稻香超級漁港 (南豐廣場) (已結業)

今晚無咩節目，媽咪又唔想煮飯，就落左樓下間酒樓食。等左一兩分鐘，以星期日8點的黃金時段，唔洗點等就入坐，唔錯唔錯👍🏻睇餐牌，普通小菜都係6，70蚊，睇落唔貴，仲有好多特價小茶叫最後我地叫左一個海鮮船，什菜煲，士多啤梨骨，一隻乳鴿海鮮船$239海鮮都算多，有一隻龍蝦，6～8隻蝦，十幾隻蛤，同4～6件石斑塊，味道唔錯，尚算新鮮，依個價錢來講我覺得好抵士多啤梨骨$78好奇怪，我唔太喜歡，唔會再叫乳鴿$50好細隻，好瘦，依個size,如果係$38蚊我唔會怪佢。$50蚊真係略貴，但皮脆。什菜煲$78有驚喜！因為好多塊花膠，但你唔好預佢係好靚，依個價錢，真心唔錯！4位埋單都係$560

1。所有碗碟盡是油脂滿佈2。服務員不會理會你既呼叫 見到當見唔到3。美其名醬汁自助取。即所有野自己做哂。尢如快餐店4。落單混亂。點了既點心。沒了踪影。你一吹佢。就係別的客人上取回作頂替。所以。令整個過程更亂警告。此間稻香千期不要到一定滿肚子氣

琴晚親戚聚會，啱啱夠一台人，所以揀咗稻香超級漁港。左睇右睇，呢度嘅海鮮套餐都幾抵食。12人三千幾蚊，已經有龍蝦、蒸魚、魚翅撈飯、小菜、雞同甜品等。10幾度菜，唔使自己諗食咩，仲一定夠飽有淨。先黎燒味拼盤，呢度唔係主打食燒味，所以都預咗味道一般般。蒸魚唔錯，本人反對食魚翅，佢呢個價錢居然可以食埋魚翅撈飯。個雞就麻麻哋，雞皮唔脆，雞肉肉質亦一般。加7百幾蚊叫咗個阿拉斯加蟹，大就夠大，可惜完全係冰鮮嘅品質，冇乜蟹肉味。呢七百幾蚊白俾，下次可以省翻。

我10個人去，八點半入席，食火鍋放題，完全唔得，寫3張火鍋紙，只係呢啲豆腐，支竹，應酬我，要發火先有嘢食，啲火紀仲要黑口黑面。一個字，差，大家要考慮。比錢仲要一肚氣

我只能說大集團理應有基本的服務態度給顧客。但就我2次光顧後也是一肚氣……在門口等飛開始，跟着去攞位。2次都很混亂和受氣。食物水準亦很一般。沒有什麼籍得欣賞的地方，如無必要我不會再次光顧這間稻香了。

同事聚會 一心去食餐好嘅，落區殺入將軍澳，到到都係滿曬人諗咗好耐食啲咩經過稻香見到有間好抵食嘅圍餐千幾蚊全包宴又有龍蝦伊麵又有龍躉仲有乳豬全體食仲有汽水啤酒飲最後尾竟然仲有壽包 講番味道先 乳豬皮脆 一啲都唔肥膩 啖啖肉 龍躉米排清蒸炒球兩味 估唔到稻香都可以咁新鮮 至於龍蝦伊麵 唔使講啦我嘅至愛 龍蝦有肉唔係畀曬啲頭頭尾尾你淨係呢樣已經值得加分真係好抵食呀同埋估唔到12人嘅圍餐 我哋14人 都夠曬食 大大分 味道一流 唔差平時其他稻香 真心推介 同埋呢間稻香出入一流 近地鐵站出入方便

完全未能發掘到可以欣賞既地方食物一般侍應欠應變 張枱冇位都唔收冇食物既碟 強行放食物上枱態度欠佳完成見唔到基本既服務態度唔會再黎!!!!!!差得恐怖多個食具有明顯污積

好耐之前未搬時係厚德食過都覺得還好，咁諗住係屋企附近飲下茶就揀黎稻香，因為想搵一間環境好既同新D既酒樓。點知中曬伏，其實食物水準尚可接受，水準同普通酒樓冇咩分別，只係個粥味精極重。但係我要講既係個到既服務態度極差，有好幾次姐姐幫手收野都唔會理人，仲要係當面咁講都冇反應，vd似當客透明咁。而且上菜亦都算幾慢，起碼等成十幾分鐘，我情願去返屋村酒樓食都冇咁激氣同有人情味！對依間酒樓好失望，以後都唔會再黎！

今晚細佬生日 我地一家四口去食佢最鐘意ge打邊爐~稻香打邊爐係叫材料式唔係任食ge我鐘意咁樣 因為多數會好食D又唔洗食到好飽咁~莞茜皮旦湯底 ＄48爸爸話皮旦唔夠喎，有5-6件咁雙拼鮮蝦丸墨魚丸 $48不過不失美國肥牛＄28肉人至愛，不過有冰，一開始會痴住雙拼魚皮餃 韮菜餃＄48 ＋芝心獅子丸＄32 芝心獅子狗終於唔洗慳住食 XD平時吉野家得一粒 XDD三線豚肉 ＄28特價抵食 肉人至愛鮮滑雞片＄38黃金脆竹卷＄20唔係好脆鮮墨魚滑＄48不過不失田園菜籃＄48 湯底加料～ 西洋菜$28西洋菜有驚喜全部都係菜苗 好味！芝麻紅豆沙 － 飲品甜品自選bar $12/人最後自己係甜品bar到mix左芝麻糊同紅豆沙芝麻糊本身好香 所以份量唔洗落咁多 如果唔係會蓋過紅豆味超級喜歡～ 堆介！

今天朋友入將軍澳茶敍，由我來決定哪家酒樓飲茶，於是選了家附近的稻香。由於是接受搭枱，輪候不久即可入座。超大張枱，由我倆及另外２個家庭，即是３組客人一起搭枱。下單後，吹吹水，食物很快來到。川汁抄手：紅色醬汁只是酸辣為主，欠缺花椒的麻辣感。就當是小雲吞加醋加辣椒加蒜。蘿蔔絲酥餅：這次炸得較老了，色澤較深。金粟花枝餅：混有馬蹄，較爽口。刴椒三文魚頭：個人覺得，刴椒與三文魚真的不太夾。反而大量墊底的豆卜，吸收了當中的精華，是這點心之中，最美味的食材。豉味蒸排骨：排骨滑，豆卜又夠吸味，正！榴槤脆多士：是朋友喜歡的榴槤。多士流線形的外表，真的有如饅頭對半切開，跟本不是平常烘多士厚多士所用的麵包。朋友表示榴槤味一般。餐廳內部滴水很利害，地上放了很多個水盤，出入要小心。

呢碟蝦醬通菜鮮尤完全唔掂！！菜係碌熟，鮮尤冇炒過，只係撈落去，整熟，冇味，完全唔合格！！為左做一蚊雞而搞到其他出品如此差劣，值得嗎？雞又係冇味的，（大埔那間沒那麽差）。另叫了碟避風塘炒蜆，凍的！那些蒜蓉係淋及凍的，有半碟係殼，冇肉的！我唔要，退回！換了碟蒜蓉粉絲蒸蝦，ok的。燉湯及燉翅係好食的。

去飲餐茶。。。D野食等得耐 唔緊要 但係每碟黎到都唔熱 叫碟鳳爪 黎到d汁"瓊"晒牛肉球 痴碟又乾水 紅油抄手 又無味 仲要咩都係自助。。。想叫個侍應 全場加埋唔夠10個。。。 杯杯碟碟又有油漬同菜渣。。。。 成餐我諗最熱嘅係火鴨絲窩米。。。 但一日一隻細碗已經無晒。。 食多啖都無。。。堂堂一間大型連鎖嘅餐館。。。做到咁無heart。。。真係非常失望。。。保證唔會再去！！

是日父親節來味道偏淡無味,雞卻咸到苦,且半隻份量又少,冇頭冇尾另外所謂家鄉炒飯只得䓤同菜莆,味道唔夾,又咸又甜好怪水準越來越差,都不會考慮再來,還有菜膽排翅,好多茨汁,一pat pat似漿糊。侍應又冇,食完完全冇人收嘢,冇人理