米子寿司 (已結業)

米子壽司🍣次次買呢間都外賣多如果‘快食‘既堂食都唔錯，因為唔係慢慢比你傾計果啲今日買外帶番去同屋企人食。加州反卷🍣木魚絲鰻魚卷🍣法國利沙達斯生蠔🦪不嬲食開都覺得佢啲壽司好好味今次試埋生蠔🦪，都冇失望好好食，我買5隻佢送多左一隻比我，番到屋企先發現。好開心很讚

對食物要求不高，平時買開角切魚生丼，都覺得扺食，今次諗住試下其他野海膽三文魚丼 ，見佢價錢唔貴都預左海膽份量唔多。但打開一望真係少得好過份，仲要味道唔係特別好😓 三文魚就不過不失

今晚同朋友叫Deliveroo，見到呢間壽司店嘅魚生丼好似好抵食，就決定試一試佢我哋叫咗2份三文魚海膽飯($58)、1份雜錦魚生飯($58)，同埋1份蔥吞拿魚飯($58)。其實本身見到價錢咁平都唔會好大期望, 但真係見到個飯嘅時候都真係嚇咗一跳個人覺得雜錦魚生飯係最正路，雖然主要舖面嘅係玉子、蟹籽同青瓜，魚生得零星嘅碎碎，但係我覺得呢個價錢都算可以接受嘅但至於蔥吞拿魚飯我就覺得有啲誇張, 一舊飯上面只有3塊好薄好薄嘅吞拿魚，幾粒蔥花，朋友最後要豉油撈飯先冇浪費到下面啲飯其實呢間壽司店嘅食物啲味道還好, 只係個份量真係有啲強差人意, 可能因為個分類叫丼飯先入為主咗啦, 大家如果想試呢間就建議食返壽司啦

朋友話此寿司店好食,再加上屋企附近沒有日本寿司店,就走去试下.我叫左便當,寿司及手卷.整體上三文魚,蝦新鮮,飯軟度適中,不會太硬.店員好禮貌招呼.價錢方面中價,接受的.如果用爭ㄨ的寿司去比較,這呢個好食些. 我下次會再去试.

Work as a team 🎈米子壽司/It doesn’t exist a main character in a sushi coz the rice and the toppings on the sushi work together./外賣壽司的另一選擇🙋‍♀️小屋邨入面主打外賣亦有堂食的壽司店🍣日式牛肉飯($唔記得添)😅買返黎既時候溫熱 賣相唔錯 但就唔會推薦試牛肉份量望住落幾多 但其實飯既份量仲多😂所以食哂牛肉之後其實仲有好多飯淨低 牛肉飯肉汁唔夠 令到成個飯比較乾身 雖然有落洋蔥但食唔出洋蔥既甜味 上層片裝芝士令到牛肉黏起黎 變成一pat pat🙈不過相信如果熱辣辣食味道會好好多雜錦壽司拼盤H ($6X-$70)最吸晴系有花之戀同中間既火炙三文魚壽司 三文魚慢慢熔化系口既感覺😋另外兩種不清楚來歷既火炙壽司同火焰芝士壽司都好食🍣 芝士同醬汁都同壽司好夾 而且食出魚生都幾新鮮 但相對飯就硬左少少 不過都理解始終同即叫即製既壽司有分別 其實呢間壽司店都可以即叫即制 味道方面應該會有所改善 另外除左壽司 都有刺身 便當同生蠔🦪 都幾多選擇下嫁😜

平時聽同事講公司附近間壽司舖唔錯，今日收工就買咗幾盒返屋企試試。買左啲刺身同拼盤，帶子刺身和甜蝦刺身都好新鮮好鮮甜，三文魚刺身好大塊好有口感好肥美， 壽司綜合拼盤都唔錯，不過啲飯就硬左少少。都係果句，性價比高，下次可以再試試佢啲熟食便當。

平時都有落開呢間壽司舖食嘢， 有一日睇到佢哋推出限定拖羅， 好好彩落到去仲有最後一份😋😋 拖羅好厚身，好低食，中拖羅一食落口，油分適中而無筋，入口即溶而魚味濃郁，正丫而大拖羅就更正 同我去日本食嘅一樣質素。

同女朋友撐枱腳估唔到一間不起眼嘅食店有意想不到驚喜食咁多嘢，都係500蚊抵過去啲大x屋嗰啲任食新鮮好多個員工介紹我食個蠔，好出色仲識郁咖海膽又甜正聽講話早排仲有拖羅，可惜冇緣食到下次一定要試下

我大約14:58到店舖，店員說15:00開舖但現不能賣生蠔，她說要準備(她手上有紋身），開舖時間大約要15:30，我再15:45左右再到達店舖，但是她說要煲好飯先、生蠔開不了(她說無時間開生蠔），態度不好，感覺好像不想做生意，可能她認得我只吃100多元生蠔的少生意(平時），但最重要不要浪廢我時間，直接跟我說不做我生意好了，不用要我去這店舖一次又一次，玩嘢😡😡開生蠔兩至三隻要很多時候🤬🤬以後不會去幫襯，如果佢老闆知道她是這樣幫老闆做生意、完全幫老闆倒米🤣🤣唔知佢老闆會點諗

本來想叫外賣壽司拼盤，因為佢有個獅子壽司盛好吸引，但比較之下發現用外賣App叫比自己嚟買貴成一百蚊，實在係太離譜，嬲到我自己走去買。壽司拼盤有好多選擇，同先生商量之後擔心叫獅子壽司盛份量會太多兩個人食唔哂，於是決定一人揀一盒堂食。我叫嘅壽司拼盤份量較少，帶子同玻璃蝦刺身頗為肥美；三文魚子粒粒飽滿，非常新鮮；但海膽就比較淡味，而且有啲乾🙁其他刺身則比較薄，口感欠奉。最為不足嘅係佢嘅壽司飯，又乾又硬，感覺好似雪咗好耐咁😢先生揀嘅拼盤雖然貴廿蚊，但份量頗多，我咗一件花之戀，飛魚子脆卜卜，好新鮮，三文魚亦比我嘅三文魚腩刺身厚得多，唔錯👍🏻不過敗筆位仍然係壽司飯過硬同唔新鮮🙁飲品選擇唔多，但價錢合理。堂食期間發現餐廳生意都唔錯，出出入入人流幾旺，唔少人都選擇即場order，或者下次都試下即叫即製會唔會比較新鮮。

又黎買呢間外賣壽司返去食，都係咁正，刺身厚薄適中，款式唔少，最緊要有我鍾意既火炙芝士壽司，呢款唔係間間有，難得呢到有仲要味道價錢都o有驚喜支持支持，平民價高質壽司

早幾日，和朋友聚會。 試過這間店的刺身，壽司。款式種類多，性價比高。刺身新鮮，生蠔品種質素相當好。不得不提是日本清酒，有店員推介介紹配搭👍👍👍而且還有韓式熟食，下次一定要試試。

臨近父親節，阿爸年纪大，諗住不想老人家走來走去，故此試用现在流行的app買咗外賣，買咗幾個丼，其中有三文魚及曼魚飯，外賣预咗贵，但送來的餐三文鱼及曼魚比纸還簿，比門市三蚊件的壽司更薄，簡直可以透光，都很佩服師傅的🔪工, 咁難都切到，唔明到底是舖租贵，物流贵還是人工貴，最慘是我們俾錢的消费者，我覺得成餐食緊白飯，最惨諗住同阿爸食餐好的，结果攪成咁，真係好唔開心，以后都會考慮吓是否用app訂餐。都係嗰句：中伏，以后都不會幫襯。

米子壽司是朋友介紹我❤️初時抱著試下心態，現在成為了我午餐首選，壽司新鮮，刺身新鮮，壽司款色多大大件，款色多，適合到會，小朋友可以有熟食，店內職員態度親切，值得再去幫襯，酒店質素，平民價錢

食壽司多數係幫襯元氣，因為是會員，今次試下幫襯位於葵涌花園商場地下米子壽司店，店內有細檯供堂食，我選擇了外賣自取。以下是食後感手卷系列都係好食的，餸既份量亦多，象拔蚌同劍魚腩壽司最好食，麻麻地嘅係松葉蟹腳，而中華沙律軍艦略為乾左少少，wasabi好勁揪，試過其他外賣壽司既芥辣都唔夠哩隻咁嗆鼻，屋企人鐘意食花之戀，16蚊2舊，好食又抵，所有壽司味道及新鮮度都OK，價錢亦合理，支持小店，下次會再幫襯。