稻坊 (曼坊) (已結業)

這裡食物味道算淡味道沒有豐富層次有住家 feel一般來說都不會讓我印象深刻$68 再加 $1 多個蝦可能沒有葱花與蛋花味道不夠吸引 今晚唯一驚喜係自助甜品 BAR只需全枱每位加 $8 便可隨便享用我選了其中2款杏仁茶超濃香杏仁味不會太甜蕃薯糖水超多料蕃薯煲都好冧好香甜仲有雪耳.紅棗 原來這樣配襯味道也很好 !晚飯平凡但甜品超抵讚 !

這品牌遍佈全港，但每間分店水準真不同。 訂了位，也要等原來真不是間間燒鵝也好吃，這間的燒鵝皮不脆，鵝肉有點"un"，還沒肉汁！ 蒸海斑，可能時間耐了點，魚肉有點"un"。羊腩煲大大煱，可惜羊肉少，勝在不太"so"，但最失敗了沒跟爐，羊腩煲很快凍。沙律肉排，味道好，肉身也有點"un"。黃花魚加梅菜蒸肉餅，黃花魚蒸的時間剛好，意外地肉身比海斑滑，梅菜蒸肉餅較普通。總括來說，是不過不失的家常飯。

今日大清早便餓醒了所以難得可以飲個早茶 8時許便到了較平日冷清噢 ! 很久沒來連孿寶也沒有了這也能理解現在食材太貴了那糟了因為平日我便不用太花心神選食物來一個皮蛋瘦肉粥再隨意選個點心便行所以也不能說沒得選不好至少 ... 少了花心又貪心的煩惱卞我最終選了糯米卷: OK ! 沒驚喜鮮蝦豆苗餃 : 菜不是用肥雞油製作.味道當然很清.有點微苦澀.豆苗味道太濃, 蓋過了鮮蝦味道這也證明我一直較愛這來飲菜原因這裡點心一向較清淡.不太肥膩我一直很想試的超驚喜 !個酥皮炸得超乾身.脆脆硬硬根一般店子的鬆軟酥皮口感很不同但內裡蘿蔔較別的冧又juicy蘿蔔仲有微微獵腸香味熟到入口即溶這種裡外天壤之別的口感反而讓人一試難忘真的重口感吃一件己讓人感到滿足夠了 !落單後才發現隔離有孿寶紙只是我那份久了 總算錯有錯著吃到美味蘿蔔絲酥餅

老媽又懶煮飯又落街開餐原本想去又一間冰室佢地都係$68一個小菜配飯.湯.飲品我覺同茶餐廳也差不多所以, 並不吸引 ...行行吓去咗呢度門口個靚姐姐又係吟 promotion 所以我地又入咗嚟試 嚟度呢度又讓我想起無人不知 $1蚊雞家陣又有新賣點$1 冷盤不過係要用$78叫個魚湯煲講開個冷盤真係比 $1蚊雞好食好多個$1蚊雞係好似用水煲到無灑味靠食豉油呢個冷盤每樣起碼都有6件牛展好入味唔會太鹹味道適中老媽不吃牛攪得我一個人吃了6件大牛展己經飽灑 蝦有濃烈酒香木耳同青瓜都是酸的帆立貝:我個人覺得冷盤製法不夠鮮味但老媽覺得這個很好食 魚湯煲味道有點像 " 濃湯寶" 放心這個不像有味精魚肉夠厚切質素還可再配上木耳娃娃菜很清甜這個名叫脆脆咕嚕肉排骨可能太多脂肪或用了很多鬆肉粉食落沒有肉感不算脆 !青椒偏生菠蘿還好$28 優惠糖水大棗雪耳燉官燕可惜漏了雪耳所以, 我們退貨了我見隔離枱也要差不多食物還加了 $8/位 任食自助糖水看來非常開心今期 promotion 還有 $38 大閘蟹幸好我沒有貪心叫了因為這裡餸還算份量足夠

食物：雖然有特價點心，但選擇不多。燒味單拼$25，價錢比快餐店貴，燒味又凍、又乾，極不新鮮；原蝦燒賣皇，大大粒，還真的有一隻小蝦放在上，也可說是原隻吧！皮蛋瘦肉粥，似白粥多一點；醬皇金錢肚，醬汁真的多，味道小辣；香滑奶皇包，奶皇雖好味，但沒有流出來的香滑。服務：員工需要再培訓，無禮貌、各員工無溝通。 一碗粥order三次也留單，等了一小時多才有；奉上沒叫的點心，已向員工說明沒order，仍堅持放下，還找其他人前來理論，付錢不是問題，浪費就是最大的問題吧！

依個週末遇正短週唔使返工，舅仔又咁啱都唔使，老婆同姨仔週六例休，難得大家依朝無細藝，就一齊行遠少少過嚟稻坊飲啖茶，食個包。都差唔多成10點，等位唔多人，等咗一陣就有位。個場都裝修得幾靚喎，天花一列水晶燈，亮麗但唔俗套；近窗係一排卡位，感覺較為闊落光猛，場中就稍為逼啲，全部枱凳都係一張緊貼另一張。點心紙分為炸點、蒸點、粥點、腸點、飯點、甜點……，大部份以大中小點計價錢，至於大中小點咩價，在於你晌邊個日子、邊個時段幫襯；不過，有啲又標明價錢，而且，仲有一張紙仔「時尚點心」，有晒價錢之餘，仲圖文並茂添；當然，唔少得一啲優惠美點，價錢會更抵啲。拿住堆點心紙，輪流揀幾款點心，剔吓剔吓就咁剔咗成10樣嘢，應該都差唔多，唔夠再補單。鮮蝦炸油角個名唔係好記得，不過，外貌跟過農曆年時食嘅油角一樣，角邊扭晒花。餡內包裹蔥花、蝦肉，食起嚟無咁油膩，不過，外皮有啲厚，又唔夠脆。酥皮叉燒餐包 $13.8叉燒餐包加咗菠蘿包皮嘅版本，上面層菠蘿包皮幾鬆脆，包身亦都發得鬆軟，不過，叉燒餡得好少，唔好見佢好似大大個，漲卜卜，查實內裡好「真空」。陳皮牛肉腸（大點） 即拉腸粉夠熱辣，始終好食啲，腸粉皮拉得都夠薄，透出牛肉，

一蚊雞, 相信是不少人的回憶. 十六年前的一蚊雞推出的時候, 我還未回到香港. 轉眼間, 人和事都有很多的變遷, 而稻香這次再現一蚊雞, 就趁是晚一家人晚飯來一試. 晚上六時許來到, 人客已經不少, 不過我們訂了位就不用等. 見稍後時間是更加之旺場, 檯檯都叫一蚊雞, 相當熱鬧.貴妃穗香雞 $1: 7分, 其實可以叫半隻, 只需$0.50, 不過套用文迪一句, 那$0.50她豪俾我吧, 那有人會來只吃半隻雞. 份量其實不算太多, 這隻不是大雞. 肉質是偏實, 是因為店方用的是廣州走地雞吧, 有部份地方更是幾難咬得開. 反而難得的是雞味還算突出, 今時今日來講已經甚少見到. 這隻一蚊雞, 不算是好高水準, 但就一定是超級抵吃. 又: 究竟一蚊雞三斤龜邊個貴?金銀蛋扒菠菜 $58: 6分, 也要碟菜吧, 菠菜實在偏老, 不過配上金銀蛋同吃, 還是下火的好選擇.螺頭燉雞湯 $148: 7分, 另外要了客孖寶, 其中一寶是螺頭燉雞湯, 大大煲, 熱辣辣, 湯幾鮮甜, 不會太油, 不過嫌螺頭味道被雞的味道蓋過了.脆皮鮮果咕嚕肉: 6分, 這就是另一寶. 雖然叫做脆皮鮮果咕嚕肉, 但是晚吃到的不

今天係祖母的生日, 係度再次講聲生日快樂, 祝祖母身體健康, 長命百歲.家人一早已經 book 好是日晚上 7:00 的枱, 而且更選好全包宴 - 歡聚宴皆因有成 17 位, 所以要了 1.5 席未人齊的時候, 早到的人 (包括我) 又有啲肚餓喎, 結果叫了兩隻 $1 雞當餐前小吃.兩隻好似好多, 其實雞不是太大隻的, 但味道及肉質都不錯, 而且最好係一啲都唔肥.* 最後前後加埋要咗三隻 $1 雞, 都係 $3 啫, 抵食.歡聚宴上湯波士頓龍蝦 (伊麵底) - 上湯味道偏淡, 而且獻汁比較杰, 好在龍蝦肉尚算爽口彈牙, 但鮮味一般乳豬併盤 - 叉燒好好味, 乳豬皮脆, 豉油雞及燒鴨一般, 仲有比較特別的豬耳凍 (但並不是爽口的)玉環瑤柱甫 - 節瓜好細件, 所以釀入去的瑤柱更細粒, 味道好一般潮貢炒花姿 - 用貢丸再切碎炒花姿片及翠肉瓜, 味道可以紅燒雞絲雙囍翅 - 環保 + 保育, 唔食翅, 改飲燉湯 (一席有兩窩), 嚮螺准山煲雞, 真材實料, 湯底清甜又唔肥蟹肉扒西蘭花 - 蟹肉不是真的蟹肉, 而是仿蟹肉, 個人覺得味道好假, 所以吃了一條便算了, 西蘭花正常味道清蒸大海班 -

新年期間, 當然要吃糕點. 除了自家出品, 也有吃到這裡的製作.蘿蔔糕: 3分, 吃完自家的, 一對比才發覺這裡的實在強差也意, 料下得不多, 不夠香口, 更加重要的是有點益味.年糕: 3分, 一樣的不太理想, 質感麻麻, 椰汁 比例太重, 好像只吃到椰汁的味道.大家一致同意下年不會再試這裡的出品.

住美孚的朋友剛巧也是休假，便約了一起在閒日的早上飲茶。想不到閒日早上十時，仍然要等位。結果等了又等，等了差不多10分鐘才有檯。一張大檯分四檯，我們是A檯，還有正檯和B、C、D檯。看看點心紙，與我家附近的稻香差不多，都是孖寶和特價點心紙。而且款式和價格也很接近。煎糕雙拼：馬蹄糕，蘿蔔糕各兩件。SIZE比一般常見的糕細，但煎得很香，而且不太油。配上一碟辣醬，蘿蔔糕更是惹味。三式蒸餃：潮蝦餃、菜苗餃和潮州粉果。比上星期我在稻香吃的這兒的好像皮比較厚，而且上檯後已經不太熱，可能是大批做的關係，派貨時已等了一段時間白灼西生菜。很細碟，不過有少許蒜頭的鼓油吊味，味道不錯。菜肉卷，應該是菜肉飽的變奏版。菜肉味道較淡，但外皮反而喜出望外，很鬆軟。最後來的叉燒腸。同一檯有三家人都叫了這個，而我們落Order紙都是同一時間的。但結果是三碟腸粉都分開三個不同時間才抵達。腸粉竟然沒有牢牢包實餡料，一夾起第一條腸粉已經發覺餡料從內裡跌哂出來了。服務方面：侍應生都算很做嘢，而且加水也很爽手。價錢方面：真是很抵吃了，我們從十時多坐到十二時多，價錢$52.5...兩位，圍返都係$26左右一位。我想稻坊與一般稻香最不同

又是一家人晚飯的日子, 是晚就近近地又來到這店, 七時許來到, 店方把火鍋那邊的檯開放番出來做晚飯, 我們還能馬上座, 之後來的已經要等了. 四個人吃, 要了五個菜, 相當豐富的一晚.金蒜銀絲蒸元貝 $98: 7分, 要了個晚飯孖寶, 就是元貝加半隻雞, 只要$98一客, 都算幾抵食. 金蒜銀絲蒸元貝一客六隻, 都算新鮮, 也幾大隻, 不過嫌加了生菜墊底, 跟元貝同埋粉絲其實都不太夾得到. 簡簡單單的用蒜蓉粉絲去蒸其實已經得, 現在的版本就有點奇怪.脆皮雞: 8分, 一客半隻, 份量也不小. 雞皮脆卜卜, 雞肉嫩滑, 黑肉部份更加出色, 也不會炸得太油. 據店方講, 雞是用上廣州的雞, 似乎來自廣州的雞又真係幾好.黑椒蔥爆豬仔肉 $42: 7分, 個汁偏濃烈, 是好惹味的, 不過吃到後期攤凍了就比較大味. 豬仔肉都幾靚, 不過吃了一件是好難咬得開.彼得扣安格斯牛肩 $78: 7分, 一客七件, 剛剛好一人兩件, 吃得小的媽媽就吃一件吧. 用上安格斯牛肩, 肉質幾好, 食落口無渣, 不過個汁就不太入到件牛.濃雞湯浸娃娃菜 $42: 8分, 意料之外的大大煲, 娃娃菜都算鮮嫩, 喝口湯,

好凍，好想打邊爐 ~ 係美孚行來行去都搵唔到有飯店、有酒樓有中式邊爐，行行吓，黎到荔枝角先搵到，真係搵食艱難啊 ~ 起初還以為係稻香，食完先知原來係同一集團，不過唔同名囉 ~ 唔掛得格局、裝修、食物都咁相似啦 ~ 依家改左自助調味吧，要自己行出行入攞野飲、攞調味料，搞錯呀，要食自己、自己搞掂 ？﹗出街食飯都係想有服務啫，要扣分呀 ~ 原來唔止我一個咁諗，隔鄰枱位成身銅嗅、講野聲大大既阿叔都有同感，，感到好驚訝。佢大聲同個侍應講吓？幾時轉架？要自己服侍自己？我叫您去攞得唔得呀？醉雞煱湯底，足料、酒香、味濃、香甜美味，忍唔忍連飲碗，事後都唔覺口渴，證明真材實料，正呀。醉雞煱雞件，用花紹醃過，肉質超嫰滑，雞味重，又唔會太肥，煮熟後有微微既酒香甜味，好味道。桂花蚌，大大碟，份量不少，好爽脆，又滑又新鮮，超水準。安格斯牛肉粒，略厭肥膏同根太多，口感過硬，完全無棉滑感。頂級手切雪花牛，超甜呀，重牛肉味，肉汁豐盈，口感嫰滑。脆鯇魚骨腩，勁爽脆又有鮮魚味。竹笙，新鮮爽脆，吸收晒所有湯既精華，勁好味，既保健又健康。手打四寶丸，有牛、鯪魚、鮮蝦、鮮墨魚，全部新鮮彈牙。我唔太喜歡加工過既丸，新鮮好食百倍。美

在我公司，慶祝聖誕很簡單，中午隨便找間酒樓，叫一大堆點心，大家吃過痛快，也是慶祝的方式之一。跟我的同事食飯有度好，就是不用費心點菜的事，總會有人起勢的劃呀劃，然後就會得到滿桌食物，都幾開心。如是日，食物是多得幾乎大檯也放不下，很誇張，所以我這篇文章也只會摘錄部份食品。先有雞，半隻，鮮味肯定是沒有的，勝在肉質尚算嫩滑，配上豉油，總算可以，大抵連鎖酒樓都差不多是這個水準；另外的蜜汁香酥骨，係帶點蜜味，然而燒骨是十分之硬，完全唔得鬆化，是我最討厭的。老總最喜歡鮑汁雞腳，這裡的出品亦唔差，起碼軟身，入味，看見老總吃了不少。當然，配角的花生米亦不要錯過；另有韭菜豬紅，豬紅實感尚且實在，但我更喜歡韭菜，香口好吃。很多酒家都流行點心拼盤，給我的感覺就是求其執一些點心放入去，這次有蝦餃、燒賣、叉燒包、潮州粉果、紅棗糕等等，我吃了的蝦餃，皮還不算很厚，但蝦肉真不夠爽；燒賣是豬肉多蝦少，比例不對辦；紅棗糕，並不是煙韌，而係黏牙。因為有同事愛食燒賣，即管再來一籠，這次反而有不少蝦肉，比點心拼盤的好得多。煎炸食品一向是我的心水，貪其香口，今次同事亦劃了不少。如錦鹵雲吞，是皮脆，可是餡料真的太少。但這類脆口的東

原來這裏平日下午茶是不論大中小點都是$7.8 ... 水準中規中矩 款式尚算足夠, 不會因特價而限制選擇， 我點了碗$10.8的叉燒飯，很意外地十分足料呢! 服務方面, 職員反應算快, 整體滿意

風捲殘雲的掃了14樣點心。特價的有腸粉、薑汁雞包仔、煎薄餅及鳳爪排骨飯。其中最差是腸粉，放入口便知不新鮮！排骨飯則只得半盅！不如收正價給我十足好過。其他點心包括煎魚餅、紅棗糕、菠蘿芋頭包、柚皮鳳爪、鮮竹卷、糯米卷併潮州粉果、燒賣、脆麻花、綿花雞及鹹水角併春卷。當中最好食的是煎魚餅，表面煎得幾香脆。柚皮鳳爪及鮮竹卷則不合格，前者鳳爪未夠腍，後者的皮幾韌。點心中下水準，一次貨仔。