築地GINDACO (已結業)

章魚燒都好耐無食，呢間好似幾正宗唔知普通街邊小食檔即管試下記得呢度都曾經有人排長龍幫襯既日子，不過熱潮都已經減o左好多，今日去到得小貓三四隻都唔知有無，試o左個正章口味，好味係幾好味，但同行過好景果面果檔差不多，呢度要成$32蚊八粒，其他味仲貴d，好難再幫襯了。聽講佢地以前果蛋黃醬唔係而家咁一包包，係一樽咁樣而味道仲好過而家，唔知因乜事好地地要變做包裝呢？ps︰個主題純粹玩野，千其唔好咁傻走去認真思考點解^_^

昨天跟朋友逛街...拿著一袋二袋東西..重得要命...忽然肚子餓!所以到築地醫肚子!叫了原味的....說真的...小丸子來說真係挺貴...不過吃下....又覺得築地的小丸子的確是有內涵的!那裡的八爪魚(還是章魚?!)挺彈牙的...而且面層有點脆脆的....開心!而我們叫了少甜的牛奶抺茶...真的很少甜......後悔!- -`只吃了4顆小丸子...我們就飽飽了!美中不足的是.....我們要站著吃...- -`

真係好好食家、好足料，五粒足以填飽肚~女仔的話，最好同朋友夾份~同街邊d十蚊貨真係冇得比~

食八爪魚丸,築地呢間味道真係唔差,個皮幾脆,八爪魚粒大大粒,個sauce有原味,吞拿魚味揀,揀左原味,正!為保新鮮,擺太耐嘅八爪魚丸就會被放入垃圾桶,好嘥>_<...但係因為咁,八爪魚丸先好食,好茅盾...八十六秒!

經過築地, 誤認日之船, 叫左過原味(8), 真係好好味, 燒汁掂, 外脆內軟, 熱辣辣, 水準之作, 但係抺茶豆漿飲唔出豆漿味, 懷疑佢俾錯左... 而且價錢真係貴左d bor~~ 平均$4一粒. 如果可以平番至$3一粒, 咁上面28個ok相信有一半以上都會改左哈哈. 由於價錢不太滿足, 所以只好俾ok.

記得無幾耐之前寫過這間食店,曾經講過無日本店咁好食,今次再食(不過係九龍城廣場分店),口感比旺角店好好多,外皮脆卜卜..有咬頭,唔知會唔會旺角店上次一時失手..無理由同公司會唔同味,不過提議大家要食去九龍城廣場分店食穩陣d..等我下次再試吓旺角店,希望到時唔會失望啦!!

仲記得喺日本反香港之前在成田機場食過一次,好好味,印像難忘!外層脆皮有咬頭,內裏八爪魚肉甜美..不過最好食嘅八爪魚丸喺上野!今次見同名字嘅店喺度出現,點都要試試!可惜係味道同日本差很遠,皮不脆,唔算香口,不過其實比好多店已經好!overall,可以食,但唔好用日本standard去期望

未到約會時間又肚仔餓,即時走去對面街食隻小舟先!一條小小人龍在店舖前出現,加上店方所播日本歌曲同店員不時講堆日文出黎,氣氛相當熱鬧!!一面排隊一邊睇住幾個店員忙碌地製造墨魚丸,所以唔會悶!墨魚丸熱辣辣送上,加上蛋黃醬之後即時試食!好熱喲~~墨魚丸外脆內軟,入面部份稀稀,口感似乎空洞左d。除左墨魚之外,我食到有d似紅薑物體,味道幾特別!稍嫌醬汁較少。呢款墨魚丸唔可以話唔好食,只不過個人比較喜歡月前係台北101同是築地分店既墨魚丸,因為同是外脆內軟,但中心就比較實在,仲有唔少高麗菜碎在內,口感相對比較好。冰抹茶(+$3)加上UCC糖漿之後出乎意料合口味,冰冰涼涼感覺又唔太甜,配合濃味墨魚丸的確係絕配!!有機會試埋抹茶牛奶/豆奶先。

　　之前同朋友經過附近，看到不少人排隊，加上，我尚未吃午餐，故此，肚子咕咕作響。在好奇心的驅使下，買了一個小舟（蛋黃醬），這些墨魚丸是熱騰騰的，而且，有大大顆墨魚粒在內，口感、味道也是不俗，價錢也不是很昂貴，值得一試！　　在排隊期間，見到店員一時失手，在翻動墨魚丸時，一不小心把墨魚丸跌在煮食爐旁邊，店員即時把墨魚丸丟掉，並用抹布把再三清潔，如此認真的服務態度，確實值得一讚。

買左細船.......try左佢個tuna 醬...貴2蚊有d 搵笨...只係既d 沙律醬上面加丁史甘多既tuna ...如果想食tuna既...真係自己買can tuna 好過....下次都係order 番蛋黃醬...不過晌mk 食八爪魚丸一定搵佢!!!!熱騰騰...次次都食到眼水"bill"晒....haha

是日lunch食得不飽，下午4時便覺得肚餓了。人在mong kok，小食選擇很多，最後還是選了這間食墨魚丸。第一次試食，要了小舟(蛋黃醬)+抹茶。很多人排隊，有幾盒都是預先裝好了，滿以為不新鮮不夠熱，怎料很熱呀!外面很脆，口感好好。內裹有大大隻的八爪魚，加上有蛋黃醬和燒汁，好味!抹茶就一般，可能不習慣那味道，不過用的是ucc的糖漿，haha。不過不好之處就是真的太貴了，是普通小丸子的2倍價錢，所以還是待有8的日子才惠顧吧!^^"p.s 店員說話像急口令，聽得我一頭煙。

1月8日地址:沙田沙田中心分店我諗8號日子送兩個印花,我考慮完去買十粒醬汁墨魚丸$34:回家時,吃得太太太好味,吃過十粒很飽(有附沙律醬和醬汁)很高興~~我鍾意灑紫菜粉很正下次我會幫襯,等8,18,28號日子會去,haha

尋日(12月31日)5點幾,,小妹出到mk諗住睇戲...礙於未食野但night會去韓燒既關係,,,決定掃下少少野食頂住個肚!!掃到築地..不嬲都見到果度有吾少人排隊...尋日都吾例外...價錢方面的確比其他地方貴2倍...6粒墨魚丸(小舟)$28..9粒既(大舟)$3x...而綠茶$3一杯..$5有二杯...結果就要左個小舟同2杯綠茶同男朋友share黎食喇...排左1陣到...就到我地喇...有3種醬選..有原本果隻..蛋黃醬...仲有新出既吞拿魚醬(of coz要+ $)..我都系要左原味..我覺得真係一分鐘一分貨...外面果層系脆既...咬左一啖入面d料都吾會容易跌出黎..完全冇果種出面食到吾熟既粉漿感覺...亦吾會好油膩..入面既墨魚亦都幾大粒...我覺得真係唔錯既!而杯綠茶...有一細杯糖漿+落去...落左一半...都覺得吾系好夠...落曬之後...吾系好甜..但我吾系太中2呢杯野...好粉.. feel到好似用左好多綠茶粉(吾知系咪呢?)去沖咁...飲完成個口好多粉..個口綠曬!!anyway....墨魚丸...有下次!

在博多舍吃得毫不滿足，趁還有些少時間與龍去了築地吃墨魚丸。　店內人頗多，排隊及等待時間卻不長，約等3分鐘就有食。築地的墨魚丸售價是日之船兩倍，但水準也是兩倍以上：墨魚丸體則夠大，吃下去口感豐腴得多，而且外脆內軟有層次感，亦沒有那麼油膩。唯一要挑剔的，就是沒有墨魚香味。同場的抹茶牛奶則口味清新，是吃墨魚丸的好配搭。　下次墨魚丸癮再起，我會懂得選擇了!

睇戲前黎左食頂住肚先~ 入到去唔駛排隊,好快就搵到位企~ 男朋友唔知我有果張印仔卡,就答無,佢就俾左張新o既佢~之後我搵番張舊o既出黎,問都未問,隔離沖綠茶o既阿姐就已經話唔可以夾番埋~ 唔埋就算啦,因為食完都應該唔會再黎食,因為好鬼嘈~成半邊行人路俾佢d員工o係度嗌~煩~講番d食物,只叫左6粒船~係就係幾熱, 咬開之黎,好似一團粉~ d野唔係固體~勁削!!!入面加粒章魚腳咁囉~服務就好似機械人, 明明都幾快手,但都仲話唔好意思要你等咁耐~無第2句,係客黎拎野食,佢都咁講,好奄悶囉~男朋友食完就話日之船好食d我都贊成~不過依度去旺角百老匯近d嘛~你就張就下啦~