店名換左燈箱啦，而加離遠都易望到好多。
先黎個好出名嘅鰻魚炒飯，係一盒滿哂嘅，好多網友話夠兩個人食，但我就自己一個人ko一盒完全無問題啦。
盒飯係炒得好香嘅，啲汁啱啱好包住每粒飯，入面嘅鰻魚亦落得好多，幾乎啖啖都食到鰻魚，味道無得挑剔，不過炒飯食咁大盒會膩，都係share食會好啲。
燒汁肥牛飯係至愛，個汁同啲牛勁好食，水準絕對高過吉x家。
鯖魚飯又係正，煎得香噴噴，加上甜甜鰻魚汁好好味。
家人愛食雞扒飯，勁大塊雞扒，仲要剪好先入盒，方便食呀～
點少得出晒名嘅原條鰻魚飯，勁大條鰻魚正呀！
肥美厚肉，啲鰻魚汁撈白飯超正，個人覺得白飯底已經夠正，鰻魚飯再加鰻魚炒飯就太heavy啦，哈哈，但係值得試嘅。
前排仲有特價嘅咖哩肥牛飯，咁大盒賣廿蚊咋，有無錢賺㗎？
啲飯多到爆出黎，真係爆晒，勁多咖哩汁，漏左好多落膠袋都仲咁滿，仲要睇下啲肥牛多到呢，平到離晒譜。味道仲要好好味，日式咖哩汁正，太多飯太多肉食唔哂呀～
啲飯咁好味嘅秘密係？用櫻城牌珍珠米囉！
有機會想食下佢個TG炒飯
香煎雞扒飯，之前個雞扒熱得濟會熱溶個發泡膠盒，而加改進左放左塊牛油紙，可以隔熱兼隔油，做得好！雞扒依然大大塊又香口，無骨無筋好正。
燒汁牛肉飯，今次係紙盒裝，份量一樣咁大，牛肉爆多，甜甜地嘅醬汁好正，送飯一流。
試下新野鯖魚飯，成塊鯖魚上霸左半個盒，哈哈，魚肉札實有口感，甜醬汁好味，送飯真心正，米米食個白飯太好味，我覺得無餸無汁都可以食到兩碗。
同場加影～炸薯條，有人話想食所以叫左，大大兜，雖然倒汗水搞到佢淋左，擺入焗爐加一加熱抽乾水份效果理想，哈哈。
影片
