米線哥 (已結業)

加藤屋Katoya 全綫3月17日結業旗下品牌- 米線哥食過幾次，真係份量超足又抵食🥹✨大嚿米線$56 (酸辣/麻辣+$1)懶人費事揀餸，三個人叫咗三碗大嚿米線😂分量超多，兩位男士朋友都食唔曬！！食開tamjai 5小嘅我，叫咗麻辣小辣，食到流晒汗🥵個人最愛蘿蔔，無渣又清甜😽✨小食: 6Dee雞 蒜泥白肉 巴蜀涼拌豬耳 巴蜀涼拌皮蛋小食方面就比較遜色，一般般啦～總結，不論係加藤屋定米線哥都係超抵食，味道份量都很不錯！食完夜晚有啲口渴🥤唔捨得啊~~~ 

1745入座，下午茶1800完。一入座就問清楚究竟下午茶八折係「埋單計」定「落單計」，個員工答我「埋單計」。由於我手上面有張滿50減20嘅coupon就過期，我就叫左大概50幾蚊嘅嘢，諗住埋單已經過1800，可以用左佢。點知到上菜嘅時候個阿姐見我張張coupon夾左係埋單紙到，同我講coupon用唔到，話係下午茶時段。我問返佢「頭先咪問左你係落單計定埋單計，你話埋單計吖嘛？」佢無道歉不特止，就咁就行開左，並且嗌返轉頭「下午茶1800完不嬲都係㗎啦！」。既然你知下午茶1800完，咁你又會答「埋單計」嘅呢？到我埋單時要求個經理幫我用左張coupon佢，但經理話用唔到，因為係下午茶時段。我覆述返上面嘅事情比佢知，佢話佢做唔到就係做唔到，並且同我講coupon背後寫得好清楚下午茶時段無得用。我話「我落單之前問清楚係落單定埋單計下午茶時段，而家係你同事做錯嘢，點解係我負責？」佢無辦法回答，淨係堅持coupon用唔到，一定要比下午茶價錢，連個道歉都無。最後我無辦法用到張coupon，亦焗住比多左錢👍👍👍如果大家想享受一下員工連公司政策都唔熟，佢犯錯你埋單，九流服務，食到一肚氣嘅滋味，歡迎去米線哥，

我真係勁少寫食評。以前去太子花墟一定去酒吧街附近食麻辣米線，執咗心卦卦！最近發現附近呢間米線哥好抵！個人推介新彊湯底！（我掛住食忘記咗影！😆）老公點了酸辣底。呢度有少米線減一蚊優惠，仲有"久煮"揀，正合我心！（兩餸連凍飲$41),小店仲成日有coupon 或下午茶八折，明明味道好，價錢ok 又多offer, 點解人唔多呢？我自己已幫襯多次，希望市道不好下，可以繼續經營！（非鱔稿，我次次都自己課金，若我做假食評我肥50磅！）

米線哥有兩間分店，一間係太子，一間係深水埗，今次去左太子分店。做緊【食得多。賞得多】優惠- 惠顧任何兩餸米線，所有飲品即享「追加價」再半價優惠。- 惠顧任何三餸米線，所有飲品即享「追加價」再半價優惠及所有小食「追加價」再半價優惠。我地今次冇叫自選餸米線，揀左米線哥既藥膳系列 – 胡椒豬肚雞米線、藥膳麻油雞米線。胡椒豬肚雞米線 $55【暖胃首選】湯底夠胡椒味同唔會好咸，雞係用雞髀位，啖啖肉。每碗有配豬肚，蟲草花，杞子，腐皮，雲耳，芫茜，食落好滿足。藥膳麻油雞米線 $52【窩心之作】一出菜已經聞到好香麻油味，飲落湯底有淡淡藥材味。每碗有配蟲草花，紅棗，杞子，圓肉，雲耳，金菇，芫茜巴蜀涼拌皮蛋 $16 (追加價)味道OK

見朋友係社交媒體網站post 呢間米線相米線控嘅我深深吸引咗見呢日出開去咪去試下點知伏到一個點完全係的個樣- 麻油藥膳雞湯米線先講雞完全冇雞味係急凍雞再講個湯底仲嬲得麻油味同咸字零藥膳味食完真心嬲

我就最鍾意食米線，今日經過太子，我即刻入咗去食我最鍾意嘅就係佢嘅資訊酸辣湯米線，我揀咗牛丸雞肉生菜，真係好大碗，一個人真係食唔晒，我最欣賞嘅就係佢嘅彈牙牛丸，好香好濃😋😋🥰🥰

行街行到天黑黑， 行到太子搵野食，成條街都好多餐廳，好多選擇下最後揀左米線哥。我地叫左一碗胡椒豬肚雞米湯，一碗藥膳麻油雞米線。胡椒豬肚雞米線$55上左枱先飲一啖湯，好重胡椒味，幾香，唔會好鹹。豬肚同雞都有好多件，雞肉好大嚿唔會好鞋，最欣賞係佢有好多我最鍾意嘅蟲草花。藥膳麻油雞米線 $52藥膳麻油雞啖湯有微微既麻油味， 有蟲草花、紅棗、龍眼肉、杞子、木耳、金菇。最令我印象深刻既係員工好細心😂 當日男朋友叫左杯熱鴛鴦，諗住食完先至飲，跟住有個職員行埋黎話見到杯野有小蚊子飛咗入去（一開始真係冇事），佢主動幫我哋換一杯新嘅，真係好細心，特此讚賞👍🏻👍🏻👍🏻😆😆😆

今日又去米線哥食lunch，估唔到有新驚喜 - 出左新嘅蕃茄湯底🍅！poster講到明啖啖🍅肉不得止，仲可以加辣度！咁就一於試試佢！撞啱promo，叫左個茄湯大辣雙餸（雞肉同金菇）+飲品加購價再半價（本來8蚊變4蚊）嘅套餐，加埋都係45，抵呀！米線等左5分鐘到米線就上枱，以星期日午市咁忙嚟講都咁快上枱係抵讚嘅。一上枱就見到一堆茄肉係碗粉中間，攪勻之後成個碗都係茄肉，真係啖啖都有，係講得出做得到喎！湯底方面，唔算係茄湯專門店好鮮嘅蕃茄味，係有加茄膏，但整體唔會因為只有茄膏而死咸。辣度方面由於我揀左大辣，有少少喧賓奪主，個辣味冚哂茄味。反觀我朋友嘅BB辣茄湯就無呢個問題，所以嗜茄一族都係唔好揀咁辣會好啲，balance 返。餸方面，雞肉都係一貫嘅雪雞但無乜雪味又無乜肥肉，可以接受；金菇為索湯而叫，無特別，不過不失；米線彈牙唔會太淋，正常發揮。結論係茄湯係正嘅，不過本人極度嗜辣仲要撞正入冬，應該都係回歸麻辣湯盡興啲🤣

太子都有唔少米線同其他食店舖仔可以揀下，米線哥既優惠的確抵食既，而且味道質素都唔錯，所以間唔中都會黎食下午餐既。點了：藥膳麻油雞米線，又送小食，即使點小食同飲品跟主食都有折所以係算抵食既。藥膳麻油雞都足料，而且雞都算是大份有肉，雞肉算滑又多肉，湯底味道還可以，食完都無口渴既。有點蒜泥白肉，白肉都算多，撈黎食都算有味的。而且有少食雞翼送，雖然味道唔算太出眾但都可以接受，起碼唔係差又係送就係抵既。總結，味道唔錯而且有折算抵食。

此評論主要用來警醒我自己。冇圖，因為冇諗過自己會瀨野同埋碗野賣相冇特別好/差。同行朋友叫藥膳麻油雞米線，有蟲草花、紅棗、金針菇等配料，成個雞髀切件，分量係真多，但湯底似出前X丁嘅豬骨湯加麻油。我叫嘅係麻辣大舊米線小辣（平時食開X哥麻中，但最近中完新冠，味覺有d退化）碗野賣相吸引但湯底得個鹹字，花椒粒係完整嘅一粒粒，成碗野都冇麻味。丸各1粒：冇食。好多舊豬潤：兩面都有d粉紅色，咬左一啖，入面並非粉紅色，未試過呢個口感所以冇再食。頗多雞肉同牛肉：正常發揮。2舊蘿蔔：好食，清甜。1 pat生菜：正常發揮，不過沉底要穩一穩。其他唔記得。送嘅孜然單邊雞翼好鹹+凍嘅，未試過甘鹹嘅雞翼😢然後本身已經冇咩咳，結果呢餐食完一路行街一路狂咳加口渴，且有些許不適（但我中完新冠之後成日都不適，所以冇理）店內活動：第二碗半價，買單時計算，活動去到30/9。題外話1：座位安排非常神奇😕題外話2：同日我淨係買左枝竹蔗茅根飲（超市鴻X堂果種），晚餐係屋企食左雲耳冬菇雞+粉絲。然後我半夜3點幾痛醒，肚屙左一次，不斷係嘔同嘔唔出之間徘徊，痛到冇力講粗口。最後由半夜3點幾痛到早上7點幾，食左兩包止痛散自救，加埋訓左1個鐘，

🎈 建議場合：#即興食飯 👤 建議人數：2-4人（最多可容納4人檯）【2個人食咗啲咩？】- 胡椒豬肚雞米線 $55- 雞肉芽菜酸辣米線 $49- 洛神花茶 $10- 6 Dee雞 （免費送）⭐⭐「放飯可醫肚 但應該唔會再去食」我係一個食得好辣嘅人，雖然佢個胡椒湯底好足胡椒味，但係胡椒味過重，令到個湯底飲落好苦，啲雞就普普通通，多骨但係無咩肉食。酸辣米線份量雖然比譚仔多，但係整體麻麻地，湯底唔夠酸亦唔夠辣，雞肉份量不多。至於米線就ok啦，無咩特別～洛神花茶太甜，唔鍾意甜嘅朋友記得叫少少甜。 食食下姐姐無啦啦送左蝶雞翼俾我地，係幾驚喜嘅～ 雞翼主要都係孜然粉味，味道單一無咩層次，中規中矩。📍 米線哥

米線一定係我嘅comfort food!!香港嘅米線站都幾多經過太子見到呢間新開米線店好多人排隊作為米線控嘅我當然唔執輸又去食返碗胡椒豬肚雞米線胡椒湯底帶點奶白湯底嘅胡椒味好濃郁充滿胡椒香嘅同時夜帶住雞湯香豬肚煙韌爽彈 豬肚乾淨又唔會好重內藏味雞肉肉質好嫩滑米線彈牙唔會太腍得黎又索湯麻辣湯米線雞肉 l 墨丸麻辣湯又麻又香湯底辣得黎又唔會太嗆麻辣湯內仲帶少少花椒粒味道更濃郁!!雞肉量多得黎又滑吸晒麻辣湯好香又惹味辣DEE雞軟骨雞軟骨炸得香脆入口又唔油膩粉漿又唔會太厚雞軟骨脆卜卜又帶油香涼拌青瓜青瓜爽脆又充滿水份加入麻辣汁後充滿辣油香單骨雞翼今次見到有優惠!只要點一碗米線就送一份雞翼單骨雞翼炸得酥脆入口好juicy!

作為一個米線控誓要試全港嘅米線!!!🦥呢間太子人氣米線哥bookmark咗好耐🥰小毒毒的我個日自己一個去咗食🥹發現原來最近仲做緊個盛夏福利祭🏕️兩大優惠包括第二碗米線半價及小食八折優惠✨仲有！凡惠顧米線哥任何一碗米線即送一份單骨雞翼，真係好抵！優惠做到9月30日唔好錯過啦🙌🏻1️⃣ 麻辣湯大舊米線（微辣）$56一上枱勁大碗超足料🤩我個碗係叫咗少米線，大家可以參考下～配料好豐富包括有豬肉、牛肉、雞肉、豬潤、微辣肉燥、魚蛋、牛丸、魚片頭、芝士腸、火腿、生菜、蘿蔔、豆卜同酸菜肉碎，選擇困難嘅可以叫呢個！🤣仲唔夠嘅可以再加其他餸👍🏻個麻辣湯對我黎講有啲鹹咗🤏🏻🤏🏻米線口感彈牙煙靭👍🏻最欣賞係個蘿蔔新鮮清甜無渣～👉🏻 𝑹𝒂𝒕𝒊𝒏𝒈 : 𝟴/𝟏𝟎————————————————————𝑶𝒗𝒆𝒓𝒂𝒍𝒍 𝑹𝒂𝒕𝒊𝒏𝒈: 味道: 𝟴/𝟏𝟎抵食指數: 𝟵/𝟏𝟎環境: 𝟳/𝟏𝟎𝑹𝒆𝒗𝒊𝒔𝒊𝒕: 𝗬𝗲𝘀!!😋

👍🏻藥膳麻油雞米線(半價後) $26呢間一直bookmarked咗好耐但仲未食過，趁而家做緊限時優惠即去試下買任何米線，第二碗(價錢較低者)有半價優惠為返呢碗招牌藥膳麻油雞$26，大大碗全日同價，CP值真心癲冇得輸🤪！-湯底麻油味比較香濃明顯，藥膳味較淡原隻雞髀上，雞味幾濃，雞皮爽口，但以雞髀嚟講肉質就唔算好滑配料幾豐富，有蟲草花、紅棗、桂圓、杞子、木耳、金菇米線份量好多好大碗，質地好彈牙！埋單問返店員先知，原來老闆係想做麻油雞湯底，只係加咗藥膳配料個名先咁叫，其實麻油先係主角，一場誤會🤣味道：7/10性價比：10/10-👍🏻巴蜀麻酸辣湯米線 $28特色少見嘅巴蜀湯！辣度分咗七級，第三級小辣程度大概譚仔五小左右睇落去紅卜卜好似好辣，但其實辣得比較溫和入口先酸後辣，油度都可接受，但麻香就唔係好明顯反而巴蜀香料味好突出，整體味道偏濃，啱晒重口味人士😜！-🔸迴辣豬腸 +$12🔸肥牛 +$10🔸魚腐 +$7🔸牛丸 +$7一碗平咗另一碗就嗌多啲餸試下，當中最推薦迴辣豬腸豬腸醬滷入味，偏向似滷水味鹹中帶甜，辣度溫和炆得軟腍唔韌得嚟又有彈性，肥膏適中冇異味，好食🤤！牛丸唔係爆汁個種不過不失，肥牛同魚

水煮肥牛米線勁油，一上菜見到成碗紅油浸麵已經知中大伏，上面仲有好多香料同一大pat蒜蓉醬，撈埋一齊之後鹹到完全食唔到，啲香料太多又苦每啖都食到，食咗四分一都冇就放棄已經叫咗汽水一路食一路飲，啲湯勁「啦」喉嚨，食完衝埋去對面甜品舖食刨冰降下火，第二日喉嚨都係有啲痛同行友人食麻油藥膳雞湯米線，佢話啲雞幾嫩同唔油，味道ok叫咗小食菜一碟同炸雞軟骨，菜冇咩特別唔洗講，炸雞軟骨好食，有啲孜然粉幾香同埋炸得夠脆最後送咗碟孜然雞翼，都係幾好食，不過可以再脆啲本身去開嗰頭揾呢間試下個水煮肥牛米好冇食，好失望，成條街有咁多唔同餐廳唔洗特登揾米線哥食，收工頹食都可以嘅，特登去就免啦Btw好似夏日promotion埋單第二碗米線有半價