影片
港鐵元朗站 B 出口, 步行約10分鐘
繼續閱讀
電話號碼
64406920
開飯介紹
以每日新鮮直送的刺身和手握壽司為主打，所有魚生均嚴選當季優質食材，確保鮮甜細膩的口感。此外，還提供多款創意壽司卷物和精緻日式小菜，讓客人盡情享受日式風味。
繼續閱讀
營業時間
今日營業
17:30 - 03:00
星期一
全日休息
星期二至日
17:30 - 03:00
以上資料只供參考, 請與餐廳確認詳情
有關獎賞計劃
🎉 最近元朗新開咗一間日式料理，叫 第九味 對我嚟講 真係激動！我好鍾意日料，唔知道你係咪都同我一樣😋😋！今次我同朋友一齊去食，啲食物真係好新鮮，食完真心讚👍🏻芝士蟹籽玉子燒 $28外面滑滑，裡面滿滿芝士同蟹籽，真係好味到爆！魔女麻醬撈烏東 $68 一半沙律醬一半胡麻醬，中間仲有滿滿蟹籽同豬肉，麻醬香濃，烏東麵滑滑，幾口就食完，根本停唔到。吉列蝦加州卷 $78大份蝦炸得金黃，配上香滑酪梨，簡直好味！鵝肝手卷 $58鵝肝香濃，配海苔特製醬汁，口感超正，鍾意食鵝肝嘅值得一試。蟹柳手卷 $20經典小食，朋友最愛、蟹柳味道鮮甜。手作一口芝士 $68每一口都充滿芝士，每一次都會叫呢個菜式，食過返尋味！原條燒茄子 $48手瓜咁大條嘅茄子，燒得剛好，茄子嘅甘甜味道令人驚喜。燒牛骨髓 $68呢個係店舖嘅必吃之選，肉質嫩滑，骨髓嘅香滑真的好正，肉食者必試。醬燒魷魚筒 $46魷魚烤得香脆，搭配醬汁，味道超讚。飲品-士多啤梨梳打$48 清新解膩，飲完好舒服。荔枝梳打 $48 果香四溢，特別適合夏天飲。呢度嘅日式料理真係唔可以錯過，無論係菜式嘅創意定味道，都令人驚喜！如果你同我一樣鍾意日料，記得去試下！店鋪位於元朗建業街61號慶年樓地下2號舖，絕對值得一去！🥢✨
繼續閱讀
想食下日本嘢，聽元朗谷友講開咗間新日式料理餐廳叫第九味，是晚就同家人去試下。大概八點左右去到餐廳，發覺餐廳真係唔大間，大概只有18個座位，建議人多嚟食嘅話真係訂咗坐先。店內除咗日式料理，都仲有啲特色嘢食，例如白雲鳳爪、燒元朗烏頭等，價錢都幾親民。⭐無骨鳳爪家人愛食鳳爪，先來一盤無骨鳳爪作為餐前小食，酸酸辣辣好開胃，其中嘅芹菜香甚是對胃😋⭐三文魚腩刺身再來分三文魚腩刺身，刺身相當厚切，每一件都肥美可口，入口魚油甘香，十分美味。⭐海膽壽司再來一份海膽壽司，海膽鮮甜，入口即化，正喎。⭐燒鮮白鱔 & ⭐豚肉露筍卷之後有燒白鱔同豬肉蘆筍卷，燒得甘香但唔會過份乾身，少少嘅鹽調味已經好好食。⭐蒜香燒生蠔在整咗份燒生蠔，要咗辣味，上面嘅蒜蓉、蔥同辣椒十分香口惹味，蠔肉肥美鮮甜，又係勁正。⭐雙色鱔鰻竹筒飯最後仲有個竹筒飯，入面係白鱔同鰻魚，一種爽口彈牙，另一種軟腍甜美，加上軟綿綿嘅珍珠米係好食喎。竹筒望落唔大，但實際上飯好多，一人分到一大碗，十分飽肚😆小店即叫即製，製作需時，近乎食完一碟先至上下一碟，食得輕鬆冇壓力，感覺良好，可以多多支持一下小店呀。
繼續閱讀
朋友推介元朗新餐廳，身為街坊，不能錯過，即時約腳嚐嚐，實測一下！環境舒適有格調，一點不似日式居酒屋🏮，反而似西餐廳多一點！先來北海道帶子什菜沙律🥗 $58，顏色艷麗，帶子鮮甜，蔬菜🥬爽口，加上少許沙律醬，輕易成為一客高質日式沙律！刺身來了一客深海池魚皇薄切 $148，賣相甚為精美！魚片晶瑩剔透，新鮮嫩滑，醺上微酸的醋汁，美食也！小食點了酒盜芝士 $68鹽漬深海魚肉臟，放在黏濃的芝士上，加點酒，再搭一片梳打餅中和各方，恰到好處！另一款小食，火炙鵝肝 $100，鵝肝外脆肉軟，夠大塊，份量足！配脆口的梳打餅，很不錯！燒魷魚🦑鬚 $42，魷魚🦑香味加上惹味燒汁，等於好味道😋😋 。平日最怕嚼勁強的魷魚，這客口感零韌度，深得我心。原條燒茄子🍆 $48，不愧為招牌菜，蒜蓉味跟茄子混成一體，茄子熟透，口感柔軟！蒜頭的辛辣帶來點點刺激感，好正！雜錦魚生丼飯 $98，魚生新鮮肥美，飯底特多，夠飽肚！檸檬🍋紅茶 $20，冰涼清爽！食物選擇不少，還有很多未及品嚐，鐵定擇日再來。
繼續閱讀
唔知點解今年啲風打到歪晒，夏天去旅行都會心慌慌，反而返工冇事冇幹冇風假唔敢去旅行，就去元朗呢間居酒屋話吓東瀛癮，一樣好有mood喺日式居酒屋，食雞泡魚事就最有feel，佢地燒到魚乾蠟蠟炩，好有蜜香，加上少少七味粉，再點沙律醬，勁好嚼牛舌芯又係無法抗拒嘅一味串燒，價錢ok，一串就有三大塊，仲幾厚切，燒得好彈牙，上面嘅椒鹽落得啱啱好胃民未食過酒盜芝士，大胃真係要氹佢入坑，嗰種鮮鹹香，同芝士完美混合，配埋梳打餅食，剛剛中和又開胃食一串串燒唔夠喉，但又太多選擇，呢個海陸空串燒盛真係啱晒有齊魷魚、羊肉串、豬肉蘆筍卷、翠肉瓜、雞軟骨、免治雞肉棒、雞肉串等等，串串都搽晒醬燒得勁惹味配埋佢地秘製嘅七味粉食，就會覺得呢間好與眾不同，味道好特別另外嗌份年糕串，一串有兩嚿，都好大嚿吓燒到好有醬汁嘅色誘，一咬開香綿到不得了，極之煙韌嚟到當然要食時令刺身，大胃都好耐冇食生蠔喇，一份有兩隻蠔咁抵食，仲要好creamy又帶甜爽，食到勁爽至於魚生，好多選擇又唔知揀咩好，不如雜錦刺身，咩都有得試啲呢碗丼飯都幾大碗，兩個人食都飽，仲有好多刺身，玉子整得好滑
繼續閱讀
🐟時令海鮮-日本鯖魚🐟嘩🫣🫣🫣第一次食原條鯖魚刺身。由於魚嘅油脂會令人食落覺得腥腥地，所以廚師會將魚皮燒一燒，袪除油脂中的魚腥味。鯖魚肉質肥美爽口，整個口腔都充斥着魚的鮮甜味🤫🍆原條燒茄子（少辣）🍆蒜蓉鋪滿整條大茄子，燒出來香味已滲入茄子肉，口感柔軟又唔會燒到乾身👍🏻第一啖都唔覺得有辣味，點知隔左幾秒 後勁立即來了🤫😂🦐鹽燒大頭蝦🦐呢度嘅燒大頭蝦超好食🙈🙈🤫真心 好少係香港餐廳食到咁新鮮有蝦味嘅大頭蝦🦐🦐🦐🦐一剝開個頭 啲蝦膏多到流晒出來🙈🙈肉質彈牙爽口，食得出係好新鮮 超有蝦味🫢🫢🐂秘製汁燒牛骨髓，牛小腸🐂平時好少接觸牛骨髓，第一次食發現原來咁嫩滑，醬汁入味，好surprise 🍤吉列蝦加洲卷🍤大大件加洲卷，裏面有好多青瓜絲 夾埋炸蝦食一啲都唔膩🍘醬油日本芝士年糕🍘一串兩嚿大大年糕，燒到啲醬油金光閃閃✨，一咬開煙煙韌韌，食到醬油嘅咸咸地 但又唔會奪走年糕嘅米香🤫🤫🦪蒜香燒日本生蠔🦪一碟兩隻，大隻肥嘟嘟，連埋蒜蓉一齊食好夾
繼續閱讀