稻香 (蔚景園)

營業中

休息中

真係未食過咁難食既點心，D蝦餃，皮又硬又細粒，碟齋脹粉又硬又凍，街邊10蚊3條果d都好味過佢，最簡單既白烚通菜，又黑又生，面上d腐乳咸到死，服務已經無，食物仲可以咁難食，唔使錢都唔會再去

一家人到沙田稻香食晚飯，就是為了幫襯個帝王蟹套餐了！眼見好多枱客人都係order同一款嘅套餐，不過呢一個套餐又實在係太吸引了！帝王蟹真係好大隻！6個人食都岩岩好！而且套餐都仲有唔少野食，燒味拼盤、龍蝦伊麵、蛋白炒飯、蒸魚、湯羹、菠蘿咕嚕肉等，最後仲有一個壽包，份量多到唔洗講！呢一餐真係食到捧腹而回！

📍 稻香 沙田💰 人均 90 和同学们来稻香吃饭，可以要好多菜～稻香在香港有好多店，感觉稻香的点心都没有难吃的，作为茶楼来讲真的不错啦！ 肠粉非常好吃，里面是有脆脆的油条！在口感上很丰富～我比较偏爱萝卜牛筋腩，牛肉炖的嫩嫩的烂烂的，牛筋非常软～福建炒饭真的蛮好吃的，用鲍汁勾芡，香滑的卤放到饭上，虽然不是真的油炒饭，这种吃法也非常好吃啦！那个枝竹猪肚我也蛮推荐！口中滑滑脆脆，不会辣，真的不错！

呢晚一家五口黎食飯，正係做緊阿拉斯加帝皇蟹優惠，136蚊/斤，我地今次揀嗰隻係6.5斤，只係884蚊，抵到令人尖叫。..首先去揀蟹先。踏入九、十月啲蟹夠晒大隻，原先我地想揀隻7斤以上的，但揀來揀去，最大的只有6.5，唯有照收貨。..等左20多分鐘左右清蒸蟹便到了。我地急急拍照之後就開始起動，各人先拔走一隻蟹腳，蟹腳味道鮮甜到不得了。阿仔大讚蟹腳好味過日式蟹柳，那當然的啦.....食完蟹腳，我地預備好兩個碗，然後用力打開蟹蓋，並小心地將蟹黃倒出來，盛滿一隻小飯碗。我倒起半碗，用來撈白飯吃，非常美味，味道非常夾。.最後將蟹身剪成六份，份份都極之厚肉，要張大個口食。..當晚我地只叫清菜及伊麵。清菜份量多得嚇人，應該有兩斤以上...如果有淨伊麵就好了，用蟹黃來拌伊麵的話應該會相當滋味。..是晚大家都食到太飽了，但仲有蟹肉剩，唯有打包拎返屋企拆肉，整一味蟹肉炒蛋。.

前幾天友人傳來在旺角店吃非常平靚正《長腳蟹》，特意今天約親友去沙田店(拆蟹)。早1天前打電話訂枱和訂蟹，店方說有蟹；但重量未可確定，因為看到時所供應來貨。今晚所見3個水池都放滿載，問了水池工作員工第1，2天因未知客人反應；貨量賣至7時半已清空，看來酒樓知道受喜迎存重貨了^_^！今晚6点去到選得6斤半1隻蟹，落單指明急凍食(早到先要蟹，才給廚房有時間製成凍蟹^_^！)這店的咕嚕肉好好吃，最喜歡它用上鮮菠蘿(好甜蜜味，這方面選料最值得👍😊！

今次食火鍋放題，成人$148，小童$98。晚上9點開始，一坐底就寫紙落單。到咗9點20分都仲未有任何食物送到。最離譜係食物到咗之後，打邊爐個煲都未嚟。傳菜姐姐自己都出聲，等到個煲湯底嚟咗，啲水滾都已經9點30分。直到食完第一輪打邊爐食物，一開始落單的小食都完全無嚟過。再落單之後，竟然送咗啲無叫過的食物嚟。我叫嘅唔送嚟，我無叫又夾硬放低。明明上次都ok，食完呢次真係無下次。極度失望！嗰一粒星係俾傳菜姐姐的。

星期日嚟飲早茶，人又唔多，招呼冇乜。 同時段美心嗰啲大排長龍，原來事出必有因。食物選擇少，價錢唔算平。碟腸粉送到嚟凍嘅，感覺好似擺咗一晚。 油炸鬼食落口淡淡都係油。 鹹水角 入面冇料，兼且又係凍嘅。 蘿蔔糕全部都係粉，一夾即散。 皮蛋瘦肉粥品既唔到皮蛋，亦搵唔到瘦肉。 點心嘅嘢，一件兩件失手都係閑事。由頭衰到落尾，真係未試過。食物同服務以外，環境亦唔衛生， 啲碗碗碟碟拎上手全部有一層油喺面， 地面冇人打掃，廁所濕嘅。咁嘅酒樓，你去埋我份啦。

一元優惠超抵食燒雞！新鮮脆口！熱辣辣！雖然燒雞但d肉嫰滑！相當高質！夠大隻！一蚊冇得輸！排隊都要食！稻香都算貼心有埋手套俾你。不過如果要佢斬雞就要收$38，所以基本上個個都原隻上，可惜不是任叫，2人只可叫一隻。另外叫咗大蝦伊面大大碟都係88大元！相當足料 🦐有10幾隻，又夠大份，夠晒飽。友人叫了一煲炆豬手，大讚夠腍，好好食，自己一人食曬成煲！食物質素高質，不過服務員態度欠佳，叫咗好耐都冇人落單, 人手不足，要改善。

今日同老婆一齊放假，朝早11點幾睇左個早場，之後係新城市行下行下，行到差唔多2點幾，醒起係蔚景園有間稻香飲茶，諗住去等下位飲番個靓茶，唔知係米平日關係，唔駛排隊，好快入到去，但都要搭枱，原來下午茶半價，真係好抵食，2個人食左5樣野，連茶錢+1都係80幾，抵！！！

最近又有1蚊雞，一個星期內去了兩次，除了1蚊隻雞之外，其他嘢就不敢恭維，兩次都係叫甜品，落單後等咗十幾廿分鐘，追單先至話賣晒，又例如一碟通菜炒牛肉，賣$88（未計加一），又多油又多水，一劈嘢咁，自己炒都炒唔到咁差，朋友就話，算啦，1蚊隻雞，都底番晒啦！但係呢餐唔係俾1蚊，係俾幾百蚊，底唔底就要自己計過數，我就唔會再去。

今年稻香又推出一蚊雞呀！不過今次唔係白切雞係燒雞，但都要來食呀！主角係燒雞都要點幾樣小菜來吃，唔通真係食雞就夠咩！一蚊脆皮燒雞終於上枱喇，仲有幾塊脆卜卜蝦片。每人一對膠手套準備用手扯開隻雞喇。正大大隻雞脾肉質鮮嫰熱辣辣少許咸，皮薄炸得脆卜卜無肥膏。“勝瓜炒墨魚花”勝瓜清甜，墨魚新鮮爽脆唔韌。“鮮果京都骨”醬汁酸甜，菠蘿醒胃，京都骨肉質嫰滑唔嚡。“鮑汁炆豬膝”鮑汁惹味，豬膝夠入味，豬皮軟綿綿帶少許軟骨，豬膝入口即溶好味。

窮遊香港-稻香又有一蚊雞啦.稻香又有一蚊雞‼️星期一至五（非假期）晚上6-9時點都要去支持下既個人幾鐘意稻香 係香港算係幾有社會責任既是日18:15開始排 19:15入坐a20號飛 排到a27 要一個鐘建議早小小黎 第一轉晚市 可以唔洗排隊但之後19:00開始人山人海啦（可睇圖）咁今日一蚊雞質素點？ 抵唔抵食呢？.‼️一蚊雞 1位可叫半隻 2位1隻（之前可以任叫咖 不果眼見有d呀婆 狂叫再帶番屋企 勁賤 so改左條款我都表示支持）👍🏻隻雞幾肥 上台超熱 但要自己剪開佢👍🏻皮小脆 入面仲油滑 🙈一人半隻都咪話唔飽但相對肉汁 同油比較多（可睇片）而因為油比較多 都帶有小小油味調味都係偏咸 餸飯岩岩好.茶位$12蚊位 半隻雞$0.5姐係一位最平$12.5加一就走到.仲可以加野飲自助吧 $22蚊位雪糕野飲 任食 呢個勁易回本（可睇圖）.仲可以點下其他野既例如⭐️菜膽雞燉翅$48星期六日$38👍🏻入面見到好足料 雞豬翅 金華火腿👍🏻個湯有落金華火腿 好夠味翅唔多彈 但都好夠抵（要彈翅應該要幾百蚊碗）.👎🏻最後要講既係 餐具 隻杯洗唔乾淨 扣分.⭐️總結真係好鬼抵🙈.#稻香 (沙田)地址：沙田沙田正街1號

下午鬆一鬆，下午茶大中小點特點優點全部半價，所以試一試蝦餃賣相食落口也不錯炸兩腸粉，炸雲吞，略嫌太油膩，太肥淋淋，唔喜歡四寶雞扎入邊嗰塊豬皮太奇怪了，難吃，鳳爪排骨略嫌煮得過熟

以前稻香打佪邊每樣計,食下食下都好貴而家1個價錢就可以任飲任食,抵食好多~~宵夜時間$138都唔算貴咁又唔駛排隊就去食下啦但人手就不足喇,坐左好耐都無人黎執枱呢樣真係要改善一下先得諗緊食咩湯底既時候,居然有得揀雞煲喎,既然未試過就揀佢啦但雞斬得好碎,好多碎骨食完雞煲加左湯底變左好淡,好失敗打邊爐既食物都多款式,連花膠都有有飲品區,罐裝啤酒都有得任飲,其他飲品都算多選擇仲有個蔬菜區平平地打個邊爐都值得去食下既~~

新年流流緊係食盆菜😋每年年初一都同屋企人外賣盆菜，試過諚元朗圍村嘅老字號，覺得唔好食！不知是否因為新年太多人諚所以失準！反而今次稻香就幾好，不過不失，起碼足料，大蝦，花膠，乾搖柱，豪士，發菜，覺得回本！個汁都ok好味！可再食😋