米亭 (已結業)

黃金砌完電腦，大熱的天突然一場大雨。口乾又濕熱，突然想飲湯，不想飲湯又想食米線。米線搭配手撕雞，口感清爽。再加15元可以選擇特濃花膠雞湯，滋潤。套餐形式還可以自己額外添加小食。有涼拌青瓜，蝦醬微辣，菜脯等，如果兩個人食就剛剛好可以share不同小食。佐料點綴下。米亭麻辣手撕雞+特濃花膠湯米線因為叫手撕雞，當然要試一試花膠雞湯。兩隻雞爪堂而皇之擺盤好似雞宴儀式。湯裡面隨處可見厚身花膠，軟滑，膠質豐富， 味道清。手撕雞不算太辣，因為可以選擇辣度。但要留意佢花椒粒隱藏在裡面。食噶時候不能狼吞虎嚥。韭菜黑豚肉餃+特濃花膠雞湯為了搭配雞湯，朋友選擇餃子。黑豚肉的口號比普通豬肉多左嫩口。餃子內餡新鮮。搭配小食蝦醬，一番風味。飲料方面有類似五花茶的杞子六花茶。補下身當然做全套。兩個人食的一餐滋潤身體，淋多幾場雨都不怕喇。講笑

特濃雞湯好多油，脆汁豬扒加麥片唔知想點，好柴又無味，有小小甜應該係麥片，幾粒菜脯掉落湯咪算，感覺有啲多餘，味道好怪，豆漿還可以，但無下次，好睇唔好食，感覺新手廚師

炎夏中行完玩具街，只想找個有冷氣、坐得舒服的地方醫肚。經過米亭被門口介紹的餃子酸辣米線吸引了進去。餃子套餐($58起)可選6隻淨餃或5隻餃配上海麵/米線，兩款餐都配涼菜、醬菜同飲品。另外也有手撕雞/豬扒套餐($48起)餃子套餐 (紅咖喱芝士豚肉餃)今天沒有川味黑豚肉餃，於是選了紅咖喱芝士豚肉餃 (+$8)，豆乳豚骨湯，麻醬蓮藕，惹味蝦醬。餃子皮薄，餡料足，原來紅咖喱和芝士都很夾！咖喱很惹味，不是很辣那種，加上半溶芝士，咬開還有拉絲！👍🏻餃子之外，豆乳豚骨湯底也很鮮甜，感覺這餐吃到餃子又飲到湯。麻醬蓮藕 - 爽口米亭菜甫 - 惹味惹味蝦醬 - 香辣，鹹辣平衡得宜餃子米線餐 (韮菜黑豚肉餃米線) 韮菜豚肉餃菜、肉比例得宜，韭菜爽脆可口，選的特濃雞湯清甜，也是可喝的一個湯底。因為兩個餐的餃子都頗出色，所以我們另外再加一客炸韮菜黑豚肉餃 （$21)餃子金黃微焦不油膩，都ok，沒有令人失望。下次再來試川味餃吧！

下晝一個人喺深水埗，有啲肚餓，見到呢間餐廳，食餃子，光猛企理，咁就決定入去試吓😆叫咗$58嘅「餃子套餐（淨餃子6隻）」，加 $15 要「特濃花膠雞湯」，加 $8 揀咗「芫荽黑豚肉餃」，跟餐有「涼拌雲耳」同「惹味蝦醬」，加$8 要「石斛竹蔗茅根水」，再加$24 嘅「米亭麻辣手撕雞」😆「特濃花膠雞湯🐓」味道非常鮮甜濃郁，有兩件幾爽脆嘅花膠，同埋有兩隻雞腳，感覺充滿骨膠原😋；「芫荽黑豚肉餃🐷🥟」有淡淡的芫荽☘️香味，幾好食😋。「米亭麻辣手撕雞」唔係好辣，幾惹味，仲有好爽脆嘅青瓜絲、芽菜、薄切蓮藕片😋。「石斛竹蔗茅根水」唔係好甜，幾清新😋

夜晚黎深水埗搵食，見呢間新開就黎試下，我本身想叫個餃子套餐，點知佢得番松露雞肉餃仲要加$15蚊係超唔抵食囉個套餐都已經要$58所以算數就咁叫左兩個套餐秘製醬手撕雞$48 可樂+$8轉特濃花膠湯+15=$71一黎梗係要似佢嘅湯先啦，飲落味道好淡，有幾粒細花膠，但唔好飲，雞腳煲到唔林，好硬唔入味，應該都係分開整熟佢，再放落碗到，加$15蚊根本唔值木耳食落乾爭爭手撕雞同平時出去買盒平價手撕雞冷麵差唔多，味道又唔好食🤮🤮秘製脆汁豬扒套餐$48-特濃雞湯不用加錢同花膠雞湯湯底一樣青瓜絲超級超級難食🤮菜甫野味蝦醬我就麻麻唯獨一讚豬扒好林加左蜜糖好食嘅蜜糖雞翼炸完再加蜜糖，普通野，呢個雞翼係like and share 佢地社交平台就免費送比我地食嘅

深水埗原來有間新派餃子店，餃子款式非常多，除左一般既白菜餃、韮菜餃，仲有和牛餃、松露雞肉餃等，夠哂特別！而且湯底選擇頗多，有豆乳豚骨湯，雞湯同花膠雞湯。我叫左白菜餃配花膠雞湯。白菜餃皮非常薄而且口感好滑，咬落亦唔會太淋，做得唔錯，餡料方面白菜同豬肉既比例適中，入口仲會感覺到豬肉既存肉，有淡淡既肉香，整體我好鍾意！配埋菜莆或者蝦醬同食就更惹味。花膠雞湯第一樣要讚係好夠熱！呢點聽落好普通但唔係間間店都做到。而且感覺到膠質好重，雞味亦好濃，相當足料，如果可以少油啲就更好。我呢個餐有埋涼菜，我揀左麻醬蓮藕，爽爽脆脆都幾開胃。男朋友叫左和牛餃配豆乳豚骨湯，我試左少少，可能冇混合菜既關係，和牛餃比較膩，豚骨湯有淡淡香味，豆乳既感覺唔重。另外我地仲叫左個秘製醬脆手撕雞，青瓜絲、雞絲、藕片，撈埋少少既芝麻醬，簡單又好食。套餐仲有唔少飲品選擇，黑豆豆漿同竹蓆茅根都唔錯。新派餃子暫時係香港未係好流行，我相信如果餐廳focus 係個湯底，將佢做得更加好，應該可以殺出一條血路，始終香港人都鍾意飲啖靚湯！

深水埗特「色」店舖，梗要嚟支持星期五晚7:30pm去到，唔洗等位特色玩味牆身好有「西九龍」feel店舖感覺年輕，坐得舒適店內亦有不少年長同年輕人幫襯之前嚟過幾次，都係食$48嘅餐$48餐冇餃子嘅要$58嘅餐先有餃子>>記得揀「5隻餃配麵」（因為唔揀麵 ，選淨餃，只有6隻）仲有啲醬菜選擇，不過我食過覺得正常，冇咩特別而且醬菜份量都少標榜黑豚肉餃，今次試吓同普通餃有咩唔同選了黑豚肉餃米線+熱豆漿+麻醬蓮藕+米亭菜脯其實佢用tray上幾好，好presentable會覺得有好多嘢好豐盛嘅感覺亦都方便店員收檯黑豚肉餃大大隻雞湯清而有味，飲完唔會口渴肉真係好香有油香嘅，唔肥膩，係比普通肉甘香啲配清清地嘅雞湯肉味更加突出

今日去深水埗睇下模型玩具，由福榮街頭行到街尾，有點肚餓，見到這間米亭就想食，因為好豐富下，幾十蚊一個餐有餃有麵有小食~我們點了兩個套餐，一個秘制脆汁豬扒+上海麵,豆乳豚骨湯+涼伴雲耳+惹味蝦醬+熱豆漿 $48豆漿似自家制，有豆香味和甜度適中豬扒上放上了脆片和蜜糖，我本身很喜歡蜜糖配豬扒，好食😋 湯底香濃豬骨味，飲完無口渴，加上秘制蝦醬沾上麵上一齊吃，很惹味👍🏽😋另一個餐點了淨韮菜黑豚肉餃子有6隻，特濃雞湯+麻醬蓮藕+菜甫+熱豆漿。 $58這個特濃雞湯味道會比豚骨濃味一點，但很好味，配上六隻飽滿的餃子🥟夠晒飽足。餃子皮不算厚👍🏽咬開𥚃面有豐富肉汁，再加些菜甫一起吃一流👍🏽再追加溏心蛋和手撕雞蛋雖然是普通烚蛋，但個溏心真係恰到好處手撕雞有青瓜和少許豬皮，底層有蓮藕，爽口清新，雞滑嫩，又大碟，好味😋

呢晚同老公去左深水埗睇玩具, 咁都要食飯架?經過見到呢間好似新開的餃子店-米亭好似唔錯, 就入左去試下入面有幅好大好colorful既壁畫, 幾靚幾sharp醒!店內仲寫明,佢地係使用高質本地黑毛豬的呢!秘製醬脆手撕雞+特濃花膠雞湯米線套餐($63)個花膠雞湯雖然要加$15, 但真係超值!個湯超濃厚, 仲有花膠同雞腳!配米線食一流,完全feel到啖啖養生!秘製醬脆手撕雞呢個都好好食, d雞皮炸到脆脆的, 再配上手撕雞, 口感豐富有層次!個底仲有大量青瓜絲同爽脆的蓮藕,好refresh好健康!雞湯菜心 ($20)菜心係用濃雞湯烚的, 特別正!!芫茜餃子套餐 配特濃花膠雞湯 ($81)湯底都係加$15要花膠雞,真係超濃厚冇得輸!餃子唔算大粒, 但好飽滿芫茜味好香, 芫茜愛好者必試!豬肉味濃, 食得出係靚豬肉!食得出呢間小店樣樣都好用心, 值得支持!

由於家中裝修期間 冇乜機會食到媽媽啲愛心靚餸、湯所以早2日去咗出名多好嘢食嘅深水埗搵食哩間家庭式小店主打係食水餃同米線口味健康簡單 好有家的感覺而佢哋嘅花膠雞湯味道香濃足料我喜歡💕.✔️可以揀淨餃或水餃米線套餐，自選湯底、小菜、飲品。.🔸韭菜黑豚肉餃配米線套餐（$58）▪️配特濃花膠雞湯（$15）▪️跟菜圃、惹味蝦醬、涼拌青瓜、黑豆漿一般雞湯係唔洗加錢，而有花膠哩款加$15，內有大約3塊花膠、雞腳，花膠都幾厚、幾靚仔，唔係一般嘅魚肚。湯底係用50隻雞煲成，非常香濃，好味！韭菜餃有五隻餡料好香，韭菜新鮮好香、爽脆，米線滑身。.🔸白菜黑豚肉餃套餐（$58）▪️配特濃花膠雞湯（$15）▪️跟菜圃、惹味蝦醬、涼拌蓮藕、熱豆漿淨水餃有六隻，餡料包滿新鮮，黑豚豬肉肉味香濃。湯底一樣好味，配米線剛剛好，單飲會有少少偏咸，但味道香濃好飲。豆漿唔太甜，有豆味，唔錯。

喺附近放工， OpenRice搵到依間幾多好評嘅餐廳，果然不錯👍🏼同同事食個快飯先返屋企😁😁小店一間，簡單乾淨俐落。性價比都幾高，四五十蚊可以食到高質湯麵。特濃花膠雞湯好濃！好足料！ 超有驚喜，我真係成碗湯飲曬！ 仲要有花膠，補下骨膠原，正屋企都未必煲到咁濃郁又好味嘅湯👍🏼👍🏼麻辣手撕雞 辣味適中，食開譚仔bb 辣都食到 😆😆但麻味都幾到位，好過癮。有花生，青瓜，同埋蓮藕，夠晒清新～松露雞肉餃兩樣野加埋一齊好夾，松露味唔會太搶，另外加左木耳，豐富左口感😋😋簡簡單單又一餐，係一個令人好回味嘅雞湯😋😋

住長沙灣既我成日都過黎深水埗搵野食，咁岩見到間鋪頭有餃子食就岩晒我等左6-7分鐘左右，跟餐有個涼菜，怕唔夠飽另外叫左隻溏心蛋今日叫的係松露雞肉餃子配特濃雞湯，一上台已經聞到陣香濃既雞湯味，呢個湯頭有料到，首先望到成碗湯面都好有光澤，飲落口直頭起膠，果然好足料，仲要非常非常熱，值得加分。另外佢個餃子都十分出色，雖然個形狀唔似我地平日食果種半月形，佢似係四四方方咁，但皮夠薄料夠多，大小適中剛剛好一口一隻，一入口食到入面係爆汁，雞肉一啲都唔鞋口，仲有好香的松露味，但又不算太搶，中間仲夾雜住一絲絲的木耳，成日口感好豐富、好有層次。麵質方式軟硬適中，加埋個起膠的雞湯，掛湯完全無難度，食到最尾成碗都比我飲晒。總括黎講，唯一缺點就係份量唔算多，男士未必好夠飽，跟餐既涼茶同醬菜多返小小就好。

這區特別多嘢食，朋友話上次見到有間是用花膠雞做湯底，今日專登叫我嚟食晚飯。餐廳好光猛，牆上有幅大大的壁畫。涼拌青瓜，酸酸地，好醒胃。秘製脆汁豬扒上海麵，個上海麵麵質非常彈牙。秘製酸湯，要了小辣，酸酸辣辣，味道好夠。豬扒有肉汁，外層甜甜地，不錯。黑豆豆漿，豆味好重，好香豆味，又不會太甜，幾好。手撕雞，有小小麻辣，好惹味，蓮藕片好爽脆，而特濃花膠雞湯米線，個雞湯真係好濃，好有雞湯味。金絲蜜椒雞翼，雞翼炸得勁鬆脆，加上外層有蜜糖，甜甜地，味道特別好。

店主改的名字太特別🤣😂，而且有肥仔最愛既餃子，所以今晚就去輕食瑋番🥰以套餐為主：「淨餃-白菜黑豚肉餃+特濃花膠雞湯+涼伴青瓜+米亭菜甫+凍黑豆漿」😋 餃子豐富材料，皮簿👍🏻，配上特濃湯底，好香雞湯味，而且我加了$15轉為花膠😍 都有幾片厚厚花膠件😋 正呀👍🏻「淨餃-韮菜黑豚肉餃+特濃雞湯+涼伴雲耳+惹味蝦醬+凍黑豆漿」蝦醬好野味 配上餃子👍🏻😋👍🏻😋另加： 「米亭麻辣手撕」麻辣味是我最愛，yummy😋而且配有豐富配料，蓮藕，青瓜係低😚😚備註：🔺份量適中，大食既人可能要叫2份，可試更多野食👍🏻🔺+$15 花膠湯😋😋 抵食

深水埗近期多了很多不同的食店，其中一間我非常感興趣的一定是米亭，專門吃餃子。作爲餃子愛好者，一定要嘗嘗這家店。套餐價格貼地，而且配搭選擇都非常多。最最最想提及的一定是這家店的靚湯，絕對不會失望，真的非常濃稠，鮮味非常重。我最喜歡的是一個套餐裏面包含的食品也很多類型，非常豐富，配搭涼菜和醬菜，還有飲品也包含了，分量也非常足。餃子吃上去非常鮮，湯好喝到我差點全喝了。除了餃子套餐，小食也點了秘製脆汁豬排，炸豬排吃多了，一定要點這個！秘製醬汁配脆脆和豬排，非常搭，而且也新奇。另外再加油菜和溏心蛋，價格實惠合理，真的是一餐健康溫暖的晚餐