糖品 (已結業)

天氣極度炎熱，真係要食番啲冰冰涼涼嘅甜品解暑，今次揀左去東大街依間糖品，選擇較多，中西甜品都有，而我地揀左宇治金時綠茶冰露同芒果冰露，我個人鍾意綠茶多啲，有紅豆，爆珠，真食完透心涼。

味道確係好 但係要等成四十五分鐘 價錢 70至90蚊 感覺上慢工出細貨藝術 品一樣買外賣慢慢等堂食都係慢慢等有啲客等到發脾氣走咗....食咗榴槤 雪糕珍珠芒果一大堆唔知乜嘢 撈埋一碟都幾好食同埋要等九個字嘅 火焰雪山

在5月1 6日一個晚上，和女朋友在餐廳食完晚飯，心思思想食甜品，我們在東大街經過這間甜品店。發現餐牌上竟然有梳乎里pancake 食，二話不說點了這款甜品，過了10一15分鐘，终於上枱了，即場賣相都好靚，好有動感，好香，等一等時間係值得的，原來表面上淋了吉士汁，香噴噴，內裹好鬆軟!'，甜度適中，估不到此店有這樣高質數的甜點，雖然是80大元。係物有所值的。下過功夫的，下次可以試下其他甜品，下次一定會再來的。

係港島, 淨返唔係好多地方可以一條街食好多小食, 筲箕灣東大街係其中一個仲有唔同選擇既地方, 糖品係一間係度好多選擇嘅港式甜品小店。地方坐得唔算太窄, 大約可以坐5-6台, 啲甜品價錢算做中間偏高叫咗梳乎厘同杏汁蛋白燉雪梨個梳乎厘同雪糕都叫做ok, 喺個梳乎厘食嘅時候有小小嘅粒粒喺裏面, 唔知係咪整嘅時候打得唔曬。個杏汁蛋白燉雪梨, 賣相就不算好, 不過味道正常, 啲雪梨都算可以。不過以這個賣相來說, 這個價錢算做偏貴。整體黎講都OK, 正正常常。

住喺筲箕灣幾年成日經過呢間糖水舖，但因為無食宵夜習慣所以一直都無嚟過幫襯。同fd喺附近食完韓燒就嚟食糖水，坐低傾多陣計。餐牌上選擇多到好得人驚，應該有過百款，好多都好吸引！本身三個女仔打算share兩個甜品，但因為好多都想試，最後都嗌咗三樣落單後等咗十五分鐘先有得食，我哋為咗坐低傾計所以等耐少少都無所謂。椰皇芒果風情賣相好靚好吸引！表頭係芒果雪糕，裡面係椰汁底，有寒天啫喱、脆珠、三色芋圓、小丸子同新鮮芒果。椰皇燉奶可以加配料，加錢加咗四粒芝麻湯丸。燉奶香滑香濃牛奶味湯丸大粒煙靭，黑芝麻餡夠香黑白配係芝麻糊拼蛋白杏仁茶，芝麻糊香濃，杏仁茶杏仁味好香而且滑溜，甜度適中總括嚟講幾款糖水都好好好味，只係椰皇芒果風情定價比較進取，但其實份量幾大，所以都可以接受。下次仲想嚟試下其他甜品！

第一次食呢間甜品舖佢選擇種類好多傳統中式糖水到西式創意精緻甜品到剩飲果汁嘅都有提供叫左個D24榴槤法式杏仁酥 HKD 75由於我叫外買嘅關係所以分開咗兩個盒裝打開杏仁酥個盒瞬間香氣撲鼻，熱辣辣☺️好似啱啱焗起咁個杏仁酥做得好鬆脆另外，榴連部份一啲都唔馬虎佢有一大舊榴槤肉+榴槤沙冰磚榴槤肉好香甜♥️幾件事夾埋一齊食好有層次設計呢個甜品既師傅好有心思💯美中不足嘅地方就係我相信堂食嘅話個擺盤一定好靚打咭able😂

入黎食個特別少少嘅甜品😋就試下個火焰雪山~店員將甜品上枱然後問需唔需要影相跟住就倒啲酒落去點火喇🔥其實個甜品就冇咩特別🤣都係發起左嘅蛋白黎，同埋成個甜品都係一陣酒味我就麻麻地，不過當埋有個表演睇咁啦哈哈

天時暑熱一定要食啲透心涼甜品，叫左宇治金時綠茶冰露，綠茶味好出， 唔算太甜，口感一流， 唔㡳火傳統有冰粒嗰種， 入口即溶，「炸」一聲即刻降晒溫😌除左個冰好味之外， 佢啲topping 都令成個冰生色左，甜品中心太軟係賣飛佛😆即使熱都叫呢個熱甜品😂心太軟都軟心嘅。。。不過如果再流心啲就更好，好彩都配返個我至愛嘅Movenpick 朱古力雪糕，無咁失望🙈

上星期某天去東大街食飯，食完飯去這間甜品店，買了一個蛋白杏仁露，一個芝麻糊，等了15分鐘！回家打開來食，個蛋白杏仁糊是酸的，壞了，個芝麻糊也是杰撻撻，唔夠膽再食，總共浪費了$73 😩🥵忘記影相走掉了

一間小店，外賣自取，店裡面有空位，外面下大雨，但仍要我在外面等。叫了芒果腸粉和椰皇鮮奶桃膠。芒果腸粉，味道一般，芒果有點酸。椰皇鮮奶桃膠，賣相一般，但吃了一口，極苦⋯叫家人試試，一樣覺得極苦⋯⋯試試吃底部的，同樣極苦⋯⋯原因不明，不知道是不是壞掉了，浪費金錢，不會再光顧。

夜麻麻想食翻兜糖水去咗呢間之前見到好多人排隊既糖水舖好難得見到冇乜人即刻要去買返翻碗試下！🥰-嗌咗碗楊枝甘露豆腐花舖頭冇乜人但係等嘅時間都比較耐攞到手見到都幾大碗芒果全部大大粒 一啲都唔孤寒碌柚亦都唔係好似某啲糖水舖咁剩係得幾條非常之足料 亦都好有份量！可惜芒果偏酸 未夠熟🥭不過同時成碗野都唔係好甜-豆腐花唔算滑但勝在豆味香濃配埋楊枝甘露嘅芒果汁增加左豆腐花嘅甜味雖然芒果有少少酸但係因為豆腐花完全唔甜所以配埋一齊食都唔錯反而有少少中和左～

正苦問題大家都知淨係可以食到十點，大家都知啦。夜晚9點啱啱入到去坐低叫埋野食唔洗5分鐘嘅事，之後一直等啦等啦，等到搭半都未見有起色就問下啦，佢當然緊係話整緊，再過多十分鐘，終於有野食啦，不過唔係我，係其他人，都等啦，終於坐左9個字左右，頂唔順走啦，同個店員講聲，啲野食唔要啦唔該，佢居然話，哦好呀，服務態度極差！個店員一直企係廚房入面傾計，好似唔想做咁。建議大家如果想揾個免費地方，嘆吓冷氣打下機，呢度一流

尋日，8/12本人共4人到間甜品舖頭食野，叫左一個什果 西米露，椰皇燉蛋白， 榴槤冰， 梳乎厘。前兩個都大約等左15分鐘先到，食完 西米露後去洗手間時經過廚房，見到有個男人一隻手 潷雪糕，跟住用另一隻手，冇手套情況下，幫個雪糕修整為圓形，放上冰沙面。我見到後已好好聲叫佢換另一個比我，佢竟然惡過我，話個個廚師都係用手整野食。嘩！大佬，呢d係雪糕，有乜可能用手呀？我叫佢最低限度都帶手套，跟住佢死撐話有用紙巾，真係當人弱智咩？用紙巾點可以唔痴住舊雪糕呀？張紙巾唔會溶咩？跟住話我地對佢冇信心，取消張單去喎，我就係對你有信心先入黎食，係個所謂廚師令到我冇信心 繼續食，最後埋單，比左食左兩個嘅甜品錢，另兩個取消。呢間咁嘅舖頭，唔會有下次。

同個囡係形薈牛角食完晚餐，行過東大街食甜品，第一次試呢間甜品屋，店員親切有禮貌。阿囡叫了一個朱古力心太軟配咖啡味雪糕$52，我叫了一個榴槤脆餅$50。約5分鐘，榴槤脆餅先到，份量很細，大約只有麥維他消化餅大多少少，餅皮很脆，而榴槤味普通，不太濃郁。而碟上滴上芒果汁及糖粉作點綴，仲有芒果味爆爆珠，擺盤幾靚。但我食完再繼續等了約半小時，囡兒的朱古力心太軟配咖啡味雪糕才上桌，呢個甜品質素不錯，份量正常，朱古力醬亦流心，但真的等得太耐了，希望可以改善。

首先食完飯9:15pm大家朋友想坐多陣，搵間糖水舖食到十點症右走去到見到呢間有客戴哂口罩，枱面就食哂野就入去攞飛等左十五分鐘，台客都冇起身而門口又開始多人，可能佢地服務態度好好唔趕客啦之後到我地坐低，發現間舖啲櫈勁！污！糟！咁都坐低左就忍下啦，叫左4個甜品一碗楊枝甘露整同芒果涼粉左30分鐘一碗抹茶雪糕整左40分鐘一碗龍眼冰整左45分鐘！！結果啲野食到齊已經係十點三有多佢味道唔係差，但如果你想有野落肚，唔介意齋坐一粒鐘望住啲朋友食嘅，你就即管考驗下耐性啦（全場嘅人枱面都冇野食，大家一齊乾等）