糖品 (已結業)

尋日，8/12本人共4人到間甜品舖頭食野，叫左一個什果 西米露，椰皇燉蛋白， 榴槤冰， 梳乎厘。前兩個都大約等左15分鐘先到，食完 西米露後去洗手間時經過廚房，見到有個男人一隻手 潷雪糕，跟住用另一隻手，冇手套情況下，幫個雪糕修整為圓形，放上冰沙面。我見到後已好好聲叫佢換另一個比我，佢竟然惡過我，話個個廚師都係用手整野食。嘩！大佬，呢d係雪糕，有乜可能用手呀？我叫佢最低限度都帶手套，跟住佢死撐話有用紙巾，真係當人弱智咩？用紙巾點可以唔痴住舊雪糕呀？張紙巾唔會溶咩？跟住話我地對佢冇信心，取消張單去喎，我就係對你有信心先入黎食，係個所謂廚師令到我冇信心 繼續食，最後埋單，比左食左兩個嘅甜品錢，另兩個取消。呢間咁嘅舖頭，唔會有下次。