稻成京川滬 (新都會廣場)

營業中

休息中

服務員招呼很好，落單快，送豆漿～可能叫套餐，上菜超快～但食物就對比之前較為遜色了，同事都大感失望。 松子魚上台賣相不錯，一食….即試到無汁位置會食到腥腥地 同幾個月前食差得遠；黃金蝦球….較厚粉，食兩口都飽飽濟濟，蝦肉略為乾身；孜然排骨好香口野味，一上台即食（不錯），遲十幾分鐘後食既，會覺得超乾…似有骨肉干，咬都好難撕開乾巴巴既肉。（同事最後都放棄肉乾沒吃）其他食物都不過不失～ 無驚無喜～但今次真係較為失望～

中秋早少少做節同d 老人家食，知道新都會星期六勁多人加埋就中秋，早兩日電話booking 左，得返5:00-6:30， 咁都照食囉⋯⋯我哋5個人安排左sofa 位，初初諗住食5-6人餐，但好似差唔多，所以散叫叫左稻成酸菜鱸魚、陳醋伴老海蜇頭, 京燒羊腩, 稻成片皮鴨(半隻）,茨實浸菜心苖, 之後好似唔夠，加左個小龍包，上海粗炒，鑊貼和燒豬仔骨⋯⋯個酸菜魚ok 多料d 魚肉都好鮮，海蜇頭開胃野味，羊腩都香但冇乜味淡左d, 片皮鴨都好唔太肥，菜心苗幾淋，小龍包鑊貼正常發揮，個粗炒一般和顏色太深，燒骨返宜幾香好入味⋯⋯埋單5人$17xx

I was here with friend, they leaded us to a small table at the corner while there are other table available and told us others are booked ( not sure if it’s true), and during order, I mean I ordered according to the set later but they still counted the food I at first ordered and cancelled, and they brought all the dishes together to you at this small table. When I paid after dinner mentioning this, the service guy doesn’t care and ask why you take them ?? Come on I already cancelled that when o

想食京川菜又坐得舒服見午市有特色套餐而且平日下午無人等位就試一試揀左午市2人套餐包一款前菜、點心、主食、時蔬、甜品等🥢 雞絲粉皮麻醬味道偏甜， 而且太濃，漿住哂 啲雞絲， 相當漏🥢 小籠包皮薄湯料多，肉湯味道濃，水準不錯🥢 賽螃蟹蟹肉都幾多， 配蛋白、蟹子同醋一齊食， 都幾鮮味🥢 紫淮山炒時蔬（+$18）唔係好多地方有得食紫淮山， 加小粟米、蘆筍一齊炒，配搭不錯🥢 高力豆沙

我地都好怕 等位/坐得迫…做嘢經已辛苦, 放 lunch 真係想抖下 有番啲空間呀~都幾常會過新都會食 lunch, 發現呢間有卡位嘅中菜 ok 呀~ 由於唔想用腦我哋直接揀咗$288/2位 嘅午市精選套餐~ 幾好吖!前菜我哋揀咗雞絲拌粉皮時蔬我哋揀咗蒜炒時蔬主菜我哋揀咗京蔥爆牛肉點心我哋揀咗稻城小籠包我地覺得質量 ok 喎白飯 +$12雖然我唔明佢個 set 做咩唔跟白飯, 但係作為飯桶, 我一定要加個白飯… XD甜品我哋揀咗金絲南瓜餅欣賞呢度嘅同事全程都係保持友善嘅笑容主動睇吓我哋有咩需要 主動幫我哋加水主動幫我哋換甜品碟

Coming forth with neutral expectation, I didn't realized I've experienced extreme hell within 2 hours. Paid exclusively for service fee, hereby shockingly forcing me to experience the worst service I have ever seen in my entire life. The time we asked for ordering, which doesn't include any self-help QR code on the table, waitress who passed by saw our waving hands high up in the air. Yo?? Noted with no response, and walked away. We forced to wait for 5 mins until another waitress pass by. Waitr

服務態度實在地獄，影響店舖聲譽。收人$70幾蚊服務費唔值呢個價，竟然食到受氣極點。服務員十問九不應，問完一個問題竟然可以調轉頭，反智轉身，就走咗去。需要再搵第二個人落單。上菜時大大聲好似大排檔咁叫人彈開，時不時個職員會撞到櫈背加個客個手踭。上菜次序完全無詢問過客人。眼見全枱都係菜，唔收碟就立即上酸菜魚，那時竟然叫個客幫手上菜，移走外餘的碟子。個職員係唔係有問題？咁大碗嘢仲熱辣辣叫個客180度旋轉反手在上菜，完全有燙傷風險。全程餸菜會上碟但係冇人會主動收嘢，張枱細就叫個客自己諗掂佢，全程無換碟。飲曬茶，提醒過服務員，依然全程都係無加過茶的。其實今時今日差唔多收人幾百蚊一個人, 但係服務仲差過大排檔/茶餐廳，唔係話食客大曬，但真係對啲客好似乞衣咁樣，咁不如就轉行做快餐算啦。

跟長輩外出晚飯多數選擇中餐喜歡片皮鴨可考慮這間服務不錯價錢屬中等食物種類算多而且味道也不差稻成片皮鴨半隻$268皮肉已經分好肉質不算嫩但也不算韌本身已附約十塊餅皮稻成小籠包$56中規中矩但略嫌不夠熱流沙蝦球很熱氣邪惡的一道菜少吃多滋味除了蝦球外還有炸南瓜和炸筍瑤柱蛋白炒飯$138普普通通若喜歡較乾身的炒飯應該會喜愛瓦屋山龍抄手$不知道名字有甚麼特別意思口味較重偏辣甜品選擇不多豆沙窩餅夠經典用作結尾剛剛好

今日同同事聚餐 一行九人嚟到呢間餐廳佢喺新都會入邊都算係少少難搵安排咗我哋坐喺近門口嘅大枱不過都唔會太嘈 本身話有限時但最尾都冇催我哋走嗌咗酸菜魚 魚嘅份量唔算係好多，但肉質都嫩滑嘅片皮鴨就唔係太夠momo皮 同埋配菜得京蔥味道係唔錯嘅 份量就少咗啲🫢🫢🫢其他炒飯啊，津白啊麻婆豆腐啊都正正常常最尾甜品食咗豆沙窩餅香蕉窩力 酒釀丸子同涼粉 都係不過不失嘅感覺 夠熱嘅😬最鍾意反而係佢嘅雞絲粉皮 夠多麻醬超級邪惡每啖落去都將住個口好正😋😋

叫一籠小籠包，計2次價錢。當場冇發現，之後仔細再望返張單先知。下次唔會再幫襯呢間分店。服務態度一般，食物偏濃味，價錢不算平。這個價位，可以有好多選擇。是次經驗令人失望。

舖前身係南小館，環境大致舒適，店員預留大枱，坐得舒服，枱與枱不會太窄6大人、2小童叫了6人餐套餐內有二選一的菜色選擇，有別於完全 set 死的菜單，分量足夠還可打包酸菜魚加 $150 改龍躉，魚肉滑但味道有別於平常食慣酸菜魚的傳統味道，ok 的片皮鴨肉質不會太瘦，配料足小籠包雖然未至爆汁，正常發揮羊肚菌燉湯好味，飲完還想添飲套餐正常分量有6個小籠包。職員見我哋有多2位小朋友，主動加送了1籠4粒的小籠包及多送1杯豆漿，臨走前還主動笑住送著燈的手帶俾小朋友，全晚用餐愉快週末餐廳全晚都算多客，入座前見門口都多人等位。經 Open Rice 訂位，由入門口 check booking 至食完走，全程各職員都有禮、勤快，面帶笑容 ⋯⋯感謝佢哋嘅細心款待❤️

又到一年一度父親節！一定要帶父親食好食中茶　。之前聽人講呢間酸菜魚同片皮鴨好好食，今次趁父親節機會一齊食下！酸菜魚一上枱，勁適合打卡！個湯好好飲，魚肉又嫩滑！配埋酸菜世一搭配！片皮鴨唔好睇佢細細份，包幾份就超級飽肚！青瓜啱啱好加上中和片皮鴨嘅油膩加埋薄薄嘅包皮！

野食整體講都唔差、全晚欣賞係佢個比目魚，真係幾好味叫左個淮山 呢味就真係冇人食 其他個啲都不過不失，有小籠包、餃子，奶油津白同埋好細分嘅片皮鴨地方坐落幾舒服就係叫極都冇人理你 唔係態度唔係，而係唔夠人咁叫左勁耐 都未講完野食佢地就閃左🤢

不嬲都有去開呢間同長輩/朋友聚會味道唔差，食物偏貴除了前菜青瓜，叫了醉雞，小龍包，雞絲粉皮，片皮鴨，鍋貼，擔擔麵等唔知咩食物出佐問題返到屋企已經肚痛，痾佐2次第二日痾佐7次⋯⋯肚癮癮作痛，半夜都起第痾2次，第三日又痾佐4次⋯另外千萬不要叫黑醋汁松阪豬，硬到咬唔到，經理開頭都唔想換話唔係佢問題，（咁即係我叫佢我有問題在先？）碟野連加一都要百6蚊，咬唔到wo大哥，最後有換都算了但食完肚痛肚痾⋯⋯唔敢再去

尋晚同屋企人一齊去食飯，都知有規定90分鐘用餐時間，1845入去，1930已經趕頭趕命收走晒啲嘢想催埋單。咁都算，但催埋單前可唔可以check下啲嘢食嚟齊未？個片皮鴨等咗成35分鐘都未嚟，我哋知你星期六忙，爆晒場，片皮鴨又要時間整都費事催，但你哋一句都冇問「嘢食嚟齊未」，個女店員行埋嚟「係咪冇嘢加喇」然後唔等答覆直接落手想收走所有嘢，枱面碟酸菜魚仲有剩少少已經想收走（可能個侍應望唔到裏面仲有薯粉），然後即刻同佢講仲有片皮鴨未到佢先行去機到check。催埋單都算，但個片皮鴨上枱先打咗個突。大佬，宜家係叫片皮鴨定係燒鴨？隻片皮鴨上枱可以兩種唔同色，個切法完全似燒味斬料咁，你唔係俾甜醬、京蔥、青瓜，我都唔知自己係叫片皮鴨，差啲想問攞埋酸梅醬。隻鴨成層肥膏，肉汁又咸，仲收成$288半隻？唔係呢隻片皮鴨我都唔會打負評！食物一般（片皮鴨垃圾），服務唔得（個半鐘頭用餐時間係廢話），真係冇下次