築地GINDACO (已結業)

未到約會時間又肚仔餓,即時走去對面街食隻小舟先!一條小小人龍在店舖前出現,加上店方所播日本歌曲同店員不時講堆日文出黎,氣氛相當熱鬧!!一面排隊一邊睇住幾個店員忙碌地製造墨魚丸,所以唔會悶!墨魚丸熱辣辣送上,加上蛋黃醬之後即時試食!好熱喲~~墨魚丸外脆內軟,入面部份稀稀,口感似乎空洞左d。除左墨魚之外,我食到有d似紅薑物體,味道幾特別!稍嫌醬汁較少。呢款墨魚丸唔可以話唔好食,只不過個人比較喜歡月前係台北101同是築地分店既墨魚丸,因為同是外脆內軟,但中心就比較實在,仲有唔少高麗菜碎在內,口感相對比較好。冰抹茶(+$3)加上UCC糖漿之後出乎意料合口味,冰冰涼涼感覺又唔太甜,配合濃味墨魚丸的確係絕配!!有機會試埋抹茶牛奶/豆奶先。