糖水佬甜品

營業中

休息中

晚餐到深水埗吃過一碗豬潤麵後，還是感到有點空虛，不竟是晚餐嗎⋯還是想豐富一點！離開餐廳後，唯有再換個地點，來個飯後甜品再回家深水埗的糖水店還真不少，之前有聽過朋友介紹過，深水埗的糖水佬用料十足，而且價格便宜，所以特意前來試試。來到後發現人流還真不少呢，閒日晚上也幾乎全場爆滿甜品款式還真不少呢，主要分為21款，有經典冷熱甜品、燉品、啫喱、啫喱冰、布甸、大菜糕、果汁、果奶、果冰、雪糕、小食、點珍惜、黑珍珠、黑糯米、西米露及大明珠等⋯不過最能吸引我的絕對是清潤滋補的海底椰蓮子燉燕窩雪蛤膏！餐牌上還寫上了7項該甜品的益處，不過價格就相對貴一點，所以最後決定多叫一客雷沙湯丸，然後跟朋友共享兩款甜品雷沙湯丸 $19［分數：8/10］餐牌上有雷沙湯丸亦有糖不甩，考慮了一會最後決定選擇前者。送到時發現，原來雷沙湯丸同樣灑上了花生芝麻碎，分別在於湯丸內有沒有芝麻餡而已，湯丸入口綿軟，內裏芝麻餡帶半流心狀，再加上香口的花生碎粒，只售$19，非常超值海底椰蓮子燉燕窩雪蛤膏 $138［分數：9/10］海底椰蓮子燉燕窩雪蛤膏用料同樣豐富，內裡有數片帶爽脆口感的海底椰切片、紅棗、蓮子、燕窩外，當然還有大量的雪蛤膏

看到門外張貼的餐牌，甜品種類繁多，食物照片也好像挺吸引的，所以就決定入內一試。雜果涼粉 $27一上檯便驚覺又中了『圖片只供參考』的計，一堆切得過份細碎的涼粉，上面雜亂地放上已開始出現銹漬的生果，賣相本已極不討好，再加上酸得過份的菠蘿，令我對糖水佬產生一個負面的第一印象。芝麻糊豆腐花 $19驚嚇2號出場，芝麻糊口感極似用水開粉的超市貨色，食落沒有芝麻香氣，下層的豆腐花更不用說……看照片都知道面頭很多水，水都沒有撇清，令到成碗甜品水汪汪，看著也覺倒胃。中過這一次伏，相信我也永不回頭了...

呢間糖水鋪係黃金商場附近, 食左10幾年, 見證左佢2次大裝修, 佢地既糖水也跟住潮流走, 由傳統的芝麻糊, 腐竹糖水, 到現在的生果雪糕, 沙冰, 可是…… 我始終如一, 最愛還是這裡的喳咋。椰汁星洲喳咋 ($18)大熱天時無乜胃口, 喳咋材料以豆類為主, 好味高纖維又飽肚, 可以當飯食。糖水佬椰汁星洲喳咋足料夠火喉, 材料非常豐富, 內有 腰豆、麥米、芋頭、花生、紅豆等等, 大部分豆類煲得香軟鬆綿, 起晒沙, 麥米及花生就比較有咬口, 好鐘意麥米的煙韌口感, 最好係甜度適中, 唔會像其他糖水老店般甜到傻。佢地其他糖水及甜品都 ok 的, 最緊要係平.靚.正麻.

小菜聚之後的甜品時間，既然港式道地小炒完，甜品也要道地一點。一場來到深水埗，當然選糖水，就算是十幾廿蚊，也來得比較有感覺。不過對這區不太熟悉，還是周圍走走逛逛，看看有什麼新發現吧？　　在糖水佬及對面另一家似是糖水舖之間考慮良久。其實也不一定要捨棄吧？要不先試糖水佬，下次就去對面那家嚐嚐就好。店面不是懷舊傳統的古老感覺，而是光鮮明亮，不像印象中的深水埗店子，也許裝修不久。　　我選的是椰汁星州喳咋　$18，其實想過要不要選腰果糊，難得一遇嘛。不過吃過小菜後，還是有點怕果仁製品會油膩難當，先告別了。甜度適中的喳咋有種豆沙粉感，椰汁的香順椰味滲入，卻不會太濃重搶鋒頭。一舀，不得了，想像以外的足料，只是十幾廿蚊的糖水，內藏大量各式豆子及芋頭塊。若非食量本身大，吃過豐盛晚餐後，何以吃完這一碗滿滿的糖水？　　一行五人，各有喜好，不過在此不得不提友人選的椰汁加大明珠　$19。剛才不是說我點的喳咋足料飽肚，一般人是不會在飯後時間吃得下的嗎？友人的這份更是修羅等級，單看浮面的大明珠就已經覺得足料。然而，原來這些不是浮面的，而是被底下的大明珠疊高托起了。滿密的大明珠可說是晶瑩剔透，有輕微煙韌彈性，有如放大版

係深水埗行街行到攰攰地，經過呢間就試下芒果豆腐花，芒果又甜又新鮮，豆腐花好滑，糖水唔太甜，平衡到芒果既甜腐竹薏米湯圓，腐竹煮到好淋，薏米亦好多，有四粒芝麻湯圓，不過略嫌糖水太甜最後一樣，榴連糯米滋，每粒都好大粒，個皮雖然有啲厚身但好軟熟，一咬落去，係好新鮮既榴連，啖啖肉，超香超好味

食完晚飯，直落食甜品。揀左呢間，糖水佬甜品，主打果然係中式糖水。今次點了個雪糕豆腐花，選了士多啤你。整體顏色相當討好，粉紅加雲白，絕對適合女食家！講返豆腐花，無叫錯啦豆腐花相當滑滑，亦夠冰凍，加上雪糕亦見有新意。豆味香濃，而且相當大碗，$28黎講有份量!只係略覺甜味稍有點不足，可以的話，加點黃糖會更好

是日,本人在黃金電腦購物後,打算找個位置稍為休息,也想吃些甜品,補充糖份,隨便找間糖水舖,不幸,誤入black店.我今次點選的是芝麻糊溝豆腐花. 芝麻糊一口都係渣,而豆腐花就水份太多.味道認真麻麻.糖水太甜不在話下,想搵啖水沖淡陣糖精味,又因為我自備水喝光,於是向樓面要一杯水,卻遭到拒絕,我唯有解釋要飲水的原因,樓面答,熱水就有,要唔要?我話好.之後,我見樓面無拎杯水比我,所以再次詢問,有另一位職員回答我很不滿,於是比錢走人,投訴櫃面好激動回答我話,一杯水都無?唔係咁過份麻!你做飲食架.之後比左錢就出門.櫃面依然不服氣高呼,我行番入去就話,櫃位職員叫我過主,我亦都祝佢執笠.我係顧客,有幫趁,唔係白拿一杯水都可以叫我過主,呢種做生意方法真係差到爆.

自己不嬲鐘意食大菜糕，但如果食糖水大菜糕無咩選擇，得呢間有，所以想食糖水都會黎呢間，雜果大菜糕今次個大菜糕好食過之前，因為之前食開會比較淋，但今次硬身左好多，個人比較鐘意食硬身d，但係大菜糕我覺得要有淡奶先好食，但係佢比左好小淡奶，叫佢加左一次，都係得好小。水果都幾新鮮，芒果好甜，但係應該無咩人鐘意食大菜糕。我個人推介既係呢到既雪糕，食開咁多間糖水，佢既雪糕係最好食，好大份，大家可以試一試。

椰汁黑糯米：黑糯米份量適中，煲得夠透，但略過甜，若加多些椰汁可降低甜度，個人認為，紫米本身味道不吸引，但當配合椰汁，味道出奇的好味，但該甜品的椰汁不足但甜度有餘，所以味道未合我心意。椰汁喳咋：今次喳咋的材料與之前不同，味道是比之差了，不過仍是足料夠火喉，甜度則剛好。今次這碗甜品有紅腰豆、六角豆、麥米，與之前比較，缺少了芋頭，卻多了花生和很大粒的扁而有橫紋的豆(比蠶豆還要大)，雖然加了花生及有不少麥米，仍不失豆味，不過加了花生，在口感及味道上有點兒不夾，所以味道會比之前遜色，不過已比其它甜品店好很多很多。還是值得讚賞的是，這碗含有多款大小很不一的豆，而每種豆腍的時間不一，要粒粒豆腍起沙要花上不少心機，這碗甜品能做到此點，真是難得，而且這甜品真的有很多食用纖維啊。

本來屬於深水埗數一數二的甜品店，一向也有光顧。但自從裝修後，雖然用餐環境有所改善，但出品品質大幅下降，令人無法接受，連最簡單的芒果布旬和西米露也做不好，布甸很明顯是行貨，味道過甜和只有香精味，西米半生熟，口感奇差。相信以後也不會再光顧。

一個人係深水埗幫人補完習, 特感寂寞難耐, 唯有去食甜品安撫小的心靈. 就係深水埗尼個繁雜嘅電腦城, 俾我搵到一間算係比較傳統嘅甜品店, 憶起童年時與父母親無憂嘅回憶.竟然仲有得賣仿間漸少嘅大菜糕係陰暗潮濕嘅天氣之下, 我都係選擇咗可以透心涼嘅甜品--雪糕芒果黑糯米 $33一上嚟就見到量好大嘅雪糕有cookies n cream 同雲尼拿, 多到成個碗咁大!!!!!!雪糕味道當然唔可以媲美haagen-dazs, movenpick 等高級貨, 但勝在量同埋與黑糯米嘅完美配搭黑糯米撈埋d雪糕有小小似紫米露, 整體嚟講都超好味, 啱d鍾意甜食嘅大人細路唯一嘅美中不足就係芒果量少，味道一d都唔突出 最後喊咗糖不甩$17, 與仿間比較真係略貴. 湯丸口感軟滑有韌性，可惜味道真係較為普通, 可以忽略

經過一天在公司大作戰, 個人卡路里消耗特別快, 捱不到8PM的晚飯, 在很想吃甜的情況下, 去了糖水佬.雪糕芒果楊枝甘露 - 第一眼看到就把我們嚇呆，嘩！很大碗哩～雪糕選了芒果味，兩大厚片雪糕，應該是維記貨，好濃郁但不太人工的芒果味，正啊～ 雪糕底下就是楊枝甘露，芒果肉大粒且多，西米粒粒清晰分明，惟柚子肉太少。喜歡這裏的凍甜品不會令人吃得凍僵。薑汁燉鮮奶（熱），在帶點寒意的日子裏捧著這碗熱甜品就最合心。滑溜溜的質地超順喉，奶香味夠，但薑汁則太輕手，只是嚐到很微的薑辣味。

早兩日行經深水涉，見呢間糖水舖門外好多人排外賣，就入去試下。見好多人都係食喳咋。咁我都叫左個熱喳咋入面好多豆，樣樣都有，唔好得某幾樣，好正都叫做大大碗，食得好飽(下午茶)雖然地方唔大，但$15有咁既份量好抵食！一定會再到！

貓爪子美食1) 椰汁星洲喳咋2) 腰果露價錢HK$18/人貓爪子希望記下喜歡的香港食物是日食完對面街的劉森記後, 順手行過條馬路食埋糖水, HK$15 一碗既糖水係香港已經好難搵啦, 就試一試佢地既功夫椰汁星洲喳咋,  好大碗, 糖水既味道唔可以叫最好味, 有椰汁既香味搭夠, 不過食喳咋最緊要食"咋", 勝在材料夠多, 真係好多! 起碼過半碗都係豆子, 食完超飽 比起喳咋, 我覺得腰果露麻麻, 唔似自己生磨, 似開粉既多D, 腰果味唔夠香, 比較稀. 如果係深水埗食唔飽既, 不妨試試呢到既喳咋!

這裡賣的多是傳統甜品，有各式各樣的糊，仲有糖不甩、雷沙湯丸等⋯（左）薑汁味不重，味道剛好，但個鮮奶好結，一啲都唔滑。（右）芝麻糊似係超市買開水的那種，好水，不似生磨嘅感覺，得個甜字，豆腐花都ok。