太同埋其他員工份人都好nice,食物同service都好好,所以我臨走時都主動把錢放在錢箱裡,以行動表示支持佢地!黃太,多謝你呀! 下次有機會我會再來的

誰說這世上沒有免費午餐呢？這個秘密花園一點也不秘密，它想讓肚餓了的人都進來得飽足！環境清新舒適，滿滿愛的設計餐單，身體和心靈的聚腳點。一邊吃飯一邊可以放鬆心靈。雖然說是免費的，但食物一點也不求其！而見得是花了心思設計，吃得出家的味道，鎮江骨黑醋飯酸酸甜甜很好味，份量也剛剛好！而兒子也吃了很多意粉，再喝一杯花茶和蛋糕，肚腹和心靈也同樣被滿足了。藍莓蛋糕超好味的！很有質素！這地方讓我感受到世上還有很多愛。最後我們還給了值得的價錢去支持這家有愛的店經營下去給更多人飽足。💓👍

早前睇新聞見到哩間cafe，覺得環境唔錯，而且佢最大嘅賣點係免費，就好相想嚟睇吓，試吓究竟係唔係真嘅雖然呢個地方有少少偏僻，但係大水坑落咗車其實好快就到，當日唔記得左預約，好感恩個度既員工真係好nice，有對客人走咗就即刻俾我同老公入去一入去又有熱情嘅招待同埋介紹，我感受到佢哋嘅親切同埋友善，當日嘅餐牌有兩款：雞飯同黑松露海鮮炒意粉，仲有前菜同埋甜品，成個製作非常認真前菜係雜菜，感覺非常健康而且入味，至於兩個主菜，我覺得都唔錯，而且份量唔算好少，啱啱好，最正係有甜品食，甜品係自家製，特別窩心最後真係一蚊都唔使比，咁但係我同老公都會支持一下，俾咗啲錢去支持呢一個良心企業，希望佢做得着啦

有朋友係附近住，探佢時見到有間佈滿花既花園，走入去睇下，原來係間cafe黎。一入到去有兩個下午茶餐選擇，但好得意無價錢既，問番d員工，原來間cafe 係社企黎，主要係想俾個地方繁忙既香港人坐下，食下，傾下計減下壓。大家食完野再隨心入錢黎幫手營運。真係一間好特別既cafe.環境佈置有好多花既裝飾,令人特別relax, 當日試左奶醬多士，咖椰多士，配左d曲奇，洛神花乾，食落樣樣都香脆。日本叉燒通粉塊日本叉燒勁厚身，通粉都好食。仲有洛神花茶飲，配埋綠茶同竹炭蛋糕，蛋糕有雪糕既感覺，好味。

今日一個人踩開單車，唔知食乜好，最重要又唔知邊度可以擺單車，最後去到馬鞍山一道叫大水坑的地方，因想起之前朋友介紹過，這裏有一間叫《 秘密花園 》食店，這間富有特色的西式食店，［ 喜歡戶外或室內隨你喜歡 ］店提供有［ 花茶、咖啡及一些小點 ］內裏沒有餐牌，而每天都有一些特色的下午茶餐，我便叫了今天的下午茶，套餐包括［ 土匪雞翼、餃子湯烏冬配一杯玫瑰花茶 ］，我踩單車也可以坐室外吸收大自然，講返食物的味道，絕對有水準，店員親切有禮，有機會我都會再去光顧。店舖裝修雅致室外也很優雅餃子湯烏冬土匪雞翼香脆綠茶紅豆糕配泡芙玫瑰花花茶清香

今天到了真正的秘密花園在沙田大水坑村内，朋友經過見到，以為是新開小餐店，還要一早預約坐下，點知。。。沒有餐牌，食物是免費的！！真是免費的！！由特色飲品，前菜，主菜到甜品，很家庭式的味道店主原來以食物為引，實為希望打造一個悠閒空間比人抖下倾下計，減下壓店主退休前是家庭輔導員。這裡的裝修，佈置，食物，營運等都是一班支持店主的義工提供有時又搞下不同的分享，下週日是咖啡介紹，有時係親子，烹飪，手工，都是熱心義工負責，只是收低廉的費用感恩這裡仍然有如此有心的一群人與黃太傾了一陣，她還請人即沖了咖啡給我們。離開時，見到門口有小箱一個可以放贊助，點好意思就甘走出去？

之前行過附近见到 就上網睇左下要book嘅 見今日99得閒就帶埋BB一齊去喇環境好好 有啲台灣民宿feel 芒果甜品好正我哋食左肉燥飯同青咖喱飯 份量唔算太多 女仔黎講就OK 男人可能唔夠食 好鍾意d環境 適合朋友傾下計 打發時間咁呢間係社企餐廳 食完隨心捐錢落去 呢個係個好好嘅概念 希望佢可以一路經營落去

睇過哂全部食評，究竟應唔應該嚟試呢？但今日喺沙田做完嘢，又真係好想搵個企理嘅地方自己坐吓食吓嘢，好唔好食都試一次囉。睇地圖好似唔係好方便，但原來揸車嚟都好快手，尤其是今日係星期四嘅下午，有好多咪錶位，泊落車行過嚟都好方便。外面環境幾好，村屋嘅外面放咗韆楸，又有啲室外位置。嚟之前已經打嚟問咗佢哋開唔開，店員話預留啲食物俾我，所以一嚟到已經可以食洛神花紅菜頭汁非常清甜，紅菜頭味道適中，好解渴，真係一杯飲過再一杯，好傾未嫌夜醉雞翼旁邊有啲清爽嘅青瓜，冇乜調味但食到最原始嘅瓜味。雞翼有啲淡淡嘅酒味但唔會好濃，肉質唔算好滑溜但OK啦，有屋企嘅味道囉！鯖魚飯店員問我要唔要試隻鹽焗雞翼，梗係要試吓啦！冇乜賣相嘅lunch，真係好有屋企嘅感覺！同平時喺日本餐廳食開嘅鯖魚唔同，呢條魚係比較乾身，好在有啲汁都還可以；叫咗少飯但都好似仲好多飯咁嘅？旁邊有大大條嘅椰菜花，但如果多幾條就更好啦。上菜時店員話如果唔夠汁可以再問佢哋攞，未食已經知唔夠，佢即刻好慷慨咁成支俾我自己落，真係好！食食吓又問我夠唔夠食，如果唔夠佢哋可以再加料俾我，我就好唔客氣咁話想要多啲椰菜花，點知店員成盒咁拎過嚟俾我，仲話我夠佢先停手喎！

從沒去過一間店只是招呼朋友的，在門口看到"招待朋友" 的告示，相信大部份人都會猶疑: 是否可以進去？我探頭一看，見到店內的人談笑風生，真是似朋友相聚，而且這個地方佈置得很舒服，真的可以好放鬆，和朋友聚一聚，吹下水。不小心被裡面一位女士看到，還主動的問: 是誰的朋友？我這位路人甲被她看作朋友，傾了幾句就請我入去坐，還當朋友的免費招待，真有點不好意思。原來他們二月份開始，只招待朋友，所以沒有餐牌，他們今天有什好吃的，都願意分享，就像好友到訪一樣。今天店主送的那壺雪菊茶，透明壺中橙紅色的茶，真是賞心悅目。我相信在這裡吃什麼都好吃，因為店員都滿有誠意和笑容，就是人情味濃，原來他們是社企，想提供給朋友街坊一個放鬆環境，難得這樣有心，我臨走前贊助了他們，支持他們在這冷漠的世界，給人一點溫暖。

跟隨路牌指示於村內尋覓，終見其入口。如餐廳名字一樣十分神秘。當日店內只有ABC三個餐可供選擇，最後選購最安全的茄蓉意粉， 味道十分清淡，保溫完全不足食物已經變冷，食物份量和價錢成反比，食後完全無飽肚感，適合健康瘦身人士。該店採取自助方式，即客人自行從保溫櫃中提取用錫紙盒封存的食物，再付款。唯多個盒上同時都寫上ABC令人在選購時十分混亂……餐廳菜式須少，但十分創新，給人在味蕾上的衝擊真是不容忽視。係西式意粉中加入日式中華沙律，令紅色的意粉上出現淡綠色的沙律，加上未經烹調原隻蕃茄，十分開胃。從極度健談的店員得知該店是社企經營，除了提供食物外，也可以打其熱線講心事，適合宅在家中的人士，一個打開心窗的機會。在短短二十餘分鐘的進餐時候，店員不停講野，令冷清的店內，頓時十分熱鬧，適合喜歡熱鬧人士光顧。再者店員會不時提出問題要求顧客回答，十分互動。完全有回到老家吃飯時，母親在旁喋喋不休的感覺。最後店員在顧客用餐後送上甜品，並詢問客人可以食出甚麼材料包含其中？“母愛”盡在不言中

非常適合夏天去食 識食一定食蕃茄 非常新鮮茄蓉意粉夠乾身 味道拍得上波仔 不過溫度就拍唔上波仔 35蚊送檸檬薏米水熱檸水必嗌 不過要好早去 限量供應 賣完即止員工態度非常誠懇 傾到你唔想傾都仲繼續chur住你 消磨時間既一個好去處個呀姨仲請埋我地食啫喱糖 食得出有橙味 魚膠粉味 最重要既......係愛呀!!!!愛呀!!愛呀!!愛呀!!呀!!呀!!呀!!加上大玩fusion菜 咖哩雞飯加汁係加白汁  你無睇錯我無講錯 係白汁呀 日式咖哩配西式白汁 呢個perfect match食過真係番唔到轉頭份量非常足料 食完都仲可以去麥當當食多個加大餐加個蘋果批 啱曬小朋友食近年必食之選 住附近唔買都要睇下 餐廳位置非常切合餐廳名 名副其實既秘密花園 真係咁易比你估到就唔係食神啦2017 誠意推介 秘密花園 感動人心 震驚十三億人

呢個花園式既佈置做得唔錯，好有格調，好多好靚既花;又有好多木製既裝飾，有種天然既感覺。環境都好舒適寧靜，令人好放鬆，特別係花園張鞦韆椅，坐係上面遙下遙下，都幾瀟遙。無論係一個人去坐下relax下定幾個朋友去傾計都係個唔錯既地方。食物方面，選擇唔太多，好似係甜品同小食為主，但個綠茶蛋糕同木糠布甸都真係值得一試，同埋佢地個紅菜頭洛神花茶，幾特別。呢度d員工都好友善，佢地話好多都係義工黎喎。總括黎講呢度都係個休閒relax既去處

環境舒服我超中意~千秋啊花花啊～有少少台灣feel~木糠布甸，綠茶蛋糕好好食，有健康飲品，檸檬薏米，洛神花紅菜頭，酸酸甜甜唔錯，酒釀醉雞翼口感正，可以來呢度包場開party！老細好nice，會同我地傾下計，原來呢度係社企，希望比一個舒適ge地方大家輕鬆下，減下壓，老細係婚姻家庭輔導師，有心事或問題仲可以搵佢傾計，遲d會有talk啊手作班啊甜品班啊等等可以參加，呢度原來大部分係義工，得閒都可以來幫手，連裝修都係義工一手一腳砌出來，用左2個月，我想要一個咁ge屋企啊～