簡單廚房 (已結業)

I would occasionally come to this restaurant because it was near where I live. I'd been there about 4 or 5 times but each time it was worse.The last time I was here the food was horribly salty. The "lobster" and the "prawns" were salty as with the sauce. I had finished almost 10 glasses of water to wash that off. I paid $1xx for this experience.This time they mixed up the order of two tables. They gave me an order of two sets when I was obviously sitting alone. The soup was salty again. I

簡單廚房開左好耐我都未食過，今次見有$26學生餐就試下啦。我地去到冇其他人等位，企係門口企左陣都冇人理，咁就自己行入去叫人。有個女待應問一問我地幾位，之後就木口木面叫返我地出去等，友人話呢個女待應一向都係咁，毫無服務態度可言。其實如果佢忙既話都算啦，但我見到係佢自己手腳好慢，行步路都慢過人，慢吞吞咁。落單個時，因為係學生餐所以要出示學生證。其實呢件事係正常到不得了既，但係個女待應好似差人查牌咁！真係叫左個黑椒牛肉鐵板撈飯，等左ok耐，朋友既雞扒石窩飯就好快到。石窩飯好夠熱！不過份量唔大，唔知係咪因為學生既關係啦。鐵板撈飯就好普通，不過唔係黑椒牛肉，係黑椒汁牛肉囉！唔知係唔係我睇錯ｍｅｎｕ啦。總之兩個飯都係好普通既！野飲係七喜，嘩杯野多冰到呀！本身個杯已經細，我諗一罐七喜可以倒到三至四杯！幾啖都冇埋！其實$26既話係幾抵食既，如果要我比返正價就一定no way，而且服務態度同效率有待改善！

見佢出面餐牌D野食好似唔錯，反正要食lunch就同埋班friend入去試下我地叫左個板燒雞扒/黑椒牛肉鐵板撈飯同埋白汁雞絲火腿意粉兩個鐵板撈飯都味道都OK啦就係我地食鐵板撈飯食到一半果陣... 意粉到啦! 個friend都覺得味道一般，同埋唔夠汁講下其他野，服務生放飲品ge力道真係恰到好處「砰」一聲夠哂大力，但係又唔倒瀉喎不過我望到都覺得驚驚地，因為入面D百事差小小小小小就搖瀉另外我地係坐圓檯，服務生放野食都係放哂係我左邊而我個friend坐右邊，於是我個friend就好正常咁同佢講「呢份係我架」點知個服務生應佢「你地自己搬啦」跟住即刻走左！？可能係我少出街食，無咩經驗但係我未試過有服務生要客人自己搬份鐵板.....

簡單廚房果然唔簡單!!!點解呢？叫左一個龍蝦汁忌廉幼意粉,真係難食到嘔,d意粉同龍蝦腥到爆炸意粉又唔熱,呢咁既意粉收$72,真係等於殺我銀包,難食到餵狗都唔食仲叫左一個雞扒石頭鍋飯,雞扒又硬又乾,仲衰過食狗糧石鍋又唔夠熱,又冇配菜伴碟,d汁又難食仲有一個鐵板牛肉伴飯,牛肉衰到冇人有最好就係d飯,因為係電飯煲煲出黎既,好彩佢冇再加調味賣相簡直衰,大家樂都好佢好多真係唔洗錢都唔去食呀想試下挑戰地獄廚房既朋友就去食番一餐"勁"既!!!!!

行過門口, 見到呢個好似好正, 於是俾佢吸引左入去食...c6 話有 d 貨不對版, 幅相有兩舊辣椒響度, 實物無 -______________- 但味道都 ok 的我叫左呢個, 味道無乜特別, 勝在夠熱!阿女例牌食兒童餐, 以前食係意粉, 宜家變左螺絲粉, 以前有一塊圓碌碌 ge 漢堡扒, 宜家得兩粒肉 -___-果碟魷魚鬚酸酸甜甜, 幾好味喎, 好似 + $28 就有以呢個價錢黎講, 應該可以食到第二 d 更好 ge 野, 不過有時行到倦倦地, 又唔想等位的話, 呢間係不二之選

去到食店門口等了一會兒，看一看餐牌，沒有人前來帶位，我推著坐輪椅的老公入去搵位坐，在推著他到搵到位坐下的時間內都沒有服務生理過我們，當我們坐下還來不切叫服務生時，有一位年幾較大的帶位啊嬸小姐跟我們說「有冇人帶你地入黎架?」，我說沒有呀!她跟著就說「這是四人位，叫我們出去等位啦!」，我說「我們都坐下了」，坐著輪椅的老公說「我們轉坐二人位吧」，然後另一位較為年輕的服務生小姐帶我們去坐二人位，輪椅跟本都冇法推入去，我跟那位年輕服務生說「你看跟本坐唔到兩個人喎!」，我們看著那個服務生，她沒有反應，然後我們就離開這間有優質標誌而服務甚差的餐廳。沒有好的服務，那有好的食物給予客人呢?

之前提交了這份食評，但不知為何沒刊登(可能之前不是用戶登入)唔緊要，再打多一次……因對於此店太不滿，不想其他人受害本人與好友於06-12-2010當天下午路經新都城的"簡單廚房"，見沒多少人,環境較安靜便打算在此享用下午茶 (而家終於知道為何間間食店均擠滿人,得佢拍烏蠅)入去時約3:45pm，年輕女侍應說明我們最遲可享用至4:30pm我們答允後即被安排坐在梳化位因剛shopping完，梳化位對拿著大包小包的我們略嫌狹窄故坐下不久後，見隔離卡位顧客埋單走人時即向侍應表明我們想調位一位中年的女侍應(應該是經理)話清理完就俾我地轉友人站在一旁等她清理，她清理完後話大聲地對友人講:"你係咪想坐呀?咁坐喇!" 咁都算喇，之後佢俾餐牌我地時，係大力地飛過來俾我地的!!!!!!!!!!!!而在等野食時，該中年女侍應同年輕女侍應望著我地耳語，一同佢地四目交投即不語，真好笑!!!到了4:10pm，年輕女侍應即遞上賬單同執野(比原定說好的時間早了20分鐘)間店咁既服務態度當然一毫子貼士也不值得俾侍應"禮尚往來"，一句多謝都嫌晒氣拿拿臨走人結論:此店食物同價錢皆普通，不特別吸引人光顧，同場有更多食店比它好很

個個人話呢間餐廳d侍應態度唔好,但今日我同朋友都唔多覺有mug問題波..午飯時候,落黎新都城搵頂食,都好少黎Match Too Cafe,通常去food court多,貪快方便。o係門口睇下個餐牌時,已經有個侍應話:「隨便睇下,有好多set lunch選擇架。」見到佢既欣勤介紹,我同朋友決定入去試下個學生套餐先。不過好鬼奇怪,佢地將食學生餐既容同普通客分開坐,可能方便上木台掛。$26一個學生餐:一個主菜加一杯汽水。朋友要了鐵板雞扒飯。而我要了新出品,爆醬雞扒石頭窩飯。前者先上木台,已經睇到炸炸聲,好吸引,再加d汁上去再炸,坐對面既我口水dei dei弟。我叫友人慢慢黎,快d將d飯鬆向,壓落熱哄哄既鐵板上,等飯焦既出現。記得似曾相識既情形係pepperlunch,佢d配料粟米同雜豆都差無幾,少左人地既黑椒香遮。但勝在價錢抵食,有得玩一輪,已經值回票價。我當然痴番啖黎食啦,入口個燒汁都幾惹味,粟米又甜。我個個隨即都上木台,個石頭窩都熱,不過我整唔到飯焦,遺憾呀!!!urm,我要彈既係我選擇呢個爆醬雞扒石頭窩飯,雖左貪新鮮之外,係因為佢個餐牌旁既幾粒chilli囉,不過食落一d都唔spicy

Lunch有野做, 過左黎將軍澳... 見呢間野門口新新地, 所以入去試下...入到去有好多學生... 坐係個有U型sofa的枱, 係for 2人or3人... 都ok舒服, 室內設計都幾得意, 好多拖鞋 (因為佢個gimmick係食軟飯, 即係意大利飯....)2個人, 1人1個set lunch.. 叫左:蕃茄牛肉湯飯 + 餐湯 (雜菜湯) + 凍OTxx雞扒石窩飯 + 餐湯 (蘑菇忌廉湯) + 凍奶茶先講餐湯, 雜菜湯飲落好似羅宋湯, 不過勁酸. 蘑菇忌廉湯應該有加奶入去煮, 因為顏色勁白同埋飲落有好濃的奶味.. 兩個都係一般兩個飯都係用石窩上 (外面加個木盒, 等你唔駛"辣"手)... 蕃茄牛肉湯飯唔係平時的湯飯... 一黎的時候都仲見到少少湯, 但因為石窩的熱力, 食左一陣已經唔係湯飯, 變左有D汁撈飯食咁. 食落普通, 份量一般. 另外的xx雞扒石窩飯, 就係普通將塊雞扒放係飯面再加個汁... 食左一少舊雞, 個汁幾好味既飲品正常.食物一般, 但服務真係麻麻... 放野食同野飲都係勁大力放落黎, 面口未至於黑面, 但唔笑, 無表情...

雖然呢間野唔係第一次幫襯. 每次幫襯嘅服務態度都非常特別. 因為每位職員個面口都可以黑得咁一致. 真係好少餐廳會見到. 仲有, 點解我去完都會再去. 因為果度D野都算OK, 最緊要係其他地方無位,我先迫住去果度食. 點解我今次要寫佢D食評, 係因為我心心不忿. 當日我同朋友去食LUNCH, 拖住D 細嘅, 食食下再點多一個小食( 魷魚鬚), 我要辣個隻, 點知佢出錯左炸個隻. 咁咪叫個職員換.點知, 幫我寫單個條XX 行埋呢好惡咁話: 你點呢個O家嘛... 我話: " 唔係.. 我叫辣個隻" .. 點知佢就一路行去櫃台, 一路鬧. 我心唸... 斷估我自己想食咩,我唔會叫錯呱. 仲有,就算叫錯, D唔洗鬧呀嘛... 最後, 我就好嬲咁同寫單果位話.. 我唔要啦! 跟住, 打算向店裡面高級D投訴啦.. 點知D職員話.. 頭先鬧人個位就係將軍澳店最大粒.... 真係咁特別, 最大粒,果然係最惡個位... 比個叻你地. 恭喜你地有咁嘅服務態度.

呢期千色店特價，專登去寶琳到食。見簡單廚房少人，便同老公入去食。叫咗：1. 豚肉板燒撈飯 (我覺得OK！)2. 牛柳黑松露軟飯 (牛柳好食)3. 甜品：紐約芝士餅 (不錯)只係埋單時，侍應話電腦壞咗，要等成10分鐘。。。我唸住食完即係去千色店，幸好等咗6~7分鐘部電腦「郁」番咋！

第一次寫食評但同食冇關，因為我對食冇乜要求，所以都係睇啲客觀嘢多今次要寫佢查實自己唔係受氣嘅第一身，但真係覺得都幾唔得所以要反映一下話說同老婆坐低後揀緊食乜，有個侍應喺隔離檯倒瀉成盤餐飲，咁當然水花四淺啦，我同老婆縮得切只係濕咗條褲同鞋少少，但個侍應似乎唔係好識處理咁嘅情況，可能佢自己都嚇親所以全程冇道歉。咁有人叫我哋坐另一檯先，之後案發嗰張檯嘅兩母子亦調咗去第二度坐，喺我哋附近我倆坐低後，叫好耐都冇人俾餐牌我哋，咁咪勁揮手囉，揮一輪都係冇人理，唯有一同任何侍應有 eye contact 就即刻又大揮手，之後有個感覺上高職級啲嘅侍應答曰：「得喇得喇，餐牌吖嘛？」語氣十分唔耐煩 跟住叫人落單，個後生仔侍應又係語氣唔多好，老婆問佢係咪跟餐飲，佢似乎唔可以俾人打亂佢思維，反問「要咩湯？」咁寫好湯後我老婆覺得佢聽唔到所以再問係咪有餐飲，對方答曰：「係呀~ 有餐飲~」個 tone 完全「咁都問你冇嘢呀？」咁嘅感覺 咁我即刻用手機上佢店內個免費 WiFi 睇睇食評啦，嘩！原來已經有咁多人講過呢間嘢啲服務態度，果然名不虛傳！跟住我倆繼續食啦，其間發現本來之前案發嗰對母子喺不遠處食完準備走，個媽媽同嗰

因為住係附近, 所以都食過幾次.......我覺得味道都唔係寫得咁差, 可以間中食下LO......不過唔知係咪FRI 夜晚多人食...所以MASS PRODUCTION令到D野無咁好食........我覺得LUNCH / TEA TIME食好似好味D...我兩個人叫左兩個DINNER SET:白湯 ---> "CAN" QUALITY紅湯 ---> 偏酸牛仔柳配忌廉松露汁意粉 ---> 我好鐘意個汁, 幾CREAMY, D意粉煮得唔會太諗/太硬, D牛仔柳唔萛好食, 不過份量都OK龍蝦幼意粉配龍蝦汁 ---> 偏淡.......D汁好稀.....熱LEMON TEA --->好酸, 飲左兩啖無飲HOT COFFEE ----> OK (我之前飲過ICE COFEE 好難飲)

又是一周釋放出去食飯的時間，是日剛好只五個人一起吃飯，剛好一輛的士，所以決定去遠一點，到新都城找吃去。此店子據聞是某電視台的明星開的，來到門口，裝修都算摩登，但一看看餐牌上的食物選擇，個人覺得是有點高級茶記的感覺，又是很多類型的東西吃，光是在午餐的餐牌之中，除了一般的粉麵，又有之前興過一輪的鐵板飯，又有米線，又有湯飯，又有石頭飯吃，然後更可以選擇吃甜品，店方有芝士餅供應，但看來都是麻麻的貨色。最後每人點了一個午餐，分別有酸辣海鮮湯米線、日式照燒汁豚肉板燒撈飯、韓式泡菜海鮮石窩湯飯及黑松露黑椒汁燒牛肉石窩飯，除了湯米線之外，套餐另包一個湯，再送飲品，除了每人點一個餐之外，也另點了兩個小吃，分別是香辣韓式八爪魚鬚及石窩豆豉鯪魚油墨菜。小食每個廿八元，看來挺貴，但原來是非常之認真的，香辣韓式八爪魚鬚份量很大，醬汁就有如韓式的炒年糕般，有點甜又有點辣，但個人認為都是甜多過辣，但是吃得出是難得的帶點蒜味，八爪魚有咬口，平均來說不算韌，只有少數的吃起來較難咬爛及下嚥，是惹味的小吃，用來下酒一定不錯，可惜下午仍要上班，不然真的想呷一口真露然後再加碼韓式烤肉，但我應該是發梗夢。石窩豆豉鯪魚油墨菜真的是

呢排暑假..日日都要番工搵銀~~搞到個個星期日都冇時間陪呀媽老豆~於事就同一家人出去食飯~唔洗煮咁辛苦呀嗎! 係新都城行左陣..見攰攰地..就開始搵食啦!經過呢間野見到個餐牌有石頭飯..好似幾吸引咁..就一心諗住試下..行埋去拎fay~ haha 原來係郭小姐~心諗藝人開既~~應該唔會差得去邊啦!嗌左個二人套餐~ 有豚肉pizza 同 龍蝦意粉!另外仲嗌左個帶子南瓜石頭飯~~~先上既係紅湯白湯~~紅湯..普普通通~~白湯不錯呢~~有帶子係裡面~都幾好味的!飲完個湯..等多一陣...個石頭飯就泥啦~~不過個送餐既侍應真係嚇死人!一野扔落泥..冇錯,,係扔落泥=-=!!!而且黑口黑面..得罪佢邊fut!???個肚打緊鼓..算了,,唔理佢,,醫飽個胃緊要d!一食落口...oh no!..石頭飯..唔係應該熱lala 既咩?點解..好似擺左出泥吹凍哂咁既...不過要讚既係..d帶子真係幾好食~同埋幾重南瓜味..証明真係比足料!then 意粉終於到~~一食落口..點解,,又係好似放左好耐咁既.?個汁好淡..淡到冇味咁學王祖藍都要講句! 我真係接受唔到lo!食緊個意粉..我已經對個pizza冇咩期