米線陣 (恆安商場)

營業中

休息中

米線陣嘅蕃茄湯真係幾好味，食過返尋味嘅Zaza再去其他分店惠顧，但係今次就叫咗其他配料蕃茄湯牛肉米線夾蕃茄湯好濃郁，同樣有幾舊大大嘅蕃茄；牛肉好腍，色澤幾吸引，但唔算好有牛味；米線烹調火候得宜，唔淋唔硬

剛來馬鞍山返工，附近食市都唔少，又有街市入面的小店，選擇都算多。但早餐選擇就好有限，加上茶記一般起跳都要$40，加個凍飲就要$40+。米線陣食物方面雖然味道唔係驚艷，叫做中規中矩啦但$36個雙拼早餐，加埋$3凍飲都只係$39，係物價高企忽的今日真係算係性價比之選啦咁當然啦，招呼方面就主要自己照顧自己啦！不過勝在有個自助斟水區，想要杯水hea多陣都係可以既但要留意啊，早餐時段樓面得兩個人，又落單收錢，仲要出餐，其實都真係唔容易。想好好地坐低食個早餐，又唔想食茶記，米線陣都算個幾好既選擇。

沒有人執枱，但要你落單，食物到左，枱仍未執，四個白衣 侍應只有1個應你 幫你執，其餘粗聲粗氣答你轉頭。連 熱水壺個黑衫男侍應要你幫佢帶返去原位。 侍應執完枱就隨手比食物你，見到都驚。

第一次食米線陣、點外賣需要叫人先來、拿外賣嘅時候冇侍應對單。冇服務態度⋯⋯膚淺了事。到屋企打開個重慶湯底（湯底個味道同一隻醋扣少少水冇區別）、打開個所謂嘅特盛（買相使人冇食欲、同時少左腩片）第一次食、亦都冇下次。

落雨濕濕，休閒嘅週末叫咗呢間米線外賣。聽講堂食幾化算，外賣小不了被markup price😢豬潤魚腐蕃茄米：豬潤有至少4-5舊，食落腍身，魚腐就吸晒d湯嘅味道😍 蕃茄湯底濃郁，補充維他命之選👍豬軟肉：因為外賣關係，所以送到已經咩埋晒一邊😂 肉質較 un，未知係因為擺得耐/焗得耐/煮得唔腍.... 蘿蔔冬菇：蘿蔔勁勁勁甜，好似打邊爐咁款，very good 冬菇就大大粒粒，咬落爽口彈牙，呢個小食可以 encore！

看到門外印著吉列豬扒咖喱飯的圖片十分吸引，嘗試堂食。咖喱飯，一道心感最安全的菜式，即使不是十分好吃，也應該不會十分難吃。今天到米線陣一試，竟癲倒了我的認知。一碟新鮮熱辣的吉列豬扒咖喱飯送到桌上，一見有點影響食慾，跟門外的照片是兩回事 - 稀薄的咖喱，一小粒紅蘿蔔，兩塊炸得有點過頭的豬扒。再者，飯沒有飯香、也沒有咬口。所幸，豬扒是脆的。或許，到米線陣應點米線，不應點飯。環境方便很舒適，桌子很大，每個客人也有不少空間，不會覺得很局促。

今日食咗個二人餐，要番茄麻辣米線中辣，點不知食到差不多完成嘅時候有隻小強浮咗出嚟，嚇到我即刻想毆返晒啲嘢出嚟啊！其實食緊個湯底已經覺得冇乜味好淡，因為本身好鍾意食米線陣，所以我覺得真係越嚟越差真心失望，今次仲要發現有小強🤢🤢🤢之後叫個經理過嚟佢即刻拎走我碗野揼咗同我講晒唔好意思咁我冇再爭拗落去啦，因為都唔關個經理事，不過宜家呢個疫情咁嚴重，仲係咁污糟所以我以後都應該唔會再幫襯米線陣，最後個經理冇收我錢同我講晒唔好意思我就走咗啦，但係我都唔敢再食啦🤮🤮

今日試米線陣個二人餐，兩麵三菜加嘢飲，可叫特飲。叫完唔駛五分鐘上咗兩個麵同埋兩個菜，勁快牛雜麵，牛肋片幾夠牛味！米線滑又腍，頗正。豬頸肉鮮蝦雲吞米線，豬頸肉隻色有啲特別，好惹味嘅。鮮蝦雲吞相當正，彈牙又薄皮。米線同上。醉雞翼，幾有酒味，但未算特別好食。糖醋豬軟骨，勁醒胃。荔枝多多冰，全晚最失望嘅一杯，好似飲水咁。篤爛又係無味，真係逐粒逐粒荔枝邊食邊飲先好少少。岩鹽柚子雪碧。無鹽味，但柚子同雪碧堅夾嘅，幾爽。菇加菜，令成餐再健康少少，正常水準。埋單159,算係多嘢食嘅！

有朋友今早到米線陣，令我不得不share數個星期前在該店用膳的經歷。小女真心覺得米線陣提供的飯類真的很難食。幾個星期前的星期日去食lunch，叫了個本以為應該穩陣的飯- 雞翼肉燥飯，點知都中伏，首先個賣相已經吸引不了我當時極其饑餓的食慾，食落d雞翼近乎🈚️味，也不用提整碗飯的素質，我真的非常不滿意，我的朋友叫了其他飯類食後都劣評。 另外這分店有位男員工的態度都不太理想，口黑面黑，放低我朋友碗食物時仲好唔耐煩，坐對面的我親眼目睹。 勉強自己了一半的我，最後決定罷食！

本來去馬鞍山行大金鐘山，要係恒安行上馬鞍山郊野公園燒烤場，就入嚟呢度食咗早餐先。叫左個早餐，有雪菜肉絲米線，仲有炒蛋煙肉餐包，同埋包飲品。個米線有少少偏少，唔係好夠飽，個煙肉炒蛋就其實幾好味，仲有杯black coffee 都不錯。

落單將我由堂食變左外賣等左一段時間 去問waitter 佢叫我收銀俾錢就得我心知不妙 去問收銀 我話 下 我係堂食架！佢粒聲都冇出 開機退番$4外賣費 冇講任何野咁我就繼續等多兩分鐘 期間見佢拎外賣袋入番去廚房 拎隻碗 裝番上去就上飯俾我 個待應都係冇講任何野。 杯野似 外賣同堂食 不嬲都縮左半份野飲又hea沖過杯俾我， 我唔係食緊下午茶呀$65唔係錢呀？ 不過唯一咪道唔錯既 就係份雞翼。 新店說不上伏 不過d員工做野就係求X奇 等打卡收工

今日同朋友在體育館打完波，近近地去恒安商場覓食。呢間米線陣原來有好多分店的，呢間恒安店就第二次黎。我地一團人柴娃娃坐低準備揀嘢食之際，落單阿姐就好好咁提我地可以入會，有coupon可以即場用，我地計過入會有著數於是就決定比$100入會！由於我地係3個家庭成10個人，各自叫不同餐又要諗用邊張COUPON抵，阿姐就好好咁幫我分單，教我地點用最好！餐牌款式都好似幾多，心心原本係想要農場蕃茄湯加一個餸，但咁樣都38蚊，跟住我地見朋友仔叫個特盛米線多好多餸而且份量大D都只係$55，所以成功說服阿女！由於要比番個蕃茄湯底佢，所以就要加2蚊。特盛米線有肥牛、手打豬肉丸、鹵水雞翼(2隻呀！)、魚腐、雲耳、金菇，份量我諗算是平常米線的1.5倍吧！蕃茄湯真係好濃味！另外我地仲叫左個日式咖哩吉列豬扒飯($42)，咖哩唔算好辣，信信都食到！至於豬扒都OK，唔會炸到又燶又乾，份量正常。為左應兩位小朋友的要求，我地叫左兩杯餐飲，包括青檸梳打同青瓜豆漿。青檸梳打味道都好，青檸好夠味！至於青瓜豆漿(可惜忘記影相)，原來係呢度既人氣產品，我平時一定唔會叫呢D咁既嘢，係心心自己揀的，但估唔到飲落又幾好味喎，青新的青瓜味但

周六在附近體育館打波之後，6大4小浩浩蕩蕩找午餐吃，找到呢間有位，直接入座點餐。食肆環境企理，座位闊落，適合一家大小用餐。侍應生姨姨非常好幫手，見我地人多就即刻推介我地用$100入會，因即送超過$200 COUPON, 而且仲可以即刻用。同時，又好好幫我地分單，務求可以用到最多的COUPON，立刻可以用曬所有著數。米線的質素都幾好，今次食左呢個，都幾大碗, 呢個價錢而言，都算抵食。因為轉左蕃茄湯，需另加$2，都有蕃茄肉，不只有顏色湯。這是午餐套餐，價錢都不貴，如果有會員卡可$1儲1分，夠300分送一杯飲料。雞蛋包飯都比想像中好，好薄。這就是入會優惠，我們今次用了$50的COUPON、單人餐的、送的飲品及1張$10的COUPON, 之後再有9折。所以今次10大小消費最後結帳只需$340，已包那$100的入會費，可以話非常化算。

阿女最近熱愛米線陣，鍾意食佢嘅農場蕃茄湯底，今早返完教會，最近沙田便是馬鞍山呢間分店，設於屋邨商場，店內環境舒適。阿女揀咗鮮茄雞肉蟹棒烏冬，湯底係佢最鍾意嘅農場蕃茄湯。果然，濃濃的番茄湯非常醒胃，顏色也十分吸引。材料還包括鮮冬菇、油炸鬼。餐廳選用稻庭烏冬，好滑。老公點了牛乳南瓜雞肉竹笙米線，湯底選用北海道3.6牛乳，有粒粒南瓜肉，飲落啖啖牛奶味，好香，配以鮮腐竹，越食越可口。我自己點了個鮮炸豬扒肉燥飯，喜歡吃肉的我，絕對可以滿足，豬扒新鮮炸起脆卜卜，上面灑了炸蒜及芝麻，正呀！仲有半隻鹵水蛋，肉燥飯有肉有汁，餐廳選用珍珠米，比一般白米更飽。

從來馬鞍山被寓為美食沙漠，今日黎到呢個屋村搵朋友，撞岩下午茶時間，隨便就入左呢間米線陣食tea。一直以為米線陣只得米線食，點知下午茶有迷你吉烈豬扒包，唔駛點揀，一定係order呢個。下午茶其實仲有好多其他選擇。個包黎到，其實一d都唔迷你喎，下午茶黎講好飽添。黎到馬𩣑山仲要係屋村仔，完全無期望有好野食，點知咁先驚喜。扭紋包好鬆軟，咬完一咬會彈番起，吉烈豬扒係厚身既，外脆裏面嘅肉又嫩又juicy，加埋蛋黃醬同生菜，一流！朋友因爲無食午餐，怕食下午餐唔夠飽，所以叫左正常餐牌既米線單點。滑牛肉雲吞米線醇醋酸辣湯:偷食左少少，湯底最正，少辣有埋酸菜，好野味。滑牛又真係夠滑有牛味。雲吞有4大粒，裹面有d蝦同豬肉，好食！下次我都要食米線，唔知第二間分店唔知會唔會有咁既質素呢？環境係舒服既，任坐任傾唔嬲。因為最近某電子付款apps做緊優惠，我地就要求可唔可以分單，d staff都好好，仲要笑笑口話無問題。好體貼！