糖圓園 (已結業)

上次同女朋友嘗試去黎間試D雪花冰,但間鋪頭係商場入面一個不起眼的位置,都幾難找到,之後我地就叫左D雪花冰黎試,可以揀汁同2個配料,我就試左朱古力雪花冰+朱古力醬. 其實我覺得佢唔係太夠味,如果甜多少少會好d.同埋份量少左少少,好快就食完.最唔好既係價錢真係貴左少少- -...黎個價錢食雪花冰的話,真的不會有下次.

今日同羅生去連城睇完沖繩package，諗住去starbucks/McCafe/pacific coffee商量下，點知間間都冇位，羅生提議嚟哩度(其實我想試好耐喇)，好彩一去到仲有2個位，唔洗等！！環境裝修簡單乾淨，牆上用糖拼砌嘅畫有心思，不過啲位逼咗啲，加上我坐近門口，有人出入開門閂門都有股熱風吹入嚟，都幾煩！！同埋雖然滿座，但人唔算好多，我哋商量完先有嘢食，慢咗呢！！話說回來，講番雪花冰啦！我同羅生懶得諗，叫咗個〝我愛牛牛〞，即係牛奶雪花冰+可可米+oreo+士多啤梨+草莓醬，又白又紅又黑咁，賣相唔錯，第一啖入口，雪花冰質感軟綿綿，慢慢溶，有啲似雪糕，令我諗起以前粒粒雪糕嘅口感，可惜牛奶味唔夠濃，之後加埋其他配料一齊食，都可以補救到唔夠牛奶味嘅問題，我覺得配oreo最好味，而同士多啤梨就味道唔多夾，草莓醬味道較甜，等同稀嘅士多啤梨jam，如果用鮮果醬我諗會好味好多！1碟雪花冰嘅份量都唔少，好多人都1人1碟，而我哋2個人當下午茶就啱啱好！！其實仲有好多唔同雪花冰+配料，例如：朱古力雪花冰、黑糖醬...，仲有其他糖水豆腐花...，下次我哋兩公婆拍拖再嚟試下其他嘢先！

今日專登去大埔Les…食綿綿冰，點知佢唔開門於是我又要轉場，去咗呢間試試。今日飽飽哋只係叫咗一個冰冰食。＊Pina Colada 冰底 +乳酸Q爆 +椰果配朱古力醬（$28）。 其實係椰子 + 菠蘿冰底，冰底夠味，感覺新鮮。 再講乳酸Q爆、椰果嘅份量都唔少。都算抵食。 佢仲有是日精選，其實係當日先有嘅款式，有新意。Summary: 款式都未算多，對於我呢D食冰精嚟講。選擇太小。但配料都Ok多。服務都好好。

雖然未登記做會員, 不過好想為這家糖圓園寫篇食評(第一次呀~)同事在晚飯後提議來這家新開的糖圓園食甜品, 各人都點了一款綠茶綿綿冰配上黑白珍珠&椰果 - 味道偏重奶味, 搶了綠茶味, 配料黑白珍珠都不錯 咖啡綿綿冰配上黑白珍珠&紅豆 - 咖啡味很濃, 很好味, 比綠茶好, 配上紅豆也很夾, 同樣黑白珍珠都不錯腐竹薏米糖水加湯丸 - 味道很淡, 懷疑無落糖, 不過都算足料, 有好多薏米, 又加了3粒芝麻湯丸; 但唔加湯丸, 份量算少清心綠豆爽配湯丸 - 清心丸唔煙韌, 偏'淋', 仲帶有粉味, 差~ 用上去衣綠豆, 加黃糖煲薑水(唔識形容, 蕃薯糖水既糖水) 我不太喜歡最出色的只有綿綿冰, 在傳統糖水上可以多多努力, 仍然有好大的進步空間

拿了心愛的雨傘去修理。途經沙田中心，看到有不少新的舖頭如Burger King開始進駐，這所新的甜品店亦是其中的一員。吃完飯後口淡淡的，心想在這兒吃個甜品也是一個不俗的提議呢....台式綿綿冰看來是主打菜式。小弟一直認為要吃有水準的綿綿冰，必定要遠赴寶島才行，所以就看看其他的款式 ---- 芝蔴及杏仁糊在如斯炎熱的天氣下，是真的無福消受了；對西米露亦沒太大興趣。看來看去，就只有楊枝甘露可合心水....份量可真不小，是掏得滿滿一大碗的。西柚肉及西米尤其多，芒菓粒反而較少，但味是極香而且甜得漏糖，如果它的量如西柚般的多就發達了。甜度適中，奶味頗濃，稠杰度亦是剛剛好的，而且還有不少碎冰在內，的確是令人透心涼....沙田這一帶的甜品店委實不多，看來這裡應可"撑得住"呢.....

終於試左個雪花冰芒果冰..=] 椰果 百香果q爆 + 芒果+ 士多啤梨個q 爆 幾得意.. 會"爆"d 熱情果汁出黎..個冰 好得意 軟綿綿咁..有d似雪糕咁2個人share都唔錯既~同埋我覺得都幾令既~

之前行過沙田中心都見過,不過個時太忙所以無時間試,今日同女朋友食完飯,心思思就走左過去食唔知係咪星期六,好鬼多人囉,不過都唔係等左好耐,老細(應該係)仲係咁講唔好意思,服務值得一讚一入去就見倒一副用糖做既畫,老細話係佢自己一粒一粒貼上去,好有心思,環境都好舒服坐低當然試我最想試既雪花冰啦!叫左個牛奶冰加可可米,好靚同埋食落去真係有種雪既感覺,加埋可可米就便加正!我仲加左個叫乳酸Q爆既野,好鬼得意,食落個口度會爆D益力多出黎...HAHA女友就叫左個芒果雪花冰西米露,d芒果好新鮮,同埋雪花冰加西米露好夾!仲好大碗!值得推介!

第一次黎呢間野因為一向唔好凍野食既我..無試個雪花冰但係 一入到去就見到好多南瓜放係旁邊 好得意有d 似人地d時裝店的裝飾..haha所以就因為咁試左個蓮子南瓜露 -v-覺得好香 同埋都幾足料wow..有ok 多南瓜"容".. d 南瓜都幾甜! 同埋d 蓮子又夠"林" 無苦味..我覺得都幾好食~~我個fd 就食左個花生糊湯丸~都ok 香家..唔錯既!

今次試左個雪花珠珠涼粉=]d黑白珍珠 幾"煙un" 雪花有d波蘿味 都ok 既~味道唔會話太甜~~ 反而有d 波蘿酸酸地幾清~個賣相都唔錯la 　幾令＝]但係我仲未試雪花冰添..唯有又要等下一次... ha

今日好熱~下午同男朋友食完野再黎食下冰~試下好唔好食~我揀左 朱古力冰底+OREO+3色QQ條 +榛子醬($28)如果+生果...每款要5蚊=.="...我唔+男朋友叫左個芒果黑糯米 ($2X?)環境同服務都無咩值得提WA~碟冰真係好細碟~我情願+多幾蚊去旺角食~大大碟~冰甜度適中~QQ條偏甜都幾好咬~芒果黑糯米....OK~無咩特別~

新開張, 一入去就有好FRESH 的感覺, 紅白的裝潢, 好簡潔, 仲好有夏日的氣息呀, 好MATCH 食甜品的FEEL~WOW...沙田都有雪花冰呀~點左:牛奶冰底+椰果+海底椰+士多啤梨醬個牛奶冰好好味呀...D冰又有D"煙UN"... 好似用SPOON食雪條...~+左士多啤梨醬...甜左D...不過就好似食緊雪糕新地咁...椰果+海底椰就份量唔係咁多...冇咩特別...

呢幾日天氣好熱, 知道沙田新開咗間糖水店, 食完飯就慢慢行去食冰我們要咗自選冰底: ($28)冰底 - 芒果味配料: 黑白珍珠, 乳酸qqsource: 百香果汁d冰食落都ok, 不過可能要錯咗個冰底, 成個冰都好似好sweet咁, d配料都ok, 不過d 乳酸qq好得意, 一咬就會爆出黎, 但都係太sweet, 下次都係要番綠茶好d, 吾會太sweet...呢間野都可以既, 因為吾洗等太耐...

WA..呢到夜晚爆哂人...要拎飛等位-O-""仲諗住間野咁多人...入面D人又忙到踢哂腳...等位既安排實亂哂GA LA~點知岩岩相反WOR@_@我同D FDs都係等左一陣..就入得去喇.....我前幾日已經黎過呢到ga喇....上次就食左個芝麻糊...記得個芝麻糊真係勁好味>3< 勁有芝麻既香味...又滑又夠大碗!!勁抵食...haha....而今次呢...就想試下呢到既雪花冰.....開頭一睇到張選冰底同埋d配料既紙就頭痛喇~哈...好多選擇...樣樣味道都想試下..好彩張menu到有4set已經配好哂既雪花冰ja~個名仲夠哂Q tim...咩有個 叫做"我愛牛牛"..有個叫做"戀之抹茶"...應該冇記錯d名掛XD我叫左個"戀之抹茶"~ 係蜂蜜綠茶冰底..有紅豆+黑白珍珠+蜜瓜~~wa...個冰底既味道都ok清新ga wor...又唔會話食到綠茶既苦澀味wor...d配料同d雪花冰仲幾match!~! 食完一碟之後...已經好飽喇...因為個雪花冰都幾大碟....同碗芝麻糊一樣咁抵食呀我諗我會繼續黎試下其他野食!!

咁岩行過~ 見係新開ge糖水鋪 就即管入去試下la本身唸住試下個芝麻糊既~ 點知聽個店員話最近新加左湯丸系列 ...嘩!!! 湯丸喎! 獨愛湯丸既我-V-..就更係要試下啦..d芝麻糊真係幾香滑!!! 加埋芝麻湯丸, 真係yummy yummy

=] 琴日難得放假..就去search下美食..見到沙田中心呢間新開的糖水鋪~就試下啦一入到去 好香芝麻味.. 一問d店員之下 先知原來佢地日日都會自己炒,同埋磨芝麻糊..咁我就更係要試下啦! 真係好香好滑!! good ar! =]其他地方果d沖粉果d.. 真係同呢度無得比~我個fd 就點左個 蓮子南瓜露..都幾真材實料既~~ 好味 =]果度有雪花冰,, 見到隔離台食緊.. 真係幾令家bor最衰個芝麻糊太大碗..搞到好飽唯有下一次先再試個雪花冰啦! 期待!!! =]