米線陣 (恆安商場)

營業中

休息中

從來都唔鍾意食米線，但今晚唔想出街食，係網上外賣平台見到米線陣唔駛運費，就幫襯下先！米線準時送到，食物新鮮，我叫左大集會，有肥牛、手打肉丸、雞翼、魚腐、金菇、雲耳......雖然是速遞送到，米線仍軟硬適中，食到最後一口，仍覺得好食！那手打肉丸也很大粒可口，裏面的馬蹄很爽口，值得推介！加上蕃茄湯底，有新鮮蕃茄，令味道更豐富，湯底也不太鹹。另外，加的菜都很新鮮。飲品青檸薏米水，唔錯，薏米很多。最後，今次的體驗令我對食米線有點改觀。

今日超趕時間，焗住要買外賣去朋友屋企食，平時有食開米線陣，都有好感的，而且大型連鎖店（大家樂旗下附屬），出品質素應該都好穩陣，所以選呢間吧！今日叫左“大汗豬扒擔擔米線”，呢個湯底組合的米線，市面上供應應該近乎沒有，幾創新呀！外賣係要加一圓的，呢個好正常，佢仲自動自覺地，將“湯”和“米線”分開裝，咁樣好處係可以經過長時間路程都唔會淋晒漲晒，而且大汗豬扒亦係分開上的。創此菜者係有用心想過每一細節，抵讚。埋單45蚊，還可以吧