稻香 (蔚景園)

營業中

休息中

羊腩煲特價打算一試，上到菜嚟勁淡，羊腩好似膠咁勁難食，諗住都算，叫其他配料，啲蝦膠成$50蚊得一個湯匙大小的份量，叫咗兩碟牛肉差唔多成舊水，上到嚟嚇咗一跳，啲色水係近啡色，超唔新鮮唔知放咗幾耐，其他上菜又慢，啲碗筷環境又污糟，沖茶嗰部機又係壞嘅，但係又收你茶芥位位$15蚊，中大伏，仲要特價時段叫咗6款配料，埋單成$500蚊，人均都要$250呢個質素又要呢個價錢(仲要特價後），我寧願去食任食火鍋/美心晚市火鍋好過。

下午茶時段嚟光顧飲茶，員工數量好似不足，水機完全運作唔到，叫好多次都冇人理你，就算望到都扮望唔到，真係火都嚟，冇下次！ 就算你做幾多promotion都冇用，你啲員工簡直趕客，不知所謂，唔夠人就請多啲人啦，啲水機又壞，冇下次！

阿媽生日食飯，五大三細，諗住搵酒樓book枱叫半席，睇過沙田同石門幾間嘅菜式同價錢，最後決定食稻香。一星期前打咗電話book枱，去到酒樓佢地好似完全無我地book枱紀錄咁，不過半席依然可以叫就ok啦。個餐本身免加一免茶介，因為多咗兩個人，所以收兩位茶介好合理，但俾個茶包我地，叫我地自己煲水自己斟水自己沖茶，收兩個人加埋60蚊嘅茶介，我覺得好唔值囉。部長話龍蝦會送伊麵，我地係開心嘅，但傳菜阿姐上菜好衝下，捧住個湯上枱但又唔睇枱上擺咗d乜，倒瀉水一枱都係，差d搞到我家人一身濕，呢個感覺好差。食物係ok好味嘅，半席嘅份量比想像中多，我地仲另外叫多半隻燒鵝，仲有壽包，埋單千五有找我地都覺得抵食嘅。不過真係覺得佢地要員工培訓下囉。

咸薄罉同鮮蝦腐皮卷煎到勁燶 ，好鬼多油。叉燒飯啲汁有啲怪味 ，唔係好接受到。蒸燒賣同牛肉球勁細粒。燒賣個肉底勁難食。煎堆仔個餡無咩味甘。日後唔會再黎食甘難食嘅野啦！

今天晚上沒有飯局，諗吓有咩嘢好買番屋企煮嚟食，咁啱經過沙田希爾邨中心，諗起隔離私人屋苑有間稻香，行過去睇吓有咩嘢買，問店員有無燒味，她說有，望一望叉燒例牌108都唔平，都買嚟試吓，又要加1蚊盒，1蚊膠袋，覺得有啲搵笨都算，照買。買完見到外賣原隻走地雞特價88，又要加1蚊。返到屋企打開叉燒比我想像份量算多，味道偏鹹叉燒肉有啲硬。隻雞都幾肥，皮好滑，但雞肉就唔滑，無乜雞味， 勉強都算合格，唔講得上係好食，又未去到難食嘅質素。

沙田新城市果頭，夜晚唔知食咩。聽講稻香10月尾仲有得食長腳蟹，$188斤，都幾抵，當做時可以係呢個價錢1倍以上！呢隻阿拉斯加長腳蟹1000蚊內搞掂佢個$58燒腩仔配粟米餅都唔馬虎，件數夠用料足，熱辣辣🔥不過乳鴿我就覺得一半，quota可以留返比其他美食事關佢肉身唔係太嫩口，同埋其實食蟹會好飽唔食蟹的話，夜繽紛仲有半價打邊爐添環境：舒服，冷氣夠交通：就係沙田站一出，穿過3個商場，前後大約行10-15分鐘，經過埋m記就到～

今日星期日，晏晝冇咩做，簡簡單單出左去稻香飲返個茶我地叫左鮑魚燒賣正正常常咁，足料嘅，但太惜調味重手左，咸咗啲。羊肚菌灌湯餃湯底都幾清甜，又有羊肚菌又有花膠仔咁，隻餃裡面都算多料，不過不失。稻香蝦餃皇(4件)蝦肉都算大隻，外皮唔會話太厚。鬆軟叉燒包包皮夠鬆軟，叉燒餡夠汁夠味，唔錯。奶黃馬拉卷味道方面係唔差嘅，但好可惜唔夠鬆軟。法式鮮蝦春卷個餡係ok嘅，不過上枱時外皮已經較淋唔夠脆口鮑汁雞腳雞腳炆得入味，每一啖都充滿骨膠原。

從未見過如此一隻燒鵝9成係骨、燒鵝皮厚過豬皮，皮下脂肪肥到好似豬肉。問經理回覆說她們燒鵝是這樣的，個殼併出來，我出去食碟燒鵝飯d肉都多個係稻香食一隻燒鵝d肉。絕對不會再去。

場內明明有好多張枱。偏偏安排我坐一張自助斟水機已移至隔離「卡位」嘅「卡位」當時眼見嗰張枱有兩個茶客。一個用緊本來張枱嘅自助斟水機，另一位茶客當然用緊我張枱嘅自助斟水機。既然我張枱係冇自助斟水機，我所以要求加多一個自助斟水機。等了數分鐘見冇人提供服務。我便嘗試從另一張移一部水機給自己。那個知客就走埋嚟話「不用移，你可以用返自己鄰近那部水機。」當時我嘅反應係「你即係要求本來用緊嗰個茶客冇咗部自助斟水機，麻麻佢，你搵我嚟搞你另一個茶客」隨後我要求轉枱，佢亦有安排。既然這樣，為何不一早安排其他枱給我。我自己好明白生意難做。但既然有鬆動的資源，為何不好好利用，提供較好嘅服務

晚上7點，等位唔算多，10分鐘左右。沒人帶位，前臺阿姐隨手一指後面。又唔講去幾號臺。 出菜算快，廚房水平不功不過，因為價錢都算抵食所以要求都沒几高，個氣鍋湯系堅抵飲。

平日晚市，媽媽想食一蚊雞所以黎食，6點幾直接walk in1.茶包超cheap，要香片俾我茉莉，冇茶味2.到臺唔俾菜單紙3.唔俾筆，舉手問啲阿姐要筆，連續2個姐姐都係望到我但係當見唔到，嬲到我🤬仲憑乜收我加一🙄️4.終於有個阿姐理我，借咗自己嘅筆俾我地，丟落檯面話轉頭還比佢🙄️ 兩步距離姐5.同啲阿姐講嘢叫4、5次至睬你6.東星斑送到黎唔係好熱，應該都擺低咗4-5分鐘至送上檯7.海味雜菜煲好吝嗇俾超少乾貨，啲菇好難食8.花膠雞湯啲雞好柴9.細佬投訴：乳鴿冇椒鹽 差評真心唔係第一次食稻香，前一兩年還可以，宜家啲咁嘅垃圾服務態度，菜又貴又唔好食，基本上咩都係自己郁手搵人，以後唔會再去👋🤡

難得放假，今日同仔仔黎嘆茶，叫左盅鳳爪排骨飯，夠大盅，唔咸，味道可以;炸魷魚有水準，即炸好脆，粉唔多;粉果就差D，加左雪菜，怪怪地，Overall都Ok，價錢平係咁上下

如果你覺得後生仔唔飲茶就大錯特錯。今次成班後生選擇呢間酒樓飲茶，一來位處商場之內，二來比較接近民宅，非常方便。食物質素亦可以接受，尤其燒賣餡料彈牙。其他點心味道亦唔錯，五行人大約10款點心就夠飽。價錢大約$50-60一位都可以接受。另外熱茶係使用自助式煲水，整體感覺唔錯。

去到稻香酒家的飲茶，令人感到身心放鬆。佢地既點心做工精細，特別推薦他們的蘿蔔糕，口感細膩，味道鮮美。蝦餃也是一道必點，蝦仁鮮嫩，皮薄餡多，蒸熟後更是香氣四溢，讓人垂涎欲滴。茶品也是一大特色，種類繁多，香氣撲鼻，口感醇厚。最後，不要忘了試試他們的糯米雞，口感Q彈，內餡豐富，味道非常棒。總之，稻香酒家的飲茶是一個讓人感到放鬆和愉悅的用餐體驗，非常值得推薦！

午飯揀酒樓飲茶，呢間稻香位於沙田商場入面，位置唔算唔難搵。如果唔係等下午茶都好快有位。入邊有自助式煲水系統，方便易用。茶係用茶包，不過不失。環境尚算企理。食物方面味道正常。叫左幾樣常叫點心，有幾碟稍嫌油膩，隔一隔油會更好。一家大細相聚呢道係一個選擇。人均$120左右。