粥福 (已結業)

在銅鑼灣的一個晚上找粥店巧合地經過這間粥店吃了一碗艇仔粥粥料很足, 有魷魚, 鴨肉, 生菜, 花生味道好而沒有添加味精吃後也不覺口渴唯一不足是吃到最後 粥已變稀了......(另加一服務費)

繼續銅鑼灣返工食lunch,天氣凍，想吃更熱的食物，第一時間想起粥。這間粥店裝潢高尚，有別於傳統粥店。但食物還是一般粥店的款式。由於是新式食肆，店員都受過訓練，工作比較機械式。入座既有一杯茶，再點了一個艇仔粥，花生，蔥花跟粥上，如果不需要，記得落單時告知店員！粥底很綿，粥料十足，絕無欺場。由於艇仔粥內有魚，所以粥本身也有一點薑絲，不吃薑的也要留意！魚不算大片，但仍有少少碎骨，但，是可接受的程度。因此做功算是不錯。而且份量算是大碗。粥來到時不算很熱，可即時入口，但如果想吃很熱很保暖的粥，這可能不是很好的選擇。有老顧客光顧時，老闆都能叫的出名字，很有舊式餐廳溫情感覺。

疲倦的星期六下午，不想等位食午餐，所以就在回家車站附近找間食店外賣，今天想食粥，所以就選粥福叫了及第粥跟星洲炒米和媽媽分享。及第粥味偏淡，但粥底绵密及足料，差不多每種內臟都有兩件，豬肝及豬肚尤其好味，很爽脆沒有煮過老，肉丸亦很厚實，食得出是手剁做的，可惜只得一粒。星洲炒米亦做得相當出色，炒得乾身，咖哩香度夠，辣味亦夠濃，放料也很大方，有大蝦、肉絲、炒蛋、芽菜及洋葱。粥福除了食物有質素外，店長/老板亦非常友善及細心。當我入店內說外賣時，他會說請坐慢慢看餐單，他還溫馨提示我下次可以先打電話來落單，再來取，這樣可以免等太久。等候時，店長還送上一杯熱茶，這樣對客人窩心的服務已很少體驗到了。無心插柳到此店買午餐可說是我今天的幸運，有美味食物外亦有遇到好人的福氣。難道這就是"粥福"的意思？

有時lunch出街食又真係唔知食咩好，今日同好姊妹去食lunch，佢話不如去食粥！咁我就心諗銅鑼灣邊度有粥食！原來係係蘭芳道，勁近我公司，但每次行過都唔覺呢間野！而家先知有間咁既野！個名仲要咁鬼正！叫粥福，祝福！好有意思的店！入到去都幾大，坐都好多人，姊妹話平時好多人要等位！不過今日比較靜，我好好彩！仲有d畫掛左係度，幾靚d裝修！睇左個menu，我本身以為得粥食！望下望下原來好多野食！但我地黎食lunch，所以叫左一人一碗粥！下火皮蛋鹹廋肉粥＄43唔好講笑，我好耐無食過咁足料又綿既粥！個價錢唔算好貴！但質素同靠得住有得揮！仲要好大碗！食完好飽肚！朋友叫左生滾手打肉丸粥＄47手打肉丸固然之好彈牙，不過好似少左d 可以比多一兩粒上湯翠綠浸油菜菜心＄46其實菜黎講佢叫做貴！但lunch 我一定要食菜，無計啦！但埋單係＄150，每人只係＄75！銅鑼灣食個lunch 講，算係咁啦！

星期五夜晚銅鑼灣要搵嘢食真係唔容易，如果要搵有水準加埋平嘅餐廳，真係難上加難。行過呢間鋪頭當初唔起眼，覺得平平無奇。因為其他地方實在太多人，於是就抱住試吓嘅心態入去。入咗去之後叫咗一碗滑蛋牛粥，星洲炒米，炸兩同黑松露炒飯。起初冇為意價錢牌，啲嘢好快嚟到。於是試吓先啦，發現啲嘢食真係不平凡，唔單止好味之餘又足料，我覺得呢間餐廳簡直係隱藏於銅鑼灣鬧市內的「珍珠」。因為實在太好味，所以連相都唔記得影全部食晒。啲食物好有水準同舊式粥粉面飯鋪嘅水準有過之而無不及，簡直係有米之蓮星級餐廳嘅風範。食完買單先至發覺原來係真係好平，續約價錢都係40元左右，其他嘢都係50-60左右 （除咗黑松露炒飯之外）。買單落樓喺銅鑼灣呢個價錢真係完全搵唔到，加上食物嘅味道，我只可以講呢間食肆真係係銅鑼灣裏鬧市嘅一個「珍珠」。希望大家有機會嘅話一定要黎試吓！

宜家香港搵到d甘親切ge服務態度真係唔多 熱情又細心 而且食物價錢合理 東西也十分美味 第一次食到脆ge豬潤粥也很綿綢 南乳豬手都好好味 會想下次再介紹朋友過來！今日端午節 食左個好味ge粽 過一個開心ge節～

首先吃了碗雲吞麵，不錯，雲吞皮薄，不大，乃老廣州＂骨子＂較小型那種，蝦爽。麵質亦如我期望的和正斗，劉森記同級數。最重要乃湯是天然味，對味精敏感的我，把湯全喝光。此時近下午近五時，正想此碗雲吞麵正合古時廣州的 afternoon snack. 點知有位穿著入時的女士入來，向白髪經理說給他 feedbacks. 她說她外賣的牛筋腩好林好正，是用料好的結果，但説味道稍為濃了一點。正想埋單的我，聽罷，想一想，What the Hack! 整多碗牛筋麵試吓，牛筋真的好林。味道我不介意濃，也不覺得下了味精。除了吃，環境也重要，此店裝修有品味，牆上掛了黑白卡通畫，主要是畫框乃金色，畫框厚度專業，乃品味的 framing job. 畫，傢私，牆，地板及燈光令人舒服。在大陸工作廿五年的我，深明 If you can manage the toilet, you can manage the business.最後是檢查廁所，廁所如期望的清潔，最令我讚賞的乃由餐廳到廁所一段小路，地面很多空間，沿路到厠所均乾爽及乾淨，絕對沒有如很多食肆，放滿用水浸的食材。

近年, 香港食肆的服務質數下降已是眾所階知的事實。 沒有料到在這裡竟然找到這份親切的服務態度。餐單上除了粥粉麵外，每晚還供應一些小炒。時間尚早，我祇點了生滾牛肉粥。粥是傳統廣東老火式，做得柔糯滑腴。牛肉是上等材料, 非常新鮮爽口，而且時間掌握得剛好，肉色透裡帶紅。價錢是四十三元，非常超值。這裡除了食品味道好，還吃到一份人情味。區經理年事需高，但事事親力親為。百忙中還和客人閒談。見到年老客人到來，還親自上前扶持。在這裡有賓至如歸感覺，單是這份人情味已經值得光顧。

經過銅鑼灣見到開左間新店!馬上入去試一試!見到menu 都有好多選擇呀! 我就揀左雙併生滾粥..因為見到佢既生滾粥好似好靚! 以蠔豉配搭豬潤! 勁正呀! 其實都唔算蠔豉 , 都幾大隻!足料又好味呀!另外一味我感興趣既係細蓉即係鮮蝦云吞麵!好耐味聽過哩個名喇! 佢既云吞都好味呀! 麵又夠彈牙!最後係叫左爽口薑蔥鯇魚皮!哩味餸真係絕少食呀!魚皮係超級爽口! 堅好味呀! 所以我成日都覺得舊式野係好味d既! 

經朋友介紹，嘗試了這家在鬧市中新開張的優雅粥店。食物選擇方面，除了—般粥店應有的食物外，還有小炒，選擇非常豐富。食物質素方面，非常有驚喜！生滚魚腩粥很鲜甜，粥底很綿滑，醋浸魚皮也很爽脆。最喜歡他的水餃和散尾雲呑，餡靚皮滑，加上那個用大地魚，蝦殼及蝦籽等等餚出來的湯底，再埋幾條菲黃，簡直冇得輸。最後試埋南乳豬手及醎魚雞粒炒飯，南乳醬汁非常濃郁好味，火喉十足，而炒飯就非常乾身，醎魚粒份量很足夠，非常惹味！

平時間中有行過呢度，其實見呢間嘢裝修左好耐，最近終於開將啦我要試新嘢……我要試新嘢所以我決定約埋一班舊同事一齊去開餐啦入到去第一眼，感覺有啲似西餐廳，牆上啲掛畫真係令人有錯覺架你地睇下🔍🔍我以為係老夫子，查實應該係秦先生啲親戚都係唔講呢啲無聊嘢住人齊就開餐啦～大伙人食嘢，點可以唔飲酒架？點知呢度未有酒牌，算漏左添好彩呀靚仔經理話，我地可以自己去買酒入來飲呢個爽魚皮好好食呀唔腥夠爽，肯定係新鮮嘢其實個辣椒豉油先係靈魂所在，個魚皮點完個豉油，鮮味立即提升晒呢個白灼魷魚就……麻麻地啦，都係魚皮好食啲呢個炸兩似乎真係即叫即做架，個粉皮暖暖地，中間個油炸鬼係外脆內軟架如果大班人食，記住叫兩碟，唔夠分呀🙈🙈之後又叫左個淨雲吞，未影相就比佢地搶晒啦我都分到一粒，正宗廣東雲吞，細細粒，湯底有大地魚味，不過偏淡，餡料蝦多肉少，咬落好實欠彈性，如果師傅肯落多少少豬肉，包雲吞時少啲啲肉緊，應該可以好食啲乾炒牛河和豉油王炒麵，本人感覺冇乜特別，朋友們話偏甜左，所以唔介紹啦呢度叫粥福，又點可以唔食粥呢？整左碗皮蛋牛肉粥粥底綿又滑，啖啖米香，真心覺得冇改錯名，食完啖粥，滿口幸福個個都飲飽食醉啦多謝你地陪我試新嘢呀