稻香 (海趣坊)

營業中

休息中

同老人家食飯，首選一定係酒樓小菜，而稻香又多分店，揀呢間純粹就腳方便，不過平日都等左一陣位，如果假日一定要預返啲時間呢間稻香已經食過好多次（無論係點心、火鍋、小菜）今次坐低意外地發現做緊「一蚊雞」優惠，而且憑兩個人就可以嗌一隻，咁岩我地有5個，於是叫左兩隻黎試一上個陣都有啲驚訝，比想像中大隻，不過要靠自己剪，其實係一隻細嘅炸子雞，啲皮好脆，肉都出奇地嫩，唔錯唔錯另外嗌左賽螃蟹($68)，但味道好怪，唔推薦白𤆥蝦（$88），有啲少...紅燒花膠豆腐（$88）上湯蟲草花時蔬（$78）

飲茶差不多是我最喜歡和家人一齊的活動，今次過到來屯門的稻香飲茶，大約不用30分鐘就可以入去，入面裝修原來轉了，所以感覺坐得舒服而且都幾光猛。點餐紙同之前差不多，但好似價錢都貴了一點，茶和飲品的質素都只可講一般，如果有其他選擇酒樓會更好。時菜鯪魚球，時菜很少，幸好鮻魚球都大舊同份量足。鳳爪排骨，來到的時候沒想到份量很少，每款只有二舊，其餘都是芋頭，幸好味道不錯，但我地二人食每人只可食少少就有失望。油炸條腸粉堅難食，油炸條好淋又大舊，腸粉好厚身又凍，堅難食。最後我們必叫的紅油抄手幸好沒有失望，少少辣又香和惹味，雲吞份量又多，一口加上蒜十分好食。

同屋企人去午市飲茶，叫左個138蚊既套餐，包括一碟乾炒牛河、兩款小食(七色豆腐、沙礓豬手)、同三款點心。原本小食每款都要三十幾蚊，而家六款加埋都只係138蚊，乾炒牛河幾大碟，套餐好味又抵食！

星期一放工冇咩做 約咗班老死去打個邊爐有個friend話稻香八點半後有火鍋放題 $138一位加一  價錢唔貴 決定去試試佢等到八點半終於入得咩都唔使講叫咗個麻辣湯底先麻辣湯底個味唔太夠香同辣一於自己整返返個例牌醬汁先雖然話就話138加一任食火鍋 但個自助醬汁要加$15都幾貴我哋之後仲每人加多$38升級食埋嗰安格斯牛第一Round 都係叫咗啲大路嘢啦海蝦 鵝腸 水發魷魚 安格斯牛 墨魚仔安格斯牛係幾好,牛味夠濃廣島蠔 雲吞 魚皮餃第一Round D蝦 "梅梅"地鱔片算係幾好之後個Round D牛太肥,,走哂樣食到最後,叫左個魚麵呢個真係不得了,係臭架,落左之後勁臭,無人敢再夾野食整體D野食唔得,同出面D任食火鍋都差好遠,埋單$200位,$200出面有更多好既選擇,未必再有下次

今日難得返屯門同屋企人食飯，佢哋最後就去咗稻香食， 去到見到有唔少人都食豬手，所以今次我哋叫咗一個豬手，一個蒸魚同埋一個雜菜鍋，再加白飯粥同米粉，最後結將350多元，價錢都合理但最後失望 。不久蒸魚就嚟到， 冇諗過豉油唔算多，但係油太多所以味道比較淡和太油。豬手 分量都算多，有二隻，但一切開都係骨為主，很少肉，而下面嘅梅菜味道一般，所以整體其實係骨。最後什菜煲，冇乜味道而且花膠冇煮得好冧，所以都比較硬身整體只係屬一半。

假日同屋企人食飯，要預早book定位！平日稻香都好多人等位，所以一早己訂位！因為媽咪鐘意去呢到食，但呢到真係服務差到爆炸！服務員係勁唔願意幫你落單！叫親人都無人應態度差！真係好像我們欠左佢咁，食餐飯都食得勁唔安樂！燒腩仔，都算還可以，但有點咸！例牌蜜味叉燒，肉質超(鞋)，味道勁咸！金銀蛋莧菜，呢碟算正常返D!亦算新鮮嫩口，清清地都幾好！燒雞，好細隻，無乜肉，咸到不得了！最好味我諗係呢一碟蝦，大隻多肉！西蘭花炒帶子，都算新鮮，爽口，唔錯的

見到地鐵廣告，新出了乳豬仔配饅頭，感覺很特別，而家人又見我生日，問我想食什麼，我家附近剛好有稻香酒家，我就提出去食乳豬了，到了酒家當時6點多，未坐滿，點了5個餸，一個紅燒元碲，乳豬半隻，花膠浸時疏，魚香茄子煲，燉雞湯。主角乳豬，一等再等，燉湯飲完，燉湯很清，味道濃而不咸，有驚喜。 湯渣-螺頭，淮山，雞半隻，雞腳大量，杞子，瘦肉……花膠上湯時疏的小麥葉，草青味勁，難食，花膠硬？深啡色？一看已知中伏乳豬終於上桌，有甜醬青瓜配食，饅頭呢？嬲到出煙，又要追鰻頭，乳豬燒得香脆，乳豬細細隻真的乳豬，其實味道口感不錯。 魚香茄子煲，普通水準，與白飯很夾， 白飯都等了半小時，今次晚餐樣樣都等，食到一肚氣，員工態度不友善，扮看不到你……

今日難得放假，要同爸爸去飲茶啦。今日去到因為爸爸攞位，可以直接入去，坐嘢食方面我哋兩個人嗌咗四個點心86蚊都幾抵食。但係味道就比之前差咗，鵝肝燒賣，鵝肝無味，燒賣好淋，雞春捲如果唔係講緊係雞春捲仲以為係豬肉，因為入面嘅餡完全唔知道係啲乜。 原個馬拉糕， 馬拉糕偏濕， 味道正常，反而最簡單嘅魚皮餃西生菜反而係最好食 。大約坐咗兩個鐘頭左右就離開，今次嘅點心比之前差咗，可能下次叫返d啲平時買保險啲嘅點心會好啲。

Venus對稻香火鍋情有獨鍾！可能好多人會話一般甚至麻麻地，但係口味嘅嘢人人唔同，我對稻香火鍋狂熱程度試過隔日就去，依家收儉咗都隔2星期就要幫襯一次，終於等到佢有放題任食la！睇下火鍋紙，都好多選擇，唔食牛、魚同內臟嘅Venus就無落order la(無錯...我好揀飲擇食= =) 嗌咗2碟餐前小食試下～手拍青瓜再多d蒜就正d，不過青瓜都好爽口，叫碟醒下胃都ok 朋友仔叫咗碟胡麻粉皮，我試食過都唔錯～夠香，不過胡麻醬都幾滯，多d人share就會好d 因為2個人食嗌唔到太多，無謂做大哂鬼la！主要專攻海鮮同平日必食果幾樣，因為我同朋友仔都唔食牛、魚同內臟，加上當晚朋友仔都專攻海鮮放棄豬同雞所以就得出以下幾款火鍋料la湯底係馬來沙嗲鍋，火鍋必點響鈴卷就不過不失la 近半年瘋狂愛上紅薯粉！直頭隔幾日要食下！今次order 咗2碟用嚟「送」海鮮食一流 丸類嚟咗2 rounds ，第1 round芝士蝦堡掛住食唔記得影，一定要試，一咬開全口都係芝士好好味 全晚最驚喜係沙白蜆！！！超鮮甜！一咬落去蜆肉係口「咇」哂d鮮甜蜆汁！蜆肉仲好爽口！encore咗7次！D蜆仲要大大粒！諗起都想食！ 再嚟就

今日返晏, 一家三口又近近地去海趣坊搵食, 今次去稻香飲茶當brunch. 十一點左右去到, 等咗一陣就有位了!見到呢個午市套餐幾抵 $128.00 有一碟炒粉麵飯+兩款小食+三款點心初頭都驚兩大一細會食唔晒架, 點知老公話佢包抵喎 (因為佢一開工就停唔到手, 要今晚先有得再食, 而家要食飽啲)鴻圖窩伊麵--份量一啲都唔少, 我哋每人至少都食到兩個碗仔份量. 湯底味道鮮甜, 蟹肉份量都唔算少.胡椒支竹豬肚湯--支竹豬肚嘅份量都唔少, 夠入味. 另有咸菜, 雲耳, 銀杏配料.沙薑豬手--夠林又入味魚皮餃拼西生菜--呢度嘅魚皮餃係韮菜餡的, 幾特別燒賣皇--面頭有蝦一隻, 下面係豬肉, 味道ok啦!金錢肚--辣辣地夠惹味套餐價128.00+3位茶芥+加一服務費 埋單$163.50散叫一定唔只呢個數, 抵!

今日 星期日當年又係同爸爸飲茶嘅日子，但係可能因為今日比較晏十二點鐘先至去攞位， 最後要等一個鐘頭先至可以入到。睇餐牌其實都唔使太多選擇因為可能每星期都會嚟，所以今次就叫咗五個點心 ，最後大約110蚊。 叉燒包你都好熱但係一食落去皮比較濕咗少少，同埋叉燒實在太甜 。煎腸粉 而家嘅煎腸粉已經唔再好食，因為已經煎嘅感覺同埋豉油落咗落去係唔咸嘅好淡。 煎堆拼豆腐， 呢個係我覺得最好食嘅一個點心，豆腐原來係入面有芝士 ，仲要係芝士味 味道好味 ，而且煎堆仲要係熱辣辣一邊做有芋頭，雖然沒有芋頭粒，但係整體都好味 。粉果配蝦餃，正常未到冇乜特別，但係都係偏淡最後都要加咗一啲辣椒醬先至可以有返少少味。最後我哋叫咗 川味鴛鴦餃 ，凍嘅味道好一般，川味一啲都吾辣，只係覺得邊行同埋有蒜香味寧願食紅油抄手好啲。

慶祝父親節，媽媽今次book左稻香食晚飯，皆因近屋企，$1038半席又平又近。平時係陪兩老係稻香飲茶，點心算係正正常常、中規中矩。晚市第一次食，真係可一不可再。酒樓地方大而且晚市唔會太多人，窗口位可眺望海景。成個套餐裏，燒味係最好食。下次如果媽媽再book稻香晚餐，我會要求食燒味套餐！乳豬全體皮脆肉嫩帶少少肥算幾好食上湯波士頓龍蝦伊麵有3隻開邊龍蝦，不過用急凍貨無鮮味，只靠上湯雞粉味作主要調味酥炸黃金球黃金球係用墨魚滑炸成，我唔想食炸野，所以食左一粒，仲係最後一粒！我食到有墨魚滑少少酸味開始霉，即係墨魚滑唔新鲜... (唔想再諗起，刪下一百字...)向待應反映，待應回應係「下次早D講」... 完！花膠燴四寶羹雞湯味精同粉漿燴花膠雲耳，食完好口乾...蠔皇鲍魚菇扒時菜娃娃菜幾甜，算係滿意一碟餸穗香沙薑雞皮薄肉滑有雞味，相信燒味係稻香招牌菜特色海鮮炒飯相比之前重味精餸菜，炒飯已經算正常炒飯。有蝦、墨魚、翠肉瓜粒炒成，唔算太油，幾足料壽包對於我黎講壽包蓮容比較甜，唔係我杯茶．Menu

今日父親節當然係喺屋企附近食啦，咁講嚟就諗住去稻香食小菜，沒想到父親節仲有優惠喎，汽水，涼茶，中式糖水都有齊晒，仲有$1/隻鮑魚仲想點，不過都幾韌，原來仲可以點小食同雀巢雪糕喎。以這價錢又近近地，地方乾淨算吾錯…而整體味道都吾差， 整張菜單其實選擇都沒有唔少， 牛肉同白鱔都好新鮮， 魚頭都份量好足，蝦都係新鮮唔會好梅，不過豬肉同餃就差點，小食炸魚乾都嚇親人，醋木耳就冇味 所以我哋最後食咗少少都冇食到。 之後食咗紅豆沙味道都好味唔太甜，好多紅豆。同埋其實佢飲品有豆漿涼茶同汽水，味道都唔算話好甜，而且都算係足料唔會話好淡。

今朝早兩公婆嚟稻香嘆早茶 (因為天黑想落雨, 又無攞遮, 揀間近屋企嘅). 竟然有驚喜喎! 叉燒炸兩腸-- 初時以為係用叉燒腸粉皮包油條. 原來係叉燒腸粉同埋炸兩腸各兩條, 味道都唔錯.金肚蘿蔔糕--金錢肚舖面, 底下係一件蘿蔔糕.   金錢肚惹味,  蘿蔔糕吸收金錢肚嘅汁, 好味!炸雲吞拼魚腐--炸雲吞香脆, 可惜雲吞皮太重鹼水味, 魚腐其實係魚蛋, 但咬開竟然有芝士,  加添了咸香, 正!芝麻香芋餅--芝麻配上綠色嘅酥皮, 非常香脆,  香芋餡又唔太甜, 掂!炸鮮奶卷--外脆內軟, 入口有奶香, 亦有粒粒紅豆, 唔錯!兩位茶錢 @$6.00 另加一埋單$67.00 平均每人都係$33.50 (出去連鎖快餐店食早餐差不多價錢咋)

屯門碼頭稻香係諗吾到食咩又近近地選擇，今次想打邊爐消夜 ，朋友二話不說就講這間，今次$110/每位堅抵食又坐得舒服添。9點後就係消夜時間，湯底加錢有打邊爐料特價…今次叫晒牛肉，豬肉，雞，蝦，冰豆腐和蔬菜計晒加一仲有得食甜品（姐姐送），甜品質素都吾差有驚喜。黎到成桌十分開心，二話不說就即打左先，湯底皮蛋勁多，正！！整體食品質素都吾錯喎，有驚喜特價牛肉和豬肉都好味同新鮮，蔬菜多到差點食吾晒，坐到11點就食飽飽離開。