米子燒肉家

營業中

休息中

大圍美林邨早前重新裝修過，由以前既冬菇亭變左而家既粉紅色小屋。餐廳以粉紅主題佈置，充滿少女心，亦十分適合打卡。座位寬闊，全部都係卡位黎，舒適得黎亦有足夠私人空間。餐應除左定食，晚市仲有燒肉放題，我地今次試左<竹の放題>，食物款式非常多(70品)，仲要好高質，性價比一流。除咗<梅の放題>嘅食物之外，竹既肉類額外有澳洲和牛肩胛、赤身、安格斯胸腹同日本豚肉眼。澳洲和牛油脂分布平均，肉質鮮嫩。更冇日本和牛食落咁膩，反而牛味香濃，入口即溶。肉無醃，可以自己加鹽、七味粉等調味。但我偏愛原汁原味，直接燒，再沾少量醬汁吊味，更食得出牛肉既鮮味。而海鮮類有牛油帶子、味醂魚乾、鹽燒虎蝦、壺漬魷魚鬚頭等等，全部質素都唔錯。帶子好香牛油味，虎蝦爽口彈牙，魷魚鬚醃得好入味。熟食方面亦有好多選擇，炸物有多春魚、牡蠣、大蝦等等，炸粉唔會太多好香脆，食多兩件都唔會滯。壽喜燒係用日本 A4 和牛，牛肉味濃郁，口感嫩滑軟腍。配菜亦好足料，有冬菇、豆腐及娃娃菜等，吸埋香甜濃郁既湯底食落好鮮甜。驚唔夠飽仲有沙律、冷麵同紫菜飯。飲品櫃除左汽水仲有自家製飲品: 菊花普洱、鳳梨烏龍同洛神花，好健康解

今晚要OT，就喺附近搵食。諗起傳統冬菇亭翻新後都未去過，有幾間食肆好似都幾吸引。同事建議日式食品，就決定揀米子燒肉家啦。 環境舒適、光猛、座位亦寬敞，同以往迫迫狹狹嘅冬菇亭真係好唔同。 由於時間關係，我地揀左丼飯（包埋泡菜、味噌湯、仲有飲品。我地再加$20，就啤酒都可以任飲。）鰻魚係大家嘅首選，同事揀左配牛肉；我就揀左配豚肉。一口價原來仲包埋甜品任食，真係開心。甜品熱食類有紫米露、西米露；凍點就有唔同味道嘅啫喱，仲有我最愛嘅奶凍，食完甜品再開工，就更有衝勁！ 丼飯嘅飯量都算多，仲有蛋絲同紫菜搭配，超吸引。同事嘅牛肉又係有好多，而鰻魚就有兩大塊，微微烤焦，幾好味。而我嘅鰻魚就有三大塊，相對豚肉就唔多。 飲品方面，可以喺自助櫃內任揀。先揀了較輕盈嘅洛神花茶及同鳳梨烏龍茶，全部都唔會太甜，少糖啱晒我地。另外，再揀埋啤酒，諗起陣間仲要開工，真係要飲啖啤酒，唞下氣。 望住隔離枱食燒肉，勁吸引，下次唔洗OT，再嚟食燒肉放題。

夜了快閃去了米之燒肉店，因為超肚餓，最緊要近方便。新裝修環境十分舒服，藉得好好享受一下。我沒有選燒烤，因為太費時了，所以選丼飯，有牛肉，豚肉，鰻魚，雞……樣樣齊。我選了鰻魚豚肉丼飯，仲包了日本珍珠米，味噌湯，泡菜，冰茶。日本珍珠米大大粒，飯量超多；味噌湯有蘿蔔味道適中；泡菜唔辣，有咸香味；鰻魚超大塊，係豚肉屬於腩位，較肥厚，真心男生也可以吃飽飽。飲品則是冰茶，熱辣辣的時候喝一口凍飲，真好。滿足的一天。

今日入到美林邨 食好西 唔好以為好遠，係大圍站行過來都係15分鐘，搭巴士都係幾個站落。佢唔單止有日式燒肉選擇，仲有日式丼飯揀。鍾意日本菜嘅你，絕對唔可以錯過！🍱鰻魚雞肉丼：大大塊厚切滑嫩鰻魚同多汁雞肉，淋上鰻魚汁，鰻魚軟綿綿，帶點淡淡甜味。🧀🥩芝士牛肉丼：熱氣騰騰嘅飯上鋪滿精選牛肉，芝士融化於上，牛肉搭配芝士嘅濃郁口感，入口即化既感覺。餐廳嘅晚市套餐非常抵食，包括特色飲品、麵豉湯同泡菜，仲有任食甜品，有紫米露同啫喱供應。性價比超高，下次再黎試埋燒肉先😋😋

愛吃肉肉的燒肉控，這次又有燒肉店要搶攻我們的肚皮了，想吃兩小時無限燒肉放題，還在找餐廳? 快來米子燒肉家吧，米子燒肉家只需398元就能享用竹之燒肉放題，有七十種牛、豚、雞、海鮮、炸物、甜品、啤酒任飲任食。煙三文魚沙律份量頗有誠意，與醬汁搭配起來和諧開胃，煙三文魚沙律一大碟，色彩美美的，沙律有多樣化的新鮮生菜、粟米、車厘茄，配上幾片微微鹹香的煙三魚，就算是單吃不淋醬，也很好吃，在吃燒肉前這樣吃，蠻清爽的，又能補充蔬菜，吃起來沒負擔。豚爽肉是豚肉中最嫩的部位，肥瘦相間，保有脂肪香但不油膩，豚爽肉號稱怎麼烤都不會失敗，口感極佳的肉質，就算豚爽肉不小心烤太久，依然有飽含豚脂香和脆脆的咬感。日本豚肉眼烤上來香味十足，厚實的豚肉眼油花量剛好，最適合用來作為日式燒烤。據朋友表示，日本豚肉眼入口極之細嫩，烤的時候只要多留意一下 ，就能感受到日本豚肉眼的獨特魅力。帶殼的塩燒虎蝦烤過後散發迷人的焦香，再加上虎蝦甜鮮滋味，蝦肉扎實不黏殼是新鮮的證明，這塩燒虎蝦鮮度和彈性的肉感一流，愛吃蝦隻絕不能錯過米子燒肉家的塩燒虎蝦。剛烤好的味醂魚乾穿著焦黃色的外衣，記得要把每片味醂魚乾反覆反轉烤才能上色和變得脆脆香香的

舊式屋邨竟然有間靚靚燒肉店 仲要係粉紅色 好少女心 即刻要入去幫襯吓 入到去發現原來除咗燒肉 仲有燒肉丼食因為想快啲有得食 就嗌咗兩個丼飯 鰻魚牛肉丼同鰻魚豚肉丼啲飯粒粒分明又好飽滿 男朋友話一食就知係日本米啲鰻魚都好肥美厚身 配上甜甜哋嘅鰻魚汁洋蔥煮牛肉 洋蔥夠腍 牛肉又夠入味 豚肉睇落雖然有啲肥 但食落係有啲豬頸肉嘅爽口 兩個丼飯套餐都配有泡菜 湯 同 茶 重點係碗飯睇落正常size 但食落份量好足 男朋友飽到上心口 而我就食唔晒我哋仲加配飲品同甜品放題 飲品有好多選擇 有自家製嘅各種茶類 亦有唔同罐裝或紙包飲品 甜品方面 有馬卡龍 蛋糕 啫哩 款款都細細件咁 可以樣樣都試吓食丼飯過程中見到其他食客食燒肉 好似好正咁 下次要試吓！

記得以前呢個位係一間雞煲打邊爐,估唔到而家變咗食燒肉..岩哂我呢啲食肉獸除左丼飯定食之外,仲有燒肉放題一於try try個放題先飲品都算多選擇仲有啲自家製冷泡茶鳳梨烏龍同埋菊花普洱都好飲,唔太甜+20蚊仲可以啤酒任飲好欣賞佢個蒜蓉醬,好香Order完之後,D野食就好快上哂枱牛肉赤身,牛肉眼,牛五花等等肉味十足,咬落Juice,輕輕燒一燒已經好香日本豚肉眼,豚五花,豚爽肉本身沒有什麼調味,簡單燒開後包生菜同埋點埋個蒜蓉醬好惹味而且肥瘦適中,唔會好多肥膏豚爽肉口感好好,食落幾特別仲有最愛既海鮮帆立貝,味增鮑魚,蜆等全部都好新鮮宮崎A4和牛壽喜燒勁有驚喜，估唔到放題價格都食到和牛和牛片片入口即溶，而且份量都好多連埋鍋物入邊嘅金菇，娃娃菜，冬菇..全部索晒濃濃壽喜燒湯底味甜品方便都好多選擇有雪糕，啫喱，奶凍仲有紫米露同埋卷蛋我哋就叫咗個水蜜桃卷蛋同埋提子卷蛋食落唔太甜有果香作為飯後甜品真係唔錯

大圍必食燒肉任食日式燒肉店———米子燒肉家，絕對係必食之選。住大圍的朋友，如果想食正宗燒肉，一定要來呢間新燒肉專門店，任飲任食真的吸引。第一次試試這家米子燒肉家，熟食冬菇亭估唔到裝修設計由外到內真係好靚，粉紅貓貓塗鴉最經典真係好適合打卡啊。打完卡就拿拿臨入啦，燒肉的香味真係忍唔住啊。燒肉價錢由$338 一位起，真係好多肉類選擇，而且肉質都係靚靚，牛肉，海鮮，豚雞，熟食樣樣齊。竹之燒肉就有70款燒物可以燒，而松之燒肉更豐富$568/位，有80款，有埋我最喜歡的甲羅燒同鮑魚，羊架等等。呢度飲品有酒水汽水唔少得，亦有解膩的冷泡茶，吃飽飽再解解膩，舒服。

松 燒肉呢個套餐有幾款和牛，仲叫左其他款同牛舌。🔸宮崎A4和牛赤身🔸日本A4和牛肉眼🔸美國黑毛和牛三角和牛紋路幾靚，口感嫩滑，好香。🔸銀鱈魚扒🔸燒牡蠣新鮮蠔，唔需要加調味，已經好正🔸味噌鮑魚鮑魚入味，口感爽彈。🔸牛油帶子好香牛油味，夠嫩同爽。海鮮有好多選擇，仲有鮮蝦，牛油三文魚扒，質素唔錯，新鮮。🔸甲羅燒😍😍推薦，滿滿既蟹膏，就咁食或拎黎拌飯食都一流五色胡椒法式羊架羊架好大個，肉汁豐富。炸物🔸多春魚🔸大蝦🔸牡蠣蠔好大隻，炸物脆口，炸粉唔會太多👍沙律、冷麵同紫菜飯，仲有好多款，想食哂既話，黎一次係唔足夠😂飲品櫃有自家製飲品、汽水同茶，加$20仲可以任飲啤酒。甜品有自家製布丁、啫喱同紫米露。店鋪環境唔錯，粉色Style，座位都寬敞。

📍米子燒肉家 (大圍)@komeya_22🔍 大圍美田路30號美林邨熟食亭1-4號舖位於大圍美林同美田邨嘅燒肉鋪～呢間新開張燒肉店座位寬闊都係卡位黎坐得舒服。除佐食放題呢度啲定食都係唔收取服務費！係性價比高嘅街坊放題燒肉餐廳～🔸澳洲盛合定食💰128呢個定食有澳洲特選牛肉三款🇦🇺150g係💰128，套餐包括和風湯、沙律🥗同珍珠飯，➕💰6可升級紫菜飯😍另外甜品仲係自助可以無限添加！！牛肉質素都唔錯👍🏻性價比高，厚度適中肉質鮮美～配埋燒汁食正🤤🔸澳洲和牛定食💰118澳洲和牛赤身100g係💰118，呢個餐就揀佐和風湯、泡菜同日式冷麵🍜，麵質感煙靭，呢款和牛就油脂會比較豐富～雪花紋靚，食落口會較香口🤤🔸水蜜桃🍑乳酸特飲有果肉🍑係入面，酸酸甜甜幾解渴🔸百香果乳酸特飲味道清新好fresh，有百香果粒粒～

今日經過大圍, 見到米子燒肉家開咗新分店, 餐廳係粉紅色裝修, 都幾有少女心, 就同朋友入咗去食飯🤣餐廳除咗燒肉，仲有唔少日式丼飯我哋就叫咗鰻魚豚肉丼定食面頭既鰻魚都幾肥美, 配埋豚肉, 超級大碗🤣定食仲包括和風湯, 泡菜, 仲有冷泡茶我就升級咗做白桃梳打, 下面仲有啲白桃肉, 飲落清新開胃😋另外我都叫咗咖喱牛肉丼, 日式咖喱甜甜地, 都幾足料, 牛肉肥瘦適中我都升級左做巨峰提子梳打特飲, 味道偏甜, 梳打好夠氣👍另外, 甜品仲可以任食, 有唔同口味嘅布甸同啫喱, 仲有紫米露, 我就揀左牛奶同芒果口味, 布甸口感幼滑, 味道幾出

以前好似係冬菇亭， 依家重新裝修過， 粉紅色小屋好靚又可以打卡， 有燒肉食同丼飯， 我地就揀左燒肉餐食， 叫左澳洲和牛定食200g , 包一個湯同飯， 和牛都有十幾件， 開始燒了， 油花幾靚， 油脂分布平均， 燒完食落去好juicy , 入口即化， 餸飯一流！ 另一個餐係米國黑毛和牛定食， 其實係美國和牛三角， 件數都係有十幾件， 肉比澳洲和牛厚實少少， 燒完都係好軟， 好易咬開， 肉質一樣juicy , 這款配埋鹽食更好食更夾。 除外， 哩個餐包外面一些小甜品， 有芒果布甸等等。 飲品方面就叫左白桃梳打、 百香果梳打。下次再嚟食過！

前排放學之後同朋友去大圍覓食，我地去咗一間燒肉店。雖然我地最後冇食燒肉，但佢啲丼飯都幾好味！我地一人叫咗個套餐，套餐包括丼飯、味增湯、泡菜以及甜品任食。芝士牛肉丼 $70丼飯面頭有滿滿嘅牛肉、紫菜同芝士醬，無論係飯定係牛肉份量都唔少，我食咗一半已經飽到食唔落！丼飯嘅醬汁甜甜地，食落有啲似燒汁，再加上牛肉汁，好適合送飯！鰻魚雞肉丼 $92丼飯面頭有大大塊鰻魚同埋雞肉，食完一樣超飽！雞肉滑嫩，而且甜甜地，我同朋友都食唔停口！鰻魚上嘅鰻魚汁都好惹味～

燒肉控又出動! 估唔到喺大圍美林邨挖到寶，係勁抵食又水準以上嘅燒肉定食!! 牛舌定食 $98/200g + 米國黑毛和牛定食 $218/200g 係我地呢晚嘅選擇牛舌係我同老公最愛嘅厚切type，食落好爽口，好驚喜好高質!!米國(=美國)黑毛和牛都好好食呢，油花夠牛香又夠! 各200g真係份量超多，食得好滿足好開心呀~~~燒肉定食套餐仲包括:和風湯 (麵豉湯裡面有我好喜歡嘅白蘿蔔! 仲有豆腐做湯料~~唔係D hea麵豉湯)沙律or泡菜日式冷麵or珍珠飯 (+$6升級紫菜飯) 加D燒肉汁喺紫菜飯，配肉食好好食，my fav combination!甜品 (任食~~~!)我哋仲加埋梳打特飲，食燒肉一定要有嘢飲！老公表示，如果屋企樓下都有間就好啦~~ 一定會瘋狂encore牛舌定食! 如果揸車去食都好方便，可以泊喺美林邨時租停車場，行5分鐘就到餐廳。

咁多間燒肉餐廳，我今日要同大家講下米子燒肉家！真係一間好正嘅地方！我特登嚟試咗佢哋嘅澳洲盛合燒肉定食同米國黑毛和牛定食，絕對係值得推薦嘅食物！首先，澳洲盛合燒肉定食，真係叫人驚喜！佢哋嘅牛肉極新鮮，仲三款部位提供。肉無醃，直接上燒烤架，燒到香噴噴，肉質鮮嫩多汁。配埋啲醬汁同埋泡菜，真係開胃又滿足！如果你鍾意食高級啲嘅牛肉，米國黑毛和牛定食絕對係一個更佳選擇！牛肉嘅質感真係細緻得，。一咬入口，肉汁四溢，嘅味道真係好濃郁。配上米飯同啲小菜，真係超食！米子燒肉家嘅食物價錢都好合理，真係性價比高！絕對好過去食劣質韓燒。