粗店燒烤

營業中

休息中

久唔久都會好想食下串燒，今次就發掘咗位於旺角新寶戲院附近嘅呢間粗店燒烤！呢到環境闊落，裝修別樹一格，簡約得來又舒適！每張枱都有個熱爐比客人暖住啲串燒，最特別嘅係每張枱上面天花板都會勾咗一包抽嘅紙巾比客人使用，連拎張紙巾都可以咁有style～入座之後店員就會即刻準備辣粉同埋孜然粉比我哋點，呢到特別調配嘅孜然粉好特別，食得出落咗少少花生粉同碎碎，用來點串燒又幾好味喎～烤牛五花趾(金錢展) (2串)💰HK$24係串燒店比較少見嘅部位，肉質軟腍～烤美國牛肩肉串(5串)💰HK$48肥瘦均勻，粒粒都好juicy，價錢仲要勁抵～烤紐西蘭牛肋肉眼(2串)💰HK$28口感同牛肩肉串有啲似，都係切到一粒粒，再串埋一齊，咬落juicy～鹽燒牛舌(1串)💰HK$28採用咗成條牛舌入面最高級嘅部位 —— 牛舌心，口感軟嫩多汁，有嚼勁～烤雞翼(1串)💰HK$22燒到金黃香口，啲肉又嫩又多汁～鐵鍋煮卜卜蜆(一份)💰HK$68攤咗一陣個溫度都係咁熱辣辣，蜆肉新鮮仲有粉絲喺底添～蒜蓉烤茄子(一份)💰HK$38第一次食蒜蓉烤茄子面頭有係好多菜圃，軟綿綿嘅茄子肉再埋爽脆嘅菜圃，口感豐富～鹽燒秋葵(1串)💰HK$14燒過嘅秋

冬天，就係想食打邊爐、串燒、燒肉嘅日子🫣上網search openrice見到依間旺角串燒幾吸引，見到啲串燒係有個烤燒住，幾得意咁，一於就去試下😋店舖設計令人覺得好舒服，好適合同朋友坐低，一路路慢慢食一路吹水！ 去到坐低點餐後，店員就會將烤爐搬過黎，初頭以為要自己燒，原來係燒好左放上烤爐用黎保溫，咁就唔使等好耐要佢燒熟，又唔洗驚啲串燒攤凍哂，夠哂細心！紙巾吊係上面，好搞笑 開邊雞翼 ($22/串)雞翼燒得金黃色，外皮香脆可口，皮脆肉嫩，好味。必點！烤牛肉串 ($48/5串)牛肉脂肪比例適中，油分剛剛好，肉質嫩滑，有肉汁！ 小豬頸肉 ($42/5串)肥瘦好平均，外層燒到有脆口的感覺😍42蚊有5串，性價比極高！ 鐵鍋煮卜卜蜆 ($68)一鍋卜卜蜆的份量好多，啲蜆好鮮甜而且無沙，又係必點 錫紙金針菇 ($34)蒜蓉金菇勁多汁，同男朋友2下爬晒入口🤣 粗涼麵 ($48)食咗勁多串燒都會想食吓其他嘢balance下，我哋點咗呢個涼麵，估唔到都幾好食😍

最近黎一間串燒店，品嚐左一系列美味串燒，包括雞皮、五花肉、肥牛金菇卷、鹽燒牛舌、烤新鮮生蠔、燒大扇貝、蒜蓉烤茄子、錫紙金針菇、炸饅頭，仲配埋冰涼啤酒。雞皮酥脆，肉質嫩滑多汁，散發出濃郁雞香。五花肉肥瘦相間，口感鮮嫩多汁，搭配店家特製醬料更加美味。肥牛金菇卷則是牛肉與金菇完美結合，口感鮮嫩，層次感豐富。鹽燒牛舌烤至外酥內嫩，搭配醬料令人回味無窮。烤新鮮生蠔外層微焦，內部豐富的海洋味道令人驚喜。燒大扇貝則帶來豐富的海洋風味，口感鮮美。蒜蓉烤茄子外皮焦脆，內部柔軟，蒜蓉香氣與茄子的甜味完美結合。錫紙金針菇保持脆爽口感，散發出濃郁的香氣。炸饅頭外酥內軟，口感豐富，搭配店家特製醬料更加美味。而啤酒是這頓美食的完美伴侶，冰涼清爽，能夠中和串燒的油膩感，讓人愉悅解渴。除左食之外，呢度服務態度都幾好，令人感到舒適放鬆。係一個值得推薦的串燒店，無論是單獨享用還是與朋友聚餐，都能夠帶比你一個愉快用餐體驗。

早幾日睇ig覺得環景唔錯咁就上黎open race book位(2位)，點知去到都係坐近門口，近門口都無所謂，到叫野食掃QR code 睇下食乜，好多款都無(我book既係7點15分)，算叫其他食，啲野食黎之前點3粒爉燭係個爐到(成個長鳴燈咁)，佢話熱住啲野食用，到啲野食黎侍應就咁將啲串燒放爐上，無講過啲野係即刻可以食或點……，所以你自己要諗下係點食，茄子好快就黎，跟住就魷魚(一上就己經剪小小黎食)，串燒，等咗一段時再叫卜卜蜆同麻辣燙,跟住啲野食無熱過，到咁上下再問佢，佢話長鳴燈係(座)熱啲野食唔係整熱跟住女店長話幫我地翻熱返，我地問到底係啲野係暖定點，佢話即叫即燒，可能頭先出餐比較忙，所以凍咗啲我個人認為員工應該同客講下唔係一黎就放落佢(座)熱啲野食,我要(座)熱我洗乜去呢度，我去居酒屋喇，不可一不可再🤫🤫🤫🤫🤫🤫🤫🤫茄子(熱)☝️推介牛肉串燒☝️翻熱後推介牛舌(凍)☝️翻熱後推介炸饅頭(熱)☝️還好喇，啲煉奶水好倒係啲饅頭到，等客自己倒會好啲多春魚(唔敢試)☝️翻熱後推介蠔(1隻，無得再叫，因為無貨)(熱)☝️推介雞皮(凍)☝️如果即燒即食就可以推介魷魚(凍)☝️翻熱後推介卜卜蜆粉絲(有酒精啫喱

餐廳環境舒適，乾淨整齊，坐得好舒服。唔會好大油煙，唔洗驚食完會好大味，絕對係加分位！😘串燒即叫即燒，食材新鮮，調味適中，能夠保持食材鮮味，價錢便宜，性價比高👍🏻同朋友一齊傾偈暢飲嘅好地方！☀️原隻魷魚王 (1串) $34😋原隻上，外觀好靚，魷魚好新鮮彈牙，唔會乾身，調味適中，可以調出魷魚鮮味，唔錯！☀️五花肉(2串) $28五花肉肥瘦均勻，燒到外脆內軟，肉質好Juicy！☀️肥牛金菇卷(1串) $22肥牛香濃惹味，醬汁加金菇，絕配！☀️蒜蓉烤茄子 $38😊有好多蒜蓉，加埋菜圃同辣椒，口感好豐富，茄子燒到好鮮嫩多汁，配合得唔錯！☀️鮮嫩韭菜(1串) $18韭菜好鮮嫩，加埋辣椒粉，好惹味！☀️燒漢堡扒厚多士 $42厚多士燒到外皮香脆，內裏好鬆軟，漢堡扒加埋滿滿嘅芝士醬，真係大滿足！☀️烤美國牛肩肉串(5串) $48☀️烤雞肉串 (1串) $26☀️烤虎蝦(2串) $36

突然好想食串燒!搵到依間價錢親民，而且選擇都好多嘅店仲開到凌晨兩點 門口menu同店入面手機落單有小小唔同會有更多選擇花多眼亂裝修好特別，本來好好奇每張枱上面掛住果一舊係咩嚟坐低先知原來係紙巾咁樣坐係邊個位都可以好方便咁拎到又唔洗擔心會摸到好多油而且每張枱都有個小型爐可以幫你烘住啲串燒就算掛住傾計談心都隨時有熱焫焫嘅野食超貼心 而且個碟都設計成方便食野側邊有個位置放筷子，兩個小格仔係放調味粉店員會係每人嘅碟上面幫你加孜然同埋辣椒但因為本身每樣調味都已經好入味同好好食所以最終我無加到啲粉 烤紐西蘭牛肋肉眼(2串) $28肥牛金菇卷(1串) $22五花肉(2串) $28日本玉子蛋(1串) $18全部都好香好惹味 除咗肉，海鮮類嘅款式都好多烤王者大扇貝(1隻) $38 真係大大隻，差唔多有手掌咁大而且唔係淨係殼大，肉都好大粒好厚肉啊上面仲有好多粉絲! 烤虎蝦(2串) $36 啖啖肉，好鮮個汁超好食超惹味而且清潔得都好乾淨 原隻魷魚王(1串) $34 賣相好靚!原隻成串上，好貼心咁付埋較剪比我哋分嚟食加咗孜然係醬汁度，燒完之後好香好惹味鬚鬚同埋頭烤到好脆，身體好軟好有咬口 就連蔬菜類都超級多款

尋日食咗粗店燒烤平日係旺角經過已經好想入去食,終於食到喇,一入內見裝修都好有特色值得一讚係店內好衛生,夠晒乾淨整齊,好少燒烤店可以保持好環境衛生,每張枱上方都會吊上一包紙巾,好貼心既服務,每張枱上會有個爐用嚟熱住食物,之後用自助手機落單好方便,見到燒物既選擇多,仲會有D鐵鍋煮、麻辣燙同小鍋,嚟食燒烤緊係要叫支哈爾濱啤酒,配埋個戰鬥碗一流食物點了日本諸城雞腎串,雞腎夠爽口有嚼勁,烤紐西蘭牛肋肉眼串,香噴噴肉質嫩及多汁,烤新鮮生蠔,大大隻熱騰騰仲好爆汁,個人很喜歡美味,鐵鍋煮卜卜蜆,份量十足夠晒二人食,燒多春魚串, 外脆內軟,燒細魷魚頭串,美味!韭菜串好野味,用燒烤既方法整好有風味,翠玉瓜串加了配料夠晒味,點了蜜甜薯串,原來燒嚟食好夾,甜味更出色,日本玉子蛋串讚！最後點了炸饅頭加埋椒鹽魷魚鬚,好脆口好滿足,整體食物美味,環境又適合同朋友傾計,會再嚟幫襯!

喺新寶戲院睇完睇，就去咗呢間食串燒😋😋同一條街行到最尾就係，好方便。粗店嘅裝修好有特色，冇麻布袋吊紙巾，勁得意。而且環境又乾淨又舒服，同朋友食住吹水好地方。一坐低就有職員畢咗兩隻味嘅調味粉俾我哋，一隻係有花椒八角味，少少辣，另一隻係有啲花生味。今次串燒就嗌咗羊肉、雞腎、牛肋眼肉、牛肩肉、虎蝦、多春魚同埋韭菜。廚房會預先燒好，之後拎出嚟放喺我哋個鐵板度保溫。我哋食落去就覺得串燒有一種好特別嘅味道，一問之下原來燒串燒嘅油落咗洋蔥，用呢啲洋蔥油燒出嚟嘅串燒唔怪之得特別香口。另外我哋仲嗌咗茄子生蠔同埋扇貝，仲有牛油金菇。特別講一講茄子，面鋪咗蒜蓉之外，最特別佢落咗菜舖，鍾意食菜舖嘅人真係唔可以錯過。同埋扇貝生蠔嘅醬汁都好香，熱辣辣上菜嘅時候啲醬汁同埋油都仲係滾緊，而且價錢唔貴。性價比👍🏻環境👍🏻味道👍🏻職員👍🏻👍🏻

冬天季節最啱食暖笠笠既野於是相約朋友去左食呢間粗店燒烤🍖吹下水飲下酒 小酌一番～店內嘅環境十分舒適燒烤嘅味道亦都唔重通風做得唔錯 值得一讚裝修亦別有一番風格好適合同朋友一邊食一邊傾偈好驚喜見到Menu有炸饅頭！好開心🤤唔係間間都食到我哋首先叫咗一啲可以即食嘅嘢先烤王煮大扇貝、鐵鍋煮卜卜蜆、椒鹽魷魚鬚同埋粗烤小飯團🍙扇貝嘅味道好甜同埋大大粒好抵食！另外卜卜蜆佢用鐵鍋所以好暖笠笠，蜆肉亦都好新鮮～椒鹽魷魚酥份量都幾多三個人食都得，好啱邊飲酒邊食而小飯團都好得意，但係最好同朋友一齊share🤣叫咗一支啤酒Peach Hoeggarden～有少少桃味，有冇太甜好易入口跟住我哋叫左一啲串燒全部都係肉類🍖日本諸城雞腎、五花肉、烤新鮮牛五花趾（牛腱）、烤新鮮牛肋眼肉 、燒美國牛肩肉同烤甜薯。比較推薦佢哋嘅雞腎同埋豬肉五花肉，全部都點左佢俾我哋嘅調味粉，佢有兩種調味粉俾我哋自己揀，一種係麻麻辣辣咁好有四川風味，而另一種就有啲花生粉嘅感覺偏甜，佢隔離仲會有個爐俾你熱住啲串燒，所以慢慢食都唔驚凍咗！好推薦佢哋嘅烤甜薯～下次同朋友嚟一定會叫啲蔬菜試吓賣相都好似好吸引咁！Total埋單都唔係太貴同朋友shar

見咁多好評，梗係試一試佢，點知中晒伏重點係唔熱你肉類嘅一串串燒燒出黎可以唔熱，只係微暖點解唔熱就要自己腦補，一陣平台又話誹謗唔出得街仲有睇食評人地啲串燒大大舊又juicy 我地條條都好似營養不良咁最左個啲就係羊，對比下可樂支綠色飲筒，就知有幾營養不良，重點個堆羊肉係10串係啲頭頭尾尾邊角料串成嘅10串木簽就擺明一 pack pack 急凍貨1條茄子1份金茄6隻蠔3支汽水15串羊5串牛6串豬2串薯仔2串雞皮4串雞軟骨1份粟米2串雞腎經open rice 訂位有8折8折左係733蚊8折左都接近370蚊一個人所以真係唔好怪點解咁多人番大陸食飯

原隻魷魚王$34 一大條魷魚成串上，魷魚用咗孜然粉同埋黑胡椒調味。燒完之後最尾上面搽咗一陣蜜糖。土豆片$14鍾意啲薯仔片係爽身同埋挺身串燒薯仔嘅話林同埋粉嘅話就會唔好味。翠玉瓜$18翠玉瓜孜然粉微辣同埋本身瓜嘅鮮甜有好大對比做串燒一流。烤王者大扇貝$38扇貝用咗蒜蓉嚟調味上邊仲有少少蟹肉粒。都有¼個掌心咁大隻。鮮甜菠蘿$22串燒點可以唔食菠蘿。餐廳一早切開咗一嚿嚿，然後再轉成串燒食起上嚟好方便。黑白糍粑$45新鮮炸出嚟嘅糍粑熱辣辣，而且外皮酥脆上面用咗煉奶同埋朱古力醬。

餐廳裝修好有特色，用咗木同埋深啡色做主調。牆上都有木牌寫住菜式名做裝飾。蒜蓉烤茄子$38餐廳特製蒜蓉醬汁，有好多蒜蓉，而且菜圃爽口嘅口感配埋茄子軟嫩嘅質地，層次好豐富。鐵鍋煮卜卜蜆$68 見住個鐵鍋入邊新鮮嘅蜆慢慢煮熟同埋煮開。蜆肉非常鮮甜，加埋粉絲朔晒啲湯汁一啖食落去非常鮮美。椒鹽魷魚鬚$38 椒鹽嘅鹹香同埋微辣配合彈牙嘅魷魚質感突顯咗海鮮嘅風味。新鮮炸出嚟嘅魷魚鬚外皮酥脆配埋啤酒食得好過癮。日本諸城雞腎$18雞腎比較有韌性，但係食落去內部依然嫩滑。辣椒粉同埋孜然粉嘅調味可以突顯到雞腎嘅內臟風味。開邊雞翼$22雞翼外層金黃酥脆，而肉質依然嫩滑多汁。切開咗嘅雞翼咁容易入味，每一啖都食得舔舔脷。

粗店燒烤📍位於旺角豉油街60-104號XX Arcade地下AB號舖，這間餐廳的位置很近旺角地鐵站（E2出口），這間餐廳的設計很有四川特色😋🍖。當我們一坐低左，他們就會係我哋張枱度點着嗰爐，之後佢哋就會把燒好左嘅串燒放係嗰爐上邊，令到啲串燒keep住熱辣辣的。🍖💕💕****************食物****************我哋叫咗好多唔同嘅串燒，包括有：大漠羊肉串(5串）$48、腸仔$12、黑椒牛丸（1串）$15、日本玉子蛋（1串) $18、涼拌海帶絲$28、小豬頸肉（5串）$42、五花肉（2串）$28、烤新鮮牛五花趾（牛腱） （5串）$48、燒漢堡扒厚多士 $42、多春魚(2條）$19。🩷🩷我最喜歡食他們的日本玉子蛋串，玉子蛋食落去好厚蛋肉，玉子蛋上邊鋪滿沙律醬，令我們食得津津有味。另外、他們的多春魚串也好好味，食落去不會太鹹，啖啖肉的，而且又沒有骨。此外，我很喜歡吃他們的黑椒牛丸串，他們的牛丸食落去很彈牙，而且，他們的牛丸的黑椒味很濃郁，食到我哋讚不絕口。此外，他們的大漠羊肉串也整得很不錯，羊肉的味道一點也不蘇，也不會太靭，食落去嘅時候會有浸油滲出來，令到羊肉串食落去更滋

係旺角人流咁多既地方 有間食串燒既地方 外觀乾淨企理又寬躺既店鋪三五知已可以吹水傾計 串燒仲可以有明火keep住熱唔怕變左凍冰冰「蒜蓉菜圃燒茄子🍆」多蒜蓉不得之了，仲好多菜圃圍住啖啖都係 好滋味「鮮冬菇 翠玉瓜 燒日本玉子蛋 蟹籽玉子燒 羊肉串 雞皮」不同串串黎到就可以放係爐上面熱住唔怕食唔切凍左最鐘意食蟹籽玉子燒 咬落去有芝士拉絲 冬菇又燒到岩岩好 一淡走曬d汁出黎 「烤原隻魷魚🦑」一d都唔乾，食落外脆內軟 超入味成條好大份 唔洗加醬汁夠曬味「鐵鍋煮卜卜蜆」個鍋黎到慢慢煮 入面好多蜆 等到蜆開曬口就食得 又有豆卜同粉絲 好豐富既料「雙重芝士拌一丁」呢個真係要必食 芝士撈一丁 正！不過就細份左少少 可能太好食想食多啲

呢晚又黎試新串燒店我睇中佢個靚靚裝修，連抽個紙巾都特別有taste咁佢會放個一路有火熱住既板俾你咁就算你慢慢食，都唔怕d串燒攤凍曬烤原隻魷魚真係無睇錯，成隻魷魚都只係三十幾蚊仲要好鮮嫩，唔會咬到牙骹都軟埋我最愛食既豆角，無論食咩餐廳，見到豆我就想叫…滿滿調味粉，勁香口既質感，成串我是自己獨吞的雞軟骨串，送啤酒真係一流每一粒食落都脆卜卜口感，雞油香味濃郁燒雞中翼牛肉串，五花肉記得要灑上點點孜然粉，雖然佢已經好夠味但加上d調味又再昇華左呢兜鍚紙娃娃菜真係不得了微辣，清甜呢兩種味可以共存，每一條菜都索曬湯汁食串燒無野飲又唔得，雖然好想啤啤佢但諗起聽日要返工雞皮！！！無得輸，一定要叫蔬菜類真係叫多d都無妨菠籮勁甜卜卜蜆見唔到個量多到浮面入面仲有d粉絲咁，成煲野好鮮味而且店員都好爽手有禮貌，坐又坐得舒服環境有feel，已列可encore系列！