竹虎京堂

營業中

休息中

午餐未知道吃什麼好？？經過十樓在多間選擇後，選擇了這間較有氣氛的。。有三文魚、海膽、帶子小小飯，及小碗烏東面。。環境不錯，座位闊落，適合坐一下，慢慢吃，休閑。。

有日朋友推薦我去mega box食呢個竹筒飯。去到一個類似food court既地方要scan安心出行，然後入餐廳又要scan安心出行。當日人流唔算多好快就有位。叫完餐隔左一陣就有得食。個餐都幾多野食，我個人覺得豚肉其實唔太好食，因為口感偏硬。烏冬就正正常常但味道略為單調。茶碗蒸其實好滑都幾好食。而明太子就比較重口味，一定要跟飯食。個竹筒飯食落有竹味，但飯非常痴竹筒，要非常辛苦咁整落嚟。個甜品焦糖燉蛋非常非常甜，佢焦糖有大部分都未融。個茶幾好飲，我自己都添多左一次。

行過舖頭見到有老友少仲有流水麵機玩（後尾先知原來係兒童餐）就揀咗呢間去食 叫咗柚子蜜糖燒雞竹筒飯 黎到見到個皮黑鼆鼆 同個餐牌所顯示嘅圖片都係一樣色 我諗係呢間餐廳嘅特色 整體不錯

去得食竹虎，緊係要食下佢個兒童餐🤪雖則話流水麵機網上有得賣，但係街食唔洗清潔又會有feel d😂😂😂😂叫兒童餐重有玩具送，阿女好開心個麵本身無味，要放入隔離金色果杯麵汁撈住食先好食，不過阿女3歲幾4歲用筷子用得麻麻地，隻即棄叉又唔太撩得實，結果其實唔太食到🥲好彩d配菜唔錯，據老公講阿女本身其實諗住叫魷魚定豬肉，但最後叫左星鰻😂雖然麵食唔曬，但d餸菜阿女都叫清得曬，不過佢成餐最欣賞就係上面貓頭鷹🦉

今日過左Megabox行街，行過溜冰場見到有冰曲比賽，甘一於要係food court 食住睇啦！{汁煮牛舌竹筒飯定食 $82} 牛舌偏薄，但幾軟身，甜甜嘅醬汁會啱送竹筒飯，份量正常。定食仲配味噌湯、茶碗蒸、小食前菜同甜品，個人最欣賞焦糖燉蛋，口感好滑又唔會太甜，最面頭有一片燒脆焦香糖片，好想食多一個！{柚子蜜糖豬扒竹筒烏冬定食 $79} 用酸酸甜甜嘅柚子蜜糖醬淋係豬扒上面，豬扒軟腍，但比較淡味，烏冬都係用竹筒盛載，算特別。因為內場full house揀左外場食，所以要自取，不過我第一次完全唔知係邊度取餐同放低個號碼機，只可以講所有staff都幾free style。另外，價錢偏貴，同樣嘅budget可以食同場嘅邪惡咖哩或者鐵板飯。Ü

原本想食竹筒飯，但因太夜去到賣晒🥺所以叫左西京燒比目魚湯烏冬又幾好味，因餐唔夠食，我再加左條鰻魚🤭之後餐廳姐姐介紹我兩個仔仔有兒童餐流水麵佢地聽到開心到呢，火炙海鰻配魚板串章魚蔥流水烏冬，細仔超開心，有得食又有得玩🤪哥哥都揀左一樣既流水烏冬，佢最後要再加多一個烏冬先夠食😂

香港人一想起日本餐,便想起日式放題, 貪其種類多。然而，有時候吃一些日本的定食也不錯，可能食物的質素也會較高。這間日本餐廳位於九龍灣MegaBox，午餐供應各款日本定食，以魚生飯作為賣點。魚有海膽、三文魚、帶子、希靈魚、劍魚腩等等，林林總總。今天叫了這個套餐，有火炙左口魚邊、三文魚和帆立貝，另一個則是河口魚生飯、包括有三文魚和北寄貝。兩個套餐的魚生也十分新鮮美味，質素頗佳。主食方面，亦可選擇熱烏冬、冷烏冬、蕎麥麵，另有一些午餐可選擇柚子海老沙律。雖然這個午餐份量不算太多，但勝在質素街，擺設精緻，食物美味，也是一個不錯的午餐選擇。

小編今日來到九龍灣一間日式特色餐廳「竹虎京堂」🐯餐廳主打日式竹筒飯，以竹筒盛載北海道星丸米🎋 並配搭上不同的日本食材如松板豬、燒比目魚 🐟 燒鰻魚、牡蠣🦪和松葉蟹等🦀️ 餐廳也提供流水烏冬兒童餐，不少大人帶小朋友來這裡用餐，也是個享親子樂的好地方😊「蟹盛懷石」定食套餐相當豐富✨有原隻毛蟹(200克)🦀️、北海道松葉蟹腳刺身、北海道松葉蟹肉蟹味噌竹筒飯🎋、甲羅燒、柚子海老沙律🦐🥗，茶碗蒸、味噌湯和甜品🍮 毛蟹即蒸需時20-30分鐘，好處是保留原汁原味，細味蟹的清甜，金黃蟹膏亦濃郁鮮美🦀️松葉蟹腳刺身有點失望，肉質較鬆散而且味道較淡，欠缺蟹肉的鮮味😅 至於主食竹筒飯上一大片雪香的北海道松葉蟹絲，加上蟹膏醬🦀讓米飯充分吸收蟹湯汁和竹香味道，味道鮮甜😃一大口吃起來充滿暖笠笠的飽肚滋味感覺🥰「明太子鹽菊松板豬」竹筒飯定食🍱包埋前菜、竹筒飯、味噌湯、茶碗蒸甜品🍮 松板豬部份似豬頸肉，厚肉而且帶少少油花，口感爽口，但肉味較淡，伴醬油和明太子吃用較佳，竹筒飯有淡淡竹香味，米飯粒粒分明，茶碗蒸有香菇和蝦肉等，但甜品焦糖燉蛋口感較稀，味道一般🍮🍽 ：蟹盛懷石；明太子鹽菊松板豬👅好味指數：7.5/10；7.0/1

夜晚搵野食，入左呢間門面都叫事事正正，點知係伏。服務方面：我地叫左兩個餐加2個小食，店員憑記憶落單，果然落錯，通知完後冇比翻update既單，之後又上漏個小食。野食方面：真係超級普通，係屋企自己求奇煮既level ，所謂前菜係3,4條魚毛。味增湯一向都係加味增加水冇難道，但佢竟然可以冇乜味。冷烏冬汁都係一樣，估計係加左太多清水稀釋。價錢方面：日本唔平都正常嘅，但佢around $8x 一個set 呢個質素真係有啲唔抵。

我今日lunch搭咗公司嘅穿梭巴嚟咗MegaBox搵嘢食點知周圍都係人於是我哋就去咗food court果層就見到呢間日本餐廳。因為外面食有九折，我地就拎左去店出面食。 俾佢嘅竹筒飯套餐吸引住, 超得意嘅鰻魚竹筒飯, 估唔到飯味真係帶有淡淡既竹筒香味。鰻魚亦燒得剛剛好唔會太老非常Juice。 仲有日本傳統嘅蒸蛋,好有蛋味呀。 再加埋細細碟既配菜海藻、腐皮、綠茶紅豆布甸，再加埋我最愛的抹茶牛奶，大滿足啊！

愛蠔人士必訪，n種食法，吉列蠔又得，燒蠔又得，蒸蠔又得，生蠔又得，一次過滿足你幾個願望👍🏻。柚子牡蠣盛(HKD218)，一個餐有幾款唔同煮法嘅蠔，蒸飯用竹筒盛載，好有儀式感。不過竹筒可能循環再用，食唔出飯有竹嘅清香，唯有靠蒸蠔搭救。竹丼(HKD168)，大大片油甘魚同大吞拿魚腩，再加個海膽在面，問你膽固醇爆未😂。不過哩個價食哩幾片魚生就貴咗少少喇。同小朋友一齊嚟都選擇多多，流水烏冬玩得又食得，一下就清曬個烏冬，食完仲可以去換兒童餐禮物，happy ending😂。

之前食過兩次都覺得幾抵食幾好食，今次嚟到MegaBox再食多次！🍴汁煮牛舌 配竹筒飯 味噌湯 $82 另收加一(5/10)包前菜，茶碗蒸，甜品，午市套餐都幾豐富！牛舌份量都幾多，超級薄切，但煮得太老，好硬好韌，同平時食開啲牛食唔一樣，唔彈牙爽口，真心好難食😵個竹筒飯都冇竹筒味，似係煮完放返番上去就算，係日本米都正常嘅，比較黏口。反而配菜好食啲，茶碗蒸好嫩滑，但有一浸海鮮嘅腥味？個味增湯幾好飲，有好多蜆肉同埋櫻花蝦，味增幾香但唔鹹，仲有好多昆布！甜品係焦糖燉蛋，焦糖幾香唔會太甜，蛋都係幾滑嘅。睇嚟講配菜好食過主菜真係有啲失望😂🍵宇治抹茶牛奶配白玉 走冰走甜 +$22 (5/10)串白玉放係上面幾得意，白玉幾煙韌，微微甜味，幾好食！抹茶味好濃，應該用咗好多抹茶粉去沖，不過好似太多有啲苦，完全feel唔到有牛奶入面，一啲奶味乜都冇，好普通。推薦指數: 3/10好普通，去到MegaBox可以食其他，唔推薦食呢間野😂

太耐冇返黎九龍灣，之前已經試過呢間幾次 覺得性價比唔錯，同埋野食用竹筒裝都幾靚幾有特色，雖然食唔到果種淡淡既竹香味，但整體感覺還好今次試左一個醬燒牛舌 拼抹茶鳥冬，個鳥冬唔會太淋身，彈口同埋質感唔錯，配日式昆布湯，整體感覺清清地，配比較濃味醬汁既牛舌，同埋個蛋都蒸得好滑，唔會太老，整體感覺不過不失，性價比唔錯

平日返工lunch 好鐘意食竹虎京堂，present 靚靚又有特色，但係。。。轉咗新menus後，雖然整體賣相都仲係靚靚，但係食開就知，價錢貴咗，份量少咗，飯都轉咗無用最有特色嘅竹筒飯盛起，變咗竹碗🥲失望咗味道方便就keep 到水準嘅，鰻魚juicy多汁，飯粒熱辣辣，粒粒分明，茶碗蒸滑dodo,入口即化

火炙帶子三文魚左口魚丼+烏冬$89🌕🌕🌕🌖🌑醋飯有醬汁伴埋都幾好味，火炙魚生不過不失，呢個價錢呢種質素合理可接受。烏冬可配冷/熱，份量睇落細但食完好飽。魚生飯面配少量菜同柚子皮，如果分返開做沙律部分會更好。宇治抹茶黑糖珍珠 加配$22🌕🌕🌕🌗🌑冇叫少甜，但甜度可接受，我平時叫開微甜/走甜，抹茶味都夠。珍珠冇乜黑糖味。整體還可以不過下次可能試吓其他店，未必翻食。PS 見到兒童餐有流水烏冬玩，如果帶小朋友都可以試下，幾特別。