糖水雄

營業中

休息中

食完咖喱，散步行去element方向，舒展一下。途經渡船街那邊舊樓，看到好多燒烤店，還有糖水店，朋友仔行了一會都出了好多汗，所以想食碗糖水補充一番。好吧！就試一下這間糖水雄。鋪頭內燈火光明，冷氣十足。原來除左糖水還有其他小食，完全適合夜行人士。這張餐牌好可愛😍😍辣菜甫同唔辣菜甫，朋友仔唔知它們用來食碗仔翅，好新奇。巨人涼粉，我都想試，下次帶多d 朋友來試試等下等下，朋友的楊枝金露來了！好大碗，好多芒果，仲要好大塊，26蚊，真係好抵食完真心透心涼。而多心的我就叫了一碗團圓，平時台式飲品店動輒都三十蚊， 這個只是廿八還有湯丸，真心平!一來到就好香彊味，眼看好似彊水好多料好少，但是其實就覺得是剛剛好，因為你一定要連湯水一齊食，不然就沒有那麼好味道了！芋圓，蕃薯圓，紫薯圓，最喜歡的還是芋圓。皮薄餡靚的芝麻湯圓，有三粒，剛剛好!這是宵夜的好地方!!滿分為10分(1分最低，10分最高)食物：9環境：8衛生：7服務：8價錢：9舒適度：8總分：8

天氣又焗又熱，就算慢慢步行也全身濕透，不得不找家糖水店吃個透心涼的甜品。糖水雄 看似是傳統中式甜品的糖水店，但其實他所提供的甜品和其他食品都超乎你的想像！來到都接近晚上十時，店內還有好多人，還有人在門口等外賣，非常旺場。原來這店開了近三十年，是老店呢！ 看來老闆是個相當風趣的人，話自己痴線 他們的沙冰口味眾多，也非常創新， 有用綠茶，朱古力等食材跟傳統糖水混合打成沙冰，好新奇有趣，不過我們沒有選，哈哈。兩個人當然要來一個巨人涼粉吧，相信如果我倆沒有吃晚餐的話，我們一人也能解決一碗天氣那麼熱當然要點杯水果沙冰， 芒果戀痴情就成為我們的囊中物了。除了甜品，他們還有小食和一些特別的食品，例如狗仔粉和糯米飯等供應，無論是午餐、下午茶、晚餐或宵夜都能選到想要的食物呢。巨人涼粉來了，有兩款味道的爆爆珠，也有份量不少又新鮮的西瓜 、芒果粒、哈密瓜和菠蘿。拍個橫切面，好讓你們看到涼粉的份量又是非常多，的而且確是巨人涼粉呢。他們的水果都十分清甜，西瓜是我喜歡的爽口感覺，哈密瓜和菠蘿有十分清爽。芒果咬下軟軟的，酸酸甜甜的，配上口感極爽的涼粉吃下去簡直就是爽快解渴。然後就是用旋風杯送上的芒果五重奏沙冰，賣相

行完element 諗住過佐敦食下野，行行下見到呢間糖水舖好似幾抵食咁就入去試試。坐低見佢有好多新野例如咋喳沙冰同朱古力波波沙冰 我同朋友就決定叫個芒果奶昔，西瓜沙冰飲下。冇諗到個奶昔咁creamy 同夠甜，搞到我想叫多杯咁濟 西瓜沙冰都好正，咁熱飲落去真仰一流！另外仲叫左個燒墨魚仔，薯絲蝦卷同煎餃。墨魚仔真心推介，好彈牙而且勁香口！一定要試下(^^) 薯絲蝦卷第一次食，隻蝦都幾大隻，外面薯絲脆卜卜，好有口感餃子就一般啦。

對於一些很久沒食過的食物，突然間會很想食番夠本，滿足一下久違的食物的欲望。雖然一些食物四處都可以找到，可是當時卻又未必立即走去品嚐一下，久而久之就沒了件事，到想起了卻又想走去食過。以前小時候吃過的街頭小食，有一段時間真的沒有去食，反而到了最近這幾年，開始慢慢的多了街頭小食的次數。不過有時候都想想食街頭小食，要是立食抑或坐食，是一個思考的問題。最近亦因為萌生了對某些食物的興趣，又想一次過滿足多項街頭小食的饞嘴，於是尋找一下可以滿足多個願望的食店，最後就揀選了糖水雄，可以讓在下一次過滿足對久違的街頭小食的興趣。打開餐牌，其實當中不少是糖水甜品，但是亦記載了不少街頭小食的種類，如腸粉、粉果、碗仔翅和糯米飯等等，正好是滿足了想食的東西。碗仔翅可謂是由細食到大，縱使以往不是經常的吃，但是總會食番以往的味道。一碗的碗仔翅，包含了雲耳、肉絲、冬菇等食材，加上稠結而不稀疏的湯底，往往就是食回過往的味道和情懷。一口的碗仔翅，就是會有著黏黐的感到，細味一下久違的味道。提起了狗仔粉，實實在在的久違多時的小食，小時候食過的和現在食過的，雖然或者有點出入，但是在食番狗仔粉，自然想起了那種味道。這一碗狗仔粉，確是

人越大，越覺得中式糖水好食，可惜中式糖水舖見少買少，在旺區更少。這晚在佐敦吃完飯，朋友帶我來到這間有30年歷史的小店--糖水雄繼續下場，位置近柯士甸站附近，但其實佐敦地鐵站走來也不算遠。小店除了有糖水供應，還有粉麵飯粥和小食，款式多多，總有一款合心水。潮流興芋圓，即使老店也要與時並進。點了這碗芋圓西米露（$23)再另加$12有齊芋圓地瓜圓和紫薯圓三款，西米露份量十足，甜度剛好，不過芋圓地瓜圓和紫薯圓就略嫌太硬，有進步空間。朋友不太好甜品，見到有狗仔粉（$23）就點了一份。菜莆有辣有唔辣，一樣可以仼加，我愛加大量原味菜莆，令狗仔粉增加甜味之餘又多了爽脆的口感，十分惹味。粉條也水準不俗，很滑身，質感彈牙。湯底有冬菇、蝦米等，味道鮮甜濃稠。雖然只是普通的一碗狗仔粉，但充滿濃濃的人情味，相比某連鎖店，我更喜歡小店的岀品。食物說不上非常岀色，但食物絕對有誠意。有時我們講求的，可能就只是用餐當刻的一個感受。當晚除了見到老闆和伙記與熟客那份熟稔的互動外，也深深感受到他們那份親切和友善。 雖然小店在佐敦區名氣不算大，但人情味卻是其他名老店欠奉的。

芋圓西米露西米露糖水質感濃，入口椰香味夠，西米露口感少少彈牙，成個糖水好足料。芋圓芋頭味重，而且仲有芋泥粒係糖水入邊，成個糖水好香滑。咖喱三寶咖喱汁完全滲透蘿蔔，蘿蔔本身既甜味配埋咖哩味好正。豬皮同魚蛋都一樣彈牙，食得好有滿足感。薯絲蝦卷用新鮮蝦炸，外脆內彈牙新鮮好有層次感臘味糯米飯份量十足，飯整得夠香，唔會太濕，依個天氣食啱啱好。除左有臘肉，仲有蛋絲，蝦米，花生，好夠味。檯面有辣同唔辣既菜浦仔，加埋落去味道豐富。雄哥炒麵即叫即炒俾，熱辣辣，淨係陣鍋氣已經夠曬，越食越香，而且唔會乾身，好好食

到佐敦一遊，去間出名糖水店tea一tea點知食飽左，飯都唔洗食 😛小食實在吸引，魚蛋、xo醬炒麵、串燒、鐵板黑椒雞中翼。難得講句 全部都好味！！！魚蛋煮得好入味，辣辣地 係無淋過醬汁係上面架最愛哩種魚蛋 最後encore一串 😆鐵板黑椒雞中翼 勁惹味！黑椒味剛好，唔會太辣！想起良景小販檔雞軟骨、雞肉、魷魚、墨魚串燒魷魚墨魚較出色，完全唔韌xo醬炒麵 唔會好油，加左xo醬係好味d既都大大碟 食飽左😆食完小食終於到糖水環節好掛住台灣芋圓 所以兩碗糖水都加左芋圓芋圓紫米露 糖水偏淡，適合不嗜甜人士我覺得幾好，過下口癮又健康d但芋圓偏韌 味道同台灣食既始終不同！楊枝甘露好重的柚子味，食唔到芒果味對我來說有點苦！😐見到其他食客都點傳統糖水較多有機會再試下其它糖水小食出色 必點！👍🏻

喺佐敦食完晚飯，自然想食碗糖水，嚟咗呢間朋友之前介紹過嘅老店，估唔到呢間小店麻雀雖小， 但係五臟俱全， 除左糖水，仲有粉麵飯粥同小食，食物種類非常多元化，而且每一樣食物嘅價錢都好親民，明顯係做街坊生意。見到餐牌有越式蔗蝦($20)，覺得好得意就立即點左一客黎食啦！ 每隻蔗蝦都炸到金黃色，外型吸引，咬落蝦肉亦好彈牙， 雖然唔多食到甘蔗既清甜味，但始終呢度唔係正宗越南餐廳，所以平平地又可以過下口癮都唔錯啦！當然唔少得食糖水啦！我點咗嘅至愛－－楊枝甘露（$26），街坊價，但係西米同芒果份量都好足料，性價比好高！ 芒果雖然唔係當造，但係仍然好香甜，椰漿味唔算係好突岀嗰種，不過整體唔會過甜，甜度剛剛好，不過碌柚就食落有啲苦，少少扣分。值得一讚嘅係老闆同伙記都非常友善同有禮貌，所以呢間小店絕對值得支持！！

甚喜愛吃中式糖水，今天吃飯時剛與朋友談得興起之際，她介紹了餐廳附近一間中式糖水小店， 當然要試一試先!!本身在芝麻湯丸同芋圓紫米露之間掙扎，幸好友人點了芋圓紫米露，我便剛好選擇芝麻湯圓丫^_^芝麻湯圓除了湯丸要皮餡靚，更重要的當然時薑汁底。這店的薑汁既不會過甜亦不會過辣，實屬不俗。芋圓紫米露則比較甜了一點，不是芋圓咬口十足，煙煙韌韌十彈牙除了糖水外，店內亦有很多中式小吃，如蘿蔔糕、雞翼尖、腸粉等等。

貓貓今日pre情人節冇人請食飯，自己落街食糖水。貓貓連午餐都冇食，真係好肚餓。呢間舖雖然偏僻，但之前已經聽過佢名，係佐敦已經有好耐歷史，貓貓雖然係港貓，但對傳統糖水舖從來冇忘記過。白果腐竹薏米糖水，仲要熱既，夠曬經典。越經典越食到整糖水既功夫。糖水好滑，腐竹已經溶曬同糖水一齊，個口感好香滑，有真厚厚既質感，唔係麵粉，係腐竹既口感。白果煙un，成個糖水煲得夠火候，經典之作。冇諗過咁意外！冇食過蔗蝦，原來真係甘蔗同蝦餅一齊炸。食蝦餅既同時，吸一吸甘蔗既汁，令蝦餅好甜，個口感好得意，有創意喲。鐵板黑椒雞翼4隻16蚊，抵到貓貓好開熏。雞翼表層整到乾身香脆，仲有黑椒既辣味。食完再叫個煎餃子，真係太肚餓，好快就食曬。貓貓胃口好大，咁啱呢度野食平，係咁叫！冇停過，自己都笑左。見到個一拳雞槌好得意，38蚊，我諗間舖一定有睇一拳超人，夠毒我鍾意！點知有兩隻雞槌，仲要係大雞腿，o左嘴，雖然我好肚餓，但會唔會太抵食，大大個雞腿，心心眼ing。雞腿業得好夠味，味道好食過kfc。可以同辣椒醬一齊食，好多水多汁。即叫即炸，成個雞腿熱辣辣，過癮喲！貓貓今日食雞腿仲要有兩隻冇人同我爭，好興奮。食左個糖水就知舖頭功夫深

6點幾就已經食完夜晚個餐 就行左陣佐敦 但愈行又愈餓 就諗住食糖水醫下肚 上openrice見到糖水雄係呢區響曬朵 咁就出發去食我地同行3條友去食 所以叫多少少都唔怕😂😳鋪頭唔算大 但有種好熟悉既感覺 好似細個阿媽帶我地去食d中式糖水鋪咁😍出面有個五光十色既招牌 入面環境乾淨 整齊 叫左個糯米飯 3人share 平時有d糯米飯會好難咬爛 對胃會好唔舒服 但呢到既糯米飯好有口感 又唔會難咬同難消化😝😝再叫多個粥暖下個胃先 菜乾豬骨粥 正好大陣豬骨味 而菜乾既味道又唔會太濃 令碗粥唔會太濃味 搞到口乾乾😋 叫左兩串雞軟骨串 上面d粉陣味幾夾 甜甜鹹鹹咁燒賣！我既至愛😇呢到既魚肉燒賣好軟熟 再加上d秘制豉油 好快就比我地清曬XO醬羅白糕 有XO醬同原味揀 因為我地中意口味重d 所將揀左XO醬 少少咸辣既味道好引口水 我地用左黎送粥同飯 好match阿呢杯係芒果涼粉沙冰 有芒果味係好普通既事 但加上左涼粉成陣味唔同曬 一黎有得咬有口感 一開始以為有椰果 原來係涼粉 二黎西瓜涼粉就食得多 芒果涼粉就未試過 陣味甜得黎好清新 好岩我阿真係飽了 叫多兩個糖水算 第一個係楊枝金露 第二個係腐竹糖水

跟朋友唱完K HAPPY完，去佐敦渡海街一帶找糖水食下~知道有間老字號聞名於西九一地，特意過來吃下坐下！途中遠處已見到一幅易拉架介紹少少菜單等等MENU都好厚一本，各式其色都有！新舊派甜品都有製作~而且仲有粥品及小食~MENU有埋中英對照，連遊客生意都做埋！亦且譯名正確，好貼心！$23 糖水雄狗仔粉 Dried Shrimps & Mushrooms Noodles in Soup 呢碗狗仔粉係呢度必吃的招牌菜！湯底好濃郁好鮮味，入面蝦乾跟埋狗仔粉食更加香！而狗仔粉煮得軟稔，好Q彈！ 香菇絲一碗滿滿的，有咬口！$25 蜆肉碗仔翅Imitation Shark in Soup食碗仔翅比食糖水更美味~呢碗翅好足料！不像街外的水多像料，有木耳，冬菇絲，豆皮，不用加醋都好夠味！5會太稀，好綿~蜆肉味帶出鮮香，不會太咸！$25 白果腐竹沙冰 Dried Bean-curd & Ginko Nuts Smoothie呢個糖水沙冰相信係老闆嘅後代提議創作出來！滿足哂又想飲野又想食糖水的貪心鬼(即係我><)杯飲品，味道好足，甜甜的每啖都有白果豆香，仲有碎粒冰沙，底部帶有白果蓉，好新奇好

糖水多數食新式，年輕人愛嘛，創新有趣且特別，所以老式一般我都不太有興趣。不過這次發現這間價錢相宜而且很足料的糖水小食店，而且店的感覺意外地溫暖這間做開很多熟客生意，聽到老闆與客人之間的對話，都是由小到大的老顧客，有孫子帶公公婆婆來吃，有父母帶兒女吃宵夜，也有偶爾像我們的生客非常有趣可愛的設計，還看到非常便宜的下午茶，各種配搭都只是$28，下次好想再來吃我們大冷天看到這個「一個人的浪漫」，雖然不是一支公，但我們見天氣有點冷，正所謂「秋風起 食臘味」，還是點了個粒粒臘味糯米飯糯米飯有很多蔥、花生、蛋片，整體炒得非常之香，而且飯粒軟糯好有咬口，裡面臘味切得很細很碎，但還是很足料，味道很夠，讓人感受到滿滿的溫暖，想不到一間糖水小食可以炒出比酒樓更好吃的臘味飯😱這裡的咖哩三寶令我初嚐了豬皮，咖哩味雖然不太重，也不算太辣，但魚蛋彈牙，蘿蔔清甜完全無渣，已比很多小食店做得很好，$22就有平均每樣6件，非常抵食👍🏻店員推薦的墨魚與魷魚串燒，兩者都惹味多汁，燒得微脆卻沒有燒焦，墨魚更彈牙有咬口，而且一串的份量頗多一拳雞鎚，讓我想起一拳超人的崎玉老師，嘻嘻！😆雞鎚人人愛，而且38元2隻也不算貴來到大大隻雞

間野睇落普普通通，但食物好足料好味。叫左個臘味糯米飯。糯米飯熱，冬天食好溫暖，糯米飯口感彈牙，而且d配料落得好足，雞蛋，花生，菜譜，好好味。唔夠菜譜檯面仲有，任加。最鍾意呢d大方既餐廳。之後叫左XO醬炒蘿蔔糕。見到師傅即炒蘿蔔糕，正。xo醬既辣味唔係麻辣果隻，係越食越開胃既辣味，加埋好足既蝦米，成碟蘿蔔糕好香，又唔會太重口味。雖然餐廳唔係裝修唔新潮，但野食唔會輸蝕比新潮但冇內涵既餐廳。叫左個芋圓紫米露。呢個係重點，紫米露煲得好夠味，口感滑。食一啖芋圓，好重芋頭味，好真實既味道。之前食過有d加左香精，但呢個好有天然手作feel，正既。紫米露加埋椰奶果陣香同滑既口感，飲完好溫暖。同老闆吹下水，原來已經係佐敦有三十年歷史，老店真係無敵。食開糖水一食就知間野既功夫同底細。叫埋個一拳雞槌黎食。以為係麥記既細雞槌，原來係兩隻大雞腿。笑左，好大塊。雞腿既香料好足，隻雞炸到外脆內軟，仲有好多水份係雞肉。拿捏得唔錯。加少少辣粉，好惹味。仲有手套仔，幾貼心。呢兩拳雞腿真係食到我好滿足好飽。估唔到間鋪頭簡單，野食係超出預期既味道，唔錯，繼續加油。支持小店！

話說今日同幾位朋友放工出左去圓方附近睇戲食飯, 見睇完戲之後都有D餓, 其實係晚餐食唔飽, 哈哈, 之後就搵搵邊到有糖水鋪食野, 就上OP搵, 附近餐廳, 就比我地搵到糖水雄!!係圓方過條天橋就見到糖水雄啦!附近因為係大型停車場, 都好方便食客泊車, 不過距離地鐵站, 巴士站就差少少啦, 不過唔緊要,最緊要好食!!我地果個時間可能未到宵夜, 所以人流未見出現, 但都有好多外賣客親先上門幫襯實在肚餓, 我地幾個都忌唔住叫左好多野食, 估唔到糖水鋪都有甘多花樣, 有串燒,飯食等等, 勁!粒粒臘味燸米飯 $28甘岩秋風起就更係要食臘味燸米飯 應下節日, 真係好抵, 再講多次, 真係好抵, $28蚊食個到甘足料既飯, 咸香脆口花生, 蛋條亦非常有蛋味, 燸米飯更係少到剛剛好, 軟硬適中, 真係超級好食!!!!!混醬腸粉 $8腸粉黎既時候係咩醬都冇, 因為係要自己親自動手落, 呢下真係好難得, 因為自己想落幾多就幾多醬, 試問仲有幾間糖水鋪可以甘, 大家睇到我張圖, 我落左非常多麻醬, 仲有腸粉數量又多, 腸粉爽口唔"痴"牙, 真係要食多幾條鐵板黑椒雞中翼 $16雞翼鹵水見得多, 真係好少見鐵板