影片
港鐵觀塘站 A1 出口, 步行約1分鐘
繼續閱讀
附加資料
可外賣自取
營業時間
星期一至六
10:30 - 21:00
星期日
全日休息
以上資料只供參考, 請與餐廳確認詳情
lunch time三哥好多人 就試咗隔離既米線食坊好大驚喜👍價錢嚟講$36仲有埋野飲 都幾抵食湯底不過不失 試咗酸辣米線 辣度啱晒香港人口味啲配料都比得唔少 最鍾意佢既肉碎同酸菜 真係好正！😋遇着三哥多人既話 真係可以去試下呢間米線 可以話絕對唔會失望呀推薦：🌟🌟🌟🌟🌟🌟🌟🌟🌟/10
繼續閱讀
平日黎通常係食蕃茄米線今日心血來潮轉左食擔擔麵又想食下菜就另外加左生菜呀佢個擔擔麵有得揀辣度如常揀左小辣呀其實佢個味道同平時既擔擔麵有少少唔同但都係濃味湯加埋蔥花好香而且我鍾意佢個麵質似係上海幼麵既感覺又唔會太淋或者太硬身佢個麵都幾大食完係好飽
繼續閱讀
這問米線開左都有一段時間，可是很多觀塘人都未必知它的存在，因為它是在電訊中心上電梯再行到最入最入的。第一次去食時，食過它的酸辣上海麵（係呀，佢可以揀唔要米線要上海麵架），湯底有很多肉甫，酸辣味道適中，可以再翻食。之後再去，試過食蕃茄湯底，都夠味，但如果可以再更加濃茄味就正。但最推扴係擔擔麵，花生味很香，肉甫入味量多，湯底味道好似我食過的正宗擔擔麵（＄３８），次次都接近飲晒所有湯，再配上上海麵真係絕配。至於加餸方面，通常會點雞翼（不過不失），但試過點檸檬豬扒，肉比較鞋，同埋冇乜味（可能因為冇味精掛），但話梅豬手卻很好吃。之前，做緊PROMOTE，食麵任何時段都送飲品，不過依家沒有得送了。他們的＂蘋果雪梨水＂好清甜好味，五花茶都不過不失。如果想食米線，可以試下呢間，食得出他們是有心機做的。
繼續閱讀
出奇地好食嘅米線小店🤩本身想食三哥但超多人等 就去左格隔鋪食 咁啱都係米線 試試佢😋-⭐️#米線餸：京式雲吞+雞肉湯底：酸辣*酸辣仲有得揀辣度 我就揀左小辣平時食開三小辣嘅我表示完全食到呢度嘅小辣 唔會太辣😊佢上黎個時 我心諗咁清嘅個湯底 會唔會無味🧐咦～又唔會 因為我未搞勻 佢有啲酸菜係底加埋肉碎 好正‼️鍾意食米線 又唔想食完好口渴嘅話 呢個可戰👍🏿佢啲#雲吞 size好大粒 係餃子size🤩不過呢隻京式味就唔岩我食 入面有種香料味 唔太鍾意😶 雞肉正👍🏿一啲雪藏味都無 而且夠多❤️-⭐️#紅油抄手 呢個真係超級好食同有驚喜‼️‼️😍😍😍😍每一粒都有一隻蝦🍤而且皮薄足料 夠香辣👍🏿呢個一定要點 仲要好大兜❤️❤️❤️
繼續閱讀
午市在觀塘工業區內, 除了連鎖餐廳外, 會提供平價午餐的很少。原先打算去譚仔三哥解決罷了, 但原來鄰近的店鋪也是米線店, 在譚仔等候人數太多的情況下, 亳不猶豫地過去一試。店鋪面積不大, 坐位都要擠在一起。每檯均有點餐紙, 跟其他火鍋放題店類近, 食客要自己填寫米線的組合、配料和飲品等等。 這家店目前會送飲品, 非常划算!這次點了炸醬腩肉作配料, 辣勁選了小辣, 飲品則點了凍鴛鴦。炸醬一堆混在湯內, 要仔細的才會撈出來。肉碎的顏色似乎未能反映出醃料滲在炸醬內, 外觀似是被湯烚熟的豬肉碎。而腩肉片大小不一, 但也算是嚐到醃料的味道。湯底比想像中辣勁較強, 也不小心被辣粉嗆到尷尬地咳了幾聲。凍鴛鴦也算是我在港式類別的餐廳內必點的飲品, 不太甜也不會太苦, 味道不過不失。這區內的大部分小店的午市價錢都要$60元以上, 對於附近工作的文員而且的確偏貴。像這家仍然能維持於低價錢的水平真是要好好珍惜。可能是譚仔以外的更好選擇。
繼續閱讀