稻香超級漁港 (朗屏商場)

營業中

休息中

一行19人去朗屏稻香食晚飯，book左兩圍枱，每圍點了一個套餐，一圍2000蚊，包酒水茶錢。D餸好大份，有燒乳豬、蒸魚、炸蝦球、炒飯、白菜仔、豉油雞、蜜糖豆花枝片、海鮮羹，但最令人驚喜的係個龍蝦伊麵，真係俾左大大隻龍蝦，唔似出面好多都係俾蝦球。條魚味道新鮮，口感好滑，唔多骨。炒飯就一般，乳豬同蜜糖豆花枝都不錯。因為份量太多，我地食唔曬，要打包返去～最後估唔到仲有餅乾同蝴蝶酥食😋D餅好鬆脆，唔太甜，幾好食。

晚上20:35找服務員落單→20:45仲未有人理睬→20:50自己行出去門口搵返帶位員來請她幫忙落單→21:12上左一半食物→21:18才上湯底。其間多數服務員根本就對你視而不見，這樣就算食物有幾好都無用。

爸爸生日，為免花太多功夫， 便去了附近的稻香酒樓食飯慶祝。晚飯時段稻香酒樓人流很多，讓人等位的過坐位不足，好幸運才找到2個空位給爸爸媽媽等候坐低等候，最後還是等了差不多四十分鐘才有位置。可能中式酒樓關係，環境都是比較嘈雜。而且員工的服務態度一般，很多事你叫他 落單，他們像永遠看不見你的樣子。 但其實一般平民的中式酒樓情況都是差不多。我們點了個套餐，有鹽焗雞，燒乳豬，瀨尿蝦，扇貝，蝦碌，海斑，青菜，果盤可能是套餐的關係， 流水作業， 上餐的速度驚人的快捷， 好像顧客快些食完， 便可以上另一批客人來。至於食物的質素與味道，到時毫無驚喜。雞的味道有點過鹹瀨尿蝦其中有兩三隻肉不新鮮乳豬的味道算是最保險了扇貝火候有點過火其實集團式的酒樓， 彷彿叫人沒什麼驚喜 是正常的。

我們有四個人吃晚飯,叫了3隻$1瑤柱貴妃雞,很抵食,隻雞蒸得好滑,柚子焗肉排,個汁煮得酸甜用來送白飯ㄧ流,很開胃呢!清蒸蝴蝶海斑,蒸過火好老,海味什菜煲,雜菇、蝦乾、菜心、白菜仔,湯底好甜。職員上餸和白飯好慢,我們吹他們很多次才餸齊上枱呢!

見稻香晚市出咗新嘢，係我至愛嘅雞煲，仲要鴛鴦打孖上添，即刻忍唔住同胖侶去試試。鴛鴦雞煲218蚊，一邊係傳統嘅辛辣雞煲，另一邊係椰椰芝麻雞煲。辛辣嗰邊 keep 到一貫稻香嘅味道，香味辣味都兼而有之，最驚喜嘅係個椰椰芝麻雞煲，估唔到佢個樣清清地，仲以為佢淡茂茂，點知有濃郁嘅椰子香味，飲落仲好順喉添，跟咗半隻雞黎，大就唔係話好大隻㗎喇，不過勝在夠嫩滑，食法同辣味嗰邊嘅炆雞煲完全唔同，今晚一次過滿足哂兩個願望，正。

稻香曾經推出過風魔一時嘅「麻麻雞煲」， 由於價錢相當超值，宵夜時段更係超筍價， 五六十蚊到，就有雞煲連六罐啤酒。由於港人嘅口味轉得好快，「麻麻雞煲」好快比人忘記， 取而代之， 稻香又推出咗「 椰椰芝麻雞鍋」。既然新推出， 天氣又凍凍地， 一於就去試下。今次新推出咗雞鍋套餐， 218蚊， 有一個鍋底， 一碟龍躉或一碟肥牛， 仲有兩款新鮮嘅蔬菜選擇。 價錢方面， 唔算係超值， 不過總算合理。今次就叫咗鴛鴦雞煲， 一半麻辣， 一半椰子湯底。 先講係麻辣雞煲， 比起以前「麻麻雞煲」， 確實遜色不少， 雞件太老， 亦有點雪味。至於另一半嘅椰子湯底， 確實令我相當驚喜。皆因椰子非常清甜， 飲落好滋潤， 亦唔多覺有味精， 用嚟打邊爐， 可以帶出食材嘅新鮮原味。 放入雞件後， 飲落有啲似椰子雞湯， 好滋潤。 芝麻雞都有半隻， 肥瘦適中， 肉質鮮嫩。至於安格斯肥牛亦相當不錯， 雪花均勻， 牛味尚可， 夠曬大碟。至於新鮮蔬菜方面就揀咗羊肚菇同豌豆苗， 兩者都令我愛上。豌豆苗食落鮮嫩， 口感清新。 至於羊肚菇， 食落感覺有點似雲耳同木耳嘅混合版， 咬落非常爽口， 食起嚟又有雲耳嘅滑。呢個套餐肉類同蔬菜類嘅配

某位親友說很久沒去稻香打邊爐了, 也對, 曾幾何時它也是朋友與家人飯眾的好地方啦, 只是越來越多食店, 導致漸漸被遺忘了, 現在一說起, 確實想起很多回憶呢, 而且爸媽都是偏好中式的人, 以後還是多帶他們來吧~ 今次選了椰子雞鍋湯底, 近期興 '雞, 全部都係雞' 嘛, 估不到是整隻雞, 由我們親自倒入鍋中, 最初熊熊還拿了點湯來嚐嚐, 很鮮甜丫, 只是慢慢地開始多油了~ 安格斯肥牛 $128 也蠻大碟嘛, 色澤鮮明有靚靚雪花紋, 肥瘦適中, 而且有肉味, 如果不是肚子橕不下, 真想多吃一盤嘛~ 芋絲扎 $28 除了肉類外, 也要點些飽肚的食物吧, 但由於熊熊對麵不太感興趣, 芋絲還可以吸收湯汁, 增添美味呢~ 韭菜餃 + 鮮蝦雲吞 - 雙併餃 $48 2 款也想吃, 可以合併來點實在是太好了, 皮薄又足料呀~ 雞脾菇 $38 菇類也是熊熊愛吃食物之一, 爽口又入味喎~ 田園菜籃 $48 各式各樣的蔬菜也有, 可以滿足到什麼也想吃, 又不能缺少蔬菜的朋友丫, 栗米清甜可口, 車厘茄也很新鮮啊~ 鮮炸生根 $28 很脆卜卜的樣子, 通常也是浸軟了才吃, 雖然看似很油膩, 但入口後

個人推介指數分 10 (10分為滿分) – 價錢便宜, 食物味道不錯, 最愛自助醬汁吧, 坐位又多, 假日也不用等候, 是我和太太囡囡的假日指定食堂. 我和太太雖然年紀倘萛年青, 但就很喜愛到茶居嘆茶, 還要是自備茶包. 以前在青衣住的時間, 每逢週末也會到附近的酒樓吃下午茶. 現在來到元朗, 終於找回一間御用茶居了. 這裡地方很大, 即使在下午茶時段, 也不難找位置, 而且大多不用撘枱. 和其他茶樓不同的是這裡有個自助醬汁吧, 不論是麻醬, 甜醬, 豆板醬 和甜酸醬, 連冰梅醬也有, 是真正的不求人. 不過請不要浪費, 吃幾多就拿幾多吧.食物方面, 有不少下午茶特價的食品, 例如炸雲吞, 炸榴槤多士, 也是十元左右.以下是我必食的食物:炸雲吞中間有一點蝦膠, 雲吞形狀炸得方正, 不會歪左歪右右, 有時還會有四隻江南五小品32元能食到腸粉, 腐皮卷, 鍋貼, 豆角芝麻醬蝦和紅油炒手, 抵抵抵, 味道也絶不差.  香煎蝦米腸兩面也煎得金黃香脆, 配以大量甜麻醬一起吃, 讓我想起在大學時代把成樽麻醬浸在腸粉的情景, 真係好肥但好好食.榴槤炸多士榴槤多是凍食, 但熱食也很不錯, 口感變化得綿

雖然呢個地方偏一啲，但呢度打邊爐真係難得咁抵食唔講你唔知 其實打邊爐係可以減肥家！先講返野食先，食物品質因為價錢相宜，千企唔好抱太大希望但都唔會差得去邊既。湯底係足料既豬骨底，配料今次叫左肥牛 冬菇 芝士腸 枝竹 山水豆腐 小棠菜各一碟，食埋豬骨。真係兩個人都飽到醉

本來去煌府食下午茶，但撞正有人擺婚宴，就去左稻香2個人叫左5樣野：江南5小品。 個名就夠勁，但其實都係平時酒樓大排檔d 野放埋一碟。 有無特別既煎餃子，入面係白菜豬肉餡；平時成日食既煎蝦米腸， 炸腐皮卷； 一d 都唔辣，好重蒜蓉味既紅油抄手， 同埋加左日式胡麻醬既冷盤四季豆。雖然d呢個組合都平平無奇，但全部都新鮮做起， 上到枱仲熱辣辣，都抵讚，不過真係覺得紅油抄手可以辣d燒腩仔米線~ 下午茶點可以唔食燒咪粉面？！ 燒腩仔的的式式，皮脆肉嫩，中間有少少肥皮，估唔到都幾好咪味，但真係唔知果2舊木耳伴碟想點,可能菜心貴掛。米線粉量都少，同老公share 只夠一人一個細碗，無多無少，而湯底就普通。鴛鴦雙潮~ 2粒蝦餃加2粒粉果，岩晒我地share. 粉果同蝦餃都偏細粒， 粉果皮都幾厚，入面餡料唔多，而蝦餃入面果d 都係細蝦，有2隻左右。 味道ok脆皮流心蕉~ 呢個真係超級驚喜！上到枱時仲熱辣辣，外面非常脆， 入面係好香既香蕉蓉， 不是流心，但味道唔太甜，加埋香蕉既好朋友-朱古力漿，真係好好味！下次一定會encore!香芋金錢酥盒 ~ 横睇掂睇都唔酥。 外皮係煎香左既芋頭加芝麻， 入面就係芋蓉

第一次去到朗屏商場，商場外觀好舊，內部已裝修，朋友包場擺酒，樓底好高，金紅色主色，金碧輝煌，T字型大廳，我坐在中段，剛好對住席前嘅小食枱，兩個侍應努力分食物！席前小食：春卷：炸得香脆，餡料好多！煎餃：略油，皮煙韌，餡料肉正常唔乾！點醋汁酸酸地開胃！芝士豆腐：賣相以為唔好味，點知原來豆腐滑，芝士味濃，好食！炸雲吞：好大件，炸得香脆，蝦仁爽口，可惜無專用嘅酸甜醬，淨食太油膩煎堆仔：外面芝麻香脆，皮煙韌，無乜餡料雜果賓治：好難飲，完全無甜味，只有好假嘅罐頭水果味！飲唔落！主菜： 情濃金豬大紅袍：皮脆肉嫩，唔會好甜！點燒豬醬好味！ 上湯澳洲龍蝦：好好味，龍蝦肉厚肉爽口！醬汁薄薄地唔會太杰，食到龍蝦原味！如果有伊麵墊底仲好！ 杏片炸蟹鉗：賣相靚仔，不過杏片太粉，唔夠脆，入面蝦膠彈牙，最後我剝晒啲杏片食蝦肉，點酸甜醬好味！ 玉環瑤柱脯：難得柱環唔會好大件（自己唔太喜歡瑤柱）索晒湯汁，瓜脯味道清爽！好味！ 紅燒海皇蟹肉翅：蟹肉嫩滑，翅其實唔多，當飲個湯，湯唔夠杰身，一般！ 原隻鮑魚扣玉掌：鮑魚炆得入味但太鹹，玉掌重膠質，生菜爽口！不過醬汁太鹹影響晒！ 清蒸東星斑：難得蒸到剛離骨，所以魚肉好滑！正！

古法羊腩煲 148元老酒佛跳牆 38元 x 2白飯 11元 x 2秋風起，羊腩煲出爐，立冬都過埋，雖然天氣唔凍，但好想食囉～ 老酒佛跳牆 材料豐富，有海參/鮑魚/竹笙...，啲湯好好味道 古法羊腩煲 味道濃郁，有羊腩/枝竹/竹筍/冬菇，開頭食都OK，食到一半，啲汁煲到咸到嘔，要沖沖清水才食完晒份量夠二人食，沒有浪費，開頭心思思，眼闊 想加單叫其他野，好彩冇叫，要做惜食之人

朗屏得一間酒樓，所以經常都會上去飲茶，炸鮮奶是必吃的，香港好少地方可以吃到，還有姐仔推5元腸粉和粥，簡直超平，味道统一從來不會有出錯，但試吃了那個什麼火鴨絲炒飯，味道非常奇怪。

酒樓優惠又來臨,,,但我已錯過龍蝦伊麵了,,,不過都唔會錯過其他優惠大約七時許不用等位,,,實在太好了,, 坐下後不用說就是點這個餐牌.等了大約十分鐘...終於送上兩盅雞燉翅,,估不到十分足料....翅有兩大梳..還有一隻雞腳, 一件雞, 大白菜, 數粒金華火腿等等..味道清甜$24絕對無投訴等了又等之下終於有雞吃...跟另一間酒店的1蚊雞來比較反而我覺得1蚊雞還要好吃, 首先雞比較細, 但不足一隻雞的, 瑞士汁有點過鹹, 雞肉肉質比較"鞋口"蒸青斑仔比想像中大條, 不過可能等了一段時間才送上,,所以有點腥味,,,可能龍蝦真是會好吃很多..........可惜可惜.........吃到中段時還想點一碗例湯$14即管試一試,,,誰不知等了又等等了再等...終於送上不知道是什麼..只見有粉葛, 瘦肉, 雞腳, 還有一些支支的不知什麼物體,,,但我估計是藥材湯...$14還可以的,,加上我愛飲湯...無湯不歡!!到最後會自助式結賬取單到門口, 共$218,,實在都不錯啊~~可惜服務真是要改善一下...待應看到還假裝看不到,,追例湯時只說我已入單,,,可能太忙太多客人了, 但我覺得至少都要有應

今日有人book左場搞婚宴, 好彩七點到仲有位, 八點d人就要等下啦口痕想食大閘蟹, 又唔想食得多, 去酒樓一人一隻可以滿足到我。XO醬小炒王($68) 夠味蝦朝好香又大隻, 可食d韮菜花有部份老, 腰果似回過鍋漏少少風 脆皮咕嚕肉($65) 好味, 啖啖肉唔鞋口肥豬肉唔算太多 大閘蟹($38一隻) 同其他酒樓比佢都ok, 好似同富臨比, 稻香好食d今次係讚係服務, 個個都因為有婚宴忙到踼晒腳, 但都服務周到落單時叫晒餸之後我叫埋白飯, 姐姐叫我一陣先叫, 驚我d飯凍晒, 餸黎左我黎遠揮手, 又係呢個姐姐見到我, 佢黎遠勁好笑容示意兩個白飯幫我落單好醒目吖