竹園餐廳

營業中

休息中

I decided to stop by this restaurant while strolling past, looking for a quick afternoon tea. Opting for the afternoon tea set featuring French toast and ice lemon tea, unfortunately, left me with a rather unsatisfactory experience. The French toast turned out to be excessively soggy and incredibly oily, lacking the expected flavors. With each bite, it felt like I was consuming an overwhelming amount of oil, butter, and honey, rather than savoring the dish. This was quite disappointing, especial

個人經常去唔同嘅屋村做promote，都食過唔少港式茶餐廳，level 可以分為垃圾、一般、唔錯、好好食。（大多數港式茶餐廳都好難食…）我叫左個草菇蝦仁飯$51，包埋湯。Level嘅話，我覺得係一般-，湯其實唔錯。但，口感同質感好怪，蘿蔔生生地、菜心少硬and生生地、蝦仁有殼、d汁好似鼻涕……味道嘅話，d菇都幾香幾新鮮🤔但整體就……一般minus-可以嘅話，我比較想食屋企附近嘅兩送飯

貴為竹園人，當然食過竹園餐廳。聽講呢間餐廳年紀大過我，開咗有40幾年，可以講話自從有竹園邨就有佢。放假我都會瞓都自然醒，最近天氣比較熱，都會早醒咗，所以只會瞓到11、12點左右，brunch呶！都會典吓典吓咁去樓下竹園餐廳食，因為都過咗早餐時間，所以最鍾意食佢既常餐，有時會叫假日特餐。入到去好有親切感，同啲叔叔姐姐都熟了，招呼會特別好，佢地通常會俾杯茶啲客，但佢哋知我會多要一杯熱水，有時我唔使講佢地都會自動波俾我😄今次就食佢既常餐，雪菜肉絲豬扒米，加杯凍檸茶走甜，茶ok香濃，檸檬🍋最近品質唔錯，汁多味香，前陣子就差啲，檸檬有爛味，搞到杯茶失色晒。好鐘意食佢嘅豬扒，係我鍾意既有骨豬扒，特別好食，尤其係骨附近嘅肉，正正子！個廚仲用刀𠝹幾嘢，保正熟透😏雪菜應該係調過味，唔係得個咸字，一啲都唔求其，份量又多，肉絲又軟，一啲都唔柴。配埋佢既辣椒油，食完個餐好滿足😌辣椒油可以香啲辣啲就更好，呢個佢地仲有好大既進步空間🤔

【黃大仙區】【竹園餐廳】去開黃大仙區同大家食嘢，都係去新蒲崗最多，因為餐廳多選擇多，食乜都有選擇。其次就係去黃大仙或者鑽石山等等地方，極其量都係去咗一次慈雲山，去嘅地方唔係多到覆蓋晒成個黃大仙區，今次就做啲嘢先。我好似從未去過竹園，最近只係去過黃大仙中心，嗰時仲讀緊書，搞義工計劃，喺嗰邊嘅中途宿舍住咗一晚，成世都記得個 friend 啲鼻鼾聲彷如東鐵綫中期翻新列車喺耳邊駛過一樣。嗰位同學對我相當好，至今都狂 like post 嘅。嚟到竹園廣場好有新加坡 feel，英式公屋商場設計咁款，行到我幾亢奮。仲見到呢間竹園餐廳門口有賣埋西式包餅，唔入去唔得啦下話。入到去都係自己搵位坐，但係侍應叔叔都係著恤衫西褲配馬甲背心，相當認真，好鬼正。食個 $43 嘅特餐，個「午餐肉煎蛋」隻蛋略嫌太熟，係全熟嘅，主菜「雞扒」、「米粉」就平庸，揀其他嘢可能好啲。全晚驚喜喺杯餐飲「熱奶茶」度，果然屋邨老牌茶記對杯茶唔敢怠慢，唔落糖唔加煉奶，非常好飲，正。坐低食咗陣嘢，嗰度啲客人除咗食茶記炒嘢之外，都幾多人食佢哋啲包點。我就用 $23 食埋「法蘭西多」滿足某啲讀者嘅期望，佢本身一開二咗，味道係 okay 但花生

星期三去買外賣落單後到下一層買麵包來回不須5分鐘返上去袋外賣以經等緊我，見到以心知賴嘢啦咁快搞掂，回家路程大約8分鐘，－打開見到個賣相果然不出所料,再食落口係微暖嘅兩様都又無味又無鑊氣，d 斑腩係大舊呀但個心係又硬又凍嘅呢pk，然後忍唔住打電話去投訴啦有個唔認自己係老細嘅人聽,得到嘅結果唔係道歉，而係推卸責任話唔關自己事自己都唔清楚喎🤬🤬真係燒佢數簿咁不負責任點做生意呀! 奉勸各位如果唔係冇選擇都唔好

老闆娘及部分樓面員工態度差:1) 部分堂食員工扮睇唔到聽唔到，不會主動落單外賣經常忘記給多士，2) 外賣經常忘記給多士，告訴老闆娘後，老闆娘不會道歉反不禮貌大聲地說:「依家俾返你啦！唔好話冇俾你!」。3) 外賣膠盒溶及變形，麵湯於袋內四散4) 見過毛巾跌在地上，員工拾起放回枱面抹枱，好恐怖!! 決定不再幫襯，希望同層有另一間新餐廳重開，免得竹園餐廳態度囂張營業。

今日嚟到竹園見到有間餐廳都比較多人就一於去湊下熱鬧食咗個午餐又食日式燒汁排骨感覺好似怪怪的但係食落又唔錯排骨都幾大狗同埋味道偏甜午餐同送湯凍奶茶幾好飲茶味夠濃呢度食嘢份量都好足夠食完超飽而我朋友叫咗個茄子斑腩飯斑腩都大塊而且唔會太冧

講真竹園餐廳真係好多嘢食揀，中式套餐定西式都有，但佢就真係未必樣樣好食，所以我地就揀左暫時都好有保證的焗豬扒飯。竹園餐廳的焗豬真係幾大份，首先佢個炒飯底都ok，而且豬扒數量多，有兩塊，仲要佢唔係算細塊，仲有佢的茄汁都好夠多，足以夠你可以𢳂到啖啖飯都撈到汁，而且佢的茄汁唔會太酸，味道調得適中，仲有加埋芝士一齊焗，夠香口好味。

竹園茶餐廳食個下午茶呢度下午茶大概$40到包埋嘢飲都幾抵食咁我就叫咗個菜遠牛河佢啲份量幾多同埋牛肉都多所以份量係非常足夠嘅凍奶茶正正常常一般茶餐廳奶茶都算幾多人不過都容易搵位

今晚同屋企人去屋企附近是但食間茶記，竹園餐廳我印象中已經係到好多年架啦，不過都好少去食，最近聽鄰居講幾好食就去試下，我地叫左個魚香茄子煲同埋涼瓜排骨，配個白飯，茄子煲非常入味而且好足料，個汁唔會水汪汪咁，微辣既汁非常適合撈飯食，茄子都煮得夠稔，至於涼瓜排骨都幾香同足料，苦瓜唔會話好苦，連我呢啲平時唔會苦瓜既人都覺得幾易入口，晚餐附送例湯，冬瓜瘦肉幾清甜，黎到值得一試，我地仲叫左個法蘭西多士，蜜糖可以自己隨便加，但多士稍微唔夠熱，溶唔到舊牛油，總括而言係普通茶記水準

夜晚嚟到食餐廳尚算多人但係都唔使排隊所以我就揀咗呢間餐廳食 正常餐廳入面有嘅菜式呢度都有 同埋呢度啲飯都幾大碟我就叫咗個福建炒飯 真係幾大碟所以都食唔晒仲叫咗杯凍奶茶飲茶味度都OK

談及美食,抑或特色食物,高級餐廳,懷舊冰室在香港多不勝數。普通茶記似是綠葉,生存只因單純為居民提供多一點選擇。實情是,每所餐廳的價值,名氣只是其一, 食物種類與創意,每所餐廳各適其色,更是可貴。是日路過竹園,老牌屋邨,商店餐廳,平凡無異。因只想填填肚子,就點了特色多士餐(芝士鮮茄炒蛋厚多士)。或許這是竹園餐廳的獨得之處,普通的多士,亦製成近十種特別款式。多士外型仿似黃袍加身,大量滑蛋混進鮮茄粒,半溶的芝士夾在中間。多士每部分都味道鮮明,無一喧賓奪主,甚是飽滿,亦無改多士邊的香脆。餐廳此賣點,值得一讚。眼見這裡亦有包點售賣,饞嘴之下點了酥皮蛋塌,但蛋香欠奉,只覺甜味纏繞口腔。茶走煉奶則添加得過份,完全超越奶茶應有的香醇,而是甜膩。思考至此, 餐廳本無什麼過人之處,為何仍吸引自己到來一試?回到文章開首的問題,便會發現,沒齒難忘的味道,被吹捧的名氣,都不是餐廳的一切,在此之外,還有獨一無二的特色。

今日好想食茶記 所以就去左呢間 因為竹園餐廳相對價錢都平少少 同埋搵位唔算難 所以我都覺得幾好架呢到 叫左個下午餐 一個豬扒炒公仔麵 份量正常 豬扒好食 肉唔會硬 公仔麵夠彈牙 好食架都

因為我好趕時間 所以揀左呢間餐廳黎醫醫肚先 叫左個咖喱牛腩飯 因為呢個本整得快 啊唔使等好耐先食到 咖喱入面都有薯條伴茶菜 都幾好 夠晒港式 牛腩方面都林既 仲有牛筋 好好食既位置都有 唔錯

冇飯食 就黎呢到食啦 今晚就叫左個褔鍵炒飯食 佢呢到都幾好架 有晚餐 一飯一杯野飲仲有湯 包都係買四十幾蚊左右 碟飯都好大碗 我一個人都食唔晒 要再肚餓多了先應該可以食得晒 飯都正常 唔會難食 湯都足料