竹串日本料理 (已結業)

又到happy friday, 梗係要同同事食好D啦同事話佢係openrice見到一間個鰻魚飯超正。就陪佢去食啦去到門口有幾個好靚既燈籠lunch menu 都好多選擇前菜；沙律🥗，味噌湯，螺肉，雪粒羅米滋極上魚生飯$98有六款刺生：帶子，三文魚，吞拿魚，油甘魚，海膽，牡丹蝦除左蝦，每款都係2件厚切魚生，超肥美！海膽顏色超新鮮！好甜！牡丹蝦超大隻極上鰻魚飯$98衣個鰻魚飯上枱果一刻係尖叫嫁！好大條，又夠厚！魚肉好嫩口，鰻魚汁多夠多，一d都唔孤寒見到都好開心😃

下晏約好朋友睇黃金花，原定計劃輕食，好讓我的小肚子預留空間放popcorn，可惜，竹串的 set lunch 一點都不輕⋯⋯餐廳不算太大，坐位私隱度高，$100一個真係抵食。日式居酒屋感覺親切，近窗位置有日光，食lunch 不錯。午餐有8款選擇，我們點了兩份 share。極上鰻魚丼$98鰻魚肥到不得了，大件夾抵食，可算是我有史以來見過上碟size 最大嘅鰻魚！ 燒汁帶點甜，送飯一流！極上魚生飯$98要先讚一下海膽夠甜，感覺十分新鮮。 帶子牡丹蝦都很鮮甜，肥厚，整體份量足，每件刺身都大大件，厚肉，好飽肚！ 銅鑼灣店，以此價錢及份量，可算是性價比很高的餐廳，下次會再試一試他們的燒物套餐！

日本料理一向係我最愛，公司附近選擇唔多，同事揾左呢間樓上餐廳set lunch有八款選擇，由$68至$98不等，同事叫左極上鰻魚丼飯，我就叫左極上魚生飯，套餐包沙律、前菜(螺肉)、味噌湯及甜品(雪米糍)食魚生，除左食材新鮮外，鮮磨芥末對我嚟講好重要，呢餐符合我要求，滿意冇映同事嗰個鰻魚飯，同事話鰻魚味道唔夠香及肥美，但味道唔差，只因條魚好大條，佢最後食剩大半條我認為性價比高，不過樓上舖唯一唔方便就係上落都要預時間等𨋢

係銅鑼灣做完野既中午，同行既朋友想食日本野，就簡左呢間叫竹串既日本餐廳。入到去裝潢好似日本居酒屋，又有BAR台，燈光較昏暗，座位都幾舒服。同朋友一人叫左一個LUNCH SET 包味增湯﹑沙拉同前菜沙拉有生菜同紫椰菜，淋上偏甜的黑醋，十分開胃前菜則係螺肉我叫左個天婦羅牛肉烏冬，同行既朋友叫左個魚生飯天婦羅好脆，好爽口有海老，南瓜，茄子同蕃薯所有食材都係啱啱好熟，食到食材嘅鮮味，由其是隻蝦真係未試過有天婦羅可以炸得咁新鮮，個炸粉好薄，外脆內軟，少少多餘嘅油份都冇，好值得推介烏冬係稻庭手打烏冬嘅質地，麵條偏幼，咬落都幾彈牙上面有新鮮嘅紫菜同蔥，仲有兩片剛好熟嘅肥牛魚生飯好新鮮，而且係用木桶上，特別有風味有好幾種魚生：三文魚，油甘魚，牡丹蝦，海膽，帶子同埋吞拿魚帶子厚身，中間夾住片檸檬，仲可以提鮮件件魚生都夠大舊肥美吞拿魚好粉嫩，肉質細滑唔腥海膽配青瓜一齊食creamy得嚟又有清爽嘅感覺，唔使調味都好鮮WASABI 夠勁 有個種CHOK喉既感覺總括黎講都幾大份抵食，值得再試過

走進呢間位於登龍街樓上嘅日本料理, 裝潢十足日本居酒屋, 餐廳座位都唔少㗎, weekend 晏晝點幾鐘嚟到, 幾乎滿座, 人氣度極高!!所有lunch set都附送沙律、味噌湯、小食(螺肉)同甜品。之前見朋友po過呢度嘅鰻魚飯, 就覺得好吸引。今日終於見到佢嘅真身啦！OMG! 原條鰻魚上枱一刻, 比相中見到嘅更！震！撼！足足成對筷子咁長, 比七味粉樽身更闊嘅原條鰻魚, 完全蓋住下面嘅日本珍珠米, 簡直就係一件巨型嘅鰻魚壽司吧。夠曬大條之餘, 重非常厚肉！香噴噴嘅烤鰻魚質感軟滑細嫩, 同經典鰻魚燒汁簡直就係天作之合。影還影📸, 大家記得趁熱食啦！肥美鰻魚油份豐富, 油脂滲曬落喲飯度, 熱食就最美味。食魚生飯首要當然係新鮮！呢個一睇就知合格有餘啦 。帶子肉質細滑、 牡丹蝦甘甜鮮味、 三文魚厚切肥美 、油甘魚油脂甘香。我最愛嘅吞拿魚, 充滿光澤, 食落完全無筋, 海膽雖然份量唔多, 但勝在夠新鮮, 入口即溶。配上香軟日本珍珠飯, 今餐真係大滿足呀！

好耐無食日本料理，今次來到呢間位於銅鑼灣嘅竹串日本料理店，一於食反夠皮！先黎左個三文魚籽軍艦叫得軍艦當然會有返咁上下質量～上面嘅魚籽，每粒都吹波可彈，流出濃濃嘅魚油香，令人為之一振！味道同層次都屬於上級慣左每餐都有米落肚，同時滿足埋我最喜愛嘅鰻魚，鰻魚炒飯鑊氣好夠加上炒嘅時候落鰻魚汁，令成個飯都充滿醬汁香，鰻魚無骨可以仲大啖大啖食，只係食完都唔多夠喉因為日式料理嘅王牌一定係刺身，所以去到日式料理店無叫返個刺身真係等同無食過日式料理對此，我目光集中係池魚身上，肉質緊緻，鮮甜無比，亦都食唔到有腥味，視覺同味覺上都係優勝～絕非池中物第一次嚐鮮遇上池魚，就深深愛上呢種刺身，上網搜尋左一下，發現池魚原來係細細條，一條魚只有幾塊嘅珍貴刺身～～！！

前幾日約左個朋友食拉麪經過登龍街呀，永光中心樓下姐姐派傳單，係咁比啲單我地，其實有啲煩擾，不過拎左之後望左兩眼，又覺得好似幾吸引，所以決定左搵日LUNCH黎會一會佢。其實LUNCH黎講都算幾旺場，好采今日WALK-IN都唔係等好耐，下次食做預約先，見到其他人約左就唔使等。午餐有8款可選，價錢$68-$98，我就叫左個極上魚生飯 $98，我同事就叫左個極上饅魚飯 $98，最好笑係我地坐卡位搭枱，對面兩個女仔同我地一樣，一個叫魚生飯，另一個又係叫饅魚飯，睇黎冇揀錯野。=]個魚生飯好靚呀!!有帶子，三文魚，吞拿魚，油甘魚，海膽，仲有隻巨大既牡丹蝦!! 海膽好新鮮好甜呀!! 啲魚生塊塊都好肥，勁有口感!! 個飯就細左小小，不過其實計埋律前菜仲有味噌湯，其實都夠飽!!好滿意。仲有朋友呢個巨型饅魚飯，條饅魚全條上咁，勁長勁闊!!HEEHEE~~我都試食左一舊，個燒汁好好味，饅魚又肥美，有啲物超所值。明明出面食饅魚飯就好貴。食完每人仲有一粒雪米糍!!!YEAH!!!

復活節好多朋友去咗日本睇櫻花，又食刺身飯，好羨慕，雖然冇得去，都要喺香港食下日本野先🤣 lunch Time去銅鑼灣搵好嘢食，試吓登龍街永光中心15樓嘅「竹串」，唔算多人，唔使排隊等位，食日式料理，我哋一人叫咗一個lunch set～ Lunch set 都有沙律、味增湯、同小食，全部都唔錯～ 極上魚生飯 $98賣相好靚😍 用一個木桶載着，附上木匙羹，魚生有好大隻嘅牡丹蝦😍、三文魚、吞拿魚、油甘魚、海膽、帶子，全部都非常新鮮爽口彈牙👍🏻 真係好正好鮮甜😋 而且壽司飯都好好味😋 同去日本食有得比呀👍🏻極上鰻魚丼飯 $98超大條鰻魚😍 見到都已經「嘩」一聲😵 好吸引！鰻魚好淋，充滿油脂，好入味，食完一啖又想食一啖，真係好正👍🏻 最後仲有甜品，係綠茶糯米糍，正👍🏻銅鑼灣區食到高質嘅日本食物，以咁嘅價錢來講，算係抵食，推介大家一試👍🏻

一本食日本嘢都係食放題，會以量取勝，個質就真係一般，有時都想食啲個質要好好，質最基本當然係食材新鮮，但其次地點同餐廳嘅環境都係重要。而今次呢間地點一流，係銅鑼灣永光中心，地段絕對方便而環境方面，餐廳好乾淨，環境好靜好舒服果然唔係任食個翅身係新鮮啲，每一夠都好爽口，好甜，帶子同三文魚都好厚切。三文魚超厚，好足料。牛肉窩好甜，牛肉好彈牙，一啲都唔咸。蝦壽司必叫，好好食。鰻魚炒飯都係叫必，因為唔貴，仲好抵食！

都說,香港的飲食業有個特別的現象, 就是在某一段時間總有一股熱潮, 好像前一陣子便興起一股日式丼的熱潮, 但凡日式丼的專門店, 例必大排長龍, 到了最近又似乎沈寂了。雖然我也有留意飲食潮流, 但對於我來講,日式丼始終都是我愛吃的其中一個項目。說來也真的巧合，今天下午有點事，要到銅鑼灣區, 走進登龍街, 想找個地方吃午餐, 途中收到一張宣傳單張, 原來此間日式餐廳的午市套餐之中, 有供應一款刺身丼, 正合我意, 以價格而言也算抵食, 那試試又何妨。店員送上極上魚生飯, 單看賣相已經是先聲奪人, 多款刺身堆得滿滿的, 包括有帶子、牡丹蝦、三文魚、吞拿魚蓉、油甘魚及海膽。帶子厚肉而鮮味十足;牡丹蝦夠大隻，吃起來鮮味也啖啖肉;三文魚肥美;吞拿魚蓉口感軟糯, 味道鮮甜;油甘魚帶點脆口, 也具魚油甘香;海膽鮮香無比，令人齒頰留香, 整體來講是有水準的。午市套餐附有沙律、味噌湯、小食及甜品，沙律整體有清爽的感覺，蕃茄有清新鮮甜味, 生菜新鮮爽脆, 加了些沙律醋，酸酸的味道極為開胃。味噌湯入口熱辣辣之餘，味道濃郁而不會太鹹，令人喝得滿足。小食是一小碟海蜇,食落爽口彈牙還有些香麻味道。甜品是芒果糯米糍，

朋友話我知登龍街有間日本野好好食，所以就黎試一試。午市都幾多人，book位係必需！我地被安排坐Bar枱，可以睇住師傅整壽司同串燒。我揀咗雜錦魚生飯，跟餐仲有麵豉湯同沙律，都幾豐富！魚生飯有我最愛嘅海膽，超甜超新鮮。其他刺身包括三文魚，呑拿魚，帶子，油甘魚同甜蝦。樣樣都好新鮮！埋單仲送甜品，係雪糕糯米滋，又係一樣我好鐘意嘅甜品。今次無叫到串燒，但係見住師傅整，好香好吸引！下次再去一定要試下串燒先得！

銅鑼灣日本野多的是，但通常價格會較高。肥佬唔愛魚生，所以串燒就岩晒佢一打開menu 發現串燒同壽司選擇都好多而且價錢唔高，可以試多d唔同款都唔怕！牛小排！$38 ！！！燒到6成熟！夠熱，外面少脆入便juicy! 銀雪魚+豚肉韭菜花卷銀雪魚脆脆既皮，充滿油脂既魚肉！豚肉韭菜卷好驚喜！豚肉好薄但d油脂入晒入d韭菜度！而且又唔會令到韭菜太熟而失去脆脆口感！好食！鱔呀！本小姐最愛同銀雪魚一樣外皮酥脆！但鱔肉好彈牙，魚味比銀雪魚重！個人比較喜歡鱔！燒蠔！唔會乾晒身，欣賞餐廳既調味！蒜蓉炸過唔會掩蓋蠔本身既味道，用料都算新鮮！但略嫌細隻唔夠喉！不過日本蠔係咁嫁啦！燒茄子，蒜味濃郁！喜歡蒜既你必點！不會太林！我較喜歡e種質地！E個鰻魚炒飯又係非常驚喜！因為怕肥佬唔夠飽先點！但我比佢食得更多！雖然只是$48但食得出師傅工架！即炒出晒煙上碟已經夠誠意！粒飯分明，炒功了得！最鐘意d細細熱蘿蔔同飯差唔多大，加多個脆脆口感，令飯唔會太膩！當然鰻魚可以多返少少咁就完美！鵝肝帶子卷，唔太特別！但可能將鵝肝燒一燒有d油脂會更突出。飽到呢.....有粒雪米糍做一個最美既句號！我會再黎！就算兩個人都可以叫好多款而且性價

🍱極上魚生飯🍱 $98呢個lunch set包左沙律 小食 湯 甜品而個飯既魚生都有幾多帶子 牡丹蝦 呑拿魚 油甘魚 三文魚 海膽魚生切得好厚身 當中帶子同三文魚最好食飯底唔算多 一個人食得哂仲有空位😛不過都幾豐富 食完幾滿足😛

銅鑼灣登龍街是日本菜的集中地，前幾日我就來到竹串日本料理吃午餐。店內燈籠高掛，燈光昏黃，加上木系裝潢，帶有濃濃的日本風情。雖然午餐選擇不算多，不過我作為鰻魚控，不假思索就已經決定要點極上鰻魚丼飯。午餐除了主食之外，包括沙律、味噌湯及小食，相當豐富呢！沙律菜配上黑醋汁，酸甜味道清新輕盈，令人胃口大開。小食則是味付螺肉，肉質爽滑Q彈，微辣惹味。極上鰻魚丼飯 $98原條上單是視覺已別具氣勢，平時去超市買一條完整的現成燒鰻魚索價八九十元，所以這個鰻魚飯定價公道合理。鰻魚厚肉肥美，肉質嫩滑，油香四溢，不過有點可惜的是可能lunch time 是peak hour，所以吃得出不是即點即燒，明顯不夠熱辣辣，因此表皮有欠焦脆香口，魚肉內的細骨亦略多。飯量頗足，即使男士也應該吃得飽，日本米煮得黏糯香軟，只是如果可以再加多一點燒汁就更好下飯了。最後還有雪米糍作甜品，包加一後大約 $110就有原條鰻魚的5 courses 日式料理午餐，以銅鑼灣的黃金地段來說，價錢可算十分親民抵食。

放左幾日假都仍然係holiday mood 唯有要食個好豐富既lunch 去cheer up 自己呢間餐廳既裝修都好日式 枱與枱之間唔逼 坐得好舒服午餐既選擇都算多 而且仲寫清楚個餐有咩食 唔駛估估下我同朋友都揀左食set lunch 前菜有螺肉粒.沙律同埋麵豉湯〰️極上鰻魚丼飯〰️大家唔好以為呢個係一件普通既鰻魚壽司 其實呢個係一個巨大既鰻魚飯 大家一見到既時候都忍唔住‘嘩’左一聲 因為真係好誇張呀 有隻手臂咁長呀鰻魚肥美肉厚而且色澤均勻 甜甜既鰻魚汁撈埋個飯食都好好味 一口鰻魚一口飯真係食到停唔到口其實平時係出面食個饅魚飯都唔平 估唔到一個$98既lunch set有咁既質素〰️極上魚生飯〰️就咁睇呢個魚生飯既賣相已經係相當吸引 佢既顏色好繽紛 分別有帶子.牡丹蝦.三文魚.吞拿魚.油金魚.海膽 而且佢既魚生片仲要係厚切 整體上魚生都好鮮甜 而我覺得最surprise 就係有海膽 因為平時食魚生飯都好少有海膽 另外吞拿魚都係我既大愛 厚厚既質感 感覺上好滿足😍開頭都擔心個飯既份量太少 但係原來食到最後都食唔駛碗飯 因為魚生始終有d膩 所以食晒d魚生已經好飽啦最後仲有雪糕糯米滋做甜品 飽到te