影片
更多
2021-10-19
284 瀏覽
本身自己好鍾意食米線，入埋FB米線關注群組，食過好多間米線店，之所以會試食呢間，係見到有youtuber推薦，話唔錯，經過就試下。點知，好失望！本身自己都食開濃＋重味，接受度算高，但都覺得碗野唔掂。呢間野特別之處係有好多特色湯底，我同男朋友每人試左一款米線。水煮豚肉米線（我）：碗野睇落紅噹噹，好吸引，面頭好多乾辣椒油＋辣椒粒＋花椒，仲有一大pat生蒜泥。米線份量大，配料多，豚肉夠薄身，口感好味。唯獨是個湯底太鹹，係死鹹，我食左三分一碗已經頂唔順，唔想再勉強自己。同埋我叫左小辣，碗野都好辣，自己平時食開中辣都食唔到碗野，最後覺得碗野又鹹又辣。睇餐牌仲話呢款係招牌黎，食完好失望，唔排除當日廚師重手左定點，我諗應該唔會再黎食多次。麻辣米線（男朋友）：自選餸＋湯底，我試左幾啖，湯底同譚仔style差唔多，都係奶白色咁，我都略嫌佢太鹹，如果同水煮湯底比嘅話，呢個係鹹，水煮湯底係超鹹。自家泡菜：貪得意試下，價錢都幾貴，無記錯嘅話，一碟仔要$20，貴又少，味道普通，只係微微咁醃下啲椰菜，再加好多麻油調味，夾硬令佢變到好香咁，唔建議試。結論，無下次！雖然佢仲有其他特別湯底，好出名，但由於今次體驗太唔開
入埋FB米線關注群組，
食過好多間米線店，之所以會試食呢間，
係見到有youtuber推薦，話唔錯，
經過就試下。點知，好失望！
本身自己都食開濃＋重味，
接受度算高，但都覺得碗野唔掂。
呢間野特別之處係有好多特色湯底，
我同男朋友每人試左一款米線。
水煮豚肉米線（我）：
碗野睇落紅噹噹，好吸引，面頭好多乾辣椒油＋辣椒粒＋花椒，仲有一大pat生蒜泥。米線份量大，配料多，豚肉夠薄身，口感好味。唯獨是個湯底太鹹，係死鹹，我食左三分一碗已經頂唔順，唔想再勉強自己。同埋我叫左小辣，碗野都好辣，自己平時食開中辣都食唔到碗野，最後覺得碗野又鹹又辣。睇餐牌仲話呢款係招牌黎，食完好失望，唔排除當日廚師重手左定點，我諗應該唔會再黎食多次。
麻辣米線（男朋友）：
自選餸＋湯底，我試左幾啖，湯底同譚仔style差唔多，都係奶白色咁，我都略嫌佢太鹹，如果同水煮湯底比嘅話，呢個係鹹，水煮湯底係超鹹。
自家泡菜：
貪得意試下，價錢都幾貴，無記錯嘅話，一碟仔要$20，貴又少，味道普通，只係微微咁醃下啲椰菜，再加好多麻油調味，夾硬令佢變到好香咁，唔建議試。
結論，無下次！
雖然佢仲有其他特別湯底，好出名，但由於今次體驗太唔開心，唔會想再去＝（
張貼
