稻坊 (曼坊) (已結業)

前排中午同屋企人去稻坊飲茶，呢間茶樓一直好受美孚居民同荔枝角上班族歡迎，中午12點左右已經坐滿好多枱客今次我哋叫咗銀芽肉絲煎麵，佢係分開上嘅， 煎麵炸得咁金黃，配埋銀牙肉絲，再點一啲醋，成個口感同味道都十分夾！呢款點心我都屋企人次次都會來點，原因係每粒燒賣都好足料，而且下面放咗好多娃娃菜，娃娃菜吸晒上湯嘅精華，食起上嚟好清甜入味至於呢個棗茸糕，6件只賣$15 ，超級抵食！！食落一啲都唔痴牙，蒸得岩岩好，而且棗茸味好出，完全食得出廚師嘅用心，十分推介！

上星期同女朋友幫襯咗第一次，原本都唔想講，但今晚同埋8個同事再去幫襯，今次點都要講吓……其實$168+10%，晚上6點開始，2小時任飲任食係唔錯，再一次幫襯係覺得食物新鮮，選擇頗多，但有點麻煩係又要用手機嘟QR Code去落單，但普通飲品，丸類嘢，糖水，雪糕，就可以自己出去攞……第一次去食，係晚上7點幾，而今晚就準備晚上6點前等入座。係，可能似住多客嚟食唔憂做定係將會感覺到多客會每晚做到炆嘅關係，啲侍應態度超差，由其係企櫃臺嗰位女子，樣子不算差，但態度無禮貌，其實咁樣對待客，我都唔怕用番同等態度去對待番您哋……第一次食，女侍應帶位，女朋友先行，帶女朋友去第二張卡位，等女朋友剛攝去入座，女侍應然後行去第一張枱回頭而語氣差到好似凶女朋友，而講…“唔係座依張呀”，我即刻回應，唔係依張咁您帶我哋埋枱而今晚依次，9個人一個爐兼坐正門口位，的確係擠迫啲，問咗個女侍應可唔可以轉枱，一句得埋嚟話訂晒位，無……。我同事再問佢另一位男侍應(應該高級點)，對方即時幫我哋轉2張細枱……其實一間公司營運，多客，食評想好，都好靠職員同事合作，客人比錢去消費亦唔係要包括嚟睇您面色做人，希望會改善吓

本身無諗住寫，所以無影過任何相。可怕程度仲未忘記……任食邊爐湯底: 胡椒豬肚湯死鹹、豬肚臭臭地……煲到無水都係自己加熱水，無加湯，咁樣都仲係鹹都喊，鹹到喉嚨痛蝦滑: 唔知落左咩，只食左一咬就無再食丸類: 成舊都係粉黎鮮蝦: 難得有，算正常，過唔夠新鮮肥牛: 品質ok，但每一份得4片，好少牛肉: 無咩牛味，尚可牛舌: 切薄片，淥完都仲係好硬店舖清潔……真係……打邊爐都預左唔太乾淨，但樓面嘅做事方法真係接受唔到見樓面在擺位其屙跌左筷子托落地，另一個樓面執返畀佢放返上枱比客用🤮真係無下次……中午飲茶都要諗諗去唔去

原來稻坊都有任食邊爐，價錢唔係好貴，8點半後仲要有特價，所以專登黎試吓。呢度可以食完雞煲再打邊爐，雞煲仲要無限refill,不過雞煲黎得都幾慢，出面仲有幾十款火鍋配料同飲品可以任攞。雞煲食落有少少辣，都幾惹味，而想食其他肉類嘅火鍋配料可以喺apps果度叫，喺廚房直接攞出黎，保持新鮮，全部配料都好新鮮，所以真係好抵食。

今日同呀媽去左美孚稻坊飲茶，其實呢間響美孚咁多間酒樓裡面最常去，皆因環境舒服，由開業至今食物水準無變過，平日都好多街坊支持！午市飲茶既燒鵝瀨粉，盛惠$39碗。以呢個價錢來講可以接受～瀨粉好幼細， 開頭以為黎錯係米線，哈！燒鵝皮脆肉滑，蘸埋酸梅醬，真係好正～我地另外叫左「椒鹽炸軟殼蟹」，呢個就不過不失，份量係幾足，但略嫌唔夠脆呢個就係點解成日黎飲茶既原因因爲呢到每日都提供免費湯水供客人任添，非常貼心！

今日有同事離職，所以我們一班同事同佢一齊食飯farewell佢，有啲同事仲要在九龍灣搭車去到美孚一齊食飯添，同事一早就預訂了兩圍，酒樓都俾左間房我地方便我地影相。同事仲一早訂了一個下午套餐。可以一人齊就可以起菜。蘿蔔糕，入面有蝦咪，臘肉，但唔算多料，蘿蔔糕有點硬，可能粉多一點，唔夠蘿蔔。煎得都唔係好夠香。鯪魚球，鯪魚球都炸得幾香，都好重鯪魚肉味，但冇蜆芥點，有點失色。海鮮小炒，有蝦球，魷魚，翠肉瓜，都炒得幾惹味既，蝦都幾爽口，魷魚都好新鮮，都唔錯！貴妃雞，雞都好滑，好大隻，但又唔係好肥，但係好有雞味。上湯菇菌時蔬，上湯好甜，白菜吸晒上湯味，好甜，菇菌都好香，好有咬口。燉湯，入面有魚唇，雞，瘦肉燉出黎既湯，湯好濃，飲落有點黏口，好有骨質，成個湯都好好飲！福建炒飯，飯都炒得乾身，上面有蝦，帶子，翠肉瓜等，個汁做得有點稠，但整體都不俗。清蒸海班，條魚都蒸得幾滑，都好新鮮。燒賣，有大大粒蝦响面頭，但啲燒賣送上枱時都側晒一邊，唔夠美觀。蝦都好爽，入面的豬肉就普通啦，不過不失，燒賣皮都幾薄。山竹牛肉，牛肉都幾大舊，好有肉味，不過都食到差唔多，所以感覺冇咩特別。最後一個係奶皇包，上枱時覺得造型好得意

星期日中午茶時間唔算多人，9個人唔洗等已可入座，但上菜好慢，下單等半小時先上第一碟，食物一黎到唔算好熱，可能人手不足，食物味道亦一般，同大部分酒樓差唔多，但點心款式算多選擇。**重點：坐低第一反應係餐具好污糟，杯有黃漬，筷子仲有菜渣痴住！用茶洗左兩次碗，都仲有一層油浮係到，無誇張，雖然出去食野都預左有機會唔衛生，但係呢間一定係我見過最污糟嘅酒樓。職員服務態度好差，沖錯茶葉比我地，又唔肯換返，仲堅持話無錯，最後為免佢"加料"，都係算數無追究......

今日下午放假，嚟曼克頓山稻坊歎吓下午茶，呢度有長卡位坐，比較闊落舒服，點心款式多，蝦餃燒賣都唔錯，尤其蝦餃大大粒，餃皮雖稍厚，但蝦肉夠大夠新鲜，腸粉夠滑，煎籮蔔糕大件夾厚，煎得幾香脆，呢個下午茶都幾自在。

又到年尾，又係同一大班親戚朋友食飯既時候，由於人多熱鬧，所以就揀咗酒樓食晚飯，今次係去左稻坊。我地一早已經決定左菜單，所以人一到齊，叫左上菜，等左大約十分鐘左右就有得食。計埋甜品有十一道菜。有米脆皮皇子豬乳豬燒得脆皮，好食，不過糯米飯就好普通。香濃芝士波士頓龍蝦稻庭烏冬底烏冬彈牙，芝士香濃，只是龍蝦有點over cooked。花膠蟲草燉水鴨個湯燉得好清甜。清蒸游水虎杉斑魚蒸得啱啱好，魚肉嫩滑、鮮甜，淋上豉油和香油，魚肉、蔥絲混在一起，一齊食，好不美味。杏香脆皮燒雞雖然食唔到杏香，不過雞好入味，皮脆肉滑，好味道萌萌流沙包賣相的確好萌，味道就比較普通。總結黎講，有寫介紹既都叫可以既，其他都好一般，酒席還有氣水同啤酒，一班人相聚一起食飯都係唔錯既選擇。

因為掛住傾計嘅關係，相就影得唔多，都係影咗粒蝦餃姐。蝦餃皮有啲厚，口感一般，但啲蝦都好好食嘅，食落彈口。有個xo醬炒秋葵都值得推介，下午茶時間想搵d小食食下呢個好味得黎又健康。

早前曾試過下午茶食過點心 今次就約埋家人叫小菜飯聚一行三人 叫兩個小菜食呢個酒樓晚市除左圍菜 小菜 亦有任食火鍋一入去見好多人都食緊火鍋但奈何近排有啲熱氣所以都係試下小菜先 下次有機會先食過邊爐 雖然人少少 但都想食乳豬皮夠脆 肉算厚身 唔會燒到乾身晒 juicy既 又唔會過咸 加埋乳豬醬 係好食既 黑松露炒帶子鮮魷同豆雖然望落好似每樣配料都有黑松露但食落松露味又唔重味道清新 帶子同鮮魷都新鮮彈牙既唔駛點加辣醬都夠味配埋白飯 一菜一肉 三個人啱啱好

係美孚工作 得閒就約下朋友下午茶食好少少 就會黎稻坊一行5人食下午茶一去到時都算70%full 可能星期日比較多人由2:30坐到4點左右 職員就開始清場唔知係咪去得既都係熟客 知道規矩4點左右其實已經走淨幾枱only叫左唔少點心蝦餃新鮮大大隻XO醬蘿蔔糕 夠熱夠惹味腸粉 足料夠滑係個櫻花蝦薄餅 個味一般 蝦係薄餅唔係好夾職員可能落左場 較少人想添水都難搵人啲雖然係下午茶 但5個人食左5xx元感覺有點貴 同埋未吹夠水就走嚕唔係幾好意思阻人收工

天氣開始涼了，今晚比較夜一點用晚餐，就想起了去稻坊吃自助火鍋。自助火鍋分兩個時段，八點半後會比較便宜些。一段時間沒有來，今次發現餐廳layout 有點改變，自助區搬到另一位置，還加大了，種類真的出乎意料的多，蔬菜，配料，甜品 醬油一應俱全。今天點了麻辣湯底，麻辣湯底不太油，很，點了一些牛肉，小食。選擇真的很多，你想得出來都有，當然這樣的價錢選料不會非常非常高級。但是如果用餐人數不多，自助火鍋可以讓你選擇更多不同的火鍋食材。

家常晚飯本來最主要是食物款式多，上菜快，份量適中，味道不太過分便合格了。今晚來到稻舫因爲附近兩間餐廳排長龍。稻舫晚餐分火鍋和小菜兩種。我們選了小菜。餐牌款式多，價錢也不太貴。三個餸的餐也只不過是三百多。本來食物味道不錯，但是冷氣太大，食物未進口已是凍冰冰的。最後大家都要趕緊把食物送進口裡。另外，吃小菜的食客，都會安排圓枱。我們的枱與鄰座的距離不到5厘米，我的椅背是差不多貼著鄰座的枱。地方太擠迫。除了，食物和服務，環境也會影響用餐經驗。

「稻坊」是香港稻香集團旗下的火鍋專門店，全新形象的「稻坊」以富有特色創新火鍋為主打，精緻粵菜及茶市點心為副。店內設計打破傳統中式酒樓裝潢，貴氣典雅的風格，座位寬敞，讓客人能夠在優雅舒適的環境當中細嚐各式各樣的佳餚美食，為顧客帶來粵菜、火鍋用膳新體驗。我已光顧過「稻坊」的超超值全包宵夜火鍋放題，今天再來品嚐店家的特惠粵式茶市。 「稻坊」 荔枝角店的茶市特惠時間為星期一至五早上9:00至12:00 (以埋單離座計)，點心價錢分別是小點$13、中點$16、大點$20、特點$23、頂點$27，茶芥每位8元。首先超讚的是這裡的茶市優惠時間特長，點心價錢非常親民，加上地方整潔寬敞、餐碗茶具清潔無損、服務員以至傳菜員都和善有禮、冷氣充足、自助醬料吧任裝、茗茶香濃足味、點心籠乾潔企理，最後是大部份點心是由集團物流中心自家制作，材料品質都有保證，值得稱讚！ 自助醬料吧任裝 ▲泰式班蘭糕 (中) HK$16 ▲海蝦肉丸粥 (特) HK$23 ▲蜜汁叉燒腸 (大) HK$20 ~ 抵食又好食，用整件叉燒而非切碎了的下欄料，值得一試 ▲芥末花