米炊 (國際金融中心商場)

營業中

休息中

IFC 的米炊，午餐時候通常都比較多人，可能要排隊。今日咁啱約朋友晚餐時間來，好彩不用等位，可以試試他們的招牌日式旋風蛋包飯。🥚餐廳以日式木系設計，充滿文青感，座位舒適。蛋包飯類型甚多，而且可以自己選擇飯的品種和醬汁的種類，適合不同人的口味。我們兩人點了烤無激素走地雞肉蛋包飯🐣配鮮蕃茄汁🍅、烤特上安格斯牛腰柳北海道帶子蛋包飯配日式咖哩汁🐮和綠茶窩夫伴雪糕🍵。一上碟就令我非常驚喜，因為蛋包飯的賣相和餐牌照片相比還原度甚高。望著金黃的旋風蛋包飯，未吃已經有滿滿的幸福感。😍烤無激素走地雞肉蛋包飯配鮮蕃茄汁 HK$148🐣雞肉肉質嫩滑，雞蛋入口即融。白飯香甜有米香，配上蕃茄汁非常醒胃。值得一讚的是，除了雞肉外，還有季節野菜，所以比較健康。🥦烤特上安格斯牛腰柳北海度帶子蛋包飯配日式咖喱汁 HK$168🐮牛腰柳肉質鮮嫩，帶子鮮甜味美。日式咖喱香而不辣，與蛋包飯非常匹配。綠茶窩夫伴雪糕 HK$108🍧窩夫香脆，隨碟附上綠茶醬，可自由調節綠茶醬的分量。加上香濃的綠茶雪糕，香甜的紅豆和煙韌厥餅，口感豐富。👍終結，顏值甚高的日式旋風蛋包飯打卡一流，值得一試。😋😋😋

平時食完飯都好少會打食評，今次真係睇唔過眼要提醒大家😮‍💨我哋兩個人食，叫咗兩個主菜加一杯嘢飲🍴香焦鱸魚配奶油蘑菇汁 $178🍴唔知點解個皮煎完出嚟可以唔脆，然後啲肉又散又鞋😮‍💨講真鱸魚好難整得唔好食，好難得地佢哋成功咗😞一嚟到試吓個白汁先，哇！完全係勾起中學嘅回憶😂個白汁係同中學啲飯盒一樣咁難食，講真罐頭忌廉湯都好食過佢…佢係啲冇味嘅芡汁😟仲有佢啲飯係唔熱㗎！🍴芝士咖喱漢堡配旋風蛋包飯 $198🍴成碟飯最好食嘅就係啲蛋，真係幾唔錯🍳個咖喱比想像中辣，但係又有啲甜喎，所以加埋一齊有啲唔夾，Coco仲好食過佢⋯⋯漢堡扒要兩隻肉加埋一齊先好食，但係佢應該剩係得牛，所以食落去好鞋🙁🥤特濃焙茶沙冰配埋麻糬 $88🥤杯嘢飲冇特登影相😂舊麻糬同埋啲紅豆係okay嘅～但係唔知點解個沙冰可以完全唔甜⋯⋯正常沙冰都需要加糖吧，佢就唔係就咁冇加糖嘅焙茶加冰..所以成餐飯佢已經算最好⋯⋯但都唔係好好😟然後兩個人埋單咁就要成$500 …好失意😟放工諗住開開心心食餐飯，點知俾咗$500都買唔到個開心😮‍💨

之前喺K11 art mall有見過佢個分店，最近好似起啟德airside開多一間主打咖喱蛋包飯最好係唔太食咖喱人士都有其他選擇，款式配搭好多🤩咩肉類都有 (當然唔少得素食)▶️ 烤無激素走地雞肉 ($138)主食可選北海道七星夢美人米或日本十六穀米醬汁都可以自由選擇：日式咖喱／鮮蕃茄汁／蘋果燒汁／奶油蘑菇汁仲有健康嘅季節蔬菜雞扒比想像大份😍烤到邊位焦焦地脆口用上新鮮靚雞扒，肉質嫩滑，有適量油脂以鎖住肉汁🐔好味日本十六穀米飯粒肥嘟嘟🍚有咬口同質感，特別鍾意啲穀物同紫米見蘋果燒汁夠特別而揀嘅🍎雖然冇蘋果味，但味道鹹中帶酸甜，入面仲有焦糖化咗嘅洋蔥🧅餸飯同雞扒食好正稀杰度、濃度同份量都適中季節蔬菜有西蘭花、椰菜花、蓮藕片、車厘茄，齋烚但唔會好生，反而清脆爽口🥦健康又美味▶️ 烤特上安格斯牛腰柳日式咖喱旋風蛋包飯 ($158)旋風蛋整得好靚，望落濕潤有層次🥚咖喱帶辛辣 (唔食得辣唔建議叫)，充滿和風味道🥘特上安格斯牛腰柳有驚喜，俾足料之餘食材靚肉質超級軟腍，一啲筋同肥膏都冇😯仲好有牛味🐂▶️ 蜜桃薑茶🍵跟餐飲品，杯底見到蜜桃渣，真材實料唔甜，茶味溫和，尾部帶少少薑嘅辛味，幾特別-比預期好味，最主要

lunch time在IFC等了30分鐘，果然沒令人失望聽說《米炊》自家製日式 咖哩蛋包飯🌶️香辛並重、辣得有層次🥚旋風蛋滑溜、蛋味濃郁仲可以免費加配 🍅鮮蕃茄汁 / 奶油蘑菇汁🍄我們點了烤特上安格斯牛腰柳咖哩蛋包飯烤特上1吋牛脷咖哩蛋包飯蛋味香濃的蘭王蛋以半熟滑溜旋風形狀展現輕柔地覆蓋着粒粒飽滿嘅日本米飯光看著已流口水加上《米炊》自家秘製日式咖哩我點了小辣，其實咖哩香得來又點甜，很下飯牛方面：外焦香內 Juicy 豐富肉汁而且對女仔來說，份量很充足順帶一提，米方面這裡有三種日本米，供選擇北海道夢美人米北海道七星米日本十六穀米北海道 #夢美人米結合北海道農夫對「夢」與「美」的追求而誕生連續 11 年獲評為日本最高級別的「特A」米黏度十足，柔軟香甜，充滿光澤北海道 #七星米連續 12 年獲評為日本最高級別的「特A」米甜度・光澤度・黏度・香氣・軟硬度，恰到好處放涼後仍保持美味日本 #十六穀米只使用日本國內產的雜穀以黃金比例調配，營養、滋味、美感兼備輕易攝取食物纖維、維他命、鈣、鉀、鐵、GABA、礦物質等現代人缺乏的營養素口感軟糯味鮮，米飯中因有含花青素的黑米，烹煮後呈紫色，為餐桌增添色彩

睇menu見好似幾吸引，價錢喺IFC嚟講算比較相宜，餐廳都頗多人，以為會有一定保證，點知大錯特錯首先，侍應見我推住BB車，第一時間問我BB車可唔可以摺起，我反問返佢哋有無BB櫈，而佢哋無。我嘅BB得9個月，最後侍應安排我哋坐餐廳較入嘅位置，旁邊可以安放BB車，安排妥當。我老公剛收工，想快速睇menu落單然後去廁所，點知有個短頭髮女侍應行過嚟用命令式嘅語氣叫佢坐低。我老公解釋準備落完單去廁所，個侍應就走咗去。落完單上菜，佢就咁將碟嘢放低，乜都無講。另一碟係另一位男侍應上菜，佢有禮貌好多，我哋問返佢先知邊碟打邊碟。咖哩飯就非常普通，啲肉都無乜特別。總括而言，完全唔明點解咁多人食呢間”西”餐廳。食到嬲爆爆無影相，附上一張bb車位置嘅圖證明所言非虛。

第一次嚟IFC呢間食蛋包飯嘅餐廳。經過出面見到餐廳名同埋蛋包飯嘅相片，就已經知道係一間日式嘅餐廳。入面裝修有簡單嘅日式風格。因為我係一個人用膳，所以安排坐喺吧枱位置。見到Menu, 個蛋係非常之靚同吸引👍我叫左烤自家淺熟成安格斯西冷扒日式咖喱旋風蛋包飯。誇張講一句。。真係好好味呀！！👍😋雞蛋好滑，咖喱味道好好，送飯一流👍我另外叫咗一杯飲品，佢嘅冰粒非常有心思。冰粒入面係有朵花瓣，非常靚😍所以我非常推介呢一間餐廳嘅食物同飲品。服務都好好。相信我會再嚟。

我個日lunch time 早小小（大概11:58）入去話一位，某位女侍應即刻黑面大嗌 「60分鐘啊！」（60分鐘咪60分鐘，咁大聲做乜？）我話OK，跟住指我埋位話 「依家開始計啊！」我依家參加亞運會啊？計時比賽？d 咁嘅服務態度待客之道真的不敢恭維，去茶餐廳都不會遇到如此的對待。我位這位無家教，無禮貌的侍應感到心痛，她這樣的做人做事態度只會在人生的道路上遇上更多的阻礙，不論是人為或遭天譴，我會為依位女侍應祈禱，咁樣的人恐怕下場不會太好。🙏😭😭

恕我孤陋寡聞，牛肉漢堡扒切開係白色嘅肉，食落完全冇牛肉味，肉質同牛肉完全唔一樣，確定唔係用豬肉濫竽充數？再次攞本菜單確認冇豬肉漢堡扒，收據顯示冇落錯單，確認過店員佢係牛肉漢堡扒，仲問我有乜問題，寫住係牛肉漢堡扒。唔通我order 嘅時候冇睇到係牛肉漢堡扒而家先黎質疑佢？雖然呢間餐廳價錢唔係收得好貴，我都唔係期待去用和牛做漢堡扒俾我食，亦唔評價味道如何，但駛唔駛俾啲連牛肉味都冇，或者係無論望落抑或是食落都完全唔似牛肉嘅「牛肉漢堡扒」咁嘅質素嘅食材大家啊？如果店家嫌新鮮牛肉入貨價貴嘅話可以加價，但唔好上啲貨不對辦嘅嘢ok?食咗少少食唔落，下午個胃唔舒服咗成個下晝，肚屙又想嘔。係唔係牛肉唔知，不過食材唔新鮮就係一定了！建議食環署應該check check.本來覺得呢間出品還唔錯，而家越做越差，唔會再幫襯，直接打入黑名單，大家小心中伏！

中午做嘢無食lunch, 難得嚟到IFC又過咗lunch time，終於食到蛋包飯！睇到餐牌花多眼亂，樣樣都想食，不過難得第一次，當然食返個勁嘢啦！烤自家淺熟成安格斯西冷扒$238叫咁5成熟，扒非常之Juicy，加埋非常滑嘅蛋相當夾，唯一敗筆上菜時間比較耐（應該係午餐後時段唔夠人），所以出咗菜未有即時上，無熱辣辣感覺飲品方便，唔好貪特別揀d怪名，朋友叫咗杯，感覺就怪怪的，而我就叫咗咖啡。總結下次一定會再嚟，試下其他款😚

我今日同我老婆去ABC餐廳食飯，但係我哋嘅經驗好唔愉快。首先，當我哋坐低準備點菜嗰陣時，我老婆想點嘅吉列蝦話冇曬，然後個侍應喺少於五秒內就行開，叫我諗下先，最基本其實餐廳無哂某樣食物係唔係應該帶我地坐底前就講？如果餐廳人多，我可以理解，但係當時係星期日下晝，餐廳入面少過十台，連嘢飲都未落單就走開咗。之後，我見到佢行去門口站住，唔知係做緊咩。等嘢食嚟嘅時候，我哋發現佢哋落錯咗單，然後有個經理來問我哋而家係唔係要改。我同佢講唔係而家要改，係佢哋冇覆過單，所以落錯+上咗錯嘅食物。我完全冇諗到，喺呢一個地段，服務嘅質素可以差到咁。如果大家想挑戰自己嘅EQ，可以考慮嚟呢間餐廳，因為呢個價位嘅日式咖哩蛋包飯，市面上有大把更好嘅選擇。

最近IFC開左「米炊」估唔到咁多人黎食,打過幾次黎book位都試full booking,不過walk-in都有位既,但就要早小小黎攞位咁,食Lunch時間都幾多人等位🙈我地都揀左日式咖喱旋風蛋包飯,不過就走飯轉左野菜,係西蘭花同椰菜飯,冇諗過佢個賣相都會整到好似有飯咁,收埋啲菜係入面😂咖喱汁帶有好輕微既辣,醬汁唔會太多,但又唔會唔夠食,個蛋好滑身,幾好食😋《烤特上安格斯牛腰柳·特上一吋牛脷 $168》牛腰柳烤得幾淋身,係薄切既,食落都有啲咬口,牛脷最好食,好彈牙,推薦食牛脷👍🏻《炸橡果黑豚扒 +$38》炸豬扒都炸得幾好,好夠脆,炸粉又好薄,一啲都唔厚粉🤭呢個都值得一試!《烤自家淺熟成安格斯西冷扒 $238》西冷扒係原塊上,冇幫你切既,我地都覺得牛腰柳好食過西冷,西冷冇咩牛味🙈Lunch有包埋飲品,咖啡偏酸,唔係特別好飲!焙茶鮮奶既焙茶味就好淡,偏向奶多個種🙈可能因為繁忙時間又多人等位,真係用餐時間60分鐘就拎張單岀黎叫你埋單,印象分扣左少少🫢不過食物質素都中上既!米炊中環港景街1號國際金融中心2樓2016號舖[⭐️5分為滿分]味道⭐️⭐️⭐️⭐️環境⭐️⭐️⭐️⭐️服務⭐️⭐️⭐️價錢⭐️⭐️⭐️⭐️推薦⭐️⭐️⭐️⭐️

今日放lunch出面落大雨，就去左可以天橋去到嘅IFC到覓食🤰🏻🥩烤自家淺熟成特上安格斯牛腰柳（$168）配日本十六穀米，鮮蕃茄汁牛腰柳燒得好香好淋，咬落去好有咬口，就算放耐咗都唔會覺得un。而蛋包飯嘅蛋都好滑，一路撈住啲蛋汁同牛一齊食好開胃🥰反而都係要嚟撈飯嘅鮮蕃茄汁個人就認為有啲失色🫠雖然佢個蕃茄汁唔咩味精，食落唔頸渴，但係佢個味道比較淡，無咩蕃茄嘅甜甜酸酸開胃感🥲我偷偷試咗同事order嘅日式咖哩汁配同我一樣嘅餸，咖喱係甜甜地都有少少辣嘅咖喱，但又唔會太鹹，送飯一流！所以比較推介咖喱汁🥘

上星期嚟食晚飯, 咖哩牛舌飯及磨菇汁虎蝦大啡菇野菜都好食, 而且股務安排都算唔錯。今晚太太試磨菇汁豚頸肉飯餐配南瓜薯餅, 我就落左咖哩豚後肶肉飯, 結果食到一肚子氣。 六點五十五分落完單, 七點左右我已有得食, 食下等下, 去到七點十五分唔對路已停低唔食追問係咪漏單, 個侍應話排緊, 好快, 隔多七八分鐘再同佢投訴, 話比我哋後落單嘅都已經食緊, 佢先走去問下, 結果太太七點三十二分決定今晚餓死, 我就包埋半碟飯埋單走。你哋之後先講唔好意思, 我哋係冇咁扯火, 但下次想食我唯有叫外賣囉！

近排大熱既人氣蛋包飯店之一既米炊系中環同尖沙咀都有分店，基本上menu主要係有丼飯同埋日式蛋包飯，今次係平日lunch 時間去，排隊排左15-20分鐘左右就入得，如果唔想排隊可以網上或者電話book位。餐廳環境唔錯，座位舒適，逢星期一至五有set lunch，叫任何蛋包飯或者丼飯都可以有一杯免費飲品。1. 咖喱旋風蛋包飯-喱五 $168《⭐️⭐️⭐️⭐️》喱五係安格斯牛腰柳&牛脷，我地揀左日本16穀米同埋咖喱汁去配塔，牛腰柳烤得好香，有炭燒香味，又多有肉汁，可惜比較韌，而牛脷好厚切，肉質爽口唔會韌，口感唔錯❤️佢既旋風炒蛋係用蘭王蛋，蛋味濃郁，口感香滑，加埋辣中帶辛口嘅咖喱汁再配埋日本穀米，非常好食。2. 咖喱旋風蛋包飯-喱十三 $168《⭐️⭐️⭐️⭐️⭐️》喱十三係烤無激素走地雞&烤橡果黑豚扒，同樣配左日本16穀米同埋咖喱汁，烤雞同烤黑豚都意外地好食，甚至乎比牛柳更好食，黑豚肉質好淋，胡椒味唔算太重，有微微焦香，烤雞好juicy，肉質香嫩，亦都有炭烤既香味，非常好食😋*配菜有車厘茄、西蘭花、馬鈴薯、蓮藕片都非常出色

烤100%純牛肉手工漢堡扒蛋包飯 $188我覺得佢呢個蛋包飯對比起其他出面蛋包飯特別嘅原因係：佢可以自選所有嘢！Step 1: 揀你想食嘅飯: 有北海道七星夢美人米，日本16穀米，走返轉季節野菜Step 2: 揀你想食嘅配搭：我就揀咗漢堡扒！Step 3: 醬汁： 日式咖喱汁，鮮蕃茄汁同埋奶油蘑菇汁😋我今次就係揀咗北海道七星夢美人米再加手工漢堡扒同埋日式咖喱汁！本身以為佢嘅日式咖喱汁係好似嗰啲甜嘅咖喱🍛但係點知原來係辣辣哋🥲但係都係好食嘅！佢嘅份量都幾多漢堡扒份量超級足夠大大份❤️亦都唔會好實淨 都幾軟熟😋-其實呢間環境亦都好好裝修到好似真係日本嘅餐廳咁！係會食得好舒服上次去可能早咗啲就唔使排隊但係食食吓就見到出面好大條人龍了🥶-米炊 (國際金融中心) (中環)中環港景街1號國際金融中心2樓2016號舖