稻香超級漁港 (南豐廣場) (已結業)

琴晚親戚聚會，啱啱夠一台人，所以揀咗稻香超級漁港。左睇右睇，呢度嘅海鮮套餐都幾抵食。12人三千幾蚊，已經有龍蝦、蒸魚、魚翅撈飯、小菜、雞同甜品等。10幾度菜，唔使自己諗食咩，仲一定夠飽有淨。先黎燒味拼盤，呢度唔係主打食燒味，所以都預咗味道一般般。蒸魚唔錯，本人反對食魚翅，佢呢個價錢居然可以食埋魚翅撈飯。個雞就麻麻哋，雞皮唔脆，雞肉肉質亦一般。加7百幾蚊叫咗個阿拉斯加蟹，大就夠大，可惜完全係冰鮮嘅品質，冇乜蟹肉味。呢七百幾蚊白俾，下次可以省翻。