穴 (奧海城二期)

營業中

休息中

試咗奥海城內好多間食店，大部分不過不失，今日試呢間穴，比想像中好食好多因為之前去過同集團喺The one嘅一間日本菜係覺得OK啦…今日試咗迷你飯餐，有好多款式嘅迷你飯任揀二款仲要有碗熱烏冬跟餐，揀咗葱吞拿魚蓉飯好鲜甜食一啖就會愛上嗰種另外揀咗天扶羅飯呢個係OK嘅，個烏冬真係飽到食唔落，下次我會叫佢唔使上烏冬再叫咗一串燒牛利，好juice 燒得啱啱好，呢個午餐好滿足

這天請了半日假與朋友食個生日午餐平時經過穴都覺得應該偏貴今次認真看下餐牌，間唔中食下都唔算太貴之前一晚已經先打來訂12:30枱，餐廳留枱5分鐘不過當日中午時間都仍有少量位置餐廳的裝潢很有日式風格整個氣氛都不錯不過中間的餐枱與隔離的枱距離有點近會聽到隔離枱聊天所有主食大約都跟前菜、麵豉湯及甜品，有些會有蒸蛋我們點了兩個刺身飯🍣 其中一個是迷你丼飯餐，跟迷你烏冬及串燒兩串霜燒魚生飯 | $148真係太耐無食好野魚生飯有燒三文魚、左口魚及帶子。魚生份量都多，三文魚厚切的。三文魚燒的位置只有三分之一，味道很淡，三文魚香味不突出。左口魚有很多塊，燒過後魚油味香濃帶子開半，挺新鮮鮮甜。配菜酸薑有少少苦味。迷你三文魚海膽飯 配 細烏冬 | $158由於是迷你丼，每個丼飯的份量會較少。這個餐可以選兩個丼飯或一個丼飯加兩串串燒，另外有個細烏冬，選擇配搭都幾多。刺身飯方面，三文魚味道比半燒的較香，都有大約四至五塊。海膽大約有兩大瓣，好甜沒有腥味由於被刺身飯吸引，食烏冬時它已經冷掉，食不出原來的味道。青芥牛柳粒(圖左)、牛肋骨肉 (圖右)寫這食評時，我才發現是「青芥」😅竟然沒有試到加了青芥的味道... 兩款

工作天午餐，午餐menu 非常之多既選擇！最後揀咗個迷你丼set lunch，因為set lunch 非常豐富，有中華沙律、沙律菜、迷你丼、熱烏冬（或者可以揀熱蕎麥麵）仲有兩款串燒！可以咩都試下三文魚海膽迷你丼，刺身好新鮮，海膽鮮甜唔食魚生嘅朋友都有大量熱食可以揀鰻魚，滑蛋雞，豚肉生薑燒等等⋯揀咗兩款都係牛肉嘅串燒，一上枱已經有好香既牛肉味，而且上面從灑左啲鹽，唔會燒得太熟，好好味其他烏冬沙律都好好味！飯後仲有小泡芙甜品 附近嘅員工而家仲有九五折優惠！

平日12點到，有套餐可以選擇，平時經過見到佢都多人排隊，就趁今日黎試下。不過留意番，佢上餐都幾亂，沙律，前菜，主菜，咩都擺哂係枱中間，唔會話問返邊個食咩餐咁，就呢個價錢黎講，唔太細心。今次同屋企人食，有小朋友嘅關係，叫左兒童餐份量啱啱好夠小朋友壽司：新鮮，擺盆靚，唔會話跌咗d飯個類瑕疵，每款味道都好鮮甜迷你丼：份量品多，一個大拳頭的size蔥花吞拿魚丼:味道鮮甜，完全唔腥，豉油自己落，份量啱啱好（女仔的話）再加兩串牛肋骨肉串燒，火喉適中👍🏻牛肉味濃厚，唔加任何醬已經好好

今日難得有人過黎搵我食lunch 好耐冇出街食飯當然要豐富少少啦😋 我地就揀咗穴這間日本餐廳 12點開始可以入座 之後就點左炸蠔咖喱飯🦪同炸豚肉咖哩飯🍛 配有沙拉、前菜、湯、茶碗蒸同甜品 Lunch set嚟講都算幾豐富😁炸蠔同炸豚肉份量都幾多 米飯係日本珍珠米🍚 咖喱味道恰到好處👍🏻 其他配菜都味道不錯的 尤其係茶碗蒸味道鮮美 裡面有冬菇、帶子粒等 份量都不少以$98一個套餐嚟講性價比不錯 而家下午一點前埋單仲有9折呢😁

收工黎奧海城行下，之後順便喺度食晚餐，朋友想食日本野，專登search有咩好食，見OpenRice訂枱有八折就試下佢之前都有聽過呢間餐廳唔錯既，餐廳既侍應都好有禮貌，欣賞特上壽司拼盤🍣12件重點3樣~海膽好鮮好食~左口魚壽司係我食過既日本餐廳最好食既~魚子飯都好好食，食完想再Encore添芝士青瓜饅魚卷6件雖然有芝士，但食落唔會”流”，饅魚又燒得好食串燒雞肉免治芝士年糕煙肉卷下次黎食其實可以單點壽司，雖然拼盤都抵食既，但重點叫中意既，可以食得滋味的仲可以食兩件整體滿意

一個餐食到魚生飯🍚, 串燒🍢, 熱烏冬🍥一次過滿足貪心既你🤗🍙🍘🍙🍘🍙🍘🍙🍘🍙🍘🍙🍘🍙🍘迷你丼物餐($158)🍱有2種選擇1. 2款丼飯2. 一款丼飯+2款串燒🍢兩款選擇都配有沙律, 熱烏冬/蕎麥麵, 甜品丼飯串燒選擇超多👍🏻👍🏻仲有海膽丼飯添呀沙律上面淋左啲酸酸甜甜嘅醬汁有少少似泰式辣醬不過就有少少油🥗🥗熱烏冬🍜湯係普通既醬油湯 不過烏冬有啲驚喜 幾煙韌🍥🍥饅魚飯🍚🍚饅魚正正常常 不過有啲啲骨上面有少少蛋絲點綴幾有心思香葱碎呑拿魚生飯 🐟呑拿魚比起平時嗰啲淺色食落幾滑 感覺佢地剁幾幼細🤗甜品🍡掛住同朋友傾計 無認真留意但我記得食落有啲似葛櫻出面質感似啫喱中間嘅似紅豆 甜甜地雖然每樣份量細細地但食落都幾飽😌整體都唔錯💁🏻‍♀️不過佢地就無lunch menu 所以唔算特別平但如果夜晚食 我個人覺得哩個價錢都ok起碼可以滿足貪心既我樣樣都可以食啲🤗🤗🤗

兩小口路過奧海城見到餐廳都有唔少人排隊等位，於是乎就湊熱鬧排埋一份去食午餐。午市套餐望落都幾吸引，岩哂我地胃口。最後我地兩個都揀左迷你丼套餐，可以每樣都試少少。套餐有得揀兩個迷你丼或者一個丼加兩串自選串燒，跟餐有前菜、沙津、迷你麵食同甜品。前菜係比較普通嘅中華沙津，而沙津就係生菜加醋汁，蔬菜幾新鮮清爽。然後就是迷你麵食，可自選蕎麥麵或烏冬。烏冬口感煙韌而蕎麥麵則比較腍身，個人還是偏愛口感較為結實的麵條多啲。雖說喺迷你丼，但刺身嘅份量都好足而且全部都好新鮮，海膽creamy赤蝦鮮甜。雞翼串嘅雞皮烤到好香脆，入面嘅雞肉仍然保持嫩滑juicy，好好味。雞軟骨串入口啖啖肉，入面有粒粒軟骨令口感更豐富。燒牛柳粒肉質軟腍，入面仲有肉汁唔會太乾，同樣值得一讚。最後是煙韌的黑糖菓子，中間是微甜的紅豆餡，作為今餐美滿的總結。

之前多數食千両, 但只係無得揀之中嘅選擇, 因為遇唔到邊到壽司刺身新鮮過佢, 但自從食左穴之後真係返唔到轉頭, 除左新鮮程度更高之外, 佢解決左我最唔鐘意千両嘅問題, 就係食物選擇太少. 每次去穴都食出放題嘅感覺, 打開menu勁多野都啱食, 啲選擇又唔會太平凡悶場, 當然成日食係會悶, 因為佢唔會點轉款, 但我一個月食一次都無問題.刺身組合好啱我心水, 件件都想食.不過呢次去覺得刺身水準有一點點下降, 有啲乾身嘅感覺, 同埋海膽鮮而不夠甜, 但唔影響我對佢嘅信心💪章紅魚柚子酢沙律鐘意佢酸酸甜甜, 有啲菜清下個口, 不過章紅魚同刺身拼盤一樣有啲乾.火炙左口魚裙邊係我至愛, 嗰股油脂香真係掀起高潮, 令人好滿足. 鰻魚我無食到, 但係咁長卷住舊飯, 目測又係個味勁出, 又有少少飯中和下唔會太漏.印象中北海道帶子壽司水份OK, 但係深海池魚都係有唔夠水情況, 當日刺身食法嘅魚都有呢個情況, 不過點左豉油食問題不大.咁多好野食, 豚肉烏冬自然無乜吸引力, 所以我無食到豬肉, 只係食左兩啖烏冬. 烏冬口感好滑, 但唔係好彈, 淋左啲, 唔係差, 但唔係我追求嘅口感.雜錦天婦羅食左蝦同粟米, 質

我是熟客，每星期會去2-3次，但現在我不.會.再.去了。事源佢地有會員優惠,消費滿一定金額可以有優惠券,我儲了很多分之後,佢哋就開始更改使用條款,下午茶唔用得,$100coupon晚市先用得，食一次用得一張，食得呢間野都知冇1500-2000兩個人落唔到樓，有個lunch set coupon我問左幾次好清楚用到先換，臨埋單前係staff面前問清楚先㩒制，換完佢先話唔可以齋換個set要點alacart先我（之前冇呢個要求咁話喎，岩岩改喎），但我之前問同即時換佢地都話ok！換完唔比我用又唔比返d分我，講真，我一個lunch平時黎食都220落樓，未計晚飯同下午茶又時都會黎，個coupon redemptionset 咁多restriction我都唔希罕了，我唔會再黎！佢地因爲生意好所以平時態度都少串架喇，見佢比TST天穴平d又好味d所以我多數食呢間，而家我成個集團都唔食喇！激氣！

係呢到叫左個石頭鍋鰻魚飯，蝦天婦羅，同壽司拼盤。首先係饅魚飯，啲鰻魚好大腥味，生平第一次食到咁腥既鰻魚，真係食完想反胃🤢。第二樣係個大蝦天婦羅，我唔明點樣可以整到入面舊蝦係熟透晒，而外面又同平時個啲個樣無分別既（即係我係咬到落口先知）。嘩簡直不要再難食點，又係令我刷新左認知，真係不知所謂。最後係啲壽司拼盤，平均每件20蚊左右，但咪道，份量，仲差過元氣壽司，cp值低到稱奇。另外仲有兩舊70幾活北寄貝壽司，加埋已經等於一碗鰻魚飯，但係味道大細難以令人接受（乾身/超細/猶如食饅頭）。仲有服務個面，我叫完野坐左4個字，個服務員竟然黎問我仲有乜野未到，我真係笑左出黎，我乜野都未食到呀大姐。真係令我忍唔住講聲克店真心唔推薦大家入去中伏，性價比低低低低低低低。

三文魚帶子刺身飯 💰$178開心星期五又來到我最愛的日本餐廳～除了三文魚同帶子刺身之外，其實仲有蟹肉、海膽同三文魚子架😆 海膽勁creamy 入口即融 三文魚同帶子都好新鮮好大塊 食材真心好高質👍🏻 雖然作為午餐好像有點貴，但其實還附有沙拉、前菜、湯和甜品的，而且食材高質有水準，真係幾抵食😍

奧海城穴這間日本餐很久之前為朋友慶生光顧了一次，印象中刺身比較一般而且是失望比較多，反而串燒和熟食做得比較出色~今次到同事們為我慶生，當我知道他們訂了這間的時候我有點兒想轉餐廳但不想掃他們的慶所以只好扮作不知因為他們不斷說這間店很高質素等等~當晚大約7點30到餐廳~感覺這店比以前旺了很多，門口很多人等位，幸好同事們訂了位。當晚我們三個點了刺身拼盤，燒雞泡魚干，串燒，酒煮蜆等。最令我印象深刻還是刺身但今次是眼前一亮的深刻而不是失望~和我上一次來差太多了吧？刺身很新鮮而且賣相非常吸引！酒煮蜆的大蜆非常鮮味而且沒有沙~讚！串燒就和上次一樣都很出色。最後大家都非常滿意~而且侍應很有禮貌~希望下一次再光顧會keep到今次的水準！正！！好味~這是上一次的刺身差太多了吧

25號當日同男朋友慶祝週年，24號當晚已經係Openrice上訂枱，而且預約是被確認的，但當天到場跟門口的接待員說在Openrice上已預訂，接待員的第一句回應是「我們在OpenRice上的預訂是不接受的。」當時已經想問咁點解我又可以預訂已被確認呢？而後來又收到電郵說已確認出席，幸好當日時間尚早有位置。食物質素是不錯的，但種類較少。

Dined at this place for about three to four times, only because it is close to where I lived. The food is just below average, but very pricy. I am willing to waste my time to write this review is to forewarn all of you not to waste your money here, loads of better value of money alternatives nearby. Besides the quality of food, the service is even worse. They ignore kids and not treat them as human being when allocating you seats, first try to make my 4 year old sit at high counter, then try to