米子

營業中

休息中

Megabox呢間米紙，開舖位置唔明顯，就算我知有呢間野，成日都要搵佢，所以客人數量亦唔會話好多，今次假日去都唔洗等位！今次叫左軟殼蟹菠蘿海鮮炒飯，佢料多味道都好味！唯一唔好係隻軟殼蟹得大概1/3-1/4隻，呢個位有d失望！另一個餐係春卷札肉凍檬！味道好味！春卷更加好味，不過得2舊野飲係芒果薄荷青檸冰！呢個都值得一試環境乾淨舒適，唔會太迫價錢亦算合理！值得推介

今晚2個人食晚飯叫左3樣野食如下：1. 生牛肉湯河粉牛肉湯好味道，但牛肉太硬太靭。負評，個靈魂主角都搞到咁。sosad2. 蝦餅撈檬粉味道正常，蝦餅新鮮熱辣。同出邊一般既檬粉同準差唔多，唔會話非常突出。3. 豬頸肉青咖哩 配蒜蓉包青咖哩較稀 但味道都足夠蒜蓉包好新鮮，好好味又脆，配青咖哩一流。飲品就係粒粒芒椰 :由益力多，西米，椰汁冰同芒果組成，味道幾好但偏淡。d 西米一撈埋成杯野就變硬曬😂 所以千期唔好咁做。埋單價錢$295 都算ok.

趕睇戲，諗住求其吃啦！點知吃著好西😆lucky me🤓認真平民美食！抵食指數爆五粒星啊🌟大推🙌經開真係可以一試！🥢安南肉燥粉皮生菜包$72呢個對於食開BB辣人士來講，不要太友好😝平時啲都辣到吃唔到🥹飽都吃清碟🉐🥢炭燒香茅豬扒湯檬$66呢個豬扒真係滿分💯厚切豬扒，好香豬扒肉汁✨一口下去🤩大愛🤤湯檬份量亦不少！湯底仲好好飲，仲有好淋嘅蘿蔔👍🥢柚子燒雞沙律$84燒雞亦不錯！柚子沙律辣辣地很是開胃又健康🫰🍹三色冰$28平時叫嘢飲最怕太甜！呢杯甜度適中～等嘢食嗰時，都飲咗半杯😂呢餐真係吃到好飽🤣🧃火龍果汁$32健康之選👍本來以為係紅肉火龍果，原來係白肉，搶朋友的飲幾啖😀飲品方面都pass✔️無伏！📍米子 九龍灣宏照道38號MegaBox 8樓3號舖

【觀塘區】【米子】呢排比較少去九龍灣，不過咁啱去嗰邊做嘢，順便食埋嘢。不過我做嘢嗰座大廈冇食堂，所以都係要行返去 Mega Box 嗰邊食，無嘢嘅，反正平時都比較少機會喺呢個商場食嘢，今次咪好似一個探索新大陸嘅機會咁，有何不可？不過呢個商場感覺就係啲親子樂園咁，餐廳都好似係啲適合多人共聚嘅。但係奇怪嘅係，叫我講我霎時間又噏唔出有咩餐廳，或者有咩啱食咁，幾得意。然而，唔適合嘅話都冇辦法，所謂「勉強無幸福」，有啲嘢真係逼唔嚟。經過呢間「Commm」，越南菜我不嬲麻麻，但係我見佢好似幾適合一人用膳咁，就入去喇。入去由講自己一位去到叫嘢食都係同一位侍應，最大嘅特點係佢只係點頭同做嘢，佢係一粒聲都冇出過嘅，可能係聾啞人士都未定。我叫咗下午茶湯粉嘅「火車頭河粉」，有牛肉、牛筋腩、牛柏葉、魚蛋等配料，味道都唔錯，份量上以下午茶嚟講算多，唔使加 $22 轉超級大碗。套餐加 $30 配嘅「香茅單骨雞翼」好一般，而加 $8 嘅「青檸檬梳打」就正常。食嗰時發現佢漏咗個雞翼，問侍應先發現原來佢識講嘢，都答到我雞翼要整五六分鐘，算數。原來間嘢仲有個中文名細細粒字寫住「米子」，不過我冇試佢啲米紙卷，可能好食都未定

下午茶很久沒有吃過越南菜，這間越南菜之前試過也不錯，今天再來試一試。下午茶的選擇很多，有生牛肉河、海南雞飯、鮮茄牛腩飯、招牌三寶飯有豬頸肉，扎肉蒸蛋，馬拉盞豬頸肉炒米粉等等火車頭河粉材料很多，每樣餸菜也很好吃。湯底做得夠濃，但不會是過份鹹的那一種，河粉滑溜溜，不會過冧生牛肉河不是每間越南餐廳也做得好，不過這間越南餐廳的牛肉質素不錯，而且烹調技巧高超。牛肉處於半熟狀態，正是最好味的一刻。上枱已經聞到牛肉味，香噴噴，而且牛肉大大塊，很有滿足感。下午茶包了飲品，但加$8有特色飲品，青🍋梳打、鹹檸七一定要下次試試！

河內燒春雞釀香茅黃薑飯 即叫即燒，要等大概25分鐘。皮脆，肉正常，飯有點濕，沒有甚麼香味。牛油果芒果軟殼蟹米紙卷有六件，味道普通。軟殼蟹細件，米紙卷入面包左姜片，啲姜有啲搶味，唔喜歡姜的人要夾走左佢先好食

同行朋友去九龍灣Megabox行街, 朋友晚餐想食東南亞食物, 行到8樓見到「米子」餐廳, 睇左餐牌, 正合心意, 於是就入座啦(不用等位).一坐下就叫了一客青𠸏厘雞, 一份薄餅, 串燒4串, 店員說可以豬和雞各兩串, 於是我叫左, 仲叫了一客馬拉盞炒通菜和兩杯飲品。青𠸏厘雞, 味道還可以, 一般而已, 但薄餅很快就來到了, 等了15-20分鐘先青𠸏厘雞, 薄餅已凍了, 幸好青𠸏厘汁仍熱, 尚可以接受, 但如果兩樣食品同時來, 就更加好了, 咁薄餅就不會變硬啦! 最想講既是串燒豬, 一咬下去, 很多肥油, 通常串燒豬是食肉偏瘦, 不會是肥淋淋的, 落單時, 冇講這食店的串燒豬是用豬頸肉, 不是豬肉, 到我埋單時, 先見到是豬頸肉, 就即刻同店員說, 點解落單時不說串燒是豬頸肉, 因為我和朋友都不食豬頸肉的, 怪不得食時口感覺得怪怪, 又多肥油, 知道是豬頸肉之後, 就有一種想嘔既感覺, 可能是幻覺, 心仍記住果種味道。總括來說,這食店食物和服務普遍只是一般 , 幫不幫襯就識除尊便.本人就不會再幫襯了。

Hi 👋🏻 大家好～我係食物小黑洞，我嘅正職係食盡全世界嘅餐廳，讓食物帶給你一些正能量😋今日行九龍灣MegaBox，就食咗個快速午餐，比大家睇下啦～～1. 扎肉海南雞河粉清清的雞湯味，雞肉味重，而又雪藏味～檬粉正常，湯夠熱～不錯價錢：$68好味程度：😋😋😋/5個滿分價錢抵食度：💰💰💰/5個滿分整體感覺：❤️❤️❤️/5個滿分推介程度：👍🏻👍🏻👍🏻/5個滿分——————————————————————2. 辣椒膏虎蝦炒越南粉絲味道濃，帶有濃濃的越南風味，粉絲口感煙韌，炒得夠均勻，味道調配適中。有2隻虎蝦，蝦尚算大隻（似呢個價錢嚟講），可惜，蝦層的炸粉太厚，如果，唔用炸粉，可能更好。價錢：$78好味程度：😋😋😋/5個滿分價錢抵食度：💰💰💰/5個滿分整體感覺：❤️❤️❤️❤️/5個滿分推介程度：👍🏻👍🏻👍🏻👍🏻/5個滿分——————————————————————餐廳整體感覺：整體似價錢平均的話，質素不錯，食物夠熱，絕對係一個賣點，服務態度尚可，會主動提供清水，行過絕對可以一試😊✏️餐廳名稱：米子電話：23590117地址：九龍灣宏照道38號MegaBox 8樓3號舖#米子#九龍灣MegaBox#越南菜#扎

叫左兩個椰青 都好清甜 椰肉滑唔老馬拉盞炒通菜好惹味 我地都食唔停 師傅炒得好好 生牛河都好食 整體好滿意 服務態度都好都黎左好多次 水準都keep到 見佢換左新餐牌 感覺企理左好多

上次行下街，是旦搵啲野食，揀咗依間，佢個豬扒撈檬塊扒，成塊都喺淨肥肉，舊舊都喺咁，搵到塊咁肥嘅嚟整都幾難。味道喺唔差，似叉燒陣味環境啲燈光勁黑服務唔差仲叫咗個雞湯河，咸過頭。下次肯定唔會再去

打工仔放lunch諗住去食越南野，都不求好食但求正常12點16分落單，12點50分先有得拎走，仲要4個餐有1個同你講仲未整！咁lunch hour都就過，未整就cancel退錢啦，點知店員話冇得退錢，一定要等，一係就遲啲去拎！大佬呀食飯有限時架，你成日都未整到係咪就要等到晚飯食呀！攪到冇食到lunch，仲要放工去拎！簡直係不可理喻嘅餐廳！講真撈檬粉同河粉有冇咁難整要30分鐘先整到出嚟！拋開等候時間而言，食物質素都簡直係垃圾份量少得可憐，一個女仔嘅肚都填唔飽仲要炭燒豬扒冰鮮味勁重，又涷冰冰，又實，仲要係燶到真係好似食炭咁啊！食到中間仲要有啲莫名其妙嘅螢光點！未食過咁差嘅餐廳，千祈唔好幫襯！！！

夏天那麼熱，下午想吃一下越南野，轉一下口味，同事叫了火車頭河粉，份量不少幾大碗有牛肉、牛丸、牛柏葉、牛腩等、湯底不錯，加了大量蔥花，河粉很爽，滿滿的餸菜和河粉浸在濃濃的湯底之中，十分可口，大滿足😍黃咖喱雞飯也做得不錯，咖喱汁很惹味，而且加了很多洋蔥，雞件的份量也不少，雞件又嫩又滑配以咖喱汁很開胃。雖然是下午茶但碗飯的份量也，很多簡直是下午茶價錢午餐的份量。下午茶包了熱飲，凍飲加$3，也可以加$8升級特飲例如青檸檬梳打、鹹檸七等。套餐還可以加配小食例如酸辣無骨鳳爪、柚子𧎚律。

2022-07-06同女朋友去megabox睇傢俬🛋行到八樓見到間越菜餐廳米子🇻🇳就試吓依間越菜😀平日晚餐時段，餐廳唔算多客人👨‍👨‍👧‍👦店員安排我哋坐四人座圓枱，非常闊落，坐得舒服😀我哋點了，辣椒膏虎蝦炒越南粉絲，78蚊碟，店員話無哂粉絲，要轉金邊粉，份量好大碟，有兩大隻虎蝦，兩隻蝦都炸過，金邊粉炒得好惹味，不過就唔算辣，金邊粉炒得好油，食到成口油，但真係好好食，味道好似營多撈麵🦐🦐炭燒沙爹雞肉串，70蚊四串，令外送一串燒菠蘿，這可令雞肉更嫰滑多汁，再加上餐廳調的沙嗲沾醬，超惹味，一串接一串。雞串絕對是好選擇，送嘅燒菠蘿香甜，入口超多汁🍍🍍大頭蝦冬蔭功湯，86蚊鍋，酸辣的味道，有大量香茅，兩隻大頭蝦，我哋每人大約飲咗兩碗，不算太辣味道不錯🥣🥣整體環境幾好，坐得舒服，座位之間有好多空間，店員服務幾好，食物方面幾好食，會再去試吓其他食物☺️☺️#米子#辣椒膏虎蝦炒越南粉絲#炭燒沙爹雞肉串#大頭蝦冬蔭功湯

好耐無食越南野🇻🇳，去開megabox見呢間唔使排隊就入去試下晚市時間人又唔算好多，環境唔算好靚，不過估唔到食物又唔差。▪️魷魚粒炸蝦丸 ($68)新鮮熱辣，一炸起超香超好食😋▪️炭燒香草豬頸肉 (84)份量都唔算少，幾香口，肉質幾爽口，同埋其實本身都幾夠味，唔點個汁都已經好食▪️辣椒膏虎蝦炒越南粉絲 ($78)好大碟！有兩大隻虎蝦，好惹味，連蝦頭都好好食，不過就唔算辣，粉絲炒得唔錯▪️馬拉盞炒蓮藕苗 ($72)第一次食，老實講我就麻麻地，口感同蓮藕完全唔同😂不過隔離果個又食得幾滋味好似唔係叫咗好多嘢食，但係每碟份量都唔少，呢個價錢黎講算係咁

好耐冇嚟過九龍灣，所以嚟到呢度之後，都唔知食咩好，所以去到邊一塵見到有咩食就入咗去試一試啦。.我哋就兩個人嘅嗌咗：1. 清炒蓮藕苗2. 扎肉海南雞湯河3. 豬扒湯河.首先我要懺悔一下，因為我完全唔記得咗影豬扒湯河，就已經開咗餐🤣。。所以豬扒湯河係冇相嘅。.首先推薦講咗個清炒蓮藕苗先，蓮藕苗比我想像中香脆，咬落去因為中間同窿，有啲似通菜嘅感覺，可以有掛汁嘅效果，成餐飯最surprise就係呢個餸，推薦。.扎肉海南雞湯河，湯河比較偏少份量，扎肉得兩片薄薄地，海南雞偏油肥，雞肉尚算嫩口。.相對起海南雞湯河，豬扒湯河個感覺就會比較濃郁，當然湯河嘅份量都係偏小，但係豬扒嘅數量就正常。.成餐飯不過不失，份量真係比較偏小，如果女仔就會比較好，男仔可能就唔夠飽啦。