米炊 (國際金融中心商場)

營業中

休息中

中午order 外賣, 門外只有數位掛隊等入座, 門口接待果位短髮雙臂有纹身的員工態度累人黑面極寸點餐時顯得極不奈煩問多句都唔想回答(註: 我只係問一句," 係唔係全部午餐都只可以配飯?" )好像欠佢錢一樣，落完單佢話:  "你係出面等, 一陣有員工叫你" , 我行出門口唔夠10秒之後, 佢係門口拎住部咭機眼超超: "你係咪叫外賣? 呢度俾錢" ，其實, 整個落單前後十幾秒, 點解要人客行出行入? 重點係態度非常之差，品質也一般，蝦煎得過熟，帶子卻還帶有燶的味道。位於 IFC mall ，門外有濃烈油煙味，價值$158-$258一份午餐, 不算便宜的消費，咁質素真是令人失望。部份香港食店的服務質素, 影響香港聲譽

中午時到，餐廳明顯不忙，煩忙時間仍有三分之一空枱，已有點點不詳預感，但很想吃漢堡扒，惟有膽粗粗搏一搏。果然中伏。首先那位雙臂有纹身的員工態度極為傲慢，點餐時顯得極不奈煩，讓人感到不悅，真是令人失望。食物的品質也一般，漢堡煎得過熟，帶子卻還帶有冰冷的味道。咖喱的口味也不理想，只吃到辣味，但缺乏香氣，連Coco的水準也不如。整體用餐體驗讓人失望，食物的品質與期待相差甚遠。這樣的表現讓我對這家店產生了質疑，不會再來光顧。希望他們能改進菜品，提供更好的服務。

估吾到ifc商場會有食物同野食質素咁差既鋪頭 態度差野食好食都算 重要野食方面係燶既！！！差唔多二百叫左個咖哩牛脷蛋包飯 有4分3係燶邊既 要切開哂燶既位先食到。。。。重要俾我聽到員工問便服女職員(疑似經理) : 你覺得咁樣出吾出得？ 該女職員話 : ok呀 照出然後俾我見到粒燶左一半既芝士菇俾隔離枱。。。。請問係用咩心態覺得可以照出俾客人食。。。。希望公司可以改善職員對食物質素審視既態度亦都改善下食物既質素。。。。

30/9，趕時間，明知服務態度唔好，俾多次機會佢！叫咗杯凍咖啡，想試吓，怎知真係唔掂！杯咖啡用細玻璃杯🥃，重要係混濁的黑色，又冇俾糖漿同奶，好難飲，幾十蚊一杯都唔平啦，未飲過咁難飲嘅凍咖啡！食物都ok嘅，熱啲會好啲，在ifc 食飯價錢算合理！唔明點解員工態度要咁差，係咪特登想等人去體驗一下咩叫做服務態度差呢？真係唔明！已經咁多評語話佢唔好，點解唔改善，咁奇怪！去太古城的Kometaki試過，服務態度好好多，可以一試！IFC 的一定要善啊！

烤特上M4和牛腰柳份量其實啱啱好，最初見到咖喱，以為係嗰啲普通pack pack嗰種，但食落去真係幾驚喜，味道香濃，帶有一啲微辣。牛腰柳唔韌，咬落去滑嫩，搭配咖喱飯真係好味。不過，對於一碗咖喱飯來講，價錢真係有啲貴，可能唔係每個人都負擔得起，但味道確實值得一試！

睇返大家嘅comment都指呢間鋪嘅職員態度差，特別係中性打扮嗰位女職員，明明間鋪唔多人，我哋有8個人，我行入去同佢講8位，目測都睇到起碼一半吉枱，但阿女職員即時手指指無乜禮貌咁叫我哋出返去等🙄 我哋出返去，其實都想走，跟住個女職員出到嚟第一句就話「我哋規定小朋友都要俾錢㗎喎，佢都要嗌一個餐最少$138！」 佢係指住坐喺bb車上面1歲嗰個小朋友🤷🏼‍♀️ 其實有最低消費我哋無問題，但問題係態度真係好差，有咁多comment 都指出過呢個問題，但管理層都唔理，真係無謂貼錢買難受囉！

非常難食！未試過有一塊和牛漢堡可以又乾又硬，可以掟死狗，朋友形容食物仍是冷的，食物冇溫度，職員冇待客之態度，又冇禮貎，又冇笑容，性價比完全失衡~真的非常失望，願餐廳多加注意。

早前因為堂食人流太多，我只好選擇外賣，那時遇到一位態度唔友善嘅女侍應，可能係因為太多人令佢燥底。今日又遇上嗰位女侍應，我係第一個入去，冇其他客，但態度仍然惡劣。我第一個點餐，點咗芝士漢堡蛋飯、炸豬扒同熱花茶，但食物等咗超過20分鐘🤯。咖喱汁微辣偏甜，味道可接受。漢堡外面好硬，裏面好乾，好難切，仲有啲燶味。炸豬扒炸到太乾，但味道還可。其他配菜就普通冇特別。埋單時連服務費要$226，實在令人失望，根本唔值。P.S. 我11:30第一個入座，個手袋籃裡有紙巾，證明呢樣嘢至少琴日已經喺度。

我常常經過這家店，但今天晚上是第一次光顧，亦是最後一次。今天客人不多，然而我看到其他比我遲來和遲點餐的顧客都俾我先得到他們的餐點，也許不同食物需要不同時間製作，我尚且能嘗試理解。惟最令我生氣的是我的餐點竟然拿去給別人了，那張桌的客人交談又比較多。他們談了一會後才發現那不是他們點的，店員回收那盤食物站到一邊檢查訂單後又放到我桌上，感覺我整頓飯就是一直在吃別人的口水，滿噁心。坦白說食物質素很一般，接近$300換取香港地道茶餐廳檔次的體驗，地點則是IFC - 香港最高檔次的商場之一。是否值得見仁見智，而我就肯定不會再光顧。

最近三個月內食過兩次，都係星期日放左工既下奏。人唔多，對住放午飯既餐廳職員食，格外愜意。第一次食燒牛腰柳帶子蛋包飯，肉同帶子燒得好香，日本米配上辛辣咖喱，另外有配菜如小蕃茄，可口滿足，口感rich第二次食無激素雞扒蛋包飯，燒得好香，係燶左啲，如果拿捏到燒得香又唔燶就更好。飲蝶豆花玫瑰花茶，呢個好有花香，印象中係$68一壺可以加熱水，值得飲適合大胃口，價錢少少貴但我認為物有所值。星期日下奏估計通常無需等位。呢張是第二次雞扒，影得蒙左啲。

餐廳主打牛肉、 漢堡扒咖喱蛋包飯 。第一次食， 感覺可一不可再 。牛肉韌過橡筋！醃料超鹹，重點係非常多味精。如果對食物有基本要求，真係唔會再食第二次 ！ 餐廳食物質素，有極之大空間去改善！一間餐廳有冇質素？可以喺lunch時間試吓，一試就知龍與鳳！餐廳廚房約不再提高處理食物方式，強烈建議閂門🙏🏻 無心製作之餚，為最不尊重食客也！話緊俾人聽，就算整得幾難食都會有人再幫襯！🤷🏼‍♀️🤷🏼‍♀️❌

蛋7) 牛柳腰 + 帶子 旋風炒蛋飯配日式咖喱汁 $168如果想喺Lunch time 食到米炊嘅話記得早少少去等位，中午通常都比較多人，錯過咗第一個時段，等候時間可能相對會耐啲。每張枱限時60分鐘，店員好快就會催促要落單，時間一夠就會即刻叫你埋單走人，要有少少心理準備食得比較趕，如果想同朋友坐耐啲傾吓偈，就未必係好好嘅選擇。今次選擇咗牛柳腰同帶子嘅配搭，牛柳腰煎得幾香口，帶子夠哂大大粒，旋風蛋係視覺同味覺嘅享受，雞蛋咬落去好有層次感，咖喱汁香辣惹味撈埋蛋同牛柳一齊食好滿足，但係如果可以再多啲咖喱汁就更理想🙈

見佢寫3:45係落場時間，於是今日下午2:45入座。我哋兩個人食，叫咗兩碟飯，落咗單之後等咗15分鐘，發現廚房入邊嘅員工出咗嚟食飯，有啲仲食緊麥當勞，淨係得返一個侍應招呼現場嘅三枱客，過咗25分鐘，其中一個客人忍唔住出聲話趕時間要走，個侍應好慘咁一個人頂住個場，仲要幫佢取消一碟飯嘅單，而我哋就等咗半個鐘，個侍應又走來斟水講唔好意思，喺度食緊飯嘅員工仲繼續撩牙玩電話，無返入廚房做嘢，等咗35分鐘，終於都有飯食。其實最大問題係佢哋有落場時間，但係佢哋唔喺落場時間食飯，都唔緊要，都分吓頭尾圍食飯，留返一半人年人喺廚房做吓嘢。分工安排實在有待改善，希望餐廳可以改良吓。

ifc打工人千祈唔好錯過嘅蛋包飯! 新鮮牛肉漢堡扒同埋口感豐富嘅蛋花豐富menu 環境幾靚人均hkd150-250呢間鋪頭位於ifc商場內，近香港地鐵站，好容易揾到。主推旋風蛋包飯。今次試咗蛋八 純牛肉手工漢堡扒，搭配雜菜。醬汁可以揀選中辛咖喱汁（覺得差唔多中辣水平，唔中意辣建議揀其他 辣度有d影響蛋包飯口感），番茄汁，蘋果燒汁同埋奶油蘑菇汁。牛肉漢堡扒好新鮮!旋風蛋花幾好睇，視覺同埋味覺都好有層次感，唔洗醬汁，蛋花同白飯一齊幾好味，蛋液充足! 雜菜藕片口感很脆。除左蛋包飯，仲可以單點牛扒，豬扒，魚柳，鴨胸肉等。飲品好貴所以今次未揀選。仲有好多小菜，menu好豐富!pat. 呢間鋪頭環境好適合影相!坐靠近窗邊位仲可以睇到夜景，店內環境很ok!同其他蛋包飯餐廳相比，呢間鋪頭小貴，但處於IFC國際金融中心，對於打工人或者行街來講真係午餐或者約會好去處!

久不久去IFC都會嚟幫襯味道質素都維持住差唔多咁樣嘅水準一直都無特別想寫食評直到今次點嘅飲品，甜到除咗汽水味我完全飲唔到Earl Grey ？ Oolong？ 只係$88 order咗杯有花嘅汽水咁都算後加雞腎&雞肝Well～個雞肝等到Staff拎張單嚟都未見到一問之下話整梗跟住又話賣哂賣哂依家先知嘅？Staff答係同事漏orderOK⋯人總有錯漏依刻都未到我想寫依篇食評直到拎張card出嚟埋單個staff係乜都無講無行動，唔知想點咁我已經唔係要求幾多service嘅人由落order到埋單態度係唔想做咁真係Goodbye⋯⋯無下次